Në Panairin e Turizmit Tirana 2024, ka marrë pjesë edhe Bashkia e Elbasanit, ku nëpërmjet Agjensisë së Kulturës dhe Turizmit, është prezantuar me destinacionet turistike që Elbasani ka, si edhe rritjen e cilësisë së shërbimeve turistike.
Elbasani, është ndër zonat më të hershme që vërtetojnë trashëgiminë dhe kulturën e lashtë të vendit tone, si edhe është kryeqendra e artit dhe kulturës.
Historia, trashëgimia kulturore dhe bukuritë natyrore janë asetet kryesore të qytetit të Elbasanit në zhvillimin e turizmit.
“Busheku”, “Labinoti Fushë”, “Krasta e Madhe”, “Llixha”, Funari e Gjinari, fshehin perla për vizitorët, që të shoqëruara me histori dhe legjenda shumë shekullore, janë origjinale në specifikat e tyre. Janë këto edhe shumë arsye të tjera që Elbasani është një nga qytetet më të preferuar për turistët e huaj, dhe për tu prezantuar sa më denjësisht në këtë panair.
Elbasani po shihet si një destinacion për të zgjatur kohën e turistëve, jo vetëm në bregdet.
Ecja në natyrë në zonat malore siç është Gjinari, është një nga atraksionet të cilat Elbasani i ofron. Në Funar pranë liqeneve janë hapur shtigjet për ecje si edhe për hedhjen me parashutë.
Panairi ka për qëllim të promovojë Shqipërinë duke u përqendruar në turizmin e kohës së lirë, atë të konferencave dhe eventeve të korporatave nga e gjithë bota.
Turizmin dixhital dhe turizmin mjekësor, i cili po zhvillohet gjithmonë e më tepër në vendin tonë.
Në kuadër të festimeve të Ditës së Verës 2024, Bashkia Elbasan, ka parashikuar një plan të pasur aktivitetesh përgjate 10 ditëve që paraprijnë datën 14 mars 2024.
Qëllimi është të festojme këtë festë të vjetër elbasanase, me synim përfshirjen e të gjithë grupmoshave, si nga qyteti ashtu e njësite administrative, ashtu edhe nga qytete te tjera, duke gjallëruar në cdo cep të qytetit jetën kulturore artistike, nëpërmjet risjelljes së zakoneve e traditave autoktone aq të pasura elbasanase.
Më poshtë po ju prezantojmë programin e aktiviteteve në të kuadër të “Dita e Verës 2024”
Data 04.03.2024 10:00
Aktiviteti: Koncert me këngë e valle dhe mbjellje e luleve
Vendi: Parku “Rinia”
Tema: “Ne jemi gjelbërimi”
Pjesmarrës: Fëmijë nga klasat përgatitore
Data 05.03.2024 10:00
Aktiviteti: Ekspozitë me punime, këngë, kërcime aerobie.
Vendi: Parku “Rinia”/Sheshi para stadiumit
Tema: “Dallëndyshet e para”
Pjesmarrës: fëmijë nga 6 kopshte
Data 06.03.2024 10:00
Aktiviteti: Panair me ushqime tradicionale, këngë, valle, ekspozite me punime.
Vendi: Parku “Rinia”
Tema: “Ejani në sofrën tonë”
Pjesmarrës: fëmijë nga 5 kopshte
Data 07.03.2024 10:00
Aktiviteti: Lojra popullore, aktivitete sportive, këngë, valle
Vendi: Parku “Rinia”/Stadiumi “Elbasan Arena”
Tema:“Luajmë së bashku nën ritmet e pranverës”
Pjesmarrës: fëmijë nga 5 kopshte
Data 08.03.2024 10:00
Aktiviteti: Koncerti përmbyllës me këngë dhe valle.
Vendi: Parku “Rinia” ose sheshi para stadiumit
Tema: “Zë i vogël – Frymëzim i madh”
Pjesmarrës: Kopshtet dhe klasat përgatitore
Data 08.03.2024 16:00
Aktiviteti: “Diell dhe Dallëndyshe”
Vendi: Porta e kalasë
Data 09.03.2024 10:00
Simpozium me temë “Historiku i Ditës së Verës”, Biblioteka “Qemal Baholli”.
