Fest Folk, festivali që përcjell traditën shqiptare nga brezi në brez

Fest Folk është kthyer në një traditë të bukur kulturore për Elbasanin, duke bashkuar çdo vit fëmijë nga shkollat e qytetit në një festë të këngës, valles dhe folklorit shqiptar.
Këtë edicion, 25 shkolla dhe rreth 600 fëmijë u bënë pjesë e festivalit, duke sjellë në skenë jo vetëm talentin dhe përgatitjen e tyre artistike, por edhe pasurinë e jashtëzakonshme të traditave tona popullore.
Fëmijët kanë dëshmuar se folklori shqiptar mbetet një pasuri e gjallë, e cila përcillet nga brezi në brez.
Është shumë e rëndësishme që fëmijët të rriten duke njohur dhe vlerësuar kulturën, historinë dhe traditat e vendit të tyre.
Kultura nuk është vetëm trashëgimi e së shkuarës, por edhe pjesë e identitetit që ndërtojmë për të ardhmen.
Ne do të vijojmë të mbështesim aktivitete të tilla, të cilat krijojnë hapësira për talentet e reja, nxisin krijimtarinë artistike dhe e bëjnë jetën kulturore të qytetit më të pasur.
Falënderime për fëmijët, mësuesit, prindërit, drejtuesit e shkollave dhe organizatorët që kanë bërë të mundur këtë edicion të 5-të të Fest Folk.
Në këtë finale, fitues janë të gjithë fëmijët që u bënë pjesë e këtij festivali, sepse secili prej tyre solli diçka të veçantë dhe kontribuoi në ruajtjen e traditës sonë.