Kryetari i bashkisë z. Gledian Llatja bashkë me Ministren e Bujqësisë dhe Zhvillimit Rural Anila Denaj, kanë parë nga afër serën e fermerit Musa Dushku, i cili mbarështon perimet e çdo stine.
Gjatë kësaj vizite, ata bashkëbiseduan për kultivimin në serra si forma më intensive e prodhimtarisë në bujqësi, që arrin rendimente të larta prodhimi dhe dalje të hershme në treg duke i bërë produktet bujqësore shqiptare më konkurruese në tregjet vendase dhe ato të eksportit.
Falë prioritizimit të bashkimit të operatorëve, me minimumin 4 anëtare për fermerët e serave, është rritur përfitimi në vlerën maksimale për çdo fermer, të cilët përfitojnë të parët nga skema nëse vijnë të bashkuar.
Kur themi ditë vere, mendja të gjithëve i shkon tek Elbasani, pasi kryefjala e “Dita e Verës” vazhdon të jetë Elbasani, festë e cila edhe këtë vit, ka tejmbushur të gjithë qytetin, pa përjashtim.
Edhe pse e shpallur festë kombëtare, nuk kishte si ndodhte ndryshe që kjo festë e formëzuar që në lashtësi të mos festohej në gjenezën e saj, Elbasanin.
Fillimi i Marsit shënjoi edhe startin e aktiviteteve të cilat “gumëzhinë” në Elbasan nga fëmijët, të rinjtë, artistët, valltarët, tregëtarët, artizanët, vajza e gratë, mësueset, festime të cilat e arritën kulmin gjatë të gjithë ditës së sotme, 14 Mars.
Bashkia e Elbasanit, nën kujdesin e kryetarit Gledian Llatja këtë vit solli një dekor ndryshe, një organizim ndryshe nga vitet e tjera, duke gëzuar çdo shtëpi të Elbasanit, me festa shumë ngjyrëshe ashtu si edhe lulet që çelin në këtë stinë.
“Sofra e Elbasanit”, kampionate sportive, gara ciklizmi, panaire zejesh dhe artizanale, koncerte të shumtë për fëmijët, ekspozita e makinave të vjetra “Retro” 2 ekspozita fotografike “Elbasani ndër vite” dhe “Elbasani sot e dje”, “Defile” parada me trupat e ansambleve të gjithë qarkut, si dhe nga Maqedonia, Kosova etj. Mbrëmja e kësaj feste ku këngëtarë të njohur si Yong Zerka etj, u ngjitën në skenën e sheshit “ Gensher”, duke përformuar për disa orë për qytetarët dhe shumë miqtë e ardhur në Elbasan nga vendi dhe trojet shqipfolëse.
14 Marsi, e rigjen qytetin sërisht me atmosfera festive, pasi të gjithë elbasanllintë presin në banesat e tyre fëmijët që tu “bajnë kam” ( kush hyn i pari në shtëpi, që të sjellë mirëse gjatë të gjithë vitit), dalin sërisht në qytet.
Mëngjesi sërisht është për fëmijët, Parada e Ditës së Verës ku 20 shkollat 9-vjecare të Bashkisë Elbasan parakalojnë me pankarta në duar ky shpalosin fabula të ndryshme për të vijuar me karnavalet, performancaa, etj.
Panairi i Sportit, ekspozitë me punime nga fëmijët me AK Vendi: Lulishtja përpara pallatit të sportit “Tomorr Sinani”, Panairi i bujqësisë si demonstrim i prodhimeve vendase dhe bio, fermerë nga njësitë administrative të Elbasanit.
“Festivali i bollokumes” , i sjellë për të dytin vit, si demonstrim i artit të bërjes së bollokumeve “live” nga amvisat elbasanase. Aktivitet argëtues dhe kreativ me fëmijë. (Poçaria). Koncerti i madh në sheshin “Gensher” i përgatitur si pjesë e mozaikut të madh të aktiviteteve, kanë mbyllur më shumë se 30 aktivitete për 10 ditë në Elbasanit, qytetin e “ Dita e Verës”.
Urimet më të përzemërta si edhe falenderimet për mijëra qytetarë dhe miq të ardhur nga kudo i ka dhënë kryetari i bashkisë së Elbasanit z. Gledian Llatja. “ Falenderime pa fund për të gjithë ju, miqtë e Elbasanit, që besuat tek festa jonë, dhe u bashkuat me ne në këtë festë të ruajtur dhe festuar prej shekujsh”.
