Aktualitet

Java Europiane e Aftësive vjen në Shkollën Profesionale Elbasan me Festivalin e Ushqimit!

10 shkolla të mesme të arsimit profesional morën pjesë në këtë aktivitet ku fokusi ishte gatimi i pjatave të zonave të ndryshme të Shqipërisë.

I pranishëm në këtë Festival, kryetari i bashkisë Z. Gledian Llatja, i cili i ka mbështetur vazhdimisht aktivitetet e ndryshme të shkollave profesionale në Elbasan e vuri theksin tek larmia e traditave të qytetit të Elbasanit, duke filluar nga turizmi, kultura, si edhe kulinaria, e cila zë një vend të vacantë.

“Ne e kemi bërë traditë që bëjmë konkurse, e filluam vjet me Tiranën me fërgesën, kush do t’a fitonte konkursin e fërgesës, normalisht e fituam ne.

 Kur marr shembullin e fërgesës, marr shembull edhe të shumë gjellëve tona tradicionale që i kemi në shqipëri, sidomos Shqipëria e Mesme, ku spikat kultura, tradita, kulinaria, të gjitha bashkë.

 Por ne besoj disa gjëra i kemi ndarë, tavën e kosit, tavën e pistilit, qullin me arra dhe i kemi quajtur tonat.

 Sot jam shumë kurioz të shoh edhe të qyteteve të tjera dhe sidomos të gatuara nga duart e specialistëve, të mjeshtrave, dhe sidomos të atyre që pas disa kohësh do të mbajnë restorantet dhe ekonominë e turizmit në shqipëri”.

Në këtë kuadër kryebashkiaku ka falenderuar AKPA për reformën e madhe që ka ndërmarrë  që sipas tij “  me qëllimin kryesor i cili është të bëhemi gati për zhvillimin turistik që po i afrohet vendit, që po i afrohet Shqipërisë”.

Ndersa shtoi se “ këtë vit unë isha shumë krenar që pjesën më të madhe të resorteve e mbanin shkollat profesionale të Elbasanit dhe Qendra e Formimit Profesional në Elbasan,  në cdo restorant kudo që të shkoje në Jug në Durrës në Golem, kishe kuzhinierin, kamarierin, stafin, ishin të gjithë të dalë nga shkollat tona.

 Ne po mbajmë ekonominë turistike gjallë, jo vetëm të Elbasanit por të gjitha qyteteve, të gjitha, kush ka shkolla profesionale dhe qendra formimi profesional. Dhe për këtë duhet të bëhemi gati, ne kemi bërë një punë bindëse me të rinjtë tanë në Elbasan, që të rregjistrohen tek shkollat profesionale.

 Unë i them të gjithëve, gjendja ekonomike e një familje nuk varet gjithmonë nga shteti, por varet kryesisht nga individi.

 Nëqoftëse do të dalësh në treg pune shpejt, shkolla profesionale të nxjerr në treg pune shpejt.

  Erdhi koha e profesionistëve, të bëhemi të gjithë bashkë, ne si pushtet vendor, kështu sic jemi, Drejtoria e Përgjithshme, mësuesit, strukturat drejtuese lokale edhe të shkollës profesionale dhe të Qendrës së Formimit Profesionale, të bëhemi gati për të kapur trendin ekonomik dhe zhvillimin që po ndodh në shqipëri”.

Vlen të përmendet se vetëm gjatë këtij viti në Elbasan ka pasur 100% rritje të numurit të turistëve,dhe jo vetëm në zonën e  Treganit, ku ndodhen banjat termale të Llixhës, e cila ka pasur ritmin e vet të zhvillimit, por ka pasur edhe  një rritje të numurit të turistëve, në mbarë pikat e referimit të turizmit në Elbasan.

Në fillim të sfidës nxënësit u përshëndetën nga Drejtori i Përgjithshëm i Agjencisë Kombëtare të Punësimit dhe Aftësive, z. Klevis Hysa dhe Specialistja e Edukimit, UNICEF Albania, znj. Mirlinda Bushati.

