Accesso




Skip Navigation Links > Kreu > Lajmet > Referendumi vendor, një mundësi më shumë për pjesëmarrjen e grave e vajzave në vendimmarrjen direkte.

Kategorite

Filtro:

Referendumi vendor, një mundësi më shumë për pjesëmarrjen e grave e vajzave në vendimmarrjen direkte.

Në zbatim të angazhimit për të mbështetur komunitetin për pjesëmarrje sa më të madhe dhe sa më efektive në vendimmarrjen lokale, në bashkëpunim me Institutin Shqiptar për Zhvillimin e Sistemit të Zgjedhjeve (INSIZ), në mjediset e bashkisë, u zhvillua seminari "Referendumi vendor – një mundësi më shumë për pjesëmarrjen e grave e vajzave në vendimmarrjen direkte". Në seminar u trajtuan dy aspektet kryesore që kushtëzojnë dhe bëjnë të mundur realizimin e një referendumi vendor – legjislacioni dhe qasja e komunitetit ndaj kësaj mundësie.

Me pjesëmarrëset bashkëbisedoi Prof.Dr. Kristaq Kume, Drejtor ekzekutiv i INSIZ.

Në seminar u trajtuan aspekte të ndryshme të legjislacionit aktual, duke theksuar faktin se ky legjislacion, me shumë se sa e mbështet, e vështirëson realizimin e një inisiative referendare vendore. U diskutua dhe u shkëmbyen mendime për rregullimet e nevojshme ligjore dhe për punën që duhet të bëhet për edukimin dhe sensibilizimin e komunitetit, në përgjithësi dhe grave e vajzave në veçanti për të nxitur dhe konkretizuar inicitiva referendare lokale.

Pjesëmarrëset në seminar u shprehen për vlerën që ka referendumi vendor si mundësi për të vendosur ato vetë se si duhet të zgjidhet një problem shqetësues për komunitetin e tyre. Pjesëmarrëset u dakordësuan se është koha që, të gjithë të reflektojmë ndaj kësaj mundësie që ofron shoqëria demokratike, është koha që çdo njëra të mendojë se çfarë mund të bëhet dhe në çfarë rruge duhet të ecet, për të konkretizuar një iniciativë referendare në Bashkinë e Elbasanit.

Seminari është pjesë e aktiviteteve që INSIZ po zhvillon në bashkinë Elbasan, me mbështetjen e Programit Lëviz Albania.

Eventet

<tetor 2017>
HënMarMërEnjPreShtDie
2526272829301
2345678
9101112131415
16171819202122
23242526272829
303112345

Se shpejti


Buletini Informativ