Skip to content Skip to left sidebar Skip to right sidebar Skip to footer

Aktualitet

NJOFTIM: THIRRJE PËR PARTNERITET DHE PJESËMARRJE QYTETARE

Në kuadër të Forumit të Qeverisjes së Hapur (OGP) në Bashkinë Elbasan
Ftesë për organizatat e shoqërisë civile, median e lirë, aktivistët dhe qytetarët aktivë
Bashkia Elbasan, në vijim të angazhimit të saj si pjesë e iniciativës ndërkombëtare Open Government Partnership (OGP Local) që prej vitit 2020, si dhe në kuadër të krijimit dhe konsolidimit të Forumit Vendor për Qeverisjen e Hapur, hap thirrjen e dytë publike për zgjerimin e pjesëmarrjes dhe përfshirjen e aktorëve të rinj në këtë mekanizëm bashkëpunimi dhe dialogu qytetar.
Që prej anëtarësimit në OGP Local, Bashkia Elbasan ka ndërmarrë hapa konkretë në drejtim të:
⦁ forcimit të transparencës institucionale;
⦁ promovimit të pjesëmarrjes qytetare;
⦁ zhvillimit të proceseve të konsultimit publik;
⦁ ndërtimit të mekanizmave të monitorimit dhe llogaridhënies;
⦁ përfshirjes së shoqërisë civile në hartimin dhe ndjekjen e politikave vendore;
⦁ promovimit të inovacionit dhe digjitalizimit në nivel vendor.
Në këtë kuadër janë zhvilluar:
⦁ procesi i bashkë-krijimit të angazhimeve lokale OGP;
⦁ ngritja e grupit të punës institucional;
⦁ krijimi i Forumit të Qeverisjes së Hapur; https://elbasani.gov.al/forumi-i-qeverisjes-se-hapur/
⦁ hartimi i rregullores së funksionimit;
⦁ hartimi i Planit të Veprimit dhe Kalendarit Vjetor të aktiviteteve;
⦁ miratimi i dokumenteve bazë të funksionimit të Forumit;
⦁ bashkëpunime me organizata lokale, universitete dhe aktorë komunitarë.
Në vijim të këtij procesi, Bashkia Elbasan fton të bëhen pjesë e Forumit:
⦁ organizata të shoqërisë civile;
⦁ media të lira dhe gazetarë lokalë;
⦁ aktivistë dhe qytetarë aktivë;
⦁ grupe komunitare dhe të rinj;
⦁ përfaqësues të komunitetit akademik;
⦁ ekspertë, profesionistë dhe individë me kontribut në jetën publike dhe komunitare;
⦁ individë dhe aktorë të interesuar për çështjet e transparencës, pjesëmarrjes qytetare, integritetit dhe qeverisjes së hapur.

Pjesëmarrja në Forum synon ndërtimin e një mekanizmi të qëndrueshëm bashkëpunimi ndërmjet Bashkisë dhe komunitetit, në funksion të:
⦁ rritjes së besimit publik;
⦁ përmirësimit të komunikimit institucional;
⦁ ndërtimit të politikave më gjithëpërfshirëse;
⦁ monitorimit të proceseve vendore;
⦁ afrimit të standardeve të qeverisjes vendore me praktikat europiane të qeverisjes së mirë.
📌 Të interesuarit ftohen të dërgojnë:
⦁ emrin e organizatës/personit;
⦁ fushën e aktivitetit;
⦁ kontaktin për komunikim;
⦁ një përshkrim të shkurtër të interesit për t’u bërë pjesë e Forumit.
📧 Email: koordinatori@elbasani.gov.al
Bashkia Elbasan beson se qeverisja e hapur ndërtohet përmes bashkëpunimit, besimit dhe përfshirjes aktive të komunitetit, ndaj mirëpret çdo aktor që dëshiron të kontribuojë në ndërtimin e një qyteti më transparent, më gjithëpërfshirës dhe më pranë qytetarëve.

NJOFTIM: Në 24 Maj, “Oldtimer Fest Elbasan”

Në Elbasan do të zhvillohet “Oldtimer Fest Elbasan”, një aktivitet i veçantë që mbledh së bashku adhuruesit e makinave klasike dhe jo vetëm.
Eventi do të mbahet më 24 Maj, duke nisur nga ora 10:00, me grumbullimin e mjeteve pjesëmarrëse.

Më pas, nga ora 10:00 – 12:00, atmosfera do të shoqërohet me muzikë dhe DJ set.
Në orën 12:00 -12:30 do të zhvillohet parakalimi në qytet, me nisje drejt Parkut të Krastës, ku aktivitetet do të vijojnë gjatë gjithë ditës.

Në Parkun e Krastës do të ketë:
Muzikë live
Barbecue
Ekspozim mjetesh klasike
Aktivitete argëtuese deri në pasdite

Organizatorët e këtij eventi janë Gentian Bici dhe Ervin Skënderi, ndërsa aktiviteti mbështetet nga sponsorë të ndryshëm.
Ky festival synon të sjellë një ditë festive për qytetin, duke bashkuar nostalgjinë e makinave klasike me argëtimin dhe jetën.

Njoftim: Shpallet procedura për kontratën e zhvillimit të Parkut të Aventurës në Funar

Contract title : DEVELOPMENT OF ADVENTURE PARK, THE ZONE FOR OUTDOOR ACTIVITIES AND APPROACHING PARKING SITE NEAR TOURISM INFO POINT IN FUNAR, MUNICIPALITY OF ELBASAN

Publication reference: 01-2026
Municipality of Elbasan intends to award a work contract for “Development of Adventure Park, the zone for outdoor activities and Approaching parking site near Tourism info point” in Funar, Municipality of Elbasan with financial assistance from the Cross-border Cooperation Programme North Macedonia – Albania under the Instrument of Pre-accession Assistance (IPA III) allocations for 2022, Reference: EuropeAid/181076/DD/ACT/Multi, Project “Krushevo and Elbasan – Journey in Nature and Adventure”. The tender dossier will be launched as Simplified Tender Procedure for Works according to PRAG 2025.

Titulli i kontratës: ZHVILLIMI I PARKUT TË AVENTURËS, ZONËS PËR AKTIVITETE NË NATYRË DHE SISTEMIMI I PARKIMIT PRANË PIKËS SË INFORMACIONIT TURISTIK NË FUNAR, BASHKIA ELBASAN

Referenca e publikimit: 01-2026
Bashkia Elbasan synon të lidhë një kontratë punimesh për “Zhvillimin e Parkut të Aventurës, zonës për aktivitete në natyrë dhe sistemimin e parkimit pranë Pikës së Informacionit Turistik” në Funar, Bashkia Elbasan, me mbështetje financiare nga Programi i Bashkëpunimit Ndërkufitar Maqedonia e Veriut – Shqipëri, në kuadër të Instrumentit të Asistencës së Para-Anëtarësimit (IPA III) për alokimet e vitit 2022, Referenca: EuropeAid/181076/DD/ACT/Multi, Projekti “Krushevo and Elbasan – Journey in Nature and Adventure”.
Dosja e tenderit do të publikohet sipas Procedurës së Thjeshtuar të Tenderimit për Punime, në përputhje me PRAG 2025.

NJOFTIM PAKETA E MALEVE

Bashkia Elbasan njofton të gjithë qytetarët e interesuar se tashmë aplikimet për përfitimin nga “Paketa e Maleve” mund të kryhen jo vetëm online, por edhe pranë sporteleve E-SHËRBIME, si dhe në Zyrën e Informacionit pranë Bashkisë Elbasan.

Ky shërbim ofrohet pa pagesë për të gjithë qytetarët, me qëllim lehtësimin e procesit të aplikimit dhe rritjen e aksesit në këtë program mbështetës.

U bëjmë thirrje të gjithë banorëve të zonave prioritare të përfshira në këtë paketë, konkretisht në njësitë administrative Gjinar, Tregan, Funar dhe Shushicë, që të aplikojnë dhe të përfitojnë nga mundësitë që ofron “Paketa e Maleve” për zhvillimin ekonomik dhe social të zonave të tyre.

