Muaj: Prill 2026

Salla e Këshillit Bashkiak të Bashkisë Elbasan u kthye në një hapësirë dinamike diskutimi dhe mendimi kritik, duke mirëpritur aktivitetin “Re-Debate IX”, pjesë e Kampionatit Kombëtar të Debatit për Shkollat e Mesme në Shqipëri.

Ky aktivitet solli në vëmendje energjinë dhe potencialin e të rinjve elbasanas, me pjesëmarrjen e nxënësve nga shkollat “Kostandin Kristoforidhi” dhe “Dhaskal Todri”, të cilët u përfshinë në përballje debati të karakterizuara nga argumente të forta, logjikë dhe frymë sfiduese.

Dy përballjet e zhvilluara gjatë aktivitetit dëshmuan jo vetëm aftësitë oratorike të nxënësve, por edhe rëndësinë e debatit si një mjet për të nxitur mendimin kritik dhe qytetarinë aktive tek të rinjtë.

Aktiviteti u organizua nga LIBURNETIK, me mbështetjen e Agjencia Kombëtare e Rinisë dhe AMSHC, në kuadër të edicionit të nëntë të këtij kampionati kombëtar.

Bashkia Elbasan mbetet e përkushtuar në mbështetjen e nismave që fuqizojnë të rinjtë, promovojnë edukimin cilësor dhe krijojnë hapësira për zhvillimin e ideve dhe dialogut konstruktiv.

Premiera e komedisë “Nuk dëgjoj, nuk shikoj, nuk flas”, e vënë në skenë në Teatrin “Skampa” nën regjinë e Donard Hasanit, dhe aktorëve Laerti Vasili, Hervin Culi, Atalanta Kërçyku dhe Helidon Fino   ka sjellë një atmosferë të veçantë artistike për publikun elbasanas.

Vepra rrëfen historinë e tre personazheve me aftësi të ndryshme, duke ndërthurur humorin me mesazhe të forta sociale mbi pranimin, barazinë dhe sfidimin e paragjykimeve që hasen në shoqëri. Përmes situatave komike, shfaqja arrin të përcjellë emocione dhe reflektim te çdo spektator.

Është një komedi familjare me një mesazh të fortë për shoqërinë. Personat me aftësi të ndryshme duhet të trajtohen njësoj si të gjithë të tjerët.

Ndërsa reagimi i publikut kap qenë mjaft pozitiv, duke e mirëpritur ngrohtësisht këtë produksion.

Mesazhi kryesor është shpresa dhe vullneti për të ecur përpara pavarësisht sfidave.

Vetëm gjatë javës së parë, artdashësit kanë pasur mundësinë ta ndjekin shfaqjen edhe në repriza të tjera, duke dëshmuar interesin dhe vlerësimin për këtë vepër.

Teatri “Skampa” vijon të mbetet një nga qendrat më aktive të jetës kulturore në Elbasan, duke sjellë produksione që jo vetëm argëtojnë, por edhe edukojnë e ndërgjegjësojnë publikun.

Në këtë ditë të shenjtë, plot dritë dhe besim, Kryetari i Bashkisë, Gledian Llatja, së bashku me Aulona Bylykbashi dhe Florenc Spaho, përcollën urimet më të sinqerta për paqe, shpresë dhe solidaritet për të gjithë qytetarët.

Gjatë pritjes festive të organizuar me rastin e Pashkëve në Kishën “Shën Piu X”, u ndanë momente të veçanta reflektimi dhe bashkimi shpirtëror, duke forcuar vlerat e besimit dhe të komunitetit.

Le të shërbejë kjo festë si një frymëzim për më shumë mirësi, dashuri dhe përkujdesje ndaj njëri-tjetrit.

Gëzuar Pashkët!

Një forum rinor me fokus sigurinë publike dhe rolin e të rinjve në parandalimin e dhunës u zhvillua në Elbasan, pranë ambienteve të organizatës Ndihma e Weilheim për Shqipërinë.

Në këtë aktivitet mori pjesë Ambasadori i OSBE në Shqipëri, Michel Tarran, së bashku me Kryetarin e Bashkisë Elbasan, Gledian Llatja, përfaqësues të institucioneve publike, organizatave të shoqërisë civile dhe të rinj nga qyteti.

