Projekti Green Elb
Projekti “Energjia e Gjelbër dhe e Qëndrueshme në Ndërtesat e Elbasanit”
Përse ky projekt?
Rrugëtimi i Elbasanit drejt neutralitetit klimatik përballet me sfida të ndjeshme, veçanërisht në sektorin e ndërtesave. Inventari i parë i gazeve serrë i qytetit tregon se ndërtesat janë kontribuesit kryesorë të emetimeve, ku konsumi i energjisë elektrike përbën 28.3%, ndërsa energjia jo-elektrike shton edhe 15.9% të emetimeve totale. Ndërtesat e banimit privat janë burimi kryesor, përgjegjëse për 96.8% të këtyre emetimeve.
Në këtë kuadër, Bashkia e Elbasanit, në partneritet me Institutin e Kërkimeve Urbane (URI), po zbaton projektin “Energjia e Gjelbër dhe e Qëndrueshme në Ndërtesat e Elbasanit – GreenElb”, një project i cili synon përmirësimin e efiçiencës energjetike të ndërtesave private në qytet. Projekti mbështetet përmes Programit të Qyteteve Pilot NetZeroCities në kuadër të Misionit të BE-së për Qytetet Neutrale ndaj Klimës
Si pjesë e këtij projekti, do të përzgjidhen 20 ndërtesa pilot në lagjen “Vullnetari” për tu bërë pjesë e një studim të detajuar të efiçiencës energjetike në ndërtesa dhe për të krijuar një model të replikueshëm për rikonstruksionin e ndërtesave në të ardhmen.
Pse duhet të aplikoni?
Nëse ndërtesa juaj përzgjidhet si pjesë e 20 ndërtesave pilot, ju do të përfitoni:
Auditim energjetik profesional falas të ndërtesës suaj
Vlerësim teknik të potencialit për përmirësimin e efiçiencës energjetike
Analizë të detajuar të konsumit aktual energjetik dhe kursimeve potenciale
Plan të personalizuar për përmirësimin e efiçiencës energjetike
Mundësi prioritare për të aplikuar në programe të ardhshme financimi për rikonstruksione
Kush mund të aplikojë?
Mund të aplikojnë:
Pronarët e ndërtesave private në lagjen “Vullnetari”
Administratorët e ndërtesave shumëfamiljare me autorizim nga banorët
Qiramarrësit me autorizim nga pronari
Si të aplikoni?
Aplikimi është i thjeshtë dhe kryhet përmes një formulari vetëdeklarimi, i cili mund të aksesohet në dy mënyra:
1. Online:
Vizitoni faqen zyrtare të Bashkisë Elbasan – elbasani.gov.al
Shkarkoni formularin ose plotësojeni direkt online
Dërgoni formularin e plotësuar në adresën e email-it: greenelbeu@gmail.com
2. Fizikisht:
Merrni formularin në zyrat “One Stop Shop” në Bashkinë e Elbasanit
Plotësoni formularin me të dhënat e kërkuara
Dorëzojeni formularin në sportelin e dedikuar pranë Bashkisë
Afati i aplikimit
Aplikimet pranohen deri më 20 Qershor 2025
Dokumentet e nevojshme për aplikim
Formulari i aplikimit i plotësuar dhe i nënshkruar
Kopje e dokumentit të identifikimit të aplikuesit
Kriteret e përzgjedhjes
Ndërtesat do të përzgjidhen sipas kritereve të mëposhtme, përmes një vetdeklarimi:
Mosha e ndërtesës: Prioritet kanë ndërtesat e ndërtuara para vitit 1990
Madhësia dhe tipologjia: Ndërtesa të ndryshme për të siguruar diversitet në studim
Performanca energjetike aktuale: Prioritet kanë ndërtesat me konsum të lartë energjie
Integriteti strukturor: Ndërtesa që mund të rikonstruktohen pa ndërhyrje të mëdha strukturore
Potenciali për integrim të energjisë së rinovueshme: Ndërtesa me orientim dhe sipërfaqe të përshtatshme për panele diellore
Impakti socio-ekonomik: Prioritet për familjet në nevojë ekonomike
Struktura e pronësisë: Ndërtesa me pronësi të qartë dhe pa konflikte
Përputhshmëria me politikat e Bashkisë: Ndërtesa në zona prioritare sipas planeve të zhvillimit
Procesi i përzgjedhjes
Pas përfundimit të vlerësimeve, kandidatët e përzgjedhur do të njoftohen dhe do të kontaktohen nga stafi i projektit.
Për më shumë informacion
Email: greenelbeu@gmail.com
Telefon: +355 54 400 152
Adresa: Zyrat e Bashkisë Elbasan (Rajoni nr.4), One-stop shop
Orari: E Hënë – E Premte, 08:00 – 16:00
Bëhuni pjesë e transformimit të Elbasanit drejt një qyteti më të gjelbër dhe me efiçiencë energjetike!
Projekti “Energjia e Gjelbër dhe e Qëndrueshme në Ndërtesat e Elbasanit” financohet në kuadër të programit SGA NZC 101121530 – Subgrant – PCP3 – Elbasan, me qëllim mbështetjen e Bashkisë Elbasan për të arritur objektivat e reduktimit të emetimeve të gazrave serë deri në 2030.
Ju faleminderit per bashkepunimin.