Lajme

Aktivitet nga fëmijët e kopështit 11 për festën e çlirimit të Elbasanit

Elbasani sot feston 77-vjetorin e Çlirimit, dita kur forcat Nacional Çlirimtare fituan luftën kundër pushtuesve gjermanë, luftime të cilat vazhduan deri në 29 Nëntor 1944, kur u clirua gjithë Shqipëria. Në ditën e përkujtimit të clirimit të Elbasanit, fëmijët e kopshtit nr.11, zbukuruan qytetin me flamuj dhe veshje kuq e zi. Ato bënë një vizitë në kalanë e qytetit dhe në Shtëpinë Etnografike të shoqëruar nga mësueset dhe prindër.

11 Nëntor 1944 – Çlirimi i Elbasanit

Të nderuar Veteranë të Luftës Antifashiste Nacional Çlirimtare!
Të nderuar deputetë, qytetarë të qytetit tim!
Jemi mbledhur sot të kujtojmë së bashku një nga ditët më të rëndësishme, atë të Çlirimit të Elbasanit, si edhe 23 partizanët e Brigadës së XV Sulmuese, të cilët dhanë jetën për çlirimin e kryeqendrës së Shqipërisë së Mesme.
77 vjet më parë partizanët e Brigadës së 15 Sulmuese të ngritur në luftë bashkë me popullin çliruan qytetin pikërisht në 11 Nëntor të vitit 1944.
Shumë familje patriotike të qytetit, por jo vetëm, e cilësuan 11 Nëntorin si festën më të madhe. Nisi të respektohej tradita e festave, ku në çdo ballkon apo derë të shtëpive elbasanase u var flamuri i kuq kombëtar. Vazdojmë të ruajmë historinë e vendit tonë, të respektojmë çdo sakrificë të dëshmorëve dhe të gjithë popullit elbasanas që pa ndërhyrjen e askujt, bënë të mundur çlirimin e vendit nga fashizmi.
Elbasani i dha Luftës Antifashiste Nacional Çlirimtare 136 dëshmorë, por dëshmorë të Elbasanit janë edhe 400 normalistët që studiuan në Normalen e Elbasanit dhe ranë heroikisht në luftë në krahina të ndryshme të Shqipërisë.
Gjatë viteve të Luftës së Dytë Botërore, Elbasani pësoi dëme të mëdha ekonomike, financiare dhe njerëzore.
Ndaj dhe sot, pas 77 vitesh ne e kemi nder të jemi qytetarë të Elbasanit, qytetit të dijes dhe arsimit, të kulturës dhe mikpritjes. Ne së bashku do të vazhdojmë ta çojmë qytetin tonë përpara duke përballuar çdo sfidë, dhe përmirësuar çdo aspekt të jetës së qytetarëve.
Mirënjohje të përjetshme dëshmorëve tanë!

Njoftim për BKU 2022

Njoftim per BKU 2022 Shkarkoje

Njoftim për proçesin e “Buxhetimit me Pjesëmarrje”.

Të nderuar qytetarë, duke nisur nga data 29 Tetor, 2021, Kryetari i
Bashkisë Elbasan, Z.Gledian LLATJA, Ju fton të bëheni pjese e
vendimmarrjes tonë të përbashkët, nëpërmjet pjesëmarrjes dhe angazhimit
tuaj në proçesin e “Buxhetimit me Pjesëmarrje”, në të gjitha Njësitë
Administrative dhe lagjet e qytetit.

Prej më shumë se një dekadë tashmë, ju njiheni me këtë proçes, i cili
për nga rëndësia zë vendin kryesor, pasi jeni ju që përcaktoni
prioritetet tuaja dhe ndikoni drejtpërdrejt në vendimmarrje.

Përpara hartimit të buxhetit të vitit pasardhës, për Bashkinë e
Elbasanit është e rëndësishme të vlerësojë mendimin dhe gjykimin e çdo
qytetari, për këtë është e domosdoshme pjesëmarrja juaj.

Më poshtë, po ju paraqesim axhendën e takimeve në kuadër të proçesit të
Buxhetimit me pjesëmarrje, në bazë lagjesh dhe Njësish Administrative:

Dita Europiane e Trashëgimisë

Në ditën Europiane të Trashëgimisë fëmijët e kopshtit 12 bënë një vizitë në Muzeun Etnografik.
Pasi u njohën me shtëpinë muze,ata realizuan punime dore duke u frymëzuar nga veshjet dhe armët
që ndodheshin në muze.

Njoftim Publik

Shpallje konkursi.

