Aktualitet

Kryetari i Bashkisë Z. Gledian Llatja, si edhe kreu i KOKSH Fidel Ylli, kanë pritur ekipin me 10 atletë dhe sportistë elitarë nga Ukraina, të cilët janë vendosur në qytetin e Elbasanit.  

Atletët do të akomodohen për një periudhë të pacaktuar dhe do të stërviten në stadiumin “Elbasan Arena”.  

Pasi i ka uruar mirëseardhjen, Kryetari i Bashkisë Z. Gledian Llatja pohon se atletëve i janë krijuar të gjitha kushtet për aq kohë sa do të qëndrojnë në Elbasan.  

  “Morëm masat që të jenë të sigurtë dhe të vazhdojnë stërvitjen në Elbasan.  

Kemi pasur kontakte me FSHA për krijimin e kushteve, jo vetëm të stërvitjes, por për gjithçka i nevojitet një sportisti. Elbasani ka hapur përherë dyert për këdo që ka pasur nevojë. Sot, është një komb mik që ka nevojë për Shqipërinë dhe Elbasanin dhe ky qytet u është gjendur gjithnjë pranë. Bizneset na janë gjendur të gjithë pranë dhe i falenderoj për mbështetejn maksimale, ashtu si edhe qytetarët. Uroj të shkojnë sa më të sigurtë dhe shpejtë në shtëpinë e tyre, por për sa kohë janë në Elbasan ne do t’i sigurojmë gjithçka që kanë nevojë”, u shpreh Kryebashkiaku.  

 Presidenti i KOKSH, Fidel Ylli, pohoi se janë të gatshëm të mbajnë edhe më shumë sportistë.  

  “FSHA në bashkëpunim me KOKSH kanë patur një kontakt të vazhdueshëm me presidentin e Federatës së Atletikës Ukrainase, Sergei Butka, një muaj rresht. Kanë bërë një rrugë të gjatë, kanë lënë familjet e tyre atje dhe ne kemi për detyrë si familje olimpike dhe së bashku me FSHA, qeverinë dhe Bashkinë e Elbasanit, që këtyre atletëve t’i krijojmë kushte dhe mundësi për të qëndruar, të sërviten dhe komunikojnë me familje e tyre”.  

Ekipi me atletë të rinj nga Ukraina, kryesisht nxënës dhe studentë, do të stërviten në pistën e stadiumit “ Elbasan Arena”, një nga më të mirat në vendin tonë. Në një të ardhme pritet që këtij grupi sportistësh ti bashkohen edhe dhjetra të tjerë.  

Bashkia Elbasan, në bashkëpunim me  Ministrinë e Arsimit dhe Sporteve , si edhe Dhomën e Tregëtisë dhe Industrisë Tiranë, kanë çelur edicionin e 14 – të ,të Panairit “Ëork & Study”.  

I kthyer tashmë në traditë, me qëllim inkurajimin e të rinjve drejt punësimit, në panair marrin pjesë shumë kompani, universitete e institucione të ndryshme, të cilat ofrojnë vende të lira pune. Kryetari i Dhomës së Tregtisë dhe Industrisë Tiranë, Nikolin Jaka, teksa hapi ediconin e këtij viti, theksoi rëndësinë e këtij organizimi.  

Kryetari i Bashkisë së Elbasanit, z. Gledian Llatja, e sheh këtë panair si një mundësi komunikimi mes punëkërkuesve dhe punëdhënësve, posaçërisht në sektorin privat.  

Qëllimi i Panairit, është inkurajimi i të rinjve dhe njohja sa më afër me alternativat e ndryshme që ofrohen për punisësimin e të rinjve në të ardhmen.  

Ministrja e Arsimit, Sportit dhe Rinisë, Evis Kushi, e cilësoi këtë Panair si një mundësi shumë të mirë për të rinjtë, kompanitë e biznesit, universitetet dhe maturantët.  

