Aktualitet

“Për ty, Shqipëri!”

Nën kujdesin e Bashkisë Elbasan dhe Kryetarit Gledian Llatja, në datë 28 Nëntor në orën 17.00 në Sheshin ” Gensher” organizohet një koncert i madh me rastin e Festës së Flamurit. Kjo mbrëmje e veçantë do të sjellë emocion dhe gëzim për të gjithë, me pjesëmarrjen e këngëtarëve më të njohur të qytetit, që do të krijojnë një atmosferë të paharrueshme.Tematika e këtij aktiviteti është promovimi i muzikës qytetare të qarkut të Elbasanit dhe asambleve popullore nga e gjithë zona, duke nxjerrë në pah traditat dhe kulturën e pasur të kësaj treve.Ejani të festojmë së bashku këtë ditë të shenjtë për kombin, në zemër të Elbasanit, aty ku flamuri dhe traditat bashkojnë të gjitha brezat!

Kryetari i Bashkisë së Elbasanit, Gledian Llatja, ka njoftuar organizimin e koncerteve dhe aktiviteteve të ndryshme gjatë gjithë muajit gusht në të gjitha parqet e qytetit. Ky njoftim vjen si vazhdim i nismave të mëparshme për të mbajtur gjallë jetën kulturore dhe sociale të qytetit.

“Në përputhje me traditën tonë, këtë verë kemi organizuar një sërë aktivitetesh për të gjithë qytetarët e Elbasanit”, tha Llatja.

“Nga koncertet e shumta te aktivitetet për fëmijë dhe familje, kemi planifikuar një program të pasur që do të zgjasë gjatë gjithë muajit gusht”, shtoi ai.

Këtë vit, përveç mbajtjes së kopshteve hapur, Bashkia ka vendosur të zgjerojë ofertën e saj me një gamë të gjerë aktivitetesh kulturore dhe argëtuese. “Po i japim një ritëm të ri pasditeve të qytetit të Elbasanit, me koncerte, teatro, aktivitete sportive dhe shumë surpriza të tjera,” shtoi Llatja.

Aktivitetet janë planifikuar të zhvillohen në disa pika kryesore të qytetit, duke përfshirë Qendrën e Fëmijëve, Qendrën Kulturore dhe institucionet e tjera kulturore të bashkisë. Këto organizime synojnë të krijojnë një atmosferë festive dhe të përfshijnë sa më shumë banorë të qytetit.
“Kemi bërë gjithçka për të siguruar që fëmijët dhe familjet e Elbasanit të kenë një verë të paharrueshme”, theksoi Llatja. “Jemi të përkushtuar të ofrojmë një mjedis të sigurt dhe të pasur me aktivitete për të gjithë.”
Qytetaret e Elbasanit kanë pritur me shumë kënaqësi këtë njoftim, duke shprehur mirënjohjen për përkushtimin e Bashkisë në përmirësimin e cilësisë së jetës në qytet. Aktivitete të shumta pritet të zhvillohen gjatë gjithë muajit, duke ofruar mundësi të ndryshme argëtimi dhe relaksimi për të gjithë grupmoshat.

Ju ftojmë të na bashkoheni për një festë të mrekullueshme të Qershisë më 1 Qershor, ora 18:00. Do të jetë një festë e gëzueshme me muzikë live, ushqime të shijshme dhe aktivitete argëtuese.

Qershia është fruti i shijshëm i verës, dhe kjo festë është një mundësi për të festuar bukurinë dhe shijen e saj!

Për të mos humbur këtë festë të mrekullueshme, na bashkohuni më 1 Qershor, ora 18:00. Ju premtojmë një festë plot kënaqësi!

Ju presim me padurim!

Bashkia Elbasan.

Spektakël i madh në qytetin e Elbasanit.  Ngjitja në Kategorinë Superiore të ekipit të Elbasanit, është cilësuar si një fitore e madhe për ekipin, mbarë tifozët por edhe qytetarët elbasanas.

Gjatë të gjithë pasdites së sotme, ekipi dhe Elbasani ka festuar titullin kampion në kategorinë e parë në futbollin kombëtar.

Nën kujdesin e vecantë të kryetarit të bashkisë Gledian Llatja, që në orët e para të mbasdites qendra e qytetit ka qenë vetëm për ekpin, tifozët dhe shumë qytetarë të cilët kanë përgëzuar ekipin për rikthimin e tyre në kategorinë superior.

 Stadiumi Elbasan “Arena” u mbush me tifozë si dhe me plot urime dhe krenari, duke befasuar ekipin nga përkrahja e padiskutueshme e tifozëve.