 Në fjalën e tyre ata theksuan rëndësinë e arsimit dhe formimit profesional dhe vlerësuan pjesëmarrjen e nxënësve në aktivitete të tilla ku ata fitojnë aftësitë me të mira për karrierën e tyre profesionale.

 Festivali eshte një sfidë fantastike kulinarie duke përdorur produktet më të mira lokale të çdo krahine, ku shkolla e Mesme Profesionale Elbasan zuri vendin e parë në sfidën e kuzhinës.

Maratona e cila zhvillohet për herë të parë, ka sjellë një angazhim të pjesëmarrësve nga Shqipëria si edhe vende të ndryshme të botës, të cilët kanë vrapuar në disiplinat 5, 10 dhe 21 km.
Nën kujdesin e veçantë të kryetarit të bashkisë së Elbasanit Z. Gledian Llatja, synimi është që ky aktivitet të kthehet në traditë, pasi ka një ndikim edhe në turizëm.
“ Qyteti e ka mirëpritur dhe ne do t’a kthejmë në traditë maratonën “ Skampa Elbasan”.
Qyteti ka qenë plot këto ditë para startit të këtij aktiviteti, të gjithë hoteleritë kanë qenë të mbushur me miq të ardhur nga vende të ndryshme të botës, por edhe artëdashës së këtij sporti”.
Maratona e cila realizohet në muajin tetor, muaji i ndërgjegjësimit për kancerin e gjirit, përcjell edhe mesazhin sensibilizues së luftës kundër kancerit të gjirit , si edhe të drejtat e fëmijëve.
Mesazhet e përcjella në këtë maratonë kishin një emërues të përbashkët, për një shëndet më të mirë, mirëqenie dhe shumë pozitivitet në jetë.
Në maratonën “ Skampa Elbasan “ 2023 morën pjesë vrapues nga 16 vende të botës, si Anglia, Austria, SHBA, Sllovenia, Ukraina, Gjermania, Serbia, si edhe Shqipëria.
Në përfundim të aktivitetit u ndanë dhe çmime për fituesit.

Bashkia e Elbasanit është duke u përgatitur për organizimin e International Mini Marathon 2023 e cila zhvillohet për hërë të parë në këtë qytet.
Mijëra vrapues nga vendi dhe rajoni do të vrapojnë në rrugët e qytetit të Elbasanit duke dhuruan atmosferë dhe emocione për qytetarët.
Nisur nga ky organizim masiv, Bashkia e Elbasanit njofton qytetarët dhe drejtuesit e mjteve për akset rrugore ku të dielën në datë 8 tetor nga ora 8 deri në përfundim të aktivitetit do të ndalohet arkullimi I mjeteve.
Sa më sipër Bashkia Elbasan kërkon bashkëpunimin e qytetarëve dhe mirëkuptimin e tyre.
Akset rrugore ku do të bllokohet qarkullimi dhe parkimi i mjeteve:

1. Bulevardi “Aqif Pasha” nga stadiumi deri tek rrethrrotullimi i Zaranikës.
2. Rruga “Çerçiz Topulli”, ana e majtë.
3. Rruga “Qemal Stafa” në të dy senset.
4. Rruga “25 Nëntori” në të dy senset.
5. Rruga “Thoma Kalefi” deri tek kryeqëzimi i Cerrikut në të dy senset.
6. Rruga “Masar Dine” në të dy senset.
7. Rruga “Kamber Sejdini”
8. Rruga “Kozma Naska”
9. Rruga “Mahmud Biçaku”
10. Rruga “Vasil Kamami”
11. Rruga “Lef Nosi”
12. Rruga “Shefqet Daiu”
13. Rruga “Ismail Zyma”
14. Rruga Janaq Kilica”
15. Rruga e Re
16. Rruga “Rinia”

Gjithashtu do të bllokohet qarkullimi në kryqëzimet hyrëse dhe dalëse të rrugëve të mësipërme.
Nisja e Maratonës dhe mbërritja, Bulevardi “Aqif Pasha”, porta e Kalasë.
Parkimi i mjeteve në rrugët e sipërpërmendura do të ndalohet prej orës 19:00 të së shtunës, 7 Tetor 2023.

