Aktualitet

Sot u përkujtua një nga ngjarjet më të rëndësishme të historisë së qytetit tonë, Shpalljen e Pavarësisë.

Më 25 nëntor 1912, Elbasani shpalli i pari Pavarësinë kombëtare, duke vënë kështu gurin e parë në themelet e kësaj pavarësie.

109  vjet më parë, 35 patriotë nga Elbasani por edhe rrethet e tjera të tij,  shpallën pavarësinë e këtij qyteti në Shqipërinë e Mesme, duke ngritur të parët flamurin e Pavarësisë dhe duke i paraprirë pavarësisë së vendit në 28 Nëntor.

Vështirësitë për të arritur deri në shpalljen e Pavarësisë së  Shqipërisë ishin të shumta, pasi fati i kombit shqiptar ka kaluar nëpër disa orbita dramatike. Kryengritjet e njëpasnjëshme të shqiptarëve në vitet 1910-1911 ishin preludi i ngjarjes madhore që do të vinte më pas.

Ushtria serbe po përparonte me shpejtësi në tokat shqiptare. Ajo po i afrohej Elbasanit, çka i vuri rrethet patriotike të qytetit përballë detyrës urgjente të Shpalljes së Pavarësisë me qëllim që autoritetet ushtarake serbe të viheshin para një fakti të kryer.

Edhe  Aqif Pashë Elbasani, si një nga bashkëpunëtorët më të ngushtë të Ismail Qemalit, ndihmoi për kryengritjen e përgjithshme antiosmane në vitin 1912, si dhe në organizmin e çetës së Elbasanit.

Ai bashkë me popullin e Elbasanit dhe me mbështetjen e Ismail Qemalit ngritën flamurin kombëtar më 25 nëntor të vitit 1912, dhe shpallën të parët pavarësinë duke i treguar ushtrisë serbe që po i afrohej Elbasanit, se kishte shkelur në vise të Shqipërisë së Pavarur.

Shpallja e Pavarësisë ishte nder për Elbasanin, por edhe e drejtë legjitime për vendin, që zuri dhe rolin që luajti ky qytet në shpalljen e Pavarësisë kombëtare.

Mirënjohje për të gjithë patriotët firmëtarë të pavarësisë.

Praktika e suksesshme e Bashkisë së Elbasanit, Buxhetimi me Pjesëmarrje, është ndalur në Njësitë  Administrative Gjinar – Zavalinë.  

Kryetari i Bashkisë Z. Gledian Llatja në këtë tur dëgjesash dhe konsultimesh me banorët dhe grupet e interesit për buxhetin 2022 pohoi, “kemi bërë një punë të madhe në vitet që po lëmë pas në zonën e Shpatit.  

Ndërmarrja jonë e punëve publike ka ndërhyrë në mirëmbajtjen e infrastrukturës rurale, investime në ujësjellës, dhe kemi patur investime periodike në linjën e rrjetit shpërndarës të rrymës elektrike.  

Në këtë takim Z. Llatja ka prezantuar para banorëve edhe dy projekte të mëdha që sipas tij do ta kthejnë Gjinarin në identitetin e tij turistik, në xhevahirin malor të Shqipërisë së Mesme.  

E njohur si pika turistike më e vizitueshme pas viteve 90 nga turistët e huaj, me ajrin e pastër , pishat dhe Malin e Bukanikut, Bashkia e Elbasanit ka në projekt dy investime të mëdha,  sheshin  kryesor të Gjinarit, me një investim të mirëfilltë, si edhe “ Fusha e Kuqe”, ku investimet do të zbatohen gjatë vitit 2022. Gjithashtu, bashkë me organizatat të cilat merren me turizmin malor, kemi ecur  me projektin e hapjeve të shtigjeve për turistët këmbësor dhe është bërë gati vendosja e sinjalistikës. Sipër në Bukanik do të vendosim një qendër të vogël për ti ardhur në ndihmë turistëve për të bërë ecje.        

Edhe pse është investuar shumë gjatë këtij viti në infrastrukturën që të çon tek  objektet e Kultit,  pasi Gjinari tashmë njihet edhe si zona e shumë Kishave. Kreu i bashkisë Z. Llatja premtoi se edhe me miratimin e Ministrisë së Kulturës do të bëhet e mundur  ristrukturimi i strukturave të kishave të Shelcanit dhe Valshit.  

Sfida Botërore e UJIT – bëri bashkë nxënësit e shkollave “Vasil Kamami” dhe ”Jeronim De Rada” në një aktivitet ndërgjegjësues mbi rëndësinë e kushteve të higjienës në kushtet e pandemisë Covid-19.    

 Të pranishëm në këtë aktivitet kanë qenë, përfaqësues të GIZ Albania, kryetari i bashkisë Z. Gledian Llatja, nxënësit dhe stafi pedagogjik i dy  shkollave 9-vjeçare.  

Falë mbështetjes së partnerit tonë të GIZ Albania po bëjmë të mundur përmirësimin e kushteve higjeno-sanitare për 700 fëmijët e këtyre shkollave.

Investimi në përmirësimin e kushteve higjeno-sanitare për shkollat “Vasil Kamami” dhe “Jeronim De Rada” është një domosdoshmëri në periudhën post-Covid që po kalojmë, pasi parandalon sëmundjet infektive.  

Vijojmë dëgjesat e konsultimet me banorët dhe grupet e interesit për buxhetin e vitit 2022

Zv.kryetari i Bashkisë Elbasan Z. Adi Qose, ka folur me transparencë të plotë për punët e mira të bëra nga bashkia gjatë këtij viti, duke e vënë theksin se gjatë vitit 2022 do të bëhen akoma edhe më shumë punë për Njësinë Administrative Shushicë, dhe jo vetëm.

Asfaltim i  rrugës në Kishën e Shelcanit, asfaltimi i rrugës së varrezave, ndërtimi i shkollës së re në Mlizë, ndërtimi i  urës së Polisit, si dhe ngritja e  Qendrën Komunitare Multifunksionale janë disa nga investimet e kryera në Shushicë dhe fshatrat përreth gjatë këtij viti.

Bashkia e Elbasani nuk i ka ndalur investimet në infrastrukturë, edhe pse kemi pasur dy vite të vështira, tërmetin dhe  pandeminë  Covid – 19.

Në lagjen Nr.4, Kryetari i Bashkisë Z. Gledian Llatja, gjatë procesit të Buxhetimit me Pjesëmarrje, ka përmedur disa nga këto investime.  siç janë “Shkolla “Bardhyl Popa” rrugët “Vasil Taja”, “Ymer Stringa”, “Mithat Stringa”, “Ismail Haxhimusaj” , të cilat janë pjesë e investimeve që  bashkia ka arritur të përfundojë. Gjatë vitit 2022, do ti japim prioritet  investimeve në lagjet e brendshme dhe  shesheve të pallateve.

Buxhetimi me Pjesëmarrje është një traditë e hermshme në Bashkinë e Elbasanit, ndaj i ftojmë të gjithë qytetarët të jenë pjesë e vendim marrjres, me qëllim që prioritetet e tyre të kthehen në investime.  

Kryetari i Bashkisë Z. Llatja, mori pjesë në buxhetimin me pjesëmarrje në Njësinë Adminitrative  Gracen. Ai falenderoi banorët për pjesëmarrjen dhe angazhimin e tyre në ngritjen e problemeve të tyre komunitare.

Gjatë fjalës së tij Z.Llatja citoi:

Jemi një Bashki më e konsoliduar financiarisht. Kemi ezauruar të gjitha detyrimet e prapambetura, dhe po përgatitemi për më shumë investime për vitin që vjen. Po përpiqemi që të ofrojmë shërbime si në qytet, ashtu edhe në Njësitë Administrative.

Qendra e re Shëndetësore e ndërtuar së fundmi ishte një domosdoshmëri në përballimin e pandemisë COVID-19 për 2500 banorët e kësaj zone. Ndërkohë që ekipi i punëve publike i bashkisë ka vijuar me ndërhyrjet në mirëmbajtjen dhe hapjen e rrugëve rurale për fshatrat e Gracenit.

