“Oldtimer Fest Elbasan” rikthehet më 24 Maj, një festë e makinave klasike dhe atmosferës festive në qytet
Elbasani do të mirëpresë më 24 maj aktivitetin “Oldtimer Fest Elbasan”, një event i dedikuar makinave klasike dhe komunitetit të apasionuar pas automjeteve historike, i organizuar nga Vw Club Albania.
Aktiviteti nis në orën 10:00 me grumbullimin e mjeteve pjesëmarrëse, ndërsa nga ora 10:00 deri në 12:00 do të ketë muzikë dhe DJ set për të krijuar një atmosferë festive për të pranishmit.
Në mesditë, rreth orës 12:00–12:30, është parashikuar parakalimi i makinave nëpër qytet, me nisje drejt Parkut të Krastës, ku do të vijojnë aktivitetet kryesore.
Në Parkun e Krastës, pjesëmarrësit dhe vizitorët do të kenë mundësi të shijojnë muzikë live, barbeque, ekspozim mjetesh dhe aktivitete të ndryshme deri në pasdite.
Organizatorët e aktivitetit janë Gentian Bici dhe Ervin Skënderi, ndërsa eventi mbështetet nga disa sponsorë lokalë.
“Oldtimer Fest” do të sjellë në Elbasan një ditë të veçantë me makina ikonike, muzikë dhe pjesëmarrje të gjerë të qytetarëve dhe vizitorëve.
📍 Elbasan
📅 24 Maj
⏰ Nisja: 10:00
🎉 Aktiviteti: Oldtimer Fest Elbasan