Skip to contentSkip to left sidebar Skip to right sidebar Skip to footer

Ditë: 23 Korrik 2025

Kryetari i Bashkisë Elbasan mirëpret partnerët e projektit francez për qeverisje të bazuar në të dhëna territoriale

Në ambientet e Bashkisë Elbasan, Kryetari Gledian Llatja mirëpriti partnerët e projektit të mbështetur nga Ministria e Evropës dhe Punëve të Jashtme të Francës dhe Ambasada Franceze në Shqipëri, për të diskutuar mbi përdorimin e të dhënave territoriale në funksion të një qeverisjeje më transparente, inovative dhe efikase.

Ky projekt e përfshin Elbasanin si një nga katër qytetet pilote në nivel kombëtar, së bashku me Shkodrën, Korçën dhe Durrësin, duke krijuar mundësi për zhvillime konkrete në shërbim të qytetarëve dhe forcimin e kapaciteteve vendore nëpërmjet praktikave të avancuara të menaxhimit të territorit.

  • 23 Korrik, 2025 in Lajme

Thirrje për të rinjtë e Elbasanit: Apliko për punësim 1-vjeçar në shërbimet sociale!

Bashkia Elbasan fton të rinjtë e motivuar dhe të pasionuar, të moshës 21–29 vjeç, që jetojnë në territorin e Bashkisë Elbasan, të aplikojnë për punësim në fushën e shërbimeve sociale.

Ky program ofron:

Punësim me kohë të pjesshme, për një periudhë 1-vjeçare;

Aftësim profesional gjatë gjithë procesit, për të forcuar kapacitetet dhe mundësitë për zhvillim të mëtejshëm në tregun e punës.

📅 Afati i fundit për aplikim: 31 Korrik 2025
🔗 Apliko këtu: https://docs.google.com/forms/d/e/1FAIpQLSd6rxKT6WnVdnOd6pKcEQj_VFTAEqKjK_NNFZG4UWo54HJ7ag/viewform?usp=header

Ky aktivitet zhvillohet në kuadër të projektit “Të rinjtë për Tregun e Punës në Elbasan – Cerrik – Librazhd & Prrenjas”, zbatuar nga Fondacioni Joscelyn në bashkëpunim me Bashkinë Elbasan, dhe financuar nga Bashkimi Evropian, në zbatim nga PNUD Shqipëri, Zyra Publike Suedeze e Punësimit dhe Fondacioni Shqiptar për të Drejtat e Personave me Aftësi të Kufizuara (FSHDPAK), në partneritet me Agjencinë Kombëtare të Punësimit dhe Aftësive.