Një ditë pas aksionit për lirimin e hapësirave në Kodër Krastë, nën kujdesin e kryetarit të Bashkisë Z. Gledian Llatja, janë mbjellë 400 fidanë pishe të reja. Kjo kurorë e gjelbër pishash i shtohet masivit pyjor të Kodër Krastës i cili vitet e fundit është kthyer në një park jo vetëm pushimi por edhe kodrinë sportive për qytetarët e Elbasanit. Preferenca sa vjen e rritet për ta frekuentuar Kodër Krastën, për nga vetë pozita gjeografike që ajo ka, por edhe nga klima, prandaj edhe e quajnë ” mushkëria e Elbasanit” . Të katër stinët e vitit, kodrën e sheh të gjelbëruar duke i dhënë qytetit një pamje akoma më të bukur. Kryetari i Bashkisë Z. Gledian Llatja ka falenderuar të gjitha institucionet që iu përgjigjën thirrjes së Bashkisë Elbasan dhe Prefektit të Qarkut, në një aksion për zëvendësimin e pemëve të dëmtuara ndër vite. ” Mbjellja e pishave tradicionale ne Kodër Krastë do të vazhdojë, të gjithë qytetarët elbasanas mund të mbjellin pemën e tyre në këtë Kodër, e cila zbukuron mjedisin, por ruan edhe shëndetin tonë. Një pemë e mbjellë sot, më shumë shëndet për fëmijët tanë”.

Bashkia Elbasan, në bashkëpunim me ASHP, Drejtorinë e Pyjeve, si edhe Policinë, kanë ndërmarrë një aksion për lirimin e hapësirave publike në Kodër Krastë. Nën kujdesin e kryetarit të Bashkisë Z. Gledian Llatja, aksioni ka si qëllim lirimin e hapësirave të zëna kryesisht nga banorë të zonës por edhe qytetarë të papërgjegjshëm. Vetëm ditën e sotme janë liruar 7000 metra të cilat konsistojnë me pemë të mbjella nga banorët të cilat nuk janë karakteristike e zonës. Kreu i Bashkisë Z. Gledian Llatja deklaron se” aksioni do të vazhdojë deri në lirimin e të gjitha objekteve apo godinave pa leje qofshin këto për efekte blektorale apo arsye të tjera në zonën e Krastës. Lirimi i sipërfaqes ështe zëvëndësuar me mbjelljen e pishave, janë hequr gardhet  dhe janë mbjellë me pemë tradicionale. Cdo fond pyjor i Bashkisë së Elbasanit do të jetë për qytetarët e Elbasanit. Nuk ka pasur  dhe nuk do të ketë tjetërsim të fondit pyjor as në Krastë as në zonat e tjera pyjore”.  Sa i përket zjarreve të rëna qëllimisht në disa nga Njësitë Administrative të Elbasanit Z. Llatja pohon se ” Ndërmarja e Shërbimeve Publike si edhe Zjarrëfiksja kanë ndërhyrë në kohë per shuarjen e zjarrit, por flakët janë rindezur sërisht nga persona të qëllimshëm. Shembulli ynë më i mirë është, edhe pse ti e djeg pyllin, Bashkia do ta rimbjelli”. Kodër Krasta e Elbasanit njihet edhe si pjesa domethënëse e “mushkërisë së gjelbër” të qytetit, që tashmë ka marë shtrirje akoma më të gjerë, që nga koha kur ky vend nisi të quhej i tillë, dhe të bëhej vullnetarisht një zonë e gjelbër .

Z.Llatja uron ditën e Sulltan Nevruzit, ditën e fisnikërisë bektashiane. Në këtë ditë të ringjalljes së madhe, besimtarët bektashianë kremtojnë sot ditën e Sulltan Nevruzit, ditëlindjen e të madhit Imam Aliu. Kryetari i Bashkisë Z. Gledian Llatja i shoqëruar nga deputetë të Elbasanit dhe besimtarë ka vizituar dhe ka uruar nga teqeja e Baba Sheirift këtë ditë të ripërtëritjes së natyrës dhe ringjalljes së madhe. ” Festa e Sulltan Nevruzit sinjifikon ringjalljen, në këtë ditë lind shpresa, për të  gjithë njerëzimin,  ku të gjithë shpresojmë  për një të ardhme më të mirë. I uron bashkëqyterëve “

Në Ditën Botërore të Sindromës Down me ministret Ogerta Manastirliu dhe Evis Kushi nën kujdesin e vecantë të Kryetarit të Bashkisë Z. Gledian Llatja, janë organizuar një sërë aktivitetesh. Në Pallatin e Sportit të Elbasanit në një aktivitet organizuar nga Bashkia Elbasan qëllimi i këtyre aktiviteteve ishte për të promovuar të drejtat e këtyre personave dhe rritur ndërgjegjësimin për më shumë përfshirje në shoqëri. Kreu i Bashkisë Z. Gledian Llatja ka falenderuar të pranishmit për pjesëmarrjen, si edhe  Roland Hysi dhe “Special Olympics Albania” të cilët  u bashkuan në këtë aktivitet kaq të veçantë. Bashkia Elbasan do të vijojë të mbështesë  integrimin e të gjithë fëmijëve me aftësi të veçanta.Në muajin dhjetor të vitit  2011, Asambleja e Përgjithshme e Kombeve të Bashkuara shpalli 21 Mars si Ditën Botërore të Sindromës Down. 

Lulishtes së re në qendër të qytetit po i jepet dora e fundit. Në përfundim të punës për rindërtimin e Xhamisë së re të Ballies, plotësohet tabloja e një vepre arkitekturore moderne që i shtohet suvenireve të veçanta të Elbasanit.  

Lulishtja e re, së shpejti do të  kthehet në shërbim të komunitetit me mjedise të gjelbëruara dhe vendpushime çlodhëse.  

Projekti i investimit përfshiu zonën përgjatë bulevardit “Aqif Pasha”, pozicionuar ndërmjet xhamisë së Ballies dhe teatrit “Skampa”.  

Në zonën e rehabilituar, punimet përfshinë trajtimin e hapësirave publike urbane me elementë të rëndësishëm arkitektonik bashkëkohor, gjelbërim, dekoracione artistike dhe ndriçim i ambientit.  

Ky investim me financim nga qeveria shqiptare dhe zbatuar nga Fondi Shqiptar i Zhvillimit synon të rrisë cilësinë e ambienteve të hapura publike dhe të ofrojë një hapësirë dinamike për ushtrimin e aktiviteteve artistiko-kulturore, në shërbim të qytetit të Elbasanit.

