Gjimnazi “Dhaskal Todri” drejt rikonstruksionit të plotë

Një nga gjimnazet më të njohura në qytetin e Elbasanit, “Dhaskal Todri”, pritet t’i nënshtrohet së shpejti një rikonstruksioni të plotë. Lajmi u bë i ditur gjatë një vizite të përbashkët në shkollë nga Ministrja e Arsimit dhe Sportit, Ogerta Manastirliu, dhe kryetari i Bashkisë Elbasan, Gledian Llatja.

Investimi i ri do të sjellë kushte moderne për 607 nxënës dhe 42 mësues, duke transformuar tërësisht infrastrukturën e institucionit dhe duke garantuar një mjedis të sigurt dhe funksional për të gjithë komunitetin shkollor.