SHPALLJE PËR VEND TË LIRË PUNE
Në mbështetje të ligjit nr.139/2015, “Për vetëqeverisjen vendore” (i ndryshuar) dhe ligjit nr.7961, datë 12.07.1995 “Kodi i Punës i Republikës së Shqipërisë” (i ndryshuar), Bashkia e Elbasan shpall proçedurat e konkurimit për vendin e lirë të punës:
Përgjegjës, Sektori i Inspektimit të Pyjeve, në Drejtorinë e Pyjeve pranë Agjensisë së Pyjeve, Bujqësisë dhe Mjedisit.
KREU I – Përshkrimi i përgjithshëm i vendit të punës
Përgjegjësi i Sektorit të Inspektimit të Pyjeve e ushtron detyrën e tij pranë Agjensisë së Pyjeve, Bujqësisë dhe Mjedisit. Ai ka në vartësi të tij Inspektoriatin e Mjedisit, Sektorin e Veterinarisë dhe Mbrojtjes së Konsumatorit, dhe Sektorin e Bujqësisë. Kjo drejtori harton politikat dhe kryen kontrolle për zbatimin e ligjshmërisë në fushën e mjedisit, bujqësisë, veterinarisë dhe mbrojtjes së konsumatorit.
Detyrat dhe Përgjegjësitë:
- Siguron zbatimin e politikave lokale e kombëtare për ruajtjen e natyrës, menaxhimin Pyjeve e Kullotave të Bashkisë.
- Lehtëson dhe koordinon zbatimin e planeve të menaxhimit për zonat e gjuetisë dhe të veprimit për llojet floristike e faunistike, në nivel lokal.
- Monitoron realizimin e praktikave më të mira në mbrojten e Pyjeve dhe Kullotave nën juridiksionin administrativ të tij.
- Ndjek zbatimin e masave mbrojtëse për tipet e habitateve të listuara në Anekset e Direktivës së Habitatit dhe të zonave të veçanta të ruajtjes.
- Ndihmon në zbatimin e rregullave administrative për mbrojtjen e Pyjeve, Kullotave, ekosistemeve, habitateve dhe peizazhin.
- Ka vartësi dhe raporton përgjigjet para drejtorit të drejtorisë dhe kur i kërkohet, para Drejtorit të Përgjithshëm, për shkallën e plotësimit të detyrave të ngarkuara nga ana e tij dhe punonjësve që punojnë në këtë sektor.
- Ka në vartësi specialistët e sektorit, të cilëve u ndan detyrat dhe kontrollon zbatimin e tyre.
- Pergatit plane pune dhe veprimi për arritjen e objektivave të sektorit në periudha afatshkurtra, afatmesme dhe afatgjata dhe i dergon per miratim tek Drejtori i Drejtorisë.
- Drejton dhe menaxhon procesin për përcaktimin e instrumenteve dhe indikatorëve kyç për matjen e performancës së sektorit, vlerësimin e performancës në mënyrë periodike dhe propozon masa/ndërhyrje në kuadër të përmirësimit të performancës.
- Drejton dhe menaxhon punën për funksionimin eficient të strukturave organizative të sektorit të pyjeve, duke vlerësuar ekzekutimin e të gjithë funksioneve dhe aktivitetit të planifikuar.
- Kontrollon dhe monitoron aktivitetet e sektorit dhe siguron përmbushjen e objektivave të strukturës së tij, duke u mbështetur në rregullat dhe procedurat e institucionit dhe sektorit.
- Mban përgjegjësi teknike dhe ligjore për cilësinë dhe saktësinë profesionale të materialeve të përgatitura prej tij dhe nëpunësve të sektorit ku ai është përgjegjës.
- Organizon sistemin e administrimit të informacionit dhe të statistikave për veprimtarinë e sektorit.
- Zhvillon analizën mujore, 3 mujore, 6 mujore e vjetore të sektorit, duke evidentuar mangësitë dhe arritjet, dhe informon drejtorin.
- Propozon masa administrative tek drejtori për specialistët vartës për mosrealizim të detyrave dhe shkelje të disiplinës në punë.
- Kryen çdo detyrë tjetër që i ngarkohet nga Drejtori i Drejtorisë apo Drejtori i Përgjithshëm.