Edhe pse ka marrë përmasa të mëdha në të gjithë vendin, festimet e Ditës së Verës, e kanë kryeqendrën në Elbasan. Nën kujdesin e veçantë të Kryetarit të Bashkisë së Elbasanit, pas dy viteve mungesë për shkak të pandemisë, festimet e Ditës së Verës, startuan që në datë 10 Mars për t’u finalizuar drekën e 14 Marsit. 27 organizime festive në 6 pika të qytetit të Elbasanit, kjo ishte edhe harta e festimeve në prag të Ditës së Verës, deri në perëndimin e 14 Marsit. 
Këtë të hënë kanë qenë me mijëra qytetarë jo vetëm nga Elbasani, por edhe  nga gjithe Shqipëria  që kanë festuar ditën e verës në qytetin e traditës së kësaj feste. Festimet  në Elbasan nisën gjallërinë e tyre mbrëmjen e 10 marsit, për të vijuar deri në datën 14 mars deri sa dielli nis të perëndojë. Fëmijët e Kopshteve të Bashkisë së Elbasanit, ishin edhe lajmëtaret e para të festimeve të Pranverës. Tek Parku ” Rinia” dhe jo vetëm, fëmijët kanë organizuar aktivitete të ndryshme, me këngë, dhe valle.   Aktivitetet kanë vijuar me Festivalin Folklorik Kombëtar të Këngës Popullore Qytetare, i cili mblodhi në Elbasan në edicionin e tij të XVII  më shumë se 11 asamble dhe trupa nga të gjithë trevat shqiptare. Si pjesë ikonike e Ansamblit ” Isuf Myzyri” Bashkia e Elbasanit vlerësoi dy bilbilat e këngës popullore Vëllezërit Zena me titullin ” Qytetar Nderi” akorduar nga Këshilli Bashkiak për merita të veçanta në zhvillimin e artit, kulturës dhe ruajtjen me fanatizëm të motiveve tipike elbasanase. Aktivitete dhe larmi festive në të gjithë qytetin. Pallati i Sportit në Elbasan, organizoi finalen e maratonës sportive ” Lëvizja Olimpike” mes shkollave 9 – vjeçare dhe të mesme të Bashkisë Elbasan. Kupa e Luleve në Basketboll shkoi për djemtë e shkollës ” Kostandin Kristoforidhi” dorëzuar nga vetë kreu i Bashkisë Z. Gledian Llatja. Aktivitetet festive vijuan edhe në datat 12 dhe 13 Mars, ku 17 grupe nga të gjithë trojet shqiptare sollën traditat, kulturën dhe kostumografinë e tyre në një “defila” për herë të parë në Elbasan. Ishin fëmijët ata të cilët ngritën edhe balonat e Ditës së Verës. Ndërsa me qindra qytetarë jo vetëm nga Elbasani, por nga vende të ndryshme të vendit, kanë shijuar mbrëmjen e 14 Marsit jashte në shesh, ku nën ritmin  e këngëve të artistes së njohur Aurela Gaçe dhe grupit më të njohur Elita 5 për më shumë se 5 orë kanë shijuar dhe festuar  ardhjen e Ditës së Verës. Një koncert i madh festiv i cili i kishte munguar Elbasanit prej dy vitesh, i cili u finalizua me fishekzjarre që mbuluan qiellin e Elbasanit për disa minuta. Mëngjesi i së hënës, ka gjetur fëmijët në shesh, aktivitete të ndryshme parada e karnavaleve, maratona dhe gara e çiklizmit mes shkollave të qytetit, si edhe Panairi Industrial dhe ai i Sportit, ishin të tjera aktivitete në kuadër të Festës Pagane të Ditës së Verës në Elbasan. Panairi i zejeve dhe bizneseve të Elbasanit një mundësi fantastike për të promovuar punën dhe kreativitetin e njerëzve të thjeshtë që e kanë ndërtuar ekonominë dhe te ardhmen falë aftësive të tyre. Ekspozita fotografike e festimeve ndër vite në Muzeun Etnografik dhe në lulishten e rehabilituar pranë Xhamisë së Ballies, ishin dy nga pikat më interesante për vizitorët e shumtë të qytetit. Sofra e Elbasanit, një traditë shekullore që çdo 14 Mars hap dyert për të gjithë miqtë e qytetit për t’i uruar mirëseardhjen pranverës, do të mbyllte edhe aktivitetet për këtë ditë të shënuar festive për Elbasanin. Kreu i Bashkisë Z. Gledian Llatja, bashkë me deputetët e Elbasanit, patën nderin të prisnin miq nga i gjithë vendi dhe jashtë vendit  në këto ditë feste, duke i falenderuar që u bënë pjesë e festimeve në qytetin e Elbasanit, aty ku edhe ka lindur kjo festë që nga lashtësia. Ndërsa, dhe të gjithë elbasanllinjtë përcjellin miqtë e tyre nga vende të ndryshme të Shqipërisë, dhe mbyllin kështu një ditë të paharruar për një vit të tërë. Dita e Verës  është me origjinë pagane, një festë ku nuk ndërhyn feja, festojnë të gjithë, është kënaqësia e stinës së pranverës. 