Me qellim perjetesimin e figurave historike te qytetit te Elbasanit, bazuar ne ligjin 139/2015 “Per vetqeverisjen vendore”, VKM 510 date 18.07.2012 “Per shpalljen e konkurseve kombetare dhe nderkombetare per realizimin e veprave monumentale te artit pamor”, udhezimit nr.1, date 8.08.2012 “Per procedurat qe ndiqen per shpalljen e konkurseve kombetare dhe nderkombetare per realizimin e veprave monumentale te artit pamor, kriteret e vleresimit dhe dokumentacioni ligjor”, Bashkia Elbasan shpall:

-Konkurs kombetar per realizimin e bustit te heroit te popullit Qemal Stafa.

-Projekt-idej a, boceti, duhet te paraqiten prane Bashkise Elbasan, jo me vone se data 25.10.2021 (afati duhet konsultur me specialist)

-Projektet dhe bocetet e paraqitura do te vleresohen nga nJe Jun e posacme, e cila do te perzgjedhe bocetin fitues. Bocetet e tjera do t’u kthehen autoreve te tyre.

-Shqyrtimi dhe vleresimi i boceteve nga juria do te behet brenda dates 29/10/2021, ne ambientet e Bashkise Elbasan

-Pjesemarresit, duket te paraqesin nje CV profesionale te tyre, dhe dokumentacionin perkates per kualifikimin e tyre

-Ftohen artiste te artit figurativ, (piktore , skulptore) te marrin pjese dhe te paraqesin project idete dhe bocetet e tyre

-Dokumentacionin teknik dhe ligjor me kerkesat per realizimin e kesaj vepre mund ti gjeni dhe terhiqni prane Bashkise, drejtoria e Kultures cdo dite nga ora 8.00 deri 16.00.

Shkarkoni këtu

Digital Jobs Albania

Banka Botërore sapo ka lançuar nismën e saj më të re të titulluar “Digital Jobs Albania” e cila synon të shfrytëzojë ofrimin e shërbimeve digjitale si një mundësi ekonomike për vendin. Nisma e cila gëzon mbështetjen e Qeverisë Shqiptare, do të ofrojë një kurs trajnimi intensiv 3-mujor FALAS për aftësitë digjitale për vajzat dhe gratë e moshës 16-35 vjeç, duke i pajisur ato me njohuritë e duhura që u mundëson akses në punësimin online si profesioniste të lira në fushën e grafik dizajn, zhvillimit të faqeve të internetit dhe të marketingut digjital. Nisma po zbatohet nga Coderstrust (një kompani ndërkombëtare që ofron trajnim mbi aftësitë digjitale) dhe EuroPartners Development (një kompani konsulente vendase) në bashkëpunim të vazhdueshëm me Bankën Botërore dhe Qeverinë.
Shkalla e pjesëmarrjes në forcën e punës së grave në Shqipëri është ende 14.6 pikë përqindje më e ulët se sa ajo e burrave. Sipas të dhënave të vitit 2020 të Institutit Kombëtar të Statistikave të Shqipërisë (INSTAT), hendeku gjinor i pagave mbetet 6.6 përqind. Në këtë kuadër, zhvillimi i modelit të punës së pavarur në internet mund të luajë një rol të rëndësishëm në ngushtimin e këtyre hendeqeve.
Ne mendojmë se kjo nisëm është një mundësi e shtuar si për ekosistemin po ashtu për gratë dhe vajzat shqiptare për më shumë pavarësi ekonomike dhe avancim profesional. Ndaj si partnerë të rëndësishëm në këtë kauzë, ju ftojmë që të bashkoheni në këtë thirrje drejtuar këtij grupi interesi duke e shpërdarë këtë informacion në kanalet tuaj të komunikimit dhe databazën e komunitetit që ju përfaqësoni.
Për të mësuar më shumë rreth nismës Digital Jobs Albania dhe si të merrni pjesë në të, ju ftojme të vizitoni faqen zyrtare www.digitaljobsalbania.com
Gjithashtu më poshtë mund të gjeni linqet e medias sociale të projektit të cilat ju ftojmë t’i ndiqni për informacione më të përditësuara në kohë reale.
Facebook https://www.facebook.com/digitaljobsalbania/
Instagram https://www.instagram.com/digital_jobs_albania/
LinkedIn https://www.linkedin.com/company/digital-jobs-albania/
Youtube https://www.youtube.com/channel/UCQjz1LtaKdo0h_clnscW6Aw

Faleminderit për bashkëpunimin!

