Muaj: Prill 2026

Ringjallja e Krishtit u prit me një atmosferë ngazëllimi nga një numër i madh besimtarësh të cilët si çdo vit iu drejtuan me qirinj në duar, për t’i ndezur në kishën e Shën Athanasit, duke e marrë me vete dritën e Perëndisë, në shtëpitë e tyre.

Besimtarët qëndruan në pritje duke dëgjuar himne të ndryshme, deri sa mbërriti momenti për të marrë dritë nga qiriu.

Në mesnatë, prifti që drejtoi meshën bëri shpalljen, “Krishti u ngjall!” dhe në kishë nisi himni i veçantë “Krishti u ngjall prej së vdekurish”.

Por atmosferë ka pasur gjatë orëve të vona të natës edhe në kisha të tjera të qytetit të Elbasanit, kisha “Shën Maria” kisha e Shelcanit, ku besimtarët kanë marrë pjesë në meshë si dhe kanë ndezur qiriun e Pashkëve në këtë natë të shenjtë të ringjalljes së Krishtit.

Pas këtij momenti e ne vazhdim të ditës së diel, besimtarët ortodoksë urojnë njëri-tjetrin me fjalët “Krishti u ngjall! Vërtet u ngjall!”.

Një shkollë e re me kushte bashkëkohore për fëmijët me aftësi ndryshe po merr formë në qytetin e Elbasanit.

Shkolla “Zëra Jete”, e vendosur në zonën pranë Kalasë po rikonstruktohet si një nga investimet më të rëndësishme sociale në arsim, duke synuar krijimin e ambienteve komode dhe të standardeve të larta për 55 fëmijë që frekuentojnë këtë shkollë nga mosha 6 vjeç deri në klasën e 9-të.

Punimet u inspektuan nga kryetari i Bashkisë së Elbasanit, Gledian Llatja, drejtuesi politik i qarkut, Arbjan Mazniku, kryetarja e Këshillit të Qarkut, Ermira Urupi, si edhe deputeti Adi Qose.

Kryebashkiaku Llatja u shpreh se investimi do të sjellë kushte më të mira dhe më të sigurta për fëmijët. Ai shtoi se në godinë janë parashikuar ambiente të përshtatshme për fëmijët me aftësi ndryshe. ku përfshihen ashensor mekanik, rampa, sinjalistika për raste emergjente, duke theksuar se “janë të gjitha kushtet e përshtatshme sipas standardeve”.

Drejtuesi politik i qarkut, Arbjan Mazniku, vlerësoi projektin si një përmirësim të rëndësishëm në infrastrukturën arsimore për fëmijët me aftësi ndryshe. Ai shtoi se hapësirat e brendshme dhe të jashtme janë konceptuar për të ofruar ndërveprim dhe zhvillim më të mirë për fëmijët, ndërsa theksoi se vendndodhja pranë Kalasë e bën shkollën lehtësisht të aksesueshme për komunitetin.

“Është një përmirësim i jashtëzakonshëm i cilësisë infrastrukturore, ku edhe hapësirat e lojës dhe ndërveprimit funksionojnë shumë mirë,” u shpreh ai, duke shtuar se ky është një investim me ndikim të drejtpërdrejtë social.

Kryetarja e Këshillit të Qarkut, Ermira Urupi, u shpreh se investimi ka qenë një prioritet i kahershëm i kryebashkiakut Gledian Llatja i realizuar tashmë falë bashkëpunimit me Këshillin e Qarkut.

Ndërsa deputeti Adi Qose vlerësoi se ky është një kujdes i veçantë për fëmijët me aftësi ndryshe, duke shtuar se “investime të tilla e bëjnë Elbasanin një nga bashkitë me qasjen më sociale dhe gjithëpërfshirëse në vend”.

Shkolla ‘Zëra Jete’ ka një histori funksionimi në ish-Shkollën Normale, e vendosur në ambientet e Kishës “Shën Maria” në Kala, përpara se të zhvendoset në godinën e re, ku shumë shpejt fëmijët do të kenë shkollën e tyre të dedikuar, me kushte të përshtatshme për fëmijët.

Qindra besimtarë ortodoksë në Elbasan morën pjesë në procesionin e Epitafit, një nga momentet më të rëndësishme shpirtërore të kësaj periudhe.

Nën drejtimin e Mitropolitit të Elbasanit, Librazhdit dhe Shpatit, Imzot Andon Merdani, dhe të shoqëruar nga banda frymore “Afërdita”, procesioni përshkoi bulevardin kryesor të qytetit, duke sjellë një atmosferë solemne dhe reflektuese.

E Premtja e Zezë, apo e Premtja e Madhe, shënon vdekjen e Jezu Krishtit në Kryq dhe përkujtohet përmes riteve të veçanta si “Udha e Kryqit” dhe zbritja e Epitafit.

Kjo ditë simbolizon sakrificën dhe dashurinë e Krishtit për njerëzimin, ndërsa besimtarët e nderojnë me agjërim dhe lutje, në pritje të gëzimit të madh të Ringjalljes së Pashkëve.

Kryetari i Bashkisë Gledian Llatja, së bashku me drejtoreshën e ZVA-së Vesa Liço, kanë inspektuar punimet e sallës së koncerteve në shkollën artistike “Onufri”.

