KONFERENCA PËR PARANDALIMIN E EKSTREMIZMIT TË DHUNSHËM, FUQIZON MEKANIZMAT VENDORË SHUMËAKTORIAL
Instituti për Demokraci dhe Ndërmjetësim (IDM), ka organizuar konferencën kombëtare “Qasja multidisiplinare në parandalimin e ekstremizmit të dhunshëm dhe proceset riintegruese”, ku janë ftuar të marrin pjesë edhe kryetari i bashkisë z. Gledian Llatja, si edhe Drejtuesi i Prokurorisë pranë Gjykatës së Shkallës së Parë Elbasan z. Kreshnik Ajazi dhe Drejtuesi i Drejtorisë Vendore të Policisë z. Ilir Proda
Konferenca u fokusua nё rёndёsinё e qasjes sё integruar multidisiplinare dhe shumaktoriale në parandalimin e ekstremizmit të dhunshëm (EDH), ofrimin e shërbimeve R&R për të kthyerit nga zonat e konfliktit si dhe rritjen e kohezionit social. Në këtë kuadër, Këshilli Vendor i Sigurisë Publike (KVSP), mbart potencialin për të qënë një ndër mekanizmat vendor më efikas për adresimin e kërcënimeve të sigurisë publike në nivel vendor. Ndaj edhe kryetari i bashkisë z. Gledian Llatja prezantoi punën dhe rolin e Këshillit Vendor të Sigurisë Publike (KVSP) në adresimin e sfidave të sigurisë publike.
Ai e vuri theksin tek rëndësia e të kuptuarit të përbashkët të kontekstit të qytetit (problematikat më shqetësuese, kërcënimet në nivel lokal si edhe prioritizimi i tyre).
“Nuk ka sfidë më të madhe me të cilën përballemi ne sot se sa ajo e sigurisë publike. Njëkohësisht, të jesh kryetar i një bashkie do të thotë të përballesh me shumë sfida të ndërlikuara. Për të adresuar sa më mirë sfidat ne punojmë në partneritet me të gjithë aktorët lokalë e përtej.
Një nga mënyrat se si ne punojmë është nëpërmjet Mekanizmit të Këshillit Vendor të Sigurisë Publike, i cili u ngrit për herë të parë në qytetin e Elbasanit në vitin 2016. Ky mekanizëm bashkon aktorët publikë e jo publikë me synimin e përbashkët për të sjellë ndryshime të vërteta.
Kjo përpjekje kolektive, e nxitur nga perspektiva dhe ekspertiza të ndryshme, hap rrugën për zgjidhje gjithëpërfshirëse për sfidat komplekse të komunitetit.
Kjo qasje pranon se siguria nuk është përgjegjësi e një institucioni të vetëm, por përkundrazi, është një përpjekje e përbashkët”, tha z. Llatja.
Eksperienca e deritanishme ka treguar se njё qasje e integruar shumaktoriale nё nivel vendor do të ishte efektive jo vetëm në adresimin e kërcënimeve tradicionale që kanë të bëjnë me zbatimin e ligjit dhe sigurisё publike, por edhe mё tej edhe me parandalimin e fenomene të tjera negative si radikalizmi dhe EDH.
Ndaj dhe kjo konferencë do të shërbejë si një mundësi për shkëmbimin e përvojave, praktikave pozitive dhe mësimet e nxjerra mes profesionistëve të vijës së parë dhe institucioneve vendore në lidhje me fuqizimin e mekanizmave vendor shumaktorial.
![](https://elbasani.gov.al/wp-content/uploads/2024/01/e814b773-28db-4c83-8022-f8330351fd78-1-1024x683.jpg)
![](https://elbasani.gov.al/wp-content/uploads/2024/01/8a4838b6-4054-4eb3-8240-ed9fdd79bb63-1024x683.jpg)
![](https://elbasani.gov.al/wp-content/uploads/2024/01/201e9d1e-b73b-4339-88f1-b960a7a4047a-1024x683.jpg)
![](https://elbasani.gov.al/wp-content/uploads/2024/01/6098eed2-dec3-4ffd-8488-9dd3bdcc1ce1-1024x537.jpg)
![](https://elbasani.gov.al/wp-content/uploads/2024/01/8134c3ae-bb6f-4f4a-8d5d-014b5e62204f-1024x683.jpg)
![](https://elbasani.gov.al/wp-content/uploads/2024/01/8652f926-ea70-426f-beda-3893f99206b4-1024x683.jpg)
![](https://elbasani.gov.al/wp-content/uploads/2024/01/b4d16e58-a2ec-4522-b092-cd93f4e2108d-1024x683.jpg)
![](https://elbasani.gov.al/wp-content/uploads/2024/01/d55813e5-a7a9-45c9-b108-7e8914ecf1a1-1024x665.jpg)