Thirrje publike per zgjedhjen e perfaqesuesit ligjor te te miturit ne konflikt

REPUBLIKA E SHQIPËRISË

BASHKIA ELBASAN

Drejtoria e Shërbimit, Kujdesit Social dhe Komunitar

Nr. _______ Prot. Elbasan, më ___.7.2021

THIRRJE PUBLIKE

“Për përzgjedhjen e përfaqësuesit proçedural për fëmijët në konflikt me ligjin, fëmijët viktima dhe dëshmitarë në proçesin penal”

Bashkia Elbasan, bazuar në Udhëzimin e Përbashkët të MSHMS e MD nr.650 datë 13.9.2019 “Për përcaktimin e kritereve dhe proçedurave për përzgjedhjen e përfaqësuesve proçedural për fëmijët në konflikt me ligjin, fëmijët viktima dhe dëshmitarë në proçesin penal”, shpall thirrjen publike për të ftuar personat e interesuar për të ushtruar rolin e përfaqësuesit proçedural për fëmijët në konflikt me ligjin, fëmijët viktima apo dëshmitarë në proçesin penal.

Përfaqësuesit proçedural kryejnë përfaqësimin proçedural të fëmijëve në konflikt me ligjin, fëmijëve viktima dhe dëshmitarë në proçesin penal në përputhje me parashikimet e ligjit nr.37/2017 “Kodi i Drejtësisë Penale për të Mitur”.

Përfaqësuesit proçedural ushtrojnë funksionet e tyre kur kërkohet nga organi proçedues duke i shërbyer në çdo rast interesit më të lartë të fëmijës në konflikt me ligjin, fëmijës viktimë dhe dëshmitar në proçesin penal.

Kriteret që duhet të plotesojë një individ për të qenë përfaqësues proçedural janë:

të jetë shtetas shqiptar;
të ketë diplomën e studimeve të larta Bachelor dhe Master Shkencor ose Master Profesional në shkenca sociale, juridike, psikologji, sipas legjislacionit në fuqi për arsimin e lartë, lëshuar nga institucioni i arsimit të lartë, brenda apo jashtë vendit, të njohura nga ministria përgjegjëse për arsimin;
të ketë minimalisht 2 vjet eksperiencë pune të mëparshme në çështje të mbrojtjes së të drejtave të femijës;
të ketë trajnime në fushën e mbrojtjes së të drejtave të fëmijës;
të ketë njohuri mbi rregullat e zbatueshme për drejtësinë penale për të mitur;
të mos jetë dënuar me vendim të formës së prerë për vepra penale dhune në familje dhe vepra penale kundër personit të kryera me dashje.

Thirrja publike do të qëndrojë e hapur për një periudhë prej 30 ditësh nga data e shpalljes.

Kandidatët e interesuar dorëzojnë pranë Njësisë për Mbrojtjen e Fëmijës në Bashkinë Elbasan të gjithë dokumentacionin e mundshëm që vërteton përmbushjen e kritereve të përcaktuara më lart

si dhe deklarojnë adresat dhe të dhënat elektronike të kontaktit të tyre.

Kandidatët duhet të dorëzojnë dokumentet në vijim, në adresën: shefki.lika@elbasani.gov.al:

Curriculum Vitae (duke specifikuar përvojën e mëparshme në fushën e sipërpërmendur);
Letër Motivimi (duke shprehur interesin si përfaqësues proçedural për fëmijët në konflikt me ligjin, fëmijët viktima dhe dëshmitarë në proçesin penal).

Përfaqësuesi proçedural duhet të jetë i gatshëm të punojë pa pagesë. Përfaqësuesi procedural duhet të jetë i disponueshëm të ushtrojë funksionet e tij kur kërkohet nga organi proçedues, duke i shërbyer në çdo rast interesit më të lartë të fëmijës në konflikt me ligjin, fëmijës viktimë dhe dëshmitar në proçesin penal.

Kandidatët e paraqitur do ti nënshtrohen vlerësimit në dy faza, nga Komisioni për Përzgjedhjen dhe Vlerësimin e Kandidatëve për të ushtruar rolin e përfaqësuesit proçedural, i ngritur në bashki.

Afati për dorëzimin e dokumentacionit, pranë Njësisë për Mbrojtjen e Fëmijës, është 5 ditë nga përfundimi i afatit 30 ditor nga shpallja e thirrjes.

Për informacion të mëtejshëm, ju lutem, mos hezitoni të kontaktoni në adresën: shefki.lika@elbasani.gov.al

SEKRETARI I PËRGJITHSHËM

Aulona Bylykbashi

Buxhetimi me Pjesëmarrje 2021 në Njësinë Administrative Gracen

Bashkia e Elbasanit nisi, si çdo fund viti, një nga proceset më të rëndësishme të pjesëmarrjes së qytetarëve në vendimmarrje. Nga Graceni nisën dëgjesat publike në kuadër të procesit të “Buxhetimit me Pjesëmarrje” një proces i cili në Elbasan zhvillohet prej më se 12 vjetësh.

Bashkia Elbasan, ka si synim vendosjen e një kontakti të vazhdueshëm me qytetarët dhe për të realizuar këtë ka nevojë të ketë dhe të perdorë mjetet e duhura për shpërndarjen e politikave të zhvillimit dhe ofrimin e shërbimeve publike tek çdo qytetar. Nje mjet i tillë është dhe proçesi i “Buxhetimit me Pjesëmarrje”.