Data 09.03.2024
Kartolina e Qendrës Kulturore të Fëmijëve për Ditën e Verës 2024.
Kënga dhe Videoklipi “Erdhi Pranvera”
Solistja, kori dhe grupi i parë i kërcimit.
Data 10.03.2024 18:00
Koncert recital i këngëtarit të mirënjohur Shpat Deda – Teatri “Skampa”.
Data 10.03.2024 10:00
Ekspozitë e makinave klasike “RETRO”, Vendi: Sheshi “Gensher”.
Data 10.03.2024 16:00
Koncert Festiv, Qendra Kulturore e Fëmijëve “Luajmë dhe vallzojmë”
Këngë, valle, humor, animatorë.
Data 9, 10,11 /03.2024 10:00-17:00
2 ekspozita fotografike
“Elbasani ndër vite” dhe “Elbasani sot e dje”
Data 11.03.2024 11:00
Kampionati i Basketbollit
Djem e Vajza “Kupa e Luleve”
Finalet në Pallatin e Sportit “Tomorr Sinani”
Qendra kulturore e fëmijëve
Data 11, 12, 13, 14 /03.2024 10:00-14:00
“Panairi i Zejeve” si demonstrim i traditave popullore, prodhimeve vendase dhe bio, punimet me dorë nga artizanët e të gjithë njesive administrative të Elbasanit.
Zhvillohet në qendër të qytetit.
Data 11.03.2024 18:00
”Dritës Tate Xhevahir”- 2, koncert me të ftuar këngëtaren e mirënjohur Elina Duni, e cila me stilin e saj të vecantë do risjellë këngët e vjetra Elbasanase dhe jo vetëm.
Me pjesëmarrjen e orkestres së harqeve të Elbasanit, në ambientet e Teatrit “Skampa”.
Data 11.03.2024 11:00
Panairi i shkollave “Art e Zeje”
Data 12.03.2024 18:30
”Sofra Elbasanase”, aktivitet i kthyer në traditë, me të ftuar të shumtë nga të gjithë trevat e Shqipërisë e jo vetëm. Ky aktivitet ka si qëllim promovimin e traditave më të mira elbasanase, kulinarisë vendase, mikpritjes, turizmit, muzikës popullore, veshjeve popullore etj.
Data 12.03.2024 11:00
Kampionati i Volejbollit
Djem e Vajza “Kupa e Luleve”
Finalet në Pallatin e Sportit “Tomorr Sinani”
Qendra kulturore e fëmijëve
Data 12.03.2024
“Defile”- Parada me trupat e ansambleve të gjithë qarkut, si dhe nga Maqedonia, Kosova etj. Ky aktivitet do të nisë rreth orës 16:00 nga sheshi përpara stadiumit, do parakalohet përgjatë gjithë bulevardit nën atmosferën e këngëve dhe valleve tradicionale. Më pas në orën 17:00 të gjitha trupat do ngjiten në skenën kryesore tek sheshi “Gensher” dhe do të performojnë programet e tyre artistikë.
Data 13.03.2024 18:00
Koncert i madh në sheshin “Gensher”, me këngetarët më në zë të momentit, trupa kërcimi, akrobaci, spektakël fishekzjarresh.
Data 14.03.2024 09:00
Parada e Ditës së Verës
20 shkollat 9-vjecare të Bashkisë Elbasan
Fabula, karnavale, përformancë etj.
Data 14.03.2024 09:00
Panairi i Sportit, aktivitet demostrativ nga disiplinat e Klubit Shumësportësh
Data 14.03.2024 09:00
Ekspozitë me punime nga fëmijët me AK Vendi: Lulishtja përpara pallatit të sportit “Tomorr Sinani”
Data 14.03.2024 09:00
Panairi i bujqësisë si demonstrim i prodhimeve vendase dhe bio, fermerë nga njësitë administrative të Elbasanit.