Pas ndeshjes me Bylis, skuadra AF Elbasani parakaloi në bulevardin e qytetit së bashku me sportdashësit.

Ka qenë një atmosferë e madhe festive për qytetin e Elbasanit rikthimi i ekpit në superior, ku bashkia Elbasan ka ftuar të gjithë qytetarët të bëhen pjesë e kësaj skene si edhe të festojnë në një koncert të madh në sheshin “Gensher”. Festimet kanë vijuar, me lavdërime për lojtarët e talentuar dhe trajnerin e tyre.

Ky është një rikthim i madh në elitën e futbollit shqiptar që tifozëve elbasanas u kishte munguar aq shumë.

Krijuar tre vite më parë, ekipi ngjiti shkallët dhe tani do të përfaqësohet mes më të mirëve, aty ku duhet të jetë.

Bashkia e Elbasanit meriton një vlerësim për kontributin e saj në suksesin e ekipit të futbollit, pasi ka luajtur një rol kyç në promovimin e sportit në komunitet, duke organizuar evenimente dhe programe të sportit, si edhe duke nxitur zhvillimin e talenteve të futbollit.

Mbështetja e vetë kreut të bashkisë në cdo ndeshje të ekipit ka ndihmuar në rindërtimin e një ekipi të fortë dhe konkurrues në skenën e futbollit.

Pas përfundimit të ndeshjes, në nisje të festimeve në qytet, kreu i bashkisë Gledian Llatja falenderoi ekipin për këtë fitore, ndërsa shtoi se “është një sukses i të gjithë qytetit, është një investim që nis nga bashkia e Elbasanit, por me dashamirësinë e të gjithë qytetit dhe me mbështetjen e bizneseve.

 Sot kemi arritur të jemi kampion. Është një festë në Elbasan, ndaj synimi ynë është që të vazhdojmë sukseset, të vazhdojmë punët e mira me ekipin bashkë me qytetin tonë”, tha ai.

Kjo fitore është një kapitull i ri në historinë e futbollit elbasanas si edhe frymëzon gjeneratat e ardhshme për të ndjekur ëndrrën e tyre në sport.

Pas përfundimit të takimit u organizua edhe ceremonia për kurorëzimin e ekipit kampion nga Federata Shqiptare e Futbollit ku i pranishëm ishte Presidenti i FSHF-së, Armand Duka dhe Sekretari i Përgjithshëm i FSHF-së, Ilir Shulku.

Presidenti i FSHF-së, Armand Duka, i dorëzoi medaljet dhe titullin kampion ekipit të AF Elbasanit.

Kryeministri Edi Rama ishte sot në Elbasan, ku në Ditën Ndërkombëtare të Punëtorëve, nisi funksionimin investimi i ri në impiantin e Ferrokromit të AlbChrome.

Rama vizitoi nga afër furrat e Impiantit të Ferrokromit dhe mensën e punëtorëve, të cilët përveç pagës mesatare 900euro kanë tanimë edhe ushqimin falas në vendin e punës.

Investimi i ri në impiantin e Ferrokromit të AlbChrome në Elbasan garanton respektimin e të gjitha standardeve mjedisore dhe sociale, si detyrim i të gjitha sipërmarrjeve që të mbrojnë nga ndotja hapësirën e përbashkët.

Fabrika e pastrimit të pluhurit, investim i YILDIRIM Group, ka të përfshira mjediset e mensës dhe dhomat e zhveshjes për punonjësit, si tregues i angazhimit të kompanisë për përmirësimin e kushteve të vendit të punës dhe respektimin e standardeve të sigurisë dhe shëndetit të BE-së, në përputhje me qëllimet e saj mjedisore, sociale dhe qeverisëse (ESG).

Edea dhe Martini, janë dy talentët nga Elbasani të cilët u paraqitën denjësisht në konkursin kombëtar të Kuiz Europian të Parasë në Bruksel.

Dy të rinjtë fituan këtë konkurs duke përfaqësuar me dinjitet qytetin e tyre por edhe Shqipërinë duke konkuruar me mijëra bashkëmoshatarë nga 30 vende të Europës.

14 vjeçarët nga Elbasani u përballën me një garë të fortë, ku merrnin pjesë edhe nxënës të shkollave profesionale me drejtim financë e kontabilitet, por eksperienca rezultoi e shkëlqyer.

European Money Quiz synon të rrisë kulturën financiare të të rinjve dhe t’i përgatisë për sfidat ekonomike.

Në kuadër të ditës botërore të librit dhe të drejtës së autorit, biblioteka publike “Qemal Baholli”, ka hapur dyert për të promovuar librin “Fletë nga jeta ime” e autorit Dhimitër Shuteriqi.