Forumi u zhvillua në një format interaktiv, i drejtuar nga vetë të rinjtë dhe aktorëve institucionalë, duke synuar nxitjen e dialogut mbi çështje të sigurisë, veçanërisht ndërgjegjësimin për armët e lehta dhe të vogla, si dhe përmes një sesioni të hapur pyetje–përgjigje dhe reflektimi, që inkurajoi pjesëmarrjen aktive dhe shkëmbimin e drejtpërdrejtë të mendimeve mes të rinjve dhe përfaqësuesve institucionalë.

Aktiviteti përfshiu ekspozita artistike, prezantime videosh ndërgjegjësuese dhe diskutime të hapura mes pjesëmarrësve.

Në kuadër të Ditës Botërore të Ndërgjegjësimit për Autizmin, në kopshtet e qytetit të Elbasanit u zhvilluan aktivitete të ndryshme ndërgjegjësuese dhe edukative, me fokus promovimin e mirëkuptimit, pranimit dhe gjithëpërfshirjes së fëmijëve me autizëm.

Këto iniciativa synojnë të krijojnë një mjedis sa më mbështetës dhe gjithëpërfshirës në institucionet parashkollore, duke nxitur që në moshë të hershme vlera si empatia, durimi dhe solidariteti.

Bashkia e Elbasanit mbetet e angazhuar në promovimin e politikave dhe aktiviteteve që vendosin në qendër fëmijët dhe mirëqenien e tyre, duke kontribuar në ndërtimin e një komuniteti më të ndjeshëm dhe të barabartë për të gjithë.

Punimet për parkun rekreativ “Dua të luaj” në Elbasan janë drejt përfundimit, duke sjellë shumë shpejt një hapësirë të re moderne në shërbim të komunitetit.
Ky investim, i shtrirë në një sipërfaqe prej rreth 22 mijë m², përfshin fusha sportive, kënde lojërash për fëmijë dhe ambiente të gjelbra rekreative për familjet dhe të moshuarit.

Me mbështetjen e Fondit Shqiptar të Zhvillimit, ky projekt synon të krijojë një park funksional dhe gjithëpërfshirës, duke promovuar një stil jetese aktive për të gjitha grupmoshat.

Bashkia Elbasan vijon punën për transformimin e hapësirave publike, duke rritur gjelbërimin dhe cilësinë e jetës për qytetarët.

Në Bashkinë Elbasan, u zhvillua një takim në kuadër të shkëmbimit të eksperiencave ndërmjet të rinjve të qytetit të Ferizajt dhe atyre të Elbasanit.

Të rinjtë u pritën nga nënkryetarja e bashkisë, Klaudia Krasnika, e cila theksoi se rinia mbetet një nga prioritetet kryesore të Bashkisë Elbasan, duke vlerësuar rolin e saj në zhvillimin social dhe qytetar.

Takimi u konceptua si një bisedë e hapur mbi funksionimin e strukturave rinore në qytetet respektive, duke krijuar një hapësirë dialogu dhe bashkëpunimi ndërmjet të rinjve.

Gjatë këtij aktiviteti, pjesëmarrësit patën mundësinë të njihen nga afër me Drejtorin e Rinisë, si dhe me politikat dhe programet rinore që zbaton Bashkia Elbasan.

Bashkia Elbasan mbetet e hapur për çdo formë bashkëpunimi, jo vetëm në nivel lokal dhe qendror, por edhe përtej kufijve të Shqipërisë, duke inkurajuar partneritete të reja dhe shkëmbime ndërkombëtare.

Nëpërmjet mekanizmave si buxhetimi me pjesëmarrje dhe takimeve të vazhdueshme me të rinjtë, Bashkia Elbasan, gjatë këtij viti, ka akorduar një buxhet të dedikuar për rininë, në mbështetje të aktiviteteve kulturore dhe artistike të propozuara nga vetë të rinjtë.

Pas përfundimit të takimit, të rinjtë vizituan ekspozitën e “Ditës së Verës” në ambientet e Bashkisë Elbasan. Më pas, ata ndoqën nga afër provat zyrtare të shfaqjes së radhës në Teatrin “Skampa”, si dhe vijuan me një vizitë në Muzeun Etnografik të qytetit.

Në përfundim, përfaqësuesit e Ferizajt shprehën gatishmërinë për vijimin e këtij bashkëpunimi, duke bërë me dije se takimi i radhës do të zhvillohet në qytetin e tyre.