 OSBE e cilëson  Këshillin Publik të Sigurisë Vendore Elbasan model për bashkitë e tjera në vend

“Elbasani ka Këshillin e parë dhe më të mirë Publik të Sigurisë Vendore në vend, krijuar me mbështetjen  e prezencës së OSBE -së në vitin 2016. Përvoja e tij mund të shërbejë si model për bashkitë e tjera për rritjen e sigurisë në komunitet”.

Ky është edhe vlerësimi i dhënë nga prezenca e OSBE -së në vendin tonë, gjatë një seminari organizuar  për shkëmbimin e praktikave më të mira të Këshillave Vendorë të Sigurisë Publike (KVSP) mes bashkisë së Elbasanit dhe atyre të Lushnjës, Cërrikut dhe Gramshit.

 Prezenca e OSBE-së në Shqipëri e organizoi veprimtarinë në partneritet me Bashkinë e Elbasanit me qëllimin për të rritur efektshmërinë e KVSP-ve në trajtimin e çështjeve të sigurisë publike dhe për të forcuar bashkëpunimin mes institucioneve vendore dhe aktorëve joinstitucionalë në parandalimin dhe adresimin e sfidave të sigurisë në komunitet.

“Që prej krijimit në vitin 2016 me mbështetjen e Prezencës, Këshilli Vendor i Sigurisë Publike i Elbasanit – i pari në Shqipëri – ka dëshmuar efiçencë mbresëlënëse në rritjen e sigurisë në komunitet. Ai tani është një shembull i praktikave më të mira, që mund të ndahen me KVSP-të e tjera në mbarë vendin”, tha Kryetari i Prezencës së OSBE-së, ambasadori Bruce Berton, në hapje të takimit. Ai theksoi se suksesi i KVSP-ve varet nga përfshirja aktive e të gjithë aktorëve – zyrtarëve vendorë, agjencive të zbatimit të ligjit, organizatave të shoqërisë civile, rinisë dhe medias.

Në veprimtari morën pjesë përfaqësues të lartë të Elbasanit, Lushnjës, Cërrikut dhe Gramshit, përfshirë kryetarët e këtyre bashkive, drejtuesit e prokurorisë dhe policisë së Elbasanit dhe përfaqësues të tjerë të institucioneve të ndryshme, të organizatave rinore dhe të shoqërisë civile. Në diskutimet e tyre ata theksuan rëndësinë e KVSP-ve në parandalimin dhe trajtimin e kërcënimeve ndaj sigurisë publike dhe mënyrat më të mira që këto Këshilla të shërbejnë si urë mes policisë dhe institucioneve dhe komuniteteve në adresimin e shqetësimeve të sigurisë publike. Mekanizmat e sigurisë të ngritura nga KVSP-ja e Elbasanit, si edhe nismat e shoqërisë civile dhe të të rinjve për sigurinë publike u paraqitën, gjithashtu, gjatë takimit.

Gledian Llatja, kryetari i Bashkisë së Elbasanit, tha: “Ne nuk mundemi dot të jemi një ishull në qark apo një ishull në Shqipëri dhe prandaj duhet që këto struktura komunitare dhe këtë mënyrë funksionimi, eksperiencën e mirë dhe të keqe, ta ndajmë me njëri-tjetrin dhe të krijojmë një ambient më të sigurt jo vetëm në Elbasan, por në të gjithë qarkun dhe, pse jo, në të gjithë Shqipërinë”.

FJALA E KRYETARIT TË BASHKISË ELBASAN Z. GLEDIAN LLATJA

Kam kënaqësinë të falenderoj prezencën e OSBE për mbështetjen e këtij seminari me pjesëmarrje nga Bashkia Cërrik, Gramsh dhe Lushnjë me qëllim njohjen dhe shkëmbimin e përvojës së ngritjes së mekaniymit të Këshillit Vendor të Sigurissë Publike Elbasan.

