Ditë: 15 Mars 2025

Bashkia Elbasan rikujton qytetarët për masat e marra në garantim e mbarëvajtjes së aktivitetit çiklistik “Trofeu Dita e Verës ”.

Më datë 16.03.2025, do të zhvillohet aktiviteti çiklistik “Trofeu Dita e Verës”.

Për mbarëvajtjen e këtij aktiviteti, Bashkia e Elbasanit, Policia Bashkiake dhe strukturat e Policisë Rrugore do të marrin masa, me qëllim rritjen e parametrave të sigurisë rrugore, sigurimin e qarkullimit të lirë dhe pa rreziqe për garuesit, si dhe parandalimin e ngjarjeve rrugore.

Për këtë qëllim, ju informojmë si më poshtë:

➡️Më datë 16.03.2025, prej orës 08:00 deri në përfundim të aktivitetit, do të ketë kufizime të qarkullimit në këto rrugë;

• Bulevardi “Aqif Pasha”
• Rruga “Muhamet Karadaku”
• Rruga “Ismail Zyma”
• Rruga “Shën Thanasi”
• Rruga “Papa Jorgji Theofari”
• Rruga “Abedin Caushi”
• Rruga “Kozma Naska”
• Rruga “Kamber Sejdini”

Bashkia Elbasan dhe policia kërkojnë mirëkuptimin e përdoruesve të rrugës, për ndalimin e qarkullimit të mjeteve, në këto rrugë, nga momenti i fillimit të këtij aktiviteti (sipas orarit të paracaktuar) deri në përfundim të tij.

Duke ju falënderuar për mirëkuptimin.

Elbasani, qyteti simbol i mikpritjes dhe traditës, mirëpriti edhe këtë vit qindra vizitorë në “Sofrën e Elbasanit”, një nga momentet më të bukura dhe autentike të Ditës së Verës.

I zoti i shtëpisë, kryetari i Bashkisë Elbasan, Gledian Llatja, priti me bujari miqtë dhe personalitetet e ftuara nga e gjithë Shqipëria, duke i bërë pjesë të kësaj feste tradicionale që përcjell kulturën dhe vlerat e qytetit të lashtë.

“Sofra e Elbasanit ka qenë gjithmonë e hapur për miqtë. Ne jemi qyteti i kulturës, dijes dhe mikpritjes, dhe këtë traditë do ta ruajmë brez pas brezi,” u shpreh kryebashkiaku Llatja gjatë fjalës së tij përshëndetëse.

Në këtë festë të bukur, ku u bashkuan drejtues politikë të qarkut të Elbasanit ndër vite, qytetarë dhe vizitorë nga qytete të ndryshme, u përcoll jo vetëm fryma festive, por edhe krenaria për rrënjët e thella kulturore që ky qytet ruan me fanatizëm.

Nën aromën e gatimeve tradicionale, tingujt e këngëve qytetare dhe atmosferën festive, Elbasani edhe këtë vit tregoi se është zemra e kulturës shqiptare, ku tradita dhe moderniteti bashkohen në harmoni të plotë.

“Shije tradite, zemër bujarie” është mesazhi që Elbasani përcjell çdo vit në Ditën e Verës, duke e kthyer “Sofrën e Elbasanit” në simbol të bashkimit dhe krenarisë qytetare.