Data 14.03.2024 10:00
“Festivali i bollokumes” , i sjellë për të dytin vit, si demonstrim i artit të bërjes së bollokumeve “live” nga amvisat elbasanase.
Data 14.03.2024 10:00
Aktivitet argëtues dhe kreativ me fëmijë. (Pocaria)
Data.14.03.2024 11:00 Koncerti i madh në sheshin “Gensher” i përgatitur si pjesë e mozaikut të madh të aktiviteteve që do mbahen në këtë ditë.
Më pas festimet do të vijojnë nëpër familje, shtëpi, njesi shërbimi e natyrë…
Nga data 4 deri më 14 Mars, bëhuni pjesë e larmisë festive në qytetin me plot histori, traditë, ekspozita, konkurse, panaire, poçeri, lights shoë, koncerte dhe shumë e shumë të tjera.
Elbasani, qyteti i shumë portave dhe sofrave, në këto ditë hap dyert dhe mirëpret me qindra miq jo vetëm nga vendi, por edhe trojet shqipfolëse e më tej, për të festuar Ditën e Verës.
Tradita shekullore në Elbasanin e luleve, ëmbëlsirës së ballokumes, në qytetin e artit, kulturës, arsimit, trashëgimisë kulturore dhe kulinarisë vazhdon, ku sofrat e qytetit janë të shtruara për të gjithë miqtë për t’i uruar mirëseardhjen pranverës.
Ju mirëpresim për të përjetuar çaste si kurrë më parë.
Me kryefjalë jehonën e turizmit të qëndrueshëm, në Pallatin e Kongreseve u çel Panairi “Tourism & Travel Show Albania 2024”, i cili ka mbledhur në Tiranë, ekspozues dhe biznese edhe nga Elbasani,
Një mundësi e shkëlqyer për t’u njohur me produktin turistik të Elbasanit dhe shtimit të numrit të vizitorëve në qytet.
Mbrëmja Gala në “Skampa” e cila mbyll edhe vitin kalendarik të aktiviteteve në Elbasan, ka kulmuar në një koncert të madh festiv, nën kujdesin e vecantë të kryetarit të bashkisë Gledian Llatja.
Këtë vit “Grand Gala”, ka ngjitur në skenë 150 artistë vetëm nga Elbasani, nën dirigjimin e maestro Antonio Pine, dhe interpretimin e Orkestra e Harqeve Elbasan, Qendra Kulturore e Fëmijëve, Banda Frymore Afërdita. Gjithashtu janë nderuar me titullin “ Nderi i qytetit” emblemat e teatrit “ Skampa” ndër vite, si Hasan Hoxha, Thoma Kristo dhe Tomorr Shishmani.
Në përshendetjen e tij kryetari i bashkisë Z. Gledian Llatja pohoi se edhe ky vit që po lemë pas ka qenë i ngjeshur plot me aktivitete nga fusha teatrit, muzikës, teatrit të kukullave, kërcimit etj.
“Këtë herë ndryshe nga herët e tjera nata Gala është fokusuar vetëm në Elbasan, me trupat tona të qytetit nga Qendra Kulturore e Fëmijëve, Orkestra e harqeve dhe Banda Frymore.
Në këtë skenë gjatë këtij viti janë ngjitur artistë të mirënjohur lokalë, kombëtarë dhe ndërkombëtarë. Kemi pasur aktivitete dinjitoze që vazhdojnë t’a mbajnë lart profesionalizmin e Teatrit “Skampa”.
Edhe vitin e ardhshëm do vazhdojmë me të njëjtat ritme dhe do të kemi në vëmendje shtimin e larmishmërisë artistike të Teatrit “Skampa”.
Sakaq Z. LLatja ka nderuar me titullin “Nderi i qytetit” 3 artistë, që i kanë dhënë shumë këtij teatri, jetës artistike dhe qytetit. U nderua me këtë titull Hasan Hoxha, (pas vdekjes) titulli “Nderi i Qytetit” me motivacionin “Për kontributin e tij të çmuar si intelektual, studiues shkencor e si regjizor i Teatrit të Kukullave në edukimin e argetimin e fëmijëve në breza”.