Jam i vetëdijshëm se është e pamundur që një përvojë e tillë të jepet në një ditë të vetme. Megjithëse ne jemi siguruar që ju të merrni më të mirën nga ky seminar dhe për këtë arsye jemi përqendruar në disa problematika  duke prezantuar përpara jush edhe qasjen tonë për zgjidhjen e tyre.

Bazuar në përvojën e katër viteve të mandatit tim të parë kuptova se bashkëpunimi ndërinstitucional, me shoqërinë civile dhe me qytetarët është jetik për të qenë të suksesshëm në punën tonë.

Gjithashtu, kam kuptuar se ne duhet të angazhohemi për rritjen e kohezionit social dhe të vlerësojmë me seriozitet nevojat dhe zërat gjithësecilit.

Nuk ka sfidë më të madhe me të cilën përballemi ne sot se sa ajo e sigurisë. Njëkohësisht, të jesh kryetar i një bashkie do të thotë të përballesh me shumë sfida të ndërlikuara.

Që prej themelimit të tij ky mekanizëm ka sjellë ndryshime domethënëse në të kuptuarit e përbashkët të problematikave të lidhura me sigurinë;

në rritjen e partneritetit midis aktorëve publikë dhe shoqërisë civile; si edhe

ndërtimin dhe fuqizimin e besimit midis institucioneve publike e jo publike dhe komuniteteve lokale.

Në këtë mënyrë ne kemi ndërtuar një mjedis gjithëpërfshirës që lejon partneritet, bashkëpunim, të kuptuar të përbashkët të natyrës së kërcënimeve dhe qasjeve më të përshtatshme për t’i adresuar ato, si edhe shkëmbim të përvojave dhe praktikave më të mira në funksion të rritjes së cilësisë së jetesës.

Në mbyllje të fjalës time më lejoni të shpreh bindjen e plotë se nëpërmjet diskutimeve të përbashkëta ne do të adresojmë disa prej shqetësimeve, sfidave por edhe mundësive që shtrihen drejt së ardhmes.

Shpresoj se ky seminar do t’u mundësojë pjesëmarrësve jo vetëm që të njihen me këtë mekanizëm, por edhe të krijojnë ura komunikimi dhe bashkëpunimi me profesionistët e institucioneve publike dhe atyre të organizatave të shoqërisë civile”.

KVSP është një mekanizëm që mundëson shenjëstrimin e shqetësimeve reale të publikut të përcjella në KVSP përmes burimeve të ndryshme.

Këshillat Vendorë të Sigurisë Publike – të ngritura në 56 nga 61 bashkitë e Shqipërisë – janë struktura me kompetenca këshillimore, në të cilat mblidhen aktorët vendorë si pushteti vendor, agjencitë ligjzbatuese, shoqëria civile, të rinjtë, drejtuesit fetarë dhe media, për të diskutuar dhe përmirësuar bashkëpunimin shumëpalësh në trajtimin e çështjeve të sigurisë. Prezenca e OSBE-së ka mbështetur krijimin dhe funksionimin e tyre që prej vitit 2016 dhe do të vijojë t’i përkrahë këto mekanizma me synimin për të institucionalizuar më tej dhe për të fuqizuar rolin e tyre në rritjen e sigurisë në komunitet.

Rruga ” Xhaferr Hakani” dhe rrugica e një nga lagjet e vjetra të Elbasanit, prej ditësh është kthyer në kantier ndërtimi.

Tek lagjja Brigada 17 Sulmuese në Njësinë nr.2 po ndërhyhet në infrastrukturën nëntokësore dhe në rehabilitimin e plotë të rrugës “Xhaferr Hakani” .

E amortizuar prej kohësh dhe me probleme në kanalizimin e ujrave të zeza por edhe të ujrave të shiut, tashmë shumë shpejt kjo rrugë do të ketë standartin e duhur, sa i përket kanalizimeve të ujrave të zeza, si dhe rrjetit të ujësjellësit.

