Lajme

Është zhvilluar në Elbasan një takim konsultues mbi draftin e Planit të Veprimit për Barazinë Gjinore në zbatim të kartës Europiane për barazi të grave dhe burrave në jetën vendore. Në takimin e organizuar nga Bashkia e Elbasanit dhe Un Ëomen merrnin pjesë përfaqësues nga Aleanca e Grave Këshilltare, Këshilli Bashkiak, Këshilli Rinor, media etj.  

 Përfaqësuesi i Bashkisë Elbasan, z. Ervin Muça  referuar me detaje rreth realizimit të këtij drafti, pohon se “ Bashkia  e Elbasanit është përpjekur që në planin vendor të radhës të korrigjojmë disa elementë që mund të na kenë shpëtuar nga plani i mëparshëm ose të shohim edhe elementë të rinj të cilët jo vetëm na ndihmojnë për të orientuar më mirë shërbimet që ne ofrojmë si bashki, por njëkohësisht duhet krijuar një ndërlidhje midis planeve lokale të tjera”.  

Sipas tij, pjesëmarrës në këtë takim ishin nga të gjitha fushat, ndërsa e cilësoi si shumë të rëndësishëm rolin që luan Universiteti.  

“ Bashkia vërtet ofron shërbime, por këto shërbime jo vetëm që kërkojnë të njihen nga universitetet por njëkohësisht na duhet edhe ekspertiza e universiteteteve për t’i përmirësuar dhe për t’i bërë sa më cilësore këto shërbime.”   

Monika Kocaqi, eksperte e çështjeve Gjinore, e vuri theksin tek rëndësia e barazisë gjinore dhe mënyra se si veprohet për ta zbatuar atë.  

Sipas saj “ky plan vendor veprimi është një instrument i domosdoshëm për të bërë realitet atë që ne synojmë çdo ditë, për të përmirësuar situatën, marrëdhëniet dhe gjithçka çfarë lidhet me pozicionin e grave dhe burrave në komunitetet tona”.  

Veç konsultimeve me të gjithë përfaqësuesit në këtë tryeze, nga ana e Bashkisë së Elbasanit u shpreh angazhimi për punën në arritjen e barazizë gjinore në nivel ekonomik, politik, social e kulturor, si dhe respektimin e dispozitave të kësaj karte, të cilat synojnë arritjen e një jete më të mirë për të gjithë komunitetin.  Qëllimi takimeve është që këto plane të jenë sa më shumë të zbatueshme nga institucionet dhe të reflektojnë ndërhyrjet konkrete që do të zhvillohen për të përmirësuar jetën e grave dhe vajzave. Ky plan realizohet në zbatim të Kartës Evropiane për Barazi të Grave dhe Burrave në Jetën Vendore.Pjesë e projektit “Bashkimi Evropian për Barazinë Gjinore në Shqipëri” zbatuar nga UN Women dhe UNFPA Albania.  

N J O F T I M:

Në zbatim të Vendimit të Këshillit Bashkiak Nr. 31 datë 04.03.2022, i cili ka miratuar fillimin e proçedurave të shpronësimit për pasuritë që preken nga realizimi i projektit me interes publik, “Mbi miratimin në parim të fillimit të proçedurës për shpronësimin e pasurive pronë private për realizimin e projektit, me interes publik  “Rikonstruksion i sheshve të pallateve në lagjen “Partizani” Z.K. 8524””, mbështetur në ligjin nr. 139/2015 “Për vetëqeverisjen vendore”, i ndyshuar, ligjin nr. 8561 datë 22.12.1999 “Për shpronësimet dhe marrjen në përdorim të përkohshëm të pasurisë pronë private për interes publik”, i ndryshuar, kërkohet që brënda datës 15.04.2022, pronari/ët e pasurive ose të tretë të cilëve i’u preket pasuria, të dorëzojnë pranë Sektorit të Aseteve të Bashkisë, fotokopje të noterizuar të dokumenteve të pronësisë lëshuar nga ASHK Elbasan si dhe fotokopje karte identiteti.

    Faleminderit!

Bashkia Elbasan në zbatim të ligjit nr. 139/2015 “Për vetëqeverisjen vendore”, i ndryshuar, dhe të Vendimit të Këshillit Bashkiak Nr. 19 datë 04.03.2022 “Mbi miratimin e nisjes së proçedurave për marrjen me qira të një ambjenti, që do të përdoret si strehëz për qentë endacakë me një fond deri në 50 000 lekë/muaj”, kërkon të marrë me qira një ambjent social-ekonomik me sipërfaqe 150-200 m², me ambiente të ndara, për të bërë të mundur grumbullimin, kurimin, sterilizimin dhe disinfektimin e qenëve endacak, me një fond deri në 50 000 lekë/muaj. Ambjenti preferohet me vendndodhje në periferi të qytetit dhe të jetë i pajisur me dritare, aspirim dhe ujë 24 orë. Të gjithë subjektet privatë apo individë të interesuar janë të lutur të paraqesin ofertat ku të përfshihet:

• Ofertë për dhënie me qira;
• Vlera e qirasë mujore;
• Çertifikatë rregjistrimi (NUIS), ekstrakt historik; 
• Vërtetim për shlyerjen e detyrimeve tatimore vendore dhe rajonale;
• Vërtetim nga Gjykata dhe Prokuroria;
• Dokument pronësie (i rifreskuar);
• F/kopje dokument ID;
• Foto të ambjentit;

Ofertat dorëzohen me zarf të mbyllur pranë zyrë së Protokollit të Bashkisë.