Thoma Kristo (i jepet pas vdekjes) titulli “Nderi i Qytetit” me motivacionin “Për kontributin e shquar si aktor e regjizor në lëvizjen artistike profesioniste e amatore në Elbasan e më gjërë”.
Tomorr Shishmani, i jepet titulli “Nderi i Qytetit” me motivacionin “Për kontributin e dhënë si aktor e regjizor me nivel të lartë artistik në Teatrin Profesionist “Skampa” dhe në lëvizjen artistike amatore”.
Një mbrëmje vetëm për fëmijët në prag të festës së madhe mbarë shqiptare atë të Shpalljes së Pavarësisë.
Koncerti i titulluar “Shqipëria”, u organizua nga Qendra Kulturore ku 111 fëmijë emocionuan publikun e gjërë me interpretimet e tyre
Këtë koncert të madh, ku në skenë janë ngjitur vetëm fëmijët, e ka parë nga afër edhe kryetari i bashkisë Z. Gledian Llatja.
Një përgëzim të madh ai e ka përcjellë për prindërit e fëmijëve, më pas edhe për stafin e kësaj qendre i cili sipas tij – “nga viti në vit Qendra Rinore, vazhdon të siurprizojë duke nxjerrë talente të reja”.
Në vijim kreu i bashkisë ka rendiatur edhe një sërë festash të tjera që na paraprijnë, ku sërisht ata që gëzojnë më shumë dhe protagonistët kryesorë janë fëmijët.
“Ne po bëhemi gati edhe për Festivalin e Fëmijëve, festat e Krishtlindjeve dhe të Vitit të Ri, gjithashtu po përgatitemi edhe për eventin në datën 6 për të ndezur dritat e pemës së Vitit të ri, si edhe më shumë aktivitete plot ndricim në Qendrën Rinore të Fëmijëve.
Gjithashtu vitin tjetër ne do të shtojmë disa klasa për fëmijët në qendër të qytetit”.
Në prag të festave të Nëntorit, të Shpalljes së Pavarësisë Muzeu Etnografik, mirëpret të gjithë qytetarët, turistë vendas dhe të huaj, të vizitojnë nga afër ekspozitën e hapur me rastin e festive.
Në ambjentet e Muzeut Etnografik, të pranishmit do të shohin nga afër ekspozitën me foto e cila do të qëndrojë hapur gjatë 28 dhe 29 nëntorit, me tematikë “Mbështetja e patriotëve elbasanas për krijimin e shtetit shqiptar”.
Aktorja, ikona e vërtetë dhe mjaft e dashur për mbarë publikun kombëtar, Luiza Xhuvani, është nderuar nga Bashkia e Elbasanit me titullin “Mirënjohja e Qytetit”, me motivacioni “Për kontributin e shquar në teatër dhe kinematografi, e cila me interpretimin mjeshtëror dhe orgjinalitetin e saj ka spikatur, duke fituar kështu zemrat e publikut mbarë shqiptar”.
Aktorja bashkë me një kastë të zgjedhur aktorësh prej disa ditësh ka mbushur sallën e teatrit “Skampa”, nën interpretimin e shfaqes “Zyshë e dashur”, ku ajo intepretonte rolin kryesor.
Mes emocioneve të publikut në sallë, aktorja Luiza Xhuvani, ka falenderuar artëdashësin elbasanas i cili e ka mirëpritur sa herë që ajo ka performuar në skenën e tetatrit “Skampa”, ndaj dhe ky cmim vjen si një dhuratë e vyer për të. Një falenderim ajo e ka bërë edhe për kryetarin e Bashkisë së Elbasanit Gledian Llatja, si edhe mbarë qytetin e Elbasanit.
Luiza Xhuvani aktore e sukseshme e teatrit dhe kinematografisë, e ka nisur karrierën e saj si aktore filmi që kur ishte student. Filmi i cili e bërë atë të njohur dhe të dashur për publikun shqiptar, ishte filmi “Flutura në kabinën time”, rol i cili e vlerësoi me kupën “Aktore më e mirë”.