Bashkia e Elbasanit ka nisur një projekt për rehabilitimin e 8 kilometra kanalizime të ujrave të zeza në qytet dhe në zonat informale, aty ku ka pasur probleme. Gjatë një inspektimi të punimeve në rrugën ” Xhaferr Hakani”, kryetari i Bashkisë z. Gledian Llatja ka pohuar se ” investimi në këtë rrugë është një rast konkret ku amortizimi i lagjeve të vjetra si edhe shtimi i popullsisë ka shkaktuar edhe amortizim të kanalizimeve të ujrave të zeza dhe të shiut, si dhe rrjetin shpërndarës të ujësjellësit, të cilat kërkojnë ndërhyrje”.

Amortizimi i rrjetit të kanalizimeve të ujrave të zeza dhe të shiut, herë pas here ka shkaktuar edhe përmbytjeve në katet e para ndaj sipas z. Llatja ” ndërhyrja që po kryhet është sistemimi i saj, për të vijuar më pas me rehabilitimin dhe sistemimin e komplet zonave”. Fokusi i bashkisë Elbasan me projektin e ri të ndërmarrë është pikërisht ndërhyrja në lagjet e vjetra të Elbasanit por edhe në zonat e reja të Elbasanit ku është ndërhyrë për rehabilitimin e tyre.

Në këtë kuadër z. Llatja shton se ” po bëhemi gati për një plan të përgjithshëm për sistemimin një herë e mirë të kësaj problematike në qytet”. Investimi në infrastrukturën nëntokësore ishte një kërkesë e banorëve të lagjes, ku punimet po vazhdojnë me ritme të shpejta duke marrë parasysh edhe kohën e cila është e favorshme.

” Bashkia nuk do të ndalë punimet në infrastrukturë në cdo rrugë dhe lagje të Elbasanit me qëllim përmirësimin e jetesës së banorëve”, shton Llatja. Banorët kanë shprehur opinionet e tyre rreth këtij investimi pasi sipas tyre ndërhyrja në infrastrukturën nëntokësore ishte një problem i kahershëm për to, e cila ka gjetur zgjidhjen.

Një rrugë me stadarte, është drejt përfundimit në një nga lagjet e vjetra të Elbasanit.

Ishte një premtim i dhënë banorëve në lagjen e njohur si Pusi që lahet vetë, ku punimet janë drejt fundit në rrugën “Pëllumb Isaj” dhe rrugicat e tjera lidhëse mes shtëpive të lagjes të cilat po rehabilitohen me pllaka dhe do të asfaltohen. Punimet i ka inspektuar edhe kryetari i bashkisë z. Gledian Llatja i cili edhe një herë e vuri theksin tek investimet në infrastrukturë për urbanizimin e të gjitha rrugëve dhe rrugicave si në qytet ashtu edhe në periferi të qytetit.

“Ishte një premtim i dhënë banorëve të kësaj lagjeje të vjetër në qytet, ku 15 familje jetonin me probleme infrastrukturore. Ne po i japim zgjidhje shumë rrugicave të Elbasanit por edhe shesheve të pallateve, në qendër të qytetit si dhe në periferi. Bashkia vazhdon punët edhe në verë, tha Llatja. Ai shtoi se “shumë ishin skeptikët që thonin se po hapim kantiere për fushatë, por kjo është realiteti rruga po mbaron në kohë rekord duke zgjdihur shumë problematika në Elbasan”.

Sakaq, edhe pse stinë vere, punimet vijojnë edhe në rrugën “Sabaudin Bobrati” në Njësinë 4, ku po riintegrohet në gjithë hapësirën e saj si një arterie e rëndësishme për komunitetin e banorëve të lagjes” Aqif Pasha”.

Edhe në Shushicë të Elbasanit, kanali ujites i Fushbullit një vepër e rendësishme për gjithë fermerët e zonës së Shushicës, qe falë nderhyrjes së bashkisë në kohë po përfundon dhe po i vjen në ndihmë të gjithë familjeve fermere.