Drejtori i shkollës, Ilir Zdrava, pohoi se punimet po ecin me ritme shumë të shpejta dhe se stafi është i kënaqur me këtë investim. Ambientet janë projektuar me parametra cilësorë që kërkon një sallë e tillë, duke përfshirë jo vetëm akustikën, por edhe kushtet për performancë artistike profesionale, ç’ka krijon një mundësi shumë të mirë për zhvillimin e aktiviteteve.

Skena është llogaritur për një orkestër simfonike mesatare, duke krijuar mundësi që të shfrytëzohet jo vetëm nga shkolla, por edhe nga qyteti. Ajo përfshin edhe një paraskenë, duke marrë parasysh faktin se shkolla “Onufri” ka disa lloje formacionesh, të cilat do të kenë fleksibilitet në performancat e tyre.

Parashikohet që punimet për sallën të përfundojnë brenda 10 ditësh.

Kryetari i Bashkisë tha se me sallën e re po përgatiten për festën e fëmijëve më 1 qershor në shkollën “Onufri”.

Ai shtoi se pas rikonstruksionit total që u realizua, në shkollë u krijua nevoja për mjetet përkatëse didaktike, por edhe për një sallë multifunksionale që shërben për aktivitete të ndryshme të nxënësve.

Llatja theksoi se të gjitha projektet e shkollave të reja përfshijnë një sallë multifunksionale, që shërben jo vetëm për nxënësit, por edhe për takime me prindër dhe komunitetin.

Salla e re po përshtatet me investimin e Bashkisë së Elbasanit, bazuar mbi kërkesat e shkollës, dhe pritet që në fillim të majit të jetë e gatshme për përdorim, duke plotësuar të gjitha nevojat e shkollës.

Me këtë investim, shkolla artistike “Onufri” plotëson gjerdanin e saj, duke u bërë një qendër e përbashkët për edukim, art dhe komunitet, ka shtuar Kryetari i Bashkisë.

Talentet e shkollave të qytetit tonë u shndërruan në krenarinë e aktiviteteve festive të “Ditës së Verës” dhe gjatë gjithë muajit mars.

Në këtë kuadër, Kryetari i Bashkisë, Gledian Llatja, së bashku me drejtoreshën e ZVA – së Vesa Llanaj Liço, ndanë certifikata vlerësimi për nxënësit, mësuesit dhe prindërit, në shenjë mirënjohjeje për përkushtimin dhe kontributin e tyre.

Fëmijët sollën performanca mbresëlënëse artistike dhe kulturore, duke dëshmuar talentin dhe energjinë që i japin jetë aktiviteteve të qytetit.

Çmimi i parë u fitua nga shkolla “Jorgji Dilo”, e cila u dallua për nivelin e lartë të paraqitjes dhe kreativitetin e treguar.

Bashkia e Elbasanit vijon të mbështesë dhe promovojë iniciativa që nxisin zhvillimin e talenteve të reja dhe forcojnë lidhjen mes shkollës, familjes dhe komunitetit.

Kryetari i Bashkisë Elbasan, Gledian Llatja, ka pritur në një takim zyrtar në zyrën e tij përfaqësues të Këshilli Kombëtar Shqiptar në Luginën e Preshevës, të kryesuar nga Enkel Rexhepi, si edhe Ambasadorin e Republikës së Shqipërisë në Beograd, Bardhyl Canaj.

Në fokus të takimit ishte mbështetja për studentët nga Lugina e Preshevës, të cilët në numër të lartë ndjekin studimet e larta në Universiteti “Aleksandër Xhuvani”.

Gjatë bisedës, Llatja theksoi se Bashkia e Elbasanit do të vijojë të ofrojë akomodim dhe lehtësira të tjera për këta studentë, duke u qëndruar pranë në çdo hap të rrugëtimit të tyre akademik. Ai nënvizoi se kjo mbështetje mbetet një prioritet, në funksion të arsimit, të rinjve dhe forcimit të lidhjeve kombëtare.

Takimi u vlerësua gjithashtu si një hap i rëndësishëm për forcimin e bashkëpunimit dhe lidhjeve ndërmjet shqiptarëve në rajon, duke vendosur theksin te rëndësia e arsimit si një urë lidhëse mes tyre.

Me vendim të Këshillit të Ministrave, u vendosen rregulla të qarta për përdorimin e hapësirave publike nga të gjithë, duke garantuar transparencë, barazi dhe respekt për interesin publik.

Rregullorja synon një përdorim më funksional dhe të qëndrueshëm të hapësirave, mbrojtjen e mjedisit dhe identitetit urban, si dhe rritjen e përgjegjshmërisë për mirëmbajtjen e tyre.

Fusha e Zbatimit

Zbatohet në të gjitha hapësirat publike shtetërore

Përfshin edhe hapësirat private që janë të hapura për publikun

Nuk zbatohet në rastet kur ka ligje të veçanta që e përjashtojnë

Objekti dhe qëllimi

Përcakton rregullat, kushtet dhe procedurat për përdorimin e hapësirave publike.

Zbatohet për subjekte publike dhe private.

Synon përdorim funksional dhe të qëndrueshëm.

Mbron interesin publik, sigurinë dhe mjedisin.

Garanton transparencë dhe barazi në dhënien e lejeve

Parimet kryesore

Interesi publik mbi atë privat

Akses i lirë dhe i barabartë

Mbrojtja e mjedisit dhe identitetit urban

Mirëmbajtja dhe rikthimi i hapësirës

Transparencë dhe trajtim i barabartë

Përputhshmëri me ligjin

Parimi “ Ndotësi paguan”