Për këto dhe shumë problematika të tjera u diskutua me banorët për të gjitha investimet që do të përfshihen në buxhetin 2022.

Flota e makinerive për rikonstruksion rrugësh dhe kanalizimesh është ndalur edhe në rrugën “Abdyl Frashëri” në Lagjjen nr.3, ku po përfundon puna për kanalizimet nëntokësore dhe brenda pak ditësh do të nis asfaltimi i saj.  

Kryetari i bashkisë Z.Gledian Llatja ndoqi nga afër ecurinë e punimeve për t’u siguruar që çdo gjë po shkon sipas projektit.  

Po mbajmë një premtim për banorët e lagjes “28 Nëntori”.

Rruga “Abdyl Frashëri”  një arterie e rëndësishme për më shumë se 2 mijë banorë, po i nënshtrohet një rikonstruksioni në kanalizimet nëntokësore dhe përmirësimin e asfaltimit, tha kreu i Bashkisë Z. Gledian Llatja.  

Ai shtoi se “ po vazhdojmë me të njejtin ritëm duke i kushtuar vëmendje të gjitha lagjjeve të vjetra të qytetit në infrastrukturë, ndriçim dhe hapësira të gjelbra rekreative”.  

Maratona e dëgjesave dhe konsultimeve publike vijon në të gjitha lagjet dhe njësitë e Elbasanit.

Qendrës së  Treganit i kemi kushtuar një rëndësi të veçantë, sidomos zonës së Llixhës. Zyra postare ka një shërbim shumë herë më të mirë se ç’kishte në infrastrukturë dhe në shërbim. Forcuam strukturën tonë të punëve publike. Ne kemi një Bashki të madhe, me të cilën po përpiqemi që të ofrojmë shërbime si në qytet, ashtu edhe në Njësitë Administrative. Ne sot jemi një Bashki më e konsoliduar financiare, kemi ezauruar të gjitha detyrimet e prapambetura, dhe po përgatitemi për më shumë investime në vitin që vjen. Buxhetimi me Pjesëmarrje është një formë e drejtëpërdrejtë e demokracisë vendore, ku problematikat që ju keni të futen në buxhetin e vitit 2022.

Prioritet në këtë zonë ja kemi dhënë urave, unazës bujqësore e cila ishte një nga zhvillimet më të mëdha që i ka dhënë fushës së Elbasanit. Kemi bashkëpunim me Bashkinë e Cerrikut dhe FSHZH që rruga të vazhdojë deri në fund. Prioritet i juaji kanë qenë kanalet vaditëse, dhe ne ketë e kemi bërë. Disa nga problematikat kryesore  kanë gjetur zgjidhje në buxhetin e këtij viti. Janë mbi 830 km rrugë rurale për tu mirëmbajtur, ndaj e kemi forcuar flotën tonë të Ndërrmarjes së Shërbimeve Publike. Kemi zgjidhur  problemin për Ujësjellësin e Kuqanit, do të vazhdojmë me të gjithë pjesën e sistemimit.

Kemi bërë disa punë të mira, por kemi akoma punë për të bërë. Investim kryesor i madh ka qenë rruga “Iliaz Kosova”, një rrugë shumë e kërkuar nga ju. Do nisin punimet për projektin e Automoto Parkut, investim i cili sjell zhvillim ekomomik. Kemi riasfaltuar një pjesë të madhe të rrugëve të lagjeve. Prioritetet e tona vazhdojnë të jenë kanalizimet e ujrave të zeza, por edhe infrastruktura rrugore. Ne po lobojmë për disa projekte të mëdha, siç janë rehabilitimi i të gjitha shesheve të pallateve, projekti për ujin e pijshëm dhe kanalizimet e ujrave të zeza. Jemi në përfundim të një projekti të madh për kanalizmet e ujrave të zeza sidomos në zonat problematikat në qytet. Ne po punojmë që vitin tjetër të investojmë në zgjidhjen e problematikave që kemi në zgjidhjen e trafikut. Një vëmendje i kemi kushtuar edhe ofrimit të shërbimeve për qytetarët siç është hapja e zyrës së ADIS – ës.