Në Njësinë 4 – në Elbasan ka nisur puna për rikonstruksionin e rrugëve lidhëse të lagjjes Visarion Xhuvani – “Azmi Stringa”, “10 Korriku” dhe “Marie Buda”. I mirëpritur dhe falenderuar nga banorët e këtyre lagjeve, kryetari i Bashkisë z. Gledian Llatja i shoqëruar nga deputeti Klevis Xhoxhi, ka parë nga afër punimet për rehabilitimin e këtyre rrugëve. Banorët vetë kanë pohuar se rruga kishte 60 vite pa u shtruar edhe pse një lagje kryesore në qytet. ” Eshtë një premtim i mbajtur nga ana juaj, ndaj ju falenderojmë z. Gledian Llatja”, janë shprehur vetë banorët. Duke ju drejtuar banorëve Llatja u shpreh se ” gjithnjë e kam pasur në vëmëndje lagjen ” Visarion Xhuvani”, pasi prej shumë vitesh janë bërë investime pjesore, por që asnjëherë nuk ishte kryer një investim i tillë. Bashkë me këto investime që po bëjmë në rrugët  “Azmi Stringa”, “10 Korriku” dhe “Marie Buda” ne po mbyllim totalisht investimet në këtë lagjen ” Visarion Xhuvani”. Po bëhet një lagje model, rrugicat e vjetra janë shtruar me pllaka, duke ndjekur të njejtin model me investimet pararendëse”. Bëhet fjalë për një ndërhyrje totale ne këtë lagje , kanalizime të ujrave të bardha, ujrave të shiut, trotuare, ndricim, asfalt, me qëllim që ti shërbejë dhe përmirësojë jeten banorëve të kësaj lagjeje.  Duke u ndalur tek investimet në rehabilitimin e shumë lagjeve në qytet Llatja shtoi se ” po vazjdojmë edhe për sistemimin në lagjen ” Aqif Pasha”, në lagjen ” Partizani”, po vazhdojmë në qendër dhe në të gjithë qytetin. Gjithashtu po bëjmë punë edhe në zonat periferike që duhet të ishin bërë para shumë vitesh, jemi koshient për këtë, e kemi marrë përsipër ta bëjmë dhe do ta bëjmë deri në fund”. Kreu i Bashkisë ka falenderuar banorët e kësaj lagjeje të madhe në qytet për mbështetjen e vazhdueshme që i kanë dhënë. Një nga banorët autokton të kësaj lagjeje i cili është invalid,  ka pohuar se ” jam përballur disa herë me situata jo të mira kur rruga ka qenë e amortizuar, jam rrëzuar disa herë, ndaj ju falenderoj për këtë investim që keni bërë në rrugën ku unë kaloj disa herë në ditë. Ne shohim tek ju kryetarin që nuk bën dallime të majtë e të djathtë, ti punon për Elbasanin tënd, ndaj ju urojmë që të jesh gjithnjë në ball të punës.” Sakaq edhe në rrugët kryesore “Azmi Stringa” dhe ” 10 Korriku” punimet vazhdojnë në asfaltim dhe trotuare. Edhe në këto dy rrugë të lagjes  “Visarion Xhuvani”, punimet janë në vazhdimësi, pas një kërkese të kahershme të banorëve. ” Kemi marrë përsipër që lagjet e vjetra të Elbasanit ti urbanizojmë të gjitha. Ky është një shembull i mirë i asaj që kemi nisur para 4 vitesh urbanizimin dhe rehabilitimin e të gjitha rrugëve të vjetra të Elbasanit, rrigicave dhe lagjeve të cilat kanë qenë problematike sa i përket zhvillimit urban.                   Ky është shembull i mirë ku Bashkia në bashkëpunim me qytetarët, por falë edhe stabilizimit financiar që i kemi bërë bashkisë kemi arritur që të ndërhyjmë edhe me buxhetet tona në shumë rrugë dhe rrugica të vjetra të Elbasanit”. Nga ana e tij deputeti Xhoxhi ka falenderuar kreun e Bashkisë i cili sipas tij ktheu në realitet kërkesën e kahershme të banorëve për rehabilitimin e këtyre rrugëve, duke mbajtur premtimin.

