Talentet e shkollave të qytetit shkëlqejnë në festimet e Ditës së Verës

Talentet e shkollave të qytetit tonë u shndërruan në krenarinë e aktiviteteve festive të “Ditës së Verës” dhe gjatë gjithë muajit mars.

Në këtë kuadër, Kryetari i Bashkisë, Gledian Llatja, së bashku me drejtoreshën e ZVA – së Vesa Llanaj Liço, ndanë certifikata vlerësimi për nxënësit, mësuesit dhe prindërit, në shenjë mirënjohjeje për përkushtimin dhe kontributin e tyre.

Fëmijët sollën performanca mbresëlënëse artistike dhe kulturore, duke dëshmuar talentin dhe energjinë që i japin jetë aktiviteteve të qytetit.

Çmimi i parë u fitua nga shkolla “Jorgji Dilo”, e cila u dallua për nivelin e lartë të paraqitjes dhe kreativitetin e treguar.

Bashkia e Elbasanit vijon të mbështesë dhe promovojë iniciativa që nxisin zhvillimin e talenteve të reja dhe forcojnë lidhjen mes shkollës, familjes dhe komunitetit.