Skip to content Skip to left sidebar Skip to right sidebar Skip to footer

Lajme

Gledian Llatja pret një grup biznesesh turq nga themelimi “Musiad Albania” në Shqipëri

Kryetari i Bashkisë së Elbasanit z. Gledian Llatja priti në zyrën e tij një përfaqësi biznesmenësh turq të “MUSIAD ALBANIA”, degë e re e Shoqatës së Pavarur të Industrialistëve dhe Biznesmenëve (MUSIAD) në Shqipëri. Kjo shoqatë, e themeluar në Stamboll në vitin 1990, është një organizatë ndërkombëtare me mbi 14,000 anëtarë, 60,000 biznese dhe mbi 2 milion të punësuar në mbarë botën.

Kryetari Gledian Llatja shprehu kënaqësinë e tij për këtë nismë të re dhe mundësitë e bashkëpunimit që do të ofrojë për komunitetin e biznesit shqiptar dhe atë turk. Ai theksoi rëndësinë e zhvillimit të marrëdhënieve ekonomike dhe investimeve të ndërsjellta, duke theksuar se ky bashkëpunim do të kontribuojë në rritjen ekonomike dhe krijimin e vendeve të reja të punës.

“Është kënaqësi që të prisja në zyrë përfaqësuