Shqipëria dhe Serbia do të mirëpresin Kampionatin Europian U-21 të UEFA-s në vitin 2027. Datat e ndeshjeve dhe të shortit do të konfirmohen. Emërimi i Federatës Shqiptare të Futbollit dhe i Federatës Serbe të Futbollit u bë nga Komiteti Ekzekutiv i UEFA-s në shkurt 2025. Ndeshjet do të zhvillohen në tetë stadiume, në shtatë qytete të ndryshme në të dy vendet.
Bashkia Elbasan nis në datën 5 Tetor 2026 proçesin e Buxhetimit me Pjesëmarrje, duke i ftuar qytetarët të bëhen pjesë e drejtpërdrejtë e përcaktimit të prioriteteve dhe investimeve për buxhetin e vitit 2027.
Përmes takimeve me komunitetet në lagjet e qytetit dhe në njësitë administrative, banorët do të kenë mundësinë të paraqesin nevojat, problematikat dhe projektet që i konsiderojnë më të rëndësishme për zonat ku jetojnë.
Buxhetimi me Pjesëmarrje është një proces që synon ta bëjë qytetarin pjesë të vendimmarrjes për fondet publike, duke orientuar investimet drejt nevojave konkrete të komunitetit. Bashkia Elbasan e zhvillon këtë proces prej më shumë se një dekade, si një nga mekanizmat kryesorë të përfshirjes së qytetarëve në vendimmarrjen vendore.
Takimet do të zhvillohen në çdo njësi administrative dhe në rajonet e qytetit, ku qytetarët do të mund të propozojnë projektet dhe ndërhyrjet që duan të shohin të përfshira në buxhetin e ardhshëm.
Më poshtë gjeni kalendarin e takimeve të Buxhetimit me Pjesëmarrje, sipas njësive administrative dhe lagjeve të qytetit.
Agjenda e takimeve:
Merrni pjesë në takimin e zonës suaj dhe bëhuni pjesë e vendimmarrjes për investimet dhe prioritetet e Elbasanit.
Të dashur qytetarë,
Të dielën, më 4 Tetor 2026, Elbasani i bashkohet nismës për një mjedis më të pastër me “Ditën pa Makina”! Kjo është një ftesë e hapur për të lënë automjetet në shtëpi dhe për ta shijuar qytetin tonë duke ecur në këmbë, me biçikleta apo me mjete të tjera alternative.
Për të garantuar mbarëvajtjen dhe sigurinë e qytetarëve, do të ndalohet qarkullimi i automjeteve në këto segmente rrugore:
📍 Bulevardi “Aqif Pasha”
(Nga stadiumi “Elbasan Arena” deri te rrethrrotullimi i “1 Majit”)
⏰ Orari: 08:00 – 20:00
📍 Rruga “Rinia”
(Nga universiteti “Aleksandër Xhuvani” deri te kryqëzimi i rrugës “Tomorr Sinani” / Sporti i vjetër)
⏰ Orari: 08:00 – 16:00
👮♂️ Policia e Shtetit dhe Policia Bashkiake do të jenë në terren për të menaxhuar devijimin e trafikut dhe për të garantuar rendin.
Ju falënderojmë për mirëkuptimin dhe bashkëpunimin. Le ta shijojmë qytetin tonë pa zhurmë dhe pa trafik! 🌳🚶♂️🛴
🎭 TEATRI “𝗦𝗞𝗔𝗠𝗣𝗔” gati të hapë siparin e Edicionit të 28-të Ndërkombëtar të Teatrit!
🗓 𝟑𝟎 𝐬𝐡𝐭𝐚𝐭𝐨𝐫 – 𝟓 𝐭𝐞𝐭𝐨𝐫 𝟐𝟎𝟐𝟔
🎭 𝗧Ë 𝗝𝗘𝗦𝗛 / 𝗧𝗢 𝗕𝗘
𝗡𝗷ë 𝘁𝗷𝗲𝘁ë𝗿 𝗲𝗱𝗶𝗰𝗶𝗼𝗻.
Një tjetër udhëtim zbulimi drejt asaj që jemi, asaj që kërkojmë dhe asaj që mund të bëhemi përmes teatrit.