Nga viti 1991 e në vazhdim, aktorja Luiza Xhuvani kishte një bashkëpunim të suksesshëm me regjizorin Gjergj Xhuvani (ish bashkëshorti), nën drejtimin e të cilit interpreton një sërë filmash.
Luiza Xhuvani, ka një jetë në skenën shqiptare, ndaj mund të thuhet se profesioni i saj si aktore është edhe identiteti i saj jetësor.
Të nderuar ministra, ambasadorë, partnerë e bashkëpunëtorë të bashkisë së Elbasanit,
Zonja dhe zotërinj, Mirë se erdhët në qytetin e bukur të Elbasanit, një qytet që jo vetëm është i mbushur përplot histori, por edhe sheh përpara drejt një të ardhmeje të qëndrueshme e gjithë jetë. Është një nder i padiskutueshëm për mua, si kryetar i bashkisë së Elbasanit, t’ju uroj një mirëseardhje të ngrohtë të gjithëve ju që jeni bashkuar sot me ne për këtë takim të rëndësishëm, organizuar me mbështetjen e TAIEX-it. Jemi të lumtur që jeni me ne dhe entuziastë për potencialin e shkëlqyer që shtrihet përpara si pjese e programit “Qytetet neutrale ndaj klimës dhe inteligjente” për t’u shndërruar në qytete me ndikim asnjanës në klimë, ku ka ajër të pastër, transport më të sigurt dhe më pak mbingarkesë e zhurmë për qytetarët e tyre.
Një qytet i bekuar me trashëgimi të pasur historike dhe një të ardhme të ndritshme, Elbasani ka një pozitë gjeografike vërtet unike.
Historia e tij i ka rrënjët në shekullin II para Krishtit, ndërsa gjurmët e origjinës së qytetit shkojnë pas deri në vendbanimet e lashta ilire. Në shekullin II, qyteti njihej si “SKAMPA” e, më vonë, si “SKAMPINI”. I ndodhur në kryqëzimin e rrugëve tregtare Veri-Jug dhe Lindje-Perëndim, Elbasani arriti të shndërrohej në një vendkalim kyç, duke u kthyer në një qendër të begatë urbane, ushtarake dhe fetare. Kjo histori mbresëlënëse shpjegon lidhjet e qytetit të rrënjosura thellë në antikitet dhe trashëgiminë e tij të përhershme.
Bashkia e Elbasanit është një zonë e larmishme dhe komplekse. Ajo përfshin një sipërfaqe të madhe prej 872 03 km², ku jetojnë afro 140 000 banorë.
Qyteti i Elbasanit shërben si qendra kryesore urbane, me 60% të popullsisë, ndërsa pjesa tjetër e banorëve janë të shpërndarë në një sërë njësish të tjera administrative, përfshi në terrene të thyera malore. Kjo larmi demografike e gjeografike paraqet sfida të veçanta për qeverisjen dhe ofrimin e shërbimeve. Përveç kësaj, bashkia është qendër shumë e rëndësishme ekonomike, që përfshin një gamë industrish të rënda dhe Parkun Kombëtar të Gjinarit, duke ofruar mundësi qoftë për turizmin natyror, ashtu edhe atë kulturor. Administrimi efektiv i këtyre elementeve të shumëllojshme kërkon strategji të përshtatura, që garantojnë zhvillimin e qëndrueshëm dhe mirëqenien e të gjithë banorëve.
Sot, Elbasani qëndron në prag të një epoke të re transformuese, përmes hapave të qëndrueshme dhe miqësore me klimën. Duke marrë frymëzim nga roli i tij historik si një kryqëzim dhe qendër urbane jetike, qyteti aspiron tanimë të ripërcaktojë vetveten si model përtëritjeje dhe si udhëheqës në aspektin mjedisor. Përmes bashkëpunimit me bashkitë homologe të BE-së, Elbasani mund të grumbullojë ekspertizë të pasur, një mori burimesh dhe praktikat më të mira për të rritur gjallërinë e tij urbane. Qytetet e BE-së ofrojnë informacione të vlefshme rreth zhvillimit të një infrastrukture të qëndrueshme, transportit ekologjik dhe planifikimit urban rezistent ndaj klimës. Me anë të kësaj mbështetjeje, Elbasani do të rifitojë pozicionin e tij kyç, jo vetëm si qendër historike, por edhe si shembull qëndrueshmërie e ndërgjegjësimi mjedisor, duke i dhënë formë një të ardhmeje të ndritshme, ndërkohë që ruan të shkuarën e tij të pasur.