Rajoni nr 6 dhe ai numër 5 të cilat janë edhe zonat me të mëdha informale në bashkinë e Elbasanit, janë kthyer në kantier ndërtimi. Njëkohësisht bashkia Elbasan po ndërhyn në rehabilitimin e 4 rrugëve ” Koco Brisku”, ” Ibrahim Berania” ” Theofan Popa” dhe ” Ndricim Duraku”. Punimet i ka  inspektuar kryetari i Bashkisë Gledian Llatja i shoqëruar nga numuri dy i PS Damian Gjiknuri si edhe Ministria e Arsimit dhe Sportit Evis Kushi. Duke bërë një paraqitje të punimeve që po realizohen në këto rajone z. Llatja tha se” janë 200 familje të cilat përfitojnë drejtëpërdrejtë nga këto investime që po bëjmë”. Janë rreth 750 metra lineare rrugë e cila po rehabilitohet totalisht. Para një viti e gjysme me deputeten Evisin ne i dhamë fjalën banorëve dhe e mbajtëm për ndërhyrjen në këtë zonë dhe në infrastrukturën rrugore. Llatja shtoi se ” po ndërhyjmë në  këto katër rrugë si edhe me segmentet e vogla që lidhen me banesat me qëllim që të përmirësojmë cilësinë e jetës së shtëpive të banorëve”. Duke u ndalur edhe tek problematikat që kanë pasur zonat informale në qytet  Llatja shtoi se” kemi bërë ndërhyrje të vazhdueshme, Rajoni Nr 6 si edhe lagja ” 5 Maji” kanë problematikat kryesore me kanalizimet e  ujrave të zeza, me infrastrukturën e  rrugës, ndricimin rrugor, ishte një zonë e qytetit totalisht e paformalizuar. Në programin tonë që kemi për normalizimin e zonave informale në të gjitha periferitë e Elbasanit tregon që ka sjellë një impakt shumë të mirë tek të gjithë banorët. Ne do të vijmë shpesh në lagjen ” 5 Maji” , sepse kemi shumë punë akoma, po vazhdojmë me infrastrukturën jo vetëm në “5 Maji”, por në të gjitha zonat informale, ashtu si ishim edhe në lagjen ” Haxhias” tek rruga ” Theofan Popa”, të cilat do të shndërrohen në lagje periferike model të qytetit të Elbasanit. Bëhet fjale pë rajonin nr 5 ku kjo lagje lidhet edhe me zonën e ullishtës e urbanizuar pas viteve 1994 , por tashmë pas shumë vitesh është e kthyer në një lagje të vjetër pasi është konsoliduar në urbanizin e saj . Por edhe në këtë lagje infrastruktura ka qenë një problematikë shumë e madhe. Kreu i bashkisë pohon se ” gjatë këtyre tre vite këtu është ndërhyrë në ujin e pijshëm  kanalizmet e ujrave të zeza, ndërsa aktualisht janë 100 metra rrugë të cilat po rehabilitohen totalisht nga fillimi”. Kjo lagje i shërben rreth 1500 banorëve, dhe cilësohet si një nga zonat periferike më të bukura të Elbasanit, pasi rrethohet nga kurora e ullishtës. ” Tek të gjithë këto rrugë të vjetra dhe fshatra këto 30 vite është premtuar pa fund nga të gjithë kush ka shkuar nga deputetë dhe kandidatë bashkish, por këtu në këtë lagje ka pasur një fenomen sepse asnjë nuk e ka premtuar sepse i dukej totalisht e pamundur që kjo rrugë do bëhej, dhe cuditërisht asnjë  nuk e kishte premtuar”, shtoi z. Llatja. Edhe kjo rrugë ka qenë një kërkesë e kahershme e banorëve të cilët janë dakordësuar me bashkinë për heqjen e gardheve dhe prishjen e mureve me qellim kryerjen e investimit të rrugës në total. “Ky është qëllimi jonë të punojmë cdo ditë. Të tjerët vazhdojnë llafet ne vazhdojmë punën, nuk kemi pushuar asnjëherë. Ne për këtë jemi, bëjmë punë në vazhdimësi, kemi shumë punë të tjera për të bërë dhe do të  vazhdojmë përpara”, tha kryebashkiaku.

