Bashkia mbështet fermerët e Shirgjanit/ Eksportet dhe infrastruktura bujqësore në fokus

Kryetari i Bashkisë Elbasan, Gledian Llatja, së bashku me administratorin e Njësisë Administrative Shirgjan, dhe kryetarët e fshatrave të zonës, zhvilluan një takim për të dëgjuar nga afër nevojat dhe sfidat e fermerëve të Shirgjanit.

Shirgjani, i njohur si zemra bujqësore e Elbasanit, prodhon kultura të stinës si perime, drithëra, dhe fruta, të cilat tregtohen jo vetëm në tregjet vendase, por edhe jashtë vendit, duke rritur mundësitë për eksport dhe zhvillim ekonomik për fermerët.

Gjatë vizitës u theksua rëndësia e mirëmbajtjes periodike të kanaleve vaditëse dhe kulluese, që sigurojnë prodhim të qëndrueshëm dhe mbrojnë kulturat nga dëmtimet e mundshme.

Një tjetër përparësi për fermerët është Unaza Bujqësore e Elbasanit, e cila kalon në këtë njësi dhe mundëson transport më të lehtë dhe akses të shpejtë në tregjet rajonale dhe qendrat e grumbullimit.

Kryetari Gledian Llatja u shpreh, se “Shirgjani është shembulli më i mirë i bashkëpunimit mes bashkisë dhe fermerëve. Do të vijojmë të mbështesim çdo iniciativë që rrit prodhimin, eksportet dhe përmirëson infrastrukturën bujqësore. Zhvillimi i qëndrueshëm i bujqësisë është prioritet për Bashkinë e Elbasanit.”

Kryetari Gledian Llatja u shpreh, se “Shirgjani është shembulli më i mirë i bashkëpunimit mes bashkisë dhe fermerëve. Do të vijojmë të mbështesim çdo iniciativë që rrit prodhimin, eksportet dhe përmirëson infrastrukturën bujqësore. Zhvillimi i qëndrueshëm i bujqësisë është prioritet për Bashkinë e Elbasanit.”