Takimi për të cilin jemi mbledhur sot është një hap vendimtar në rrugën tonë të përbashkët drejt një të ardhmeje më premtuese e më të qëndrueshme. Ky është një mision që bën bashkë autoritete vendore, qytetarë të angazhuar, biznese, investues të përkushtuar dhe mbështetjen e autoriteteve kombëtare, që kanë të njëjtën aspiratë: të sjellin në jetë të paktën 100 qytete me ndikim asnjanës në klimë, deri në vitin 2030. Në këtë grup të shquar, jemi tejet krenarë që shohim Elbasanin, si një prej qyteteve kryesuese të kësaj përpjekjeje.
Të mbledhur këtu për këtë takim shumë të rëndësishëm, kemi pritshmëri të larta për shkëmbimin e paçmuar të njohurive e përvojave mes qyteteve partnere të BE-së. Besojmë se, duke ndarë histori suksesi dhe praktikat më të mira nga qytete të tjera që kanë nisur rrugëtimin drejt ndikimit asnjanës në klimë, mund të marrim frymëzim dhe orientim për vetë rrugën që Elbasani ka përpara. Identifikimi i nismave dhe strategjive që kanë sjellë rezultate të frytshme në mjedise të ngjashme është kyç për të ecur përpara. Përballja efektive me sfidat është përparësi dhe ne presim me padurim të angazhohemi në diskutime të hapura, të orientuara drejt zgjidhjeve, me partnerët tanë të shquar dhe ekspertët e fushës.
Këtu, në Elbasan, zotërojmë potencialin për t’u kthyer në udhëheqës të neutralitetit klimatik në Ballkanin Perëndimor, sidomos përmes zbatimit të një larmie nismash të qëndrueshme. Programi “Qytetet neutrale ndaj klimës dhe inteligjente” jo vetëm cakton objektiva ambicioze, por, po ashtu, nxjerr në pah rëndësinë e veprimeve konkrete dhe praktike. Ne jemi të vetëdijshëm që, për t’u arritur, këto objektiva kanë nevojë për burime financimi nga drejtime të ndryshme, si nga sektori privat, ashtu edhe ai publik dhe ne jemi tërësisht të përkushtuar për t’i siguruar ato, që t’i kthejmë aspiratat tona në realitet.
Bashkia e Elbasanit ka një përkushtim të plotë dhe angazhim aktiv drejt këtij objektivi ambicioz. Dedikimi ynë shfaqet qartë në përgatitjet që vazhdojnë për një raport i cili do të paraqesë gjetjet tona lidhur me aktorët, përfshirjen qytetare, parashikimet financiare dhe ekonomike, si dhe përparësitë kryesore që do të drejtojnë hapat tona në të ardhmen.
Bashkia e Elbasanit ka marrë një sërë masash themelore, për të rritur efikasitetin dhe për të siguruar një bashkërendim efektiv. Në bashki, kemi ngritur një grup pune për këtë mision. Po përcaktojmë në mënyrë aktive rolet dhe kompetencat e këtij grupi, për të siguruar zbatimin e masave pa asnjë pengesë. Po kështu, jemi të kënaqur që kemi mbështetjen e Institutit të Studimeve Urbane, një institucion i njohur për përvojën e pasur që zotëron me nismat për ndryshimin e klimës, përpjekjet për ruajtjen e mjedisit dhe zhvillimin e infrastrukturës kryesore teknike.