𝟭𝟬 𝘀𝗵𝗳𝗮𝗾𝗷𝗲 𝘁𝗲𝗮𝘁𝗿𝗼𝗿𝗲 vijnë nga 𝗦𝗵𝗾𝗶𝗽ë𝗿𝗶𝗮, 𝗠𝗮𝗾𝗲𝗱𝗼𝗻𝗶𝗮 𝗲 𝗩𝗲𝗿𝗶𝘂𝘁, 𝗜𝘁𝗮𝗹𝗶𝗮, 𝗧𝘂𝗻𝗶𝘇𝗶𝗮, 𝗦𝗛𝗕𝗔-𝗷𝗮, 𝗠𝗼𝗹𝗱𝗮𝘃𝗶𝗮 𝗱𝗵𝗲 𝗧𝘂𝗿𝗾𝗶𝗮
Në skenën e Elbasanit takohen zëra bashkëkohorë, histori, gjuhë dhe kultura të ndryshme, për t’u bërë një gjuhë e vetme, 𝗴𝗷𝘂𝗵𝗮 𝗲 𝘁𝗲𝗮𝘁𝗿𝗶𝘁, e cila nuk njeh kufij gjeografikë apo kulturorë.
Një javë intensive dhe festive me 𝟭𝟰 𝘃𝗲𝗽𝗿𝗶𝗺𝘁𝗮𝗿𝗶: teatër, performancë, punëtori, ekspozitë dhe promovime librash.
Këtë vit, 𝗦𝗞𝗔𝗠𝗣𝗔 hap edhe një kapitull të ri.
𝗡𝗷ë 𝗵𝗮𝗽ë𝘀𝗶𝗿ë 𝗲 𝗽𝗼𝘀𝗮ç𝗺𝗲 𝗽ë𝗿 𝗮𝗿𝘁𝗶𝘀𝘁ë𝘁 𝗲 𝗿𝗶𝗻𝗷.
Për zërat që sapo nisin të dëgjohen.
Për idetë që kërkojnë dritë.
Për talentin që kërkon një skenë.
Sepse çdo udhëtim i madh nis me një hap.
Çdo zë i ri nis me një mundësi.
Dhe çdo skenë mund të jetë fillimi i një historie të re.
🎭 TEATRI “𝗦𝗞𝗔𝗠𝗣𝗔” ju mirëpret!
𝗠𝗶𝗿ë 𝘀𝗲 𝘃𝗶𝗻𝗶 𝗻ë 𝗻𝗷ë 𝘁𝗷𝗲𝘁ë𝗿 𝘂𝗱𝗵ë𝘁𝗶𝗺!
Të nderuar prindër!
Ju informojmë se kopshtet publike të Bashkisë Elbasan do të vijojnë të jenë të hapura dhe në shërbim të fëmijëve gjatë gjithë periudhës së verës, sipas grafikut të përcaktuar.
Ndërkohë, çerdhet do të jenë të mbyllura gjatë muajit gusht, për shkak të kryerjes së punimeve të domosdoshme të dezinfektimit, lyerjes dhe riparimeve, me qëllim garantimin e një mjedisi sa më të sigurt, të pastër dhe funksional për mirëpritjen e fëmijëve në fillim të sezonit të ri.
Ju falënderojmë për mirëkuptimin dhe bashkëpunimin tuaj të vazhdueshëm!
Në mbështetje të nenit 8 dhe nenit 64 të Ligjit nr. 139/2015 “Për vetëqeverisjen vendore”, të Ligjit nr. 9920/2008 “Për procedurat tatimore në Republikën e Shqipërisë”, të Ligjit nr. 68/2017 “Për financat e vetëqeverisjes vendore”, si dhe akteve të Këshillit Bashkiak që rregullojnë tarifën e parkimit për rezidentët, njoftohen të gjithë banorët e Bashkisë Elbasan se, me qëllim lehtësimin e procedurave dhe afrimin e shërbimeve administrative pranë qytetarëve ka nisur procedurat për pajisjen me Kartën e Parkimit për Rezidentët .
Për kartën e parkimit mund të aplikojnë të gjithë qytetarët rezidentë në zonat ku aplikohet sistemi i parkimit me pagesë/rezident.Pagesa e tarifës përkatëse bëhet direkt te Zyra e Rajonit tuaj Administrativ.Për çdo pagesë të kryer, do t’ju lëshohet menjëherë mandat-arkëtimi zyrtar sipas rregullave financiare në fuqi.📍Paraqituni pranë zyrave të Rajonit tuaj Administrativ.Dorëzoni dokumentacionin e nevojshëm identifikues dhe të mjetit (certifikatë personale/rezidencë, leje qarkullimi të mjetit).Kryeni pagesën e tarifës vjetore prej 2000 lekë dhe merni dokumentin e arkëtimit.
Për çdo informacion shtesë ose sqarim, mund të drejtoheni pranë Rajonit tuaj Administrativ ose pranë Sektorit të Menaxhimit të Transportit Publik në Bashkinë Elbasan.
Faleminderit për bashkëpunimin!