KREU II – Kërkesa të përgjithshme për pranimin:
- Të jetë shtetas shqiptar;
- Të ketë zotësi të plotë për të vepruar;
- Të ketë përfunduar arsimin e lartë, preferohet te ketë përfunduar arsimin në nivelin me “master”;
- Të ketë përvoja pune të mëparshme të paktën 5 vjet;
- Të ketë aftësi për të zbatuar përgjegjësitë dhe realizimin e objektivave të institucionit;
- Të mos jetë i dënuar me vendim të formës së prerë për kryerjen e një krimi apo për kryerjen e një kundërvajtjeje penale me dashje;
- Të mos jetë dhënë ndaj tij/saj masa disiplinore e largimit nga puna.
KREU III-Dorëzimi i dokumenteve
Kandidati duhet të dorëzojë dorazi ose me postë dokumentacionin e kërkuar pranë Drejtorisë së Administratës dhe Burimeve Njerëzor të Bashkisë Elbasan, deri në datën 04.01.2023.
- Kërkesë me shkrim drejtuar institucionit të Bashkisë Elbasan;
- Fotokopje e ID (kartë identiteti);
- Jetëshkrim (CV);
- Çertifikatë familjare;
- Një numër kontakti (e-mail) si dhe adresën e plotë të vendbanimit;
- Diplomë dhe listë notash (fotokopje e noterizuar);
- Raport mjeko-ligjor për aftësi në punë;
- Referencë me karakteristika specifike nga punëdhënësi i fundit (opsionale);
- Vërtetim që nuk ka masë disiplinore në fuqi;
- Vërtetim nga Gjykata e Rrethit Gjyqësor:
- Vërtetim nga Prokuroria e Rrethit Gjyqësor;
- Vërtetim i Gjendjes Gjyqesore (Dëshmi Penaliteti);
- Çertifikata, trajnime profesionale, në fushën e shërbimeve të kujdesit shoqëror, edukimit dhe në fushën e aftësisë së kufizuar (nëse ka);
- Fotokopje të librezës së punës.
Dokumentacioni i mësipërm të shoqërohet me listë e inventarizuar e dokumentacionit të dorëzuar, e nënshkruar nga kandidati.
Mungesa e njërit prej dokumenteve të mësiperme apo pavlefshmëria e tyre sjell skualifikimin e konkurrentit
Pas verifikimit paraprak të dokumentacionit, do të shpallet lista e kandidatëve të kualifikuar, në lidhje me dokumentacionin e paraqitur, si dhe data kur do të zhvillohet intervista me gojë. Kandidatët e skualifikuar do të njoftohen nëpërmjet adresës eletronike për shkaqet e moskualifikimit.
Kreu IV – Mënyra e vlerësimit do të jetë:
Vlerësimi i dokumentacionit 40 pikë.
Vlerësimi i intervistës me gojë 60 pikë.
Në përfundim të proçedurës së vlerësimit, kandidati që merr mbi 70 pikë në total do të shpallet kandidat i kualifikuar për plotësimin e vendit të lirë.
Konkurimi do të bazohet në njohuri të përgjithshme mbi:
- Kushtetutën e Republikës së Shqipërisë;
- Ligjin nr.139/2015, “Për vetëqeverisjen vendore” (i ndryshuar);
- Ligjin nr.7961, datë 12.07.1995 “Kodi i Punës i Republikës së Shqipërisë” (i ndryshuar);
- Ligjin nr. 44/2015, datë 30.04.2015 “Kodi i Procedurave Administrative i Republikës së Shqipërisë”;
- Ligjin nr. 9131, datë 08.09.2003, “Për rregullat e etikës në administratën publike”;
- Ligjin nr. 9367, datë 07.04.2005 “Për parandalimin e konfliktit të intereresave”;
- Ligjin nr. 119/2014, “Për të drejtën e informimit”;
- Ligjin nr. 8517, datë 22.07.1999 “Për mbrojtjen e të dhënave personale”, i ndryshuar.
- Ligjin nr.9180 datë 05.02.2004 “Për statistikat Zyrtare”, i ndryshuar;
- Legjislacionin në fushën e mjedisit, bujqësisë, veterinarisë dhe mbrojtjes së konsumatorit.