Kryetari i Bashkisë Elbasan, Gledian Llatja, pjesë e Forumit Kombëtar për Demokraci Lokale 2026

Kryetari i Bashkisë Elbasan, Gledian Llatja, mori pjesë në panelin “Integrimi Europian dhe Demokracia Lokale” gjatë Forumit Kombëtar për Demokraci Lokale 2026, një platformë kyçe për dialogun mbi të ardhmen e qeverisjes vendore në Shqipëri.

Në këtë panel, u diskutua mbi rolin strategjik të bashkive në procesin e integrimit europian, forcimin e decentralizimit dhe sfidat e qeverisjes vendore në kuadër të reformave të reja. Bashkitë, si njësitë e para që zbatojnë reformën dhe standardet europiane, kanë një rol thelbësor në zhvillimin e qëndrueshëm të vendit, duke bërë bashkëpunimin institucional dhe shkëmbimin e përvojave një prioritet të domosdoshëm.

Faleminderit Shoqatës Kombëtare të Bashkive të Shqipërisë për organizimin e këtij forumi të rëndësishëm dhe për mundësinë e shkëmbimit të eksperiencave mes autoriteteve vendore.