Drejtoria e Taksave, Tarifave Vendore dhe Tregjeve, Bashkia Elbasan ju rikujton se me hyrjen në fuqi të ligjit nr. 86/2025 “Për fshirjen, shuarjen dhe pagesën e deyrimeve tatimore….të pagueshme në doganë”, si dhe udhëzimit në zbatim të tij, tatimpaguesit tashmë kanë një mundësi për të lehtësuar dhe mbyllur detyrimet vendore të prapambetura.
KONKRETISHT:
➢ Fshihen plotësisht: Detyrimet e papaguara, të përcaktuara sipas ligjit nr. 9632, datë 30.10.2006 “Për sistemin e taksave vendore”, i ndryshuar, që u përkasin periudhave tatimore deri në datën 31.12.2014.
➢ Lehtësohen detyrimet për periudhën 2015-2019, si më poshtë:
a) Shuhet 50% e taksës/tarifës vendore nëse pjesa e mbetur 50% e taksës/tarifës paguhet e gjitha njëherësh brenda datës 30.06.2026.
b) Shuhet 25% e taksës/tarifës vendore nëse pjesa e mbetur 75% e taksës/tarifës paguhet brenda datës 31.12.2026.
Shënim: Në të dyja rastet, sipas shkronjave “a” e “b” të kësaj pike, gjobat dhe kamatvonesat për periudhat përkatëse fshihen plotësisht.
➢ Shuhen gjobat dhe kamatvonesat për detyrimet që u përkasin periudhave tatimore nga data 01.01.2020 deri në datë 31.12.2024, me kusht që tatimi/taksa/tarifa për periudhën përkatëse të paguhet brenda datës 31.12.2026.
Kush NUK përfiton nga ky ligj?
Nuk përfitojnë nga fshirja apo lehtësimi i detyrimeve:
Subjektet/tatimpaguesit që:
Për zbatimin e këtyre masave lehtësuese, përfitimi është i kushtëzuar nga respektimi i afateve ligjore, ndërsa mosparaqitja apo mosveprimi brenda këtyre afateve sjell humbjen e të drejtës për përfitim.
Për më shumë informacion, ju lutemi drejtohuni pranë sporteleve të Drejtorisë së Taksave, Tarifave Vendore dhe Tregjeve, pranë Bashkisë Elbasan.
Njoftohen të gjithë subjektet taksapagues që ushtrojnë aktivitet
ekonomik ose zotërojnë një apo më shumë prona (të kategorisë njësi
shërbimi) në territorin e Bashkisë Elbasan se në zbatim të Vendimit të
Këshillit Bashkiak nr. 140 datë 27.11.2025 janë gjeneruar taksat dhe
tarifat vendore për vitin 2026.
Afati i pagesës së taksave dhe tarifave
vendore për vitin 2026 është data 31 Korrik 2026.Ju njoftojmë gjithashtu
se me Vendimin e Këshillit Bashkiak nr. 77 datë 04.06.2026 janë
përcaktuar afatet e reja të pagesës së tarifës për zënien e hapësirës
publike në zbatim të Rregullores së re për shfrytëzimin e hapësirës
publike.
Pagesa e detyrimit tatimor mund të kryhet pranë Postës Shqiptare,
bankave të nivelit të dytë ose Unionit Financiar. Për mospagesë në
afatin e caktuar aplikohet kamatvonesë në masën 1.8% çdo muaj, por jo më
shumë se 12 muaj.
Për pagesat që kryhen pas datës 31 korrik 2026 nis aplikimi i masave
shtrënguese të parashikuara në ligjin nr. 9920 datë
19.05.2008 “Për Procedurat Tatimore në Republikën e Shqipërisë” i
ndryshuar.
Për çdo paqartësi dhe informacion si dhe për të tërhequr faturën e
detyrimit tatimor, ju lutem paraqituni pranë sportelit të shërbimit të
D.T.T.V.T.-së pranë bashkisë.
Faleminderit!
Në kuadër të rregullimit të qarkullimit dhe ruajtjes së karakterit historik të zonës së Kalasë, njoftojmë se duke filluar nga data 01.07.2026 dhe në vijim, nuk do të lejohet hyrja e automjeteve në rrugët e Kalasë, me përjashtim të personave që janë rezidentë në këtë zonë.
Kjo masë synon të përmirësojë sigurinë, lëvizshmërinë dhe cilësinë e jetesës në zonën historike të Kalasë.
Ftojmë të gjithë qytetarët dhe vizitorët të respektojnë sinjalistikën dhe rregullat e reja të qarkullimit.
Faleminderit për mirëkuptimin dhe bashkëpunimin.
