Gjithçka gati për Festën e Gjinarit, këtë të shtunë në zemër të natyrës
Gjinari mirëpret vizitorët këtë të shtunë, më 11 korrik, në një nga festat më të dashura të verës, ku natyra, tradita dhe mikpritja bashkohen për të krijuar një atmosferë të veçantë.
Duke nisur nga ora 10:00, në qendër të Gjinarit, vizitorët do të kenë mundësinë të vizitojnë panairin artizanal, të njihen me produktet lokale, të shijojnë gastronominë tradicionale të zonës dhe të marrin pjesë në aktivitete të shumta në natyrë, të përshtatshme për të gjitha moshat.
Atmosfera festive do të kulmojë me koncertin artistik, duke e kthyer Gjinarin në destinacionin ideal për të kaluar një ditë të bukur me familjen dhe miqtë.
Festa e Gjinarit është një ftesë për të zbuluar bukuritë natyrore, traditat dhe shijet autentike të zonës, duke promovuar njëkohësisht kulturën dhe turizmin lokal.