“Dita e Verës”  është festuar në qytetin e Elbasanit me ritualin shekullor, me dalje në natyrë, pa e  prishur traditën e bukur dhe të veçantë, të trashëguar  ndër breza. Sipas të moshuarve, pragfesta, dita e festës dhe një muaj më pas, njerëzit sheshonin gjithë kontradiktat, zënkat dhe mëritë. ”Dita e Verës”, fitonte kështu një “status” krejt të veçantë, duke imponuar mirësinë, paqen dhe qetësinë. Në këtë kuadër, Bashkia e Elbasanit ka hartuar një program të gjerë festimesh për këtë ditë të shënuar më së shumti për elbasanllinjtë të cilët prej shekujsh e kanë festuar këtë ditë.  

Programi për ditën e Verës  

Data 09 -10- 11 Mars  

Fëmijët e kopshteve të Bashkisë Elbasan festojnë ardhjen e pranverës: Parku “ Rinia”/ 10:00  

Kampionati i basketbollit dhe volejbollit:   Pallati i Sportit/ 11:00  

Nata finale e Festivalit për Fëmijë  “ Zërat Pranverore”  

Qendra Rinore Elbasan/ 16.00  

 Data 12 Mars  

 Panairi i Zejeve :    Parku “Aqif Pasha” / 10:00  

 Panairi Industrial :  Lulishtja Valmi/ 10:00  

Koncert i Harqeve : Kisha Shën Maria Kala / 10:00  

 Karaoke : Parku “Rinia”  / 18: 00  

 Koncert: “ Një lulisht me trëndafila”    : Teatri “ Skampa” 18:00      

 “ De file” parakalimin e grupeve popullore me veshje tradicionale : Sheshi Gensher/ 18:00  

Data 13 Mars  

Panairi i Zejeve :    Parku “Aqif Pasha”/ 10:00  

 Panairi Industrial :  Lulishtja Valmi/ 10:00  

Ekspozita fotografike e Elbasanit ndër vite : Muzeu Etnografik / 10:00  

Dance Street, Dita e Balonave : Stadiumi Elbasan Arena / 11:00  

Minikampionati i futbollit / Kompleksi “ Ajek” / 13.00  

Koncerti i Mbrëmjes Nata e Verës 2022 : Sheshi “Gensher” / 20:00  

                                            Data 14 Mars  

Ekspozita fotografike e Elbasanit ndër vite : Muzeu Etnografik / 10:00  

Parada e Karnavaleve : Sheshi “ Gensher” / 10:00             

Panairi i Sportit: Stadiumi Elbasan Arena / 08:00  

Këndi i Lojrave popullore: Kodra e Krastës/ 10:00  

Panairi industrial / Lulishtja Valmi/ 10:00  

Koncert Live : Elita 5 / Sheshi “ Gensher” / 11.00   Ftojmë të gjithë qytetarët elbasanas, por edhe miqtë nga vendi dhe diaspora të bëhen pjesë e festimeve në qytetin e Luleve!

Gëzuar festat e 7 – 8 Marsit!

Me mirënjohje Ju urojmë shëndet dhe mbarësi në jetën tuaj, pasi Ju jeni ruajtësit e traditës dhe kulturës Shqiptare!

Nderim dhe respekt për të gjithë ish Normalistët, mësuesit, për figurat e ndritura të kombit, të cilët kanë depërtuar errësirën  me dritën e dijes dhe arsimimit, gjeneratave ndër vite!.

Mirënjohje për jetë për kontributin fisnik dhe të shenjtë të mësuesit.

Urime festa e 7 Marsit të nderuar qofshit deri në pafundësi mësues të respektuar.

Të gjitha Zonjat Shqiptare kudo që janë Gëzuar festën e 8 Marsit, ditën ndërkombëtare të të drejtave të tyre!

Suksesi dhe mbarësia qoftë gjithmonë udhërrëfyes në jetën tuaj të vyer!!

Nënave, grave, motrave, vajzave, ju urojmë nga zemra, vetëm gëzim dhe lumturi paçin gjithmonë në jetë.

Gëzuar 8 Marsin NËNA të dashura! Ju që me aq mund e sakrificë na rritët dhe na edukuat, Ju që na falni pa fund dashuri.

Mirënjohje dhe dashuri pa fund NËNA të dashura!”.