“Buxhetimi me Pjesëmarrje” është një proçes në të cilin qytetarët marrin pjesë në mënyrë aktive në vendimmarrjen për shpërndarjen e burimeve financiare publike. “Buxhetimi me Pjesëmarrje” nuk është vetëm konsultativ, por një proçes i drejtëpërdrejtë dhe diskutim demokratik për vendimmarrjen e pushtetit vendor.

Graceni është një nga njësitë administrative me fshatra shumë të largët dhe me nevoja të mëdha të banorëve.

Në këtë “votim publik” për nevojat e tyre, banorët kërkuan kryesisht ndërhyrjen në infrastrukturën rrugore.

Në fshatrat Bodin e Plangaricë, Bashkia e Elbasanit hapi rrugën vetëm disa vite më parë, pasi këto fshatra nuk kishin pasur kurrë rrugë. Po ashtu edhe në fshatin Mamël, por këto rrugë kanë nevojë për mirëmbajtje të vazhdueshme, pasi terreni malor dhe ujërat krijojnë probleme në vazhdimësi.

Kryetari i Bashkisë Z. Gledian Llatja falenderoi banorët për pjesëmarrje të gjerë dhe vlerësim maksimal të këtij procesi, si dhe për respektimin me rigorizitet të masave anticovid.

Llatja bëri një pasqyrim të punëve të kryera në Njsinë Administrative Gracen, por edhe të atyre punëve që për fat të keq mbetën përgjysëm nga një vit i vështirë ekonomik për shkak të pandemisë.

Kryetari i Bashkisë i njohu qytetarët me të gjitha kostot shtesë që duhet të ndërmerrte pushteti vendor për të menaxhuar këtë situatë, për të lehtësuar bizneset, për të ndihmuar familjet në nevojë dhe mbi të gjitha për të mbrojtur shëndetin e qytetarëve.

Por, theksoi Llatja, bashkia do të vijojë të kryejë detyrën e saj në shërbim të qytetarëve ndaj dhe ky proces i rëndësishëm kërkon të “vjelë” nevojat të cilat qytetarët i konsiderojnë parësore.

Në një proces demokratik si ai i “Buxhetimit me Pjesëmarrje” vetë qytetarët vlerësojnë përparësitë e shënuara, për t’u përkthyer më pas në investim në vitin e ardhshëm buxhetor, konkretisht në buxhetin e vitit 2021.

Me banorët e Elbasanit është duke u diskutuar edhe Paketa Fiskale e vitit të ardhshëm, në të cilën qytetarët japin mendimet e tyre për sistemin e taksave dhe tarifave. Bashkia e Elbasanit vazhdon të jetë bashkia me taksat dhe tarifat më të ulëta në vend. a

Procesi do të vijojë në të gjitha njësitë administrative dhe në lagjet e qytetit, për t’i hapur më pas rrugë hartimit të buxhetit, i cili do të reflektojë pikërisht mendimin dhe vendimin e qytetarëve.

Buxhetimi me Pjesemarrje 2021 ne Njesine Administrative Funar

Bashkia e Elbasanit vijoi procesin e “Buxhetimit me Pjesëmarrje” nga njësia administrative Funar ku kryetari Gledian Llatja pati një bashkëbisedim të gjatë me banorët e zonës.

Llatja njohu banorët me projektet aktuale që ka bashkia për investime në këtë zonë duke theksuar fillimisht rikontruksionin e rrugëve dhe rikualifikimin e të gjitha qendrave të njësive administrative.

Banorët nga ana e tyre falenderuan për punën e bëra deri tani, sidomos për ujin e pijshëm ndërsa vunë theksin tek rikonstruksioni i rrugëve.

Procesi i “Buxhetimit me Pjesëmarrje”, i cili organizohet tashmë prej më shumë se një dekadë, i paparin miratimit të buxhetit të bashkisë për vitin pasardhës.

Një zë i këtij buxheti janë pikërisht prioritetet e përcaktuara nga qytetarët gjatë procesit të “Buxhetimit me Pjesëmarrje”.

Po ashtu, administrata e bashkisë merr në shënim të gjitha problematikat e qytetarëve, edhe ato që nuk janë në kompetencë të saj, për t’ja deleguar më pas institucioneve përkatëse.

Buxhetimi me Pjesëmarrje është vlerësuar si praktika më e mirë e bashkisë së Elbasanit, përsa i përket përfshirjes së qytetarëve direkt në vendimmarrje.

Buxhetimi me Pjesëmarrje, që prej Reformës Administrative Territoriale, organizohet edhe në Njësitë Administrative.