Afati i pranimit të ofertave është data 15.04.2022, ora 09 ⁰⁰.

Hapja e ofertave do të bëhet në datën 15.04.2022, ora 11 ⁰⁰, në godinën e Bashkisë Elbasan.

Gjithashtu, Ju njoftojmë se, pas hapjes së ofertave,komisioni i vlerësimit do të bëjë verifikimin e ambjenteve që janë paraqitur në ofertë, prandaj kërkojmë disponueshmërinë tuaj.

Faleminderit!                                                                                      

N J O F T I M:

Bashkia Elbasan me Vendim të Këshillit Bashkiak Nr. 5 datë 31.01.2022, ka miratuar fillimin e proçedurave të shpronësimit për pasuritë pronë private, që preken nga realizimi i projektit me interes publik, “Mbi miratimin në parim fillimim e proçedurës për shpronësimin e pasurive, pronë private që preken nga realizimi i projekteve me interes publik “Rruga e re e varrezave Elbasan dhe ndërtimi nënkalimit hekurudhor në kryqëzimin e rrugës nacionale Elbasan-Librazhd me rrugën “Borodin Mitarja””, “Rikonstruksion dhe ndërhyrje në linjën K.U.Z., ndërtimi i sheshit të parkimit të varrezave publike dhe zgjerimi i varrezave publike”””, ndodhur në Z.K. 8521, Z.K 8522 dhe Z.K 8527, mbështetur në ligjin nr. 139/2015 “Për Vetëqeverisjen Vendore”, i ndyshuar, ligjin nr. 8561 datë 22.12.1999 “Për shpronësimet dhe marrjen në përdorim të përkohshëm të pasurisë pronë private për interes publik”, i ndryshuar, për sa më sipër, kërkohet që në zbatim të ligjit nr. 20/2020 “Për përfundimin e proçeseve kalimtare të pronësisë në Republikën e Shqipërisë”, të paraqiten pranëA.SH.K. Zyra Vendore, Elbasan, për të përfunduar proçesin e regjistrimit të pasurisve (AMTP-së)dhe pajisjen me dokument pronësie, qytetarët si me poshtë:

1. Abdyl Ibrahim Qatipi                                                      9.  Osman Haxhi Fejzo
2. Ali Uruçi                                                                         10.  Mustafa Abdurrazaku
3. Adburraman Mehmet Beluli                                         11.  Ibrahim Kapllani
4. Emin Kacadei                                                                12.  Demir dhe Xhemal Lulja
5. Vladimir Gjika, Dhimitër Gjika                                     13.  Kasem Graceni
6. Fatime Xhyra, Hysen Xhyra                                         14.  Adile Ymer Kotherja
7. Xhaferr Karadaku                                     
8. Hatixhe Zejnelhoxha dhe trashëgimtarët

Shkarkoni dukumentin e plotë...

Mirënjohje për ekipet e zjarrfikësave që prej disa ditësh u përballën me një situatë të paprecedentë në menaxhimin e zjarrvënieve të qëllimshme. Pas 4 ditësh u vu nën kontroll vatra e zjarrit në kodrat e fshati Ulëm në Njësinë Administrative Gracen.

Inkurajoj të gjitha organet ligjzbatuese të bëjnë një zbardhje të plotë të ngjarjeve të javëve të fundit, në Njësitë Administrative Shushicë, Gjinar, Zavalinë, Labinot Mal, Gracen, Bradashesh,  të marrin masat përkatëse duke vënë para përgjegjësisë çdo shkelës të ligjit.

Dritan Bashkim Salibasha

     Ju njoftojmë se Këshilli Bashkiak Elbasan me vendimin nr.05 datë 28.01.2014 “Mbyllje proçedure privatizimi banesash shtetërore”, ju ka miratuar mbylljen e proçedurës së privatizimit të banesës suaj ndodhur në lagjjen”Qemal Stafa”, pall.nr.78/3, hyrja”B”, kati i I-^rë, apartamenti nr.2, z.k 8522, Elbasan.

Me qëllim përfundimin e proçedurave të privatizimit të kësaj banese, Ju njoftojmë të paraqiteni për nënshkrimin e kontratës së privatizimit, në të kundërt në mungesë të paraqitjes suaj, me kalimin e 3 (tre) muajve nga shpallja publike e këtij njoftimi, procedura e privatizimit do të vijojë dhe kontrata do të lidhet me anëtarët e tjerë madhorë të familjes,sikurse është parashikuar në pikën 33 të VKM-së nr.179 datë 26.02.2020 “Për Rregullat, Kushtet dhe Proçedurat e Privatizimit të Banesave që Kanë Qenë Subjekt i Ligjit nr.7652 datë 23.12.1992,”Për Privatizimin e Banesave Shtetërore”, dhe të ligjit nr.9321 datë 25.11.2004,”Për Privatizimin e Banesave dhe Objekteve të kthyera në Banesa, të ndërtuara me fondet e Shoqërive dhe të Ndërmarrjeve Shtetërore”.

 Duke Ju falenderuar për mirëkuptimin !