Në këtë event, kanë marrë pjesë shkrimtarë, intelektualë të qytetit, dashamirës të librit, të afërm të autorit, si edhe kryetarja e Këshillit të Qarkut Ermira Urupi.

Në promovim është bashkëbiseduar për kujtimet e Shuteriqit, ku u vu në dukje fakti se në “Fletë nga jeta ime”, autori reflekton duke na paraqitur disa nga momentet personale të jetës së tij, dashuria për njerëzit dhe vendin e tij, e cila herë – herë përzihet me trishtim dhe zhgënjim.

Dhimitër Shuteriqi është një personalitet i shquar i historisë letrare e kulturore.

 “Fletë nga jeta ime”, një libër me kujtime i autorit plot dashuri për vendin e tij dhe njerëzit, ku lexuesi mund të qeshë, të reflektojë, takon njerëz të famshëm e të thjeshtë.

Fëmijët e kopshteve të qytetit, pasi janë njohur nga edukatorët e tyre rreth Ditës së Tokës, kanë organizuar edhe një sërë aktivitetesh për këtë ditë.

Duke bashkëpunuar me njëri-tjetrin fëmijët kanë krijuar punimet e tyre me mesazhin se të gjithë duhet të kujdesemi për tokën, dhe mjedisin ku jetojmë, duke i ekspozuar në oborret e kopshteve.

Fëmijët realizuan vizatime të ndryshme të cilat kanë të bëjnë me jetesën në Tokë, çfarë e bën Tokën planet të lumtur dhe çfarë e ndot atë.

Nëpërmjet këtij aktiviteti, fëmijët brezi i ardhshëm i vendit mësuan se Toka është planeti ynë dhe duhet ta ruajmë atë.

Në 23 prill, ditën botërore të librit dhe të drejtës së autorit, biblioteka publike “Qemal Baholli” hap dyert për promovimin e librit “Fletë nga jeta ime”, të autorit Dhimitër Shuteriqi.

Në këtë kuadër janë të ftuar të marrin pjesë të gjthë elbasanasit dhe dashamirësit e librit të bashkohen në këtë takim ku do të flitet për historikun e afërt të Elbasanit, sjellë mjeshtërisht nga kujtimet e Shuteriqit ku secili ndjehet dhe bëhet pjesë e tij.

Elbasani ka disa vite që ka hyrë në hartën turistike ditore. Këtë e dëshmon fakti se çdo ditë qindra vizitorë ndalen në Elbasan, duke shijuar resurset historike dhe natyrore që ka ky qytet.

Një sezon turistik shumë premtues me turistë nga shumë vende të ndryshme të botës frekuentojnë Elbasanin dhe të gjitha resurset e tij të vizitueshme.

Vetëm gjatë kësaj jave qindra vizitorë janë ndalur në Elbasan, për të parë më nga afër, lagjen “Kala” brenda së cilës ndodhen shumë objekte historike dhe kulturore, si, kulla e sahatit, hamami i vjetër, xhamia Mbret dhe Kisha e Shën Mërisë.

Agjensia e Kulturës dhe Turizmit në Elbasan, i ka dhënë një rëndësi të veçantë turizmit ditor në Elbasan, ndaj edhe turistët e ardhur vetëm gjatë këtyre ditëve janë njohur edhe me shumë pasuri të trashëgimisë kulturore, siç është mozaikut në qendër të qytetit, jo shumë larg mureve rrethuese të Kalasë së lashtë i ka dhënë një hov turizimit kulturor në Elbasan.

Sakaq edhe Muzeu Etnografi, është një tjetër pasuri historike e kulturore që i është prezantuar turistëve, ku këta të fundit kanë parë nga afër 80 lloje zejesh që ndodhen brenda kësaj shtëpie e cila mbart një pasuri të vyer të historis së Elbasanit.

Vlen të theksohet fakti se gjatë këtij viti Elbasani është vizituar jo vetëm nga turistë të thjeshtë por edhe diplomatë të shumtë, të cilët kanë vizituar muzeun etnografik, madje edhe mozaikun në qendër të qytetit jo shumë larg mureve rrethuese të Kalsë së lashtë.

Prej disa vitesh kreu i bashkisë Gledian Llatja është bërë iniciator i një lëvizjeje që ka ndikuar dukshëm në gjallërimin e këtij lloj turizmi.

Objektivi i kryebashkiakut është kthimi i Elbasanit në një qendër të rëndësishme të turizmit kulturor. Elbasani me trashëgimi të shumta kulturore e natyrore ka hyrë edhe në hartën turistike ditore, duke mundësuar që  të gjitha stinët dhe muajt e vitit do të kenë turistë.