Ashtu si shumë qytete të tjera në Ballkanin Perëndimor, Elbasani përballet me kufizime në fonde, kur vjen fjala për financimin e projekteve të klimës nga të ardhurat e veta. Megjithatë, përkushtimi ndaj zbatimit të këtyre nismave mbetet i palëkundur. Përveç partneritetit me programin, jemi përfshirë në mënyrë aktive në përpjekje bashkëpunimi me donatorë të nderuar, përfshi programe të tjera të BE-së, si dhe për të siguruar fonde në bazë të meritës nga qeveria qendrore. Këto partneritete shërbejnë si burime themelore të mbështetjes financiare, që është jetike për realizimin e ndryshimeve të nevojshme.
Ne jemi angazhuar në mënyrë aktive në përpjekjen komplekse për përballimin e sfidave mjedisore dhe që lidhen me klimën. Këto përpjekje të mbështetura nga disa donatorë përfshijnë projekte për rritjen e rezistencës brenda ekosistemit lokal për të luftuar efektet e ndryshimit të klimës, hartimin e planeve të veprimit për klimën dhe energjinë e qëndrueshme, me qëllim uljen e emetimeve, identifikimin dhe përcaktimin e hartës së zonave të nxehta mjedisore, për të luftuar ndotjen dhe për të përmirësuar shëndetin publik, nxitjen e zbatimit të lëvizjes me mjete elektrike me karbon të ulët dhe nxitjen e praktikave të menaxhimit të qëndrueshëm të burimeve natyrore, duke u përqendruar veçanërisht te forcimi i ekonomisë lokale duke e bërë sektorin turistik më të qëndrueshëm përmes zhvillimit të infrastrukturës dhe institucionalizimit. Këto projekte dëshmojnë përkushtimin që ka Elbasani ndaj qëndrueshmërisë, ruajtjes së mjedisit dhe uljes së emetimeve, çka nxjerr në pah vendosmërinë e tij për një të ardhme më rezistente dhe miqësore me ekosistemin.
Sidoqoftë, ne e dimë se nuk mund të ecim të vetëm në rrugën tonë drejt një të ardhmeje më të qëndrueshme. Është përpjekja e përbashkët, angazhimi i patundur i gjithë komunitetit tonë dhe përfshirja aktive e aktorëve që do të nxitë ecjen tonë përpara. Ne jemi gati të bashkëpunojmë dhe ftojmë të gjithë qytetarët, bizneset, organizatat dhe partnerët tanë të bëhen aktorë të pandarë të këtij misioni transformues. Ne jo vetëm i çmojmë pikëpamjet, idetë dhe kontributet tuaja, por ato janë vetë thelbi i përparimit tonë. Ju ftojmë të jeni aktivë, të ndani pikëpamjet tuaja të vlefshme dhe të bëhemi bashkë ndërsa nisim këtë rrugëtim entuziazmues. Së bashku, mund të ndërtojmë një të ardhme më rezistente e miqësore me mjedisin për Elbasanin.
Në mbyllje, Elbasani është plotësisht i vendosur për të dhënë një kontribut të rëndësishëm në Misionin për Qytete me Ndikim Asnjanës në Klimë dhe Qytete Inteligjente. Përmes bashkëpunimit, novacionit vendosmërisë së përbashkët, synojmë të udhëheqim rrugën drejt qyteteve të qëndrueshme dhe me ndikim asnjanës në klimë. Ju bëj thirrje të gjithëve ju pjesëmarrësve në takim të jeni aktivë, të ndani idetë tuaja të vlefshme dhe të bashkoheni me ne në këtë udhëtim entuziazmues.
Çdonjëri këtu ka një rol jetik për të luajtur. Përfshihuni, jepni kontribut dhe ndani ekspertizën tuaj ndërsa punojmë së bashku për t’i dhënë formë një të ardhmeje të qëndrueshme, rezistente dhe të ndërgjegjshme për mjedisin. Duke bashkuar forcat, mund të transformojmë jo vetëm Elbasanin, por edhe të tjera qytete të Ballkanit Perëndimor në qytete me ndikim klimatik asnjanës.
Ju falemnderit që jeni këtu dhe uroj për të gjithë ne një takim produktiv e transformues.
