Accesso




Skip Navigation Links > Kreu > Lajmet > Shanset dhe mbështetja që ofron “Shtëpia e Mundësive”.

Kategorite

Filtro:

Shanset dhe mbështetja që ofron “Shtëpia e Mundësive”.

​Për herë të parë në Elbasan është hapur një qendër për strehimin e të rinjve të cilët largohen nga institucionet e kujdesit për fëmijët pa prindër. E quajtur "Shtëpia e Mundësive" dhe e konceptuar si e tillë, ky është një program i cili synon t'u ofrojë të rinjve mundësi për edukim, aftësi për jetën, punësim dhe mirëqenie.

Ofrimi i kësaj mundësie për të rinjtë vjen si bashkëpunim i Bashkisë Elbasan me shoqatën A2B dhe Organizatën "Social Change and Inclusion". "Shtëpia e Mundësive" është ndërtuar si një vatër familjare për t'u zëvendësuar sado pak këtyre të rinjve familjen e munguar.

Kryetari i Bashkisë, i pranishëm në inaugurimin e kësaj shtëpie, u shpreh besimplotë se ky projekt do të ketë sukses dhe vazhdimësi, pasi në qendër të tij është dashuria dhe ngrohtësia për ata të rinj që kurrë nuk e kanë pasur atë.

Ky projekt, tha Sejdini, vjen në kohën e duhur, duke bërë të mundur shtimin e shërbimeve për të rinj në nevojë dhe ofrimin e mbështetjes konkrete për ta.

"Shtëpia e Mundësive" thyen ciklin e braktisjes duke i ndihmuar të rinjtë të fitojnë aftësi për një jetë të pavarur me qëllim që të bëhen anëtarë dinjitoz të shoqërisë.

Kur mbushin 18 vjeç, të rinjtë që jetojnë në institucione, duhet të marrin në dorë jetën e tyre dhe të jenë të pavarur. Por me të drejtë, themeluesi i organizatës FSCI, theksoi se kjo është shumë e vështirë edhe për ata të rinj të cilët kanë një mbështetje të fortë familjare.

Kjo ka qenë shkak që shumë fëmijë të rritur në institucione, sapo dalin nga to, përfundojnë në rrugë, pa asnjë mundësi dhe shpesh herë bien pre e veprimeve të gabuara.

Mbështetja dhe dhënia e mundësive për të rinjtë e rritur jetimë, por edhe për të gjitha kategoritë vulnerabël, për Bashkinë Elbasan, mbetet qëllim kryesor.

 

Eventet

<dhjetor 2017>
HënMarMërEnjPreShtDie
27
28
e martë, nëntor 28, 2017
29
e mërkurë, nëntor 29, 2017
30123
45678910
11121314151617
18192021222324
25
e hënë, dhjetor 25, 2017
2627282930
31
e diel, dhjetor 31, 2017
1234567

Se shpejti


Buletini Informativ