SHËRBIMI I TRANSPORTIT

Ky dokument shërben si udhëzues për të gjithë operatorët që kërkojnë të pajisen me Licencë ose Certifikatë operimi brenda territorit të Bashkisë.

1. LICENCA PËR KRYERJEN E SHËRBIMIT (SUBJEKTI)

Qëllimi: Pajisja e personave juridikë me licencë për të operuar në shërbimet e rregullta qytetëse.

Dokumentacioni i kërkuar për aplikim:

• Kërkese me shkrim e protokolluar;
•  Kërkesë Për Aplikim¹ (shkarkoje këtu)
• Ekstrakt i regjistrimit në Regjistrin Tregtar nga QKB.
• Vetëdeklarimi për reputacionin e mirë të përfaqësuesit ligjor dhe drejtuesit teknik (Lidhjet 7/1 dhe 7/2). (Lidhjet Bashkëngjitur)
• Vërtetim nga një institucion bankar/financiar për gjendje të qëndrueshme financiare: 140,000 lekë për mjetin e parë dhe 70,000 lekë për çdo mjet tjetër.
• Certifikata e kompetencës profesionale (CKP) për drejtuesin e veprimtarisë (Afati 5 Vjet).
• Licenca origjinale e lëshuar nga bashkia (ose kopje e njehsuar nëse është dëmtuar/humbur).
• Kontratë me një agjenci për shërbimin e udhëtarëve brenda vendit.
• Vërtetim për shlyerjen e detyrimeve tatimore (nga E-Albania).
• Vërtetim nga Bashkia (ATTMV) për shlyerjen e të gjitha detyrimeve vendore.

Detaje Administrative:

• Tarifa e shërbimit: 80,000 Lekë (pagesa kryhet në bankë).
• Afati i vlefshmërisë: 10 Vjet.
• Koha e realizimit: Brenda 21 ditëve nga data e aplikimit.

2. CERTIFIKATA PËR MJETIN (OPERIMI)

Qëllimi: Pajisja me certifikatë operimi për çdo mjet që do të angazhohet në transportin qytetës.

Dokumentacioni i kërkuar për aplikim:

• Leja e qarkullimit të mjetit dhe regjistrimi i mjetit në QKB.
• Certifikata e kalibrimit të tahografit (nga shoqëri e licencuar).
• Akt-vlerësimi për plotësimin e kushteve të komoditetit të mjetit (lëshuar nga DPSHTRR).
• Certifikata e kontrollit teknik të mjetit (kolaudimi).
• Policë sigurimi që përfshin: Sigurimin e udhëtarëve nga aksidentet dhe sigurimin e përgjegjësisë ndaj palëve të treta (TPL).
• Dokumentacioni i drejtuesit të mjetit: Leja e drejtimit dhe Certifikata e Aftësisë Profesionale (CAP).
• Vërtetim nga Bashkia (ATTMV) për shlyerjen e detyrimeve vendore.
• Mandat pagese.

Detaje Administrative:

• Tarifa e shërbimit: 1,000 Lekë (pagesa në bankë ose Postën Shqiptare).
• Afati i vlefshmërisë: 1 Vit.
• Koha e realizimit: Brenda 21 ditëve nga data e aplikimit.

BAZA LIGJORE (TRANSPARENCA)

Veprimtaria e licencimit dhe operimit bazohet në legjislacionin e mëposhtëm në fuqi:

1. Ligj nr. 139/2015 “Për vetëqeverisjen vendore” i ndryshuar;
2. Ligj nr. 8308, datë 18.3.1998 “Për transportet rrugore” i ndryshuar;
3. Ligji nr. 8378, datë 22.7.1998 “Kodi Rrugor i Republikës së Shqipërisë”, i ndryshuar.
4. Udhëzim nr. 5627, datë 18.11.2016 “Pёr përcaktimin e kritereve, rregullave dhe dokumentacionit për lëshimin e licencave dhe certifikatave për ushtrimin e veprimtarisë në transportin rrugor të udhëtarëve brenda vendit” i ndryshuar;
5. Vendim nr.325, datë 19.3.2008 “Për miratimin e rregullave për pranimin në veprimtarinë e operatorit të transportit rrugor të mallrave dhe të udhëtarëve, si dhe për njohjen e dokumenteve zyrtare, të caktuara për këta operatorë”i ndryshuar;
6. Udhëzim nr. 3606/2, datë 28.10.2011 “Për pajisjen e përdoruesve të mjeteve rrugore të kategorive C, CE, D (*) dhe DE, me certifikatën e aftësimit profesional (CAP)”i ndryshuar;
7. Ligj nr. 32/2021 “Për Sigurimin e Detyrueshëm në Sektorin e Transportit”;
8. Udhëzim nr. 6, datë 12.11.2021 “Mbi kontrollin teknik të mjeteve rrugore”;
9. Udhëzim nr.1649, datë 16.8.1999 “Mbi plotësimin e disa kushteve të veçanta në transportin rrugor të udhëtarëve” i ndryshuar;
10. Vendim nr. 1054, datë 22.12.2010 “Për miratimin e rregullores mbi pajisjet e regjistrimit në transportin rrugor”;

 ¹ Kur aplikanti është person fizik, ky formular plotësohet nga vetë personi. Kur aplikanti është person juridik, plotësohet nga përfaqësuesi ligjor, i autorizuari prej tij ose drejtuesi i veprimtarisë të subjektit