“Dita e Verës” në Elbasan veç mikpritjes, e ka kaluar nga njëri brez tek tjetri këtë festë pagane të ardhjes së pranverës.
Vitet kaluan dhe festa mbeti në Elbasan po aq e mirëpritur sa edhe atëherë kur pati shkelur për herë të parë.
Pas aktiviteteve elbasanas dhe mysafirë të shumtë e shijuan këtë ditë pranvere në pikniqe në vendet më të preferuara, ku “rekordin” e thyen Parku “Rinia”, Krasta, Ullishta dhe Busheku, ku udhërrëfyes për mysafirët ishin vendalinjtë, që preferuan sot jo vetëm lokalet, por edhe fushat me bar.
Zanafillën, “Dita e Verës” e ka në faltoren Zana e Çermenikës, e cila ishte perëndesha e gjuetisë, pyjeve dhe e të gjithë natyrës. Sipas gojëdhënës, kjo zanë dilte nga faltorja e vet ditën e 14 marsit. E trashëguar brez pas brezi, kjo festë popullore është një ditë, e cila sot identifikon edhe vetë qytetin e Elbasanit, i njohur në Shqipëri për tradita të veçanta kulturore.
14 Marsi, e rigjen qytetin sërisht me atmosfera festive, pasi të gjithë elbasanllintë presin në banesat e tyre fëmijët që tu “bajnë kam” ( kush hyn i pari në shtëpi, që të sjellë mirëse gjatë të gjithë vitit), dalin sërisht në qytet.
Mëngjesi sërisht është për fëmijët, Parada e Ditës së Verës ku 20 shkollat 9-vjecare të Bashkisë Elbasan parakalojnë me pankarta në duar ky shpalosin fabula të ndryshme për të vijuar me karnavalet, performanca, etj.
Vetë kryetari i bashkisë z. Gledian Llatja, i ka vendosur fëmijëve veroren me ngjyra në duart e tyre të vogla, duke bërë këmbë pikërisht tek ata që quhen e ardhmja e vendit.
Panairi i Sportit, ekspozitë me punime nga fëmijët me AK Vendi: Lulishtja përpara pallatit të sportit “Tomorr Sinani”, Panairi i bujqësisë si demonstrim i prodhimeve vendase dhe bio, fermerë nga njësitë administrative të Elbasanit.
“Festivali i bollokumes” , i sjellë për të dytin vit, si demonstrim i artit të bërjes së bollokumeve “live” nga amvisat elbasanase. Aktivitet argëtues dhe kreativ me fëmijë. (Poçaria). Koncerti i madh në sheshin “Gensher” i përgatitur si pjesë e mozaikut të madh të aktiviteteve, kanë mbyllur më shumë se 30 aktivitete për 10 ditë në Elbasanit, qytetin e “ Dita e Verës”.
“Dita e Verës” në Elbasan veç mikpritjes, e ka kaluar nga njëri brez tek tjetri këtë festë pagane të ardhjes së pranverës.
Një natë plot ngjyra dhe jetë, gumëzhima e festës së natës së Verës është ndjerë në të gjithë qytetin, por edhe në rrethinat e tij.
Nata e Verës, ka mbushur qytetin e Elbasanit si rrallë herë më parë.
Nën tingujt e muzikës së këngëtarëve të njohur si, Yong Zerka, Treshat Alandy, Valbona Ostreni, DJ Sylvester në sheshin “Gensher” me qindra qytetarë nga Elbasani, por edhe nga mbarë vendi, deri nga Saranda kanë shijuar këtë natë, e cila do t’i mbesë gjatë në kujtesë.
Të rinjtë, por jo vetëm që kishin mbushur thuajse të gjithë sheshin e qytetit, nga teatri “Skampa”, deri tek “1 Maji” kanë kërcyer e kënduar duke e pritur ditën e verës në qendër të qytetit.
Elbasani, kryeqendra e kësaj feste, ka shijuar natën më të bukur të prag verës, ku variantet për t’u argëtuar kanë qenë të shumta, dhe me një atmosferë të këndshme, një dekor i parapërgatitur nën kujdesin e veçantë të kryetarit të bashkisë z. Gledian Llatja, i cili nga viti në vit, po e transformon këtë festë të dëshiruar nga i gjithë vendi.
Është bërë zakon tashmë që dita e verës të pritet në qendër të qytetit, ku nuk mungoi edhe spektakli i fishekzjarreve shumëngjyrëshe dhe me forma lulesh pranvere që mbushën qiellin e Elbasanit.
Por, pas natës vjen dita, me shumë surpriza të rezervuara nga bashkia e Elbasanit, ku nuk do të mungojnë aktivitetet për të shënuar kështu, rekordin e festimeve në mbarë vendin vetëm për këtë ditë.
Kjo natë vuri në gadishmëri të gjithë efektivat e Policë së shtetit dhe asaj bashkiake, asnjë incident nuk u shënua, duke respektuar festën pagane, të shumë pritur për Elbasanin.
Miqtë e ardhur nga vendi por edhe nga trojet shqipfolëse, u akomoduan në hotelet e qytetit dhe të periferisë, si edhe tek të afërmit e tyre të ftuar posaçërisht për të festuar në Elbasanin e luleve, kulturës, dhe ruajtjes së vlerave të foklorit.
Në kuadër të “Dita e Verës”, nën kujdesin e vacantë të Bashkisë Elbasan në bulevardin “Aqif Pasha” u ekspozua Panairi i Zejeve.
Edhe këtë vit, qytetit nuk i ka munguar ky panair artizanal, një traditë e ruajtur prej shekujsh në trevat e Elbasanit.
Punimet me dorë, në tezgjah dhe ato të drurit, ruajnë traditën e lashtë duke i transmetuar ato brez pas brezi.
Ky panair organizohet jo vetëm për të promovuar vlera kulturore të krahinës në Elbasan, por edhe më lart deri në zonën e Dumresë, me qëllim që të ruhen traditat dhe punimet artizanale.
Aktivitetet sportive kanë zënë një vend të veçantë në përgatitjet dhe festimet në kuadër të Ditës së Verës në qytetin e Elbasanit.
E tillë është edhe gara çiklistike që u mbajt ditën e sotme, e cila në mënyrë simbolike u quajt Trofeu “Dita e Verës”, e cila hap njëkohësisht edhe siparin e aktiviteveve të federatës së Çiklizmit.
Nisja u bë nga qendra e qytetit, në portën hyrëse të kalasë.
Bashkia e Elbasanit, si mikpritëse e këtij aktiviteti, nga ana e saj mori të gjitha masat për zhvillimin e saj pa probleme, ndërsa pjesëmarrëse ishin të gjitha ekipet shqiptare me sportistët e tyre më të mire.
Duke nisur kështu me kategoritë e Grupmopshave Kadet, Junior dhe U-23 Elitë.
Kategoria kadete mori pjesë në garën e 50 km, Elbasan-Shalës-Elbasan, ndërsa Junior dhe U-23 Elitë zhvilloi garën çiklistike prej 97.1 km.
Për të tretin vit rradhazi, “Sofra e Elbasanit”, nën kujdesin e kryetarit të bashkisë së Elbasanit Z. Gledian Llatja, ka hapur dyert dhe mirëpritur miq për të festuar së bashku Ditën e Verës.
Edhe këtë vit lajtmotivi i festës ishte promovimi i gatimeve tradicionale të Shqipërisë së Mesme, ku qyteti i Elbasanit njihet për kulinarinë.
“Sofra Elbasanit” e titulluar “Një lulishte me trandafil asht parajsa e vërtetë” e konceptuar me dekor që sjell ndjesinë e qytetit të Elbasanit, inskenimin e dasmave të vjetra elbasanase, gatimi si në një shtëpi të vjetër Elbasani.
Tradita, kulinaria, dhe folklori bëhen bashkë në një ditë, për të mirëpritur pranverën, stinën e begatisë dhe mirësisë.
Në këtë event kanë nderuar me pjesëmarrjen e tyre Shkëlqesia e tij Presidenti Bajram Begaj, Blendi Klosi, deputetët e Elbasanit si edhe drejtuesi politik i qarkut Damian Gjiknuri, artistë të këngës popullore, tenori Kastriot Tusha, vëllezërit Zena, etj.
Miqtë e Sofrës i ka mirëpritur kryetari i bashkisë z. Gledian Llatja duke i uruar mirëseardhjen dhe duke pohuar se “e veçanta qe e bën Elbasanin ndyshe nga vendet e tjera për festën e Ditës së Verës është se festojmë të gjithë së bashku me fëmijë e të rritur me këngë e valle tradicionale të trevës së këtij qyteti plot tradita, pa veçuar folklorin.
Traditën e Ditës së Verës do t’a vazhdojmë t’a trashëgojmë ndër breza”, tha Llatja.