Një koncert i madh festiv mbylli natën e verës në Elbasan, për t’ ja lënë rradhën festimeve të  14 marsit.  Me qindra qytetarë kanë dalë në shesh ku në një atmosferë të gëzuar dhe koncertit të madh festiv ata kanë pritur orën e mëngjesit nën shoqërinë e këngëtarëve të njohur, për t’i uruar mirëseardhjen pranverës.  Qytetarë janë mbledhur në shesh për të festuar dhe shpërndarë mes tyre ballokumet, dhe urimet për më shumë harmoni, paqe e shëndet. Mëngjesi i 14 Marsit e ka gjetur sërisht qytetin plot me qytetarë, ndërsa bulevardi ka qenë i rezervuar vetëm për fëmijët e shkollave në aktivitetin e tyre të përvitshëm, karnavalet.Të mirëpritur nga Kryetari i Bashkisë z. Gledian Llatja qytetin e kanë vizituar edhe kryeministri i vendit, deputetë, por edhe të apasioniarit e kësaj feste, nga vendi, por edhe Kosova, Maqedonia, si edhe turistë të huaj, të cilët të ndodhur në Shqipëri kanë mbërritur në Elbasan për të shijuar ballokumen e shijshme, si edhe panairin, ekspozitat, aktivitetet sportive dhe artistike të të rinjve, për mos harruar edhe koncertin ne shesh dhe në teatrin ” Skampa”. Plot 27 aktivitete në 5 ditë rradhazi e kthyen Elbasanin në qendrên e festimeve në mbarë vendin. Bashkia Elbasan, nga viti në vit ka rritur gamën e aktiviteteve, duke përfshirë edhe traditat e Bashkisë së madhe, ku punimet artizanale dhe kulinaria, u prezantuan në shesh edhe nga zonjat dhe vogëlushet e njësive administrative në qytet. Këto 5 ditë të gjithë hotelet e qytetit dhe periferisë, Gjinarit turistik janë të prenotuara, Krasta është tejmbushur me qytetarë që i shijojnë gatimet e tyre në natyrë, ndërsa Funari turistik ka mirëpritur qindra qytetarë për të drekuar dhe shijuar lëndinat dhe liqenin i cili ka marrë ngjyrën e pranverës. Lokale të tejmbushura me qytetarë nën ritmin e muzikës popullore elbasanase festojnë drekën e Ditës së Verës. Në një thirrje miqësore, vetë kryebashkiaku i Elbasanit Gledian Llatja ftoi të gjithë qytetarët kudo që ndodhen të festojnë në elbasanin e traditës, historisë, kulturës dhe bashkëjetesës fetare, duke e kthyer qytetin në një arenë të vërtetë festimesh të cilat do të mbeten gjatë në mendjet e tyre.

Ç’është Dita e Verës?

Është dita në të cilën shtërgjyshërit t’anë, kur s’kish lindur edhe krishtërimi, kremtojin bashkë me Romanët dhe me Grekët e Vjetër, perëndit’ e luleve, të shelgjeve, të krojeve. Kur çkrin dimëri, kur qaset Vera buzëqeshur e hollë dhe e gjatë si në piktyrë të Botticellit, zemra e njeriut çgarkohet nga një barë, shijon një qetësi, një lumtësi t’ëmblë. Në këtë gëzim, stërgjyshërit t’anë ndiejin një detyrë t’u falen perëndive që sillnin këto mirësira. Dhe ashtu leu festa hiroshe që quajmë Dit’ e Verës.

***Dhe me këtë epitaf nga Faik Bej Konica në vitin e largët 1911, Kryetari i Bashkisë z. Gledian Llatja ka falenderuar gjthkënd që zgjodhi Elbasanin për të pritur pranverën.