Bashkia Elbasan ka zgjeruar shërbimet për të mbështetur çdo aplikant të interesuar, duke ofruar asistencë të plotë gjatë gjithë procesit.

Për më shumë informacion, qytetarët mund të drejtohen pranë sporteleve përkatëse ose të kontaktojnë Zyrën e Informacionit në Bashkinë Elbasan.

Aplikoni sot dhe përfitoni nga mundësitë që ofron “Paketa e Maleve”!

NJOFTIM: DREJTORIA E TAKSAVE, TARIFAVE VENDORE DHE TREGJEVE

Drejtoria e Taksave, Tarifave Vendore dhe Tregjeve, Bashkia Elbasan njofton se me hyrjen në fuqi të ligjit nr. 86/2025 “Për fshirjen, shuarjen dhe pagesën e deyrimeve tatimore….të pagueshme në doganë”, tatimpaguesit tashmë kanë një mundësi për të lehtësuar dhe mbyllur detyrimet vendore të prapambetura. 

KONKRETISHT:

         Fshihen plotësisht: Detyrimet e papaguara, të përcaktuara sipas ligjit nr. 9632, datë 30.10.2006 “Për sistemin e taksave vendore”, i ndryshuar, që u përkasin periudhave tatimore deri në datën 31.12.2014.

         Lehtësohen detyrimet për periudhën 2015-2019, si më poshtë:

a)         Shuhet 50% e taksës/tarifës vendore nëse pjesa e mbetur 50% e taksës/tarifës paguhet e gjitha njëherësh brenda datës 30.06.2026.

b)         Shuhet 25% e taksës/tarifës vendore nëse pjesa e mbetur 75% e taksës/tarifës paguhet brenda datës 31.12.2026.

Shënim: Në të dyja rastet, sipas shkronjave “a” e “b” të kësaj pike, gjobat dhe kamatvonesat për periudhat përkatëse fshihen plotësisht.

         Shuhen gjobat dhe kamatvonesat për detyrimet që u përkasin periudhave tatimore nga data 01.01.2020 deri në datë 31.12.2024, me kusht që tatimi/taksa/tarifa për periudhën përkatëse të paguhet brenda datës 31.12.2026.

Kush NUK përfiton nga ky ligj?

Nuk përfitojnë nga fshirja apo lehtësimi i detyrimeve:

         Subjektet/tatimpaguesit që:

–           Janë të dënuar me vendim gjyqësor të formës së prerë për vepra penale në fushën tatimore ose doganore,

–           Janë në proces gjyqësor ose hetimi për këto vepra gjatë zbatimit të ligjit.

•           LIGJI I SHTRIN EFEKTET NGA DATA 01.01.2026 DERI MË 31.12.2026.

•           ZBATIMI FILLON ME PUBLIKIMIN E UDHËZIMIT PËRKATËS.

Për më shumë informacion, ju lutemi drejtohuni pranë sporteleve të Drejtorisë së Taksave, Tarifave Vendore dhe Tregjeve, pranë Bashkisë Elbasan.

NJOFTIM PËR PËRFITIM BURSE

Në mbështetje të VKM-së nr 666 datë 10.10.2019 “Për kuotat financiare të ushqimit në mensa e konvikte dhe përcaktimin e kritereve për përfitimin e bursave e të pagesave për nxënësit e arsimit parauniversitar si dhe format e tjera të përkujdesjes ndaj kategorive të veçanta në institucionet arsimore parauniversitare publike” i ndryshuar,  Bashkia Elbasan fton të gjithë nxënësit, të cilët ndjekin arsimin parauniversitar publik me kohë të plotë, përfshirë këtu edhe arsimin profesional, për vitin shkollor 2025-2026, të aplikojnë për bursë në përputhje me kriteret e vendosura në VKM-në nr.666/2019 të ndryshuar dhe kuotat e akorduara nga MAS dhe MEKI.

Dokumentacioni i nevojshëm për përfitim burse do të dorëzohet nga nxënësi apo kujdestarët ligjorë pranë shkollës në të cilën nxënësi ndjek studimet, ku do të marrin dhe informacionin e detajuar mbi dokumentacionin e nevojshëm për cdo kriter.

Afati i dorëzimit të dokumentacionit është data 10.10.2025

Suksese!

NJOFTIM

Të nderuar qytetarë të Bashkisë Elbasan, në ato raste kur hasni vështirësi në përdorimin e portalit qeveritar e-Albania, ju lutem drejtohuni pranë zyrave të njësive administrative, apo në zyrën e informacionit, pranë bashkisë ku do të gjeni të gjithë asistencën e duhur.
Çdo punonjës në këto zyra do t’ju ofrojë ndihmë për çdo shërbim që ju nevojitet.

Ju nuk keni nevojë të paguani në asnjë zyrë private, kur këto shërbime Bashkia Elbasan i ofron falas. Çdo ditë nga e hëna në të premte, prej orës 08:00-16:00 në këto zyra do të keni asistencën e nevojshme për përdorimin e portalit.

Portali qeveritar e-albania është i ndërlidhur me 60 sisteme ku ju mund të keni akses 24h/7 pa pasur nevojë të trokisni në asnjë zyrë, pa kohë të humbur dhe pa kosto.

Aktualisht në portalin e-Albania ofrohen më shumë se 1200 shërbime publike online, nga të cilat disa dhjetëra dokumente me vulë elektronike.

Apliko për auditim falas!  20 ndërtesa do përzgjidhen, mos e humb shansin!

Projekti Green Elb i zbatuar nga Bashkia Elbasan dhe Urban Research Institute ka hapur thirrjen për të përzgjedhur 20 ndërtesa pilot në lagjen “Vullnetari” për një auditim energjetik falas dhe analizë të detajuar të konsumit aktual energjetik dhe kursimeve potenciale.

Aplikoni deri më 20 Qershor!

Detaje dhe formulari: elbasani.gov.al

Ose drejtohuni te sporteli në Bashki

Njoftim për bllokim të përkohshëm të qarkullimit rrugor për qëllime pastrimi.

Në zbatim të ligjeve për vetëqeverisjen vendore dhe transportin rrugor, Bashkia Elbasan njofton se do të realizojë procesin e larjes dhe pastrimit të disa rrugëve me mjete të specializuara. Pastrimi do të zhvillohet:

1. Data 21.06.2025

  • Rruga “Rinia”
  • Bulevardi “Aqif Pasha”

2. Data 22.06.2025

  • Rruga “28 Nëntori”
  • Rruga “Ismail Zyma” (pranë spitalit)

3. Data 28.06.2025

  • Rruga “Qemal Stafa” (nga kryqëzimi i luleve deri në unazë)
  • Rruga “Thoma Kalefi” (nga Bashkia deri në kryqëzimin e Cerrikut)

Ora: Nga ora 06:00 deri rreth orës 18:00, në varësi të përfundimit të punimeve.

Shkrese Pastrimi i rrugeve Bashkia ElbasanShkarkoje

“Për ty, Shqipëri!”

“Për ty, Shqipëri!”

Nën kujdesin e Bashkisë Elbasan dhe Kryetarit Gledian Llatja, në datë 28 Nëntor në orën 17.00 në Sheshin ” Gensher” organizohet një koncert i madh me rastin e Festës së Flamurit. Kjo mbrëmje e veçantë do të sjellë emocion dhe gëzim për të gjithë, me pjesëmarrjen e këngëtarëve më të njohur të qytetit, që do të krijojnë një atmosferë të paharrueshme.Tematika e këtij aktiviteti është promovimi i muzikës qytetare të qarkut të Elbasanit dhe asambleve popullore nga e gjithë zona, duke nxjerrë në pah traditat dhe kulturën e pasur të kësaj treve.Ejani të festojmë së bashku këtë ditë të shenjtë për kombin, në zemër të Elbasanit, aty ku flamuri dhe traditat bashkojnë të gjitha brezat!