Tradita shekullore në Elbasanin e luleve, ëmbëlsirës së ballokumes, në qytetin e artit, kulturës, arsimit, trashëgimisë kulturore dhe kulinarisë vazhdon, ku sofrat e qytetit janë të shtruara për të gjithë miqtë për t’i uruar mirëseardhjen pranverës.
Festimet e ditës së verës kanë nisur që në fillim të muajit , me shumë aktivitete si edhe “Sofra e Elbasanit”, ku gërshetohet tradita, e lashta me modernen, e bukura dhe kënaqësia, miqësia dhe dashuria.
Si festë pagane, “Dita e Verës’, shpreh adhurimin dhe simpatinë për natyrën dhe veprat e saj mbi tokë.
Ndaj, Elbasani është shndërruar në kryeqendër të festimeve edhe këtë 14 mars, ku nën kujdesin e veçantë të kryetarit të Bashkisë Gledian Llatja, do të realizohen një sërë aktivitetesh artistike, për fëmijë, të rinj e të rritur, ku nuk do të mungojë edhe koncerti i madh festiv në mbrëmje, me pjesëmarrjen e artistes së njohur Fifi dhe shumë të tjerë.
Koncerti, “Dritës tate xhevahir “ ka vijuar serinë e gjatë të aktiviteteve të zhvilluara nga “Teatri Skampa” në kuadër të festës së “ Dita e Verës”.
Në skenën e mbushur plot me qytetarë dhe artëdashës elbasanas, kanë intepretuar me mjaft profesionalizëm Orkestra e Harqeve ( nderi i qytetit) në prani të fturve specialë sopranon Ulpjana Aliaj, Elina Dumi, si edhe Rob Luft & Ethnik Band, të cilët i dhuruan plot emocione publikut të pranishëm, në sallën e Teatrit “Skampa”.
Nuk ka munguar edhe përshëndetja e kreut të bashkisë z. Gledian Llatja në këtë koncert, duke ftuar dhe mirëpritur miq nga i gjithë vendin që të festojnë në Elbasan, si dhe ka nderuar me “Mirënjohja e Qytetit” solistet Elina Dumi dhe Ulpjana Aliaj.
Më herët në këtë skenë është ngjitur këngëtari Shpat Deda duke intepretuar repertorin e tij në koncertin e titulluar “Udhëtim në fjalë”.
Prej më shumë se një jave i gjithë qyteti i Elbasanit është kthyer në një atmosferë festive, ku aktivitete të ndryshme realizohen në të gjitha qendrat e kulturës dhe artit, për të mos harruar edhe sheshet kryesore të qytetit, ku edhe këtu nuk mungojnë aktivitetet festive.
Prej shekujsh Dita e Verës kthehet në një arenë festive jo vetëm në qytetin e Elbasanit, por edhe në rrethinat e tij.
Nga viti në vit kjo festë vijon të marrë përmasa edhe më të mëdha, ku qyteti nën kujdesin e vecantë të kryetari të bashkisë Gledian Llatja është kthyer në një dekor lulesh dhe ndricimi ashtu si edhe e ka zanafillën dhe sinjifikimin kjo ditë.
Në prag të Ditës së Verës, nxënësit dhe mësuesit e 30 shkollave “Qendër Komunitare” të bashkisë Elbasan organizuan Panairin e Artit dhe Zejeve.
Panairin e ka parë nga afër edhe kreu i bashkisë z. Gledian Llatja ku secila shkollë ekspozoi traditat dhe kulturat e zonës me qëllim ruajtjen dhe promovimin e tyre brez pas brezi.
Ndonëse në pamje të parë fragmente të tilla na kthejnë vite pas në fund na kujtojnë vlerat kulturore dhe traditën unike shqiptare.
Vetë të rinjtë përçuan mesazhin e ruajtjes së traditës një amanet i pashkruar nga të parët.
Panairi i Artit dhe Zejeve për të dytin vit me radhë mbështetet nga Zyra Arsimore.
Drejtorja e saj Vesa Llanaj Liço pohoi se aktivitete të tilla i bëjnë fëmijët të njohin identitetin kombëtar traditat dhe trashëgiminë kulturore edhe në të përditshmen e tyre.
Prej më shumë se një jave në Elbasan janë duke u zhvilluar një mori aktivitetesh në kuadër të festimeve të Ditës së Verës, ndërsa festimet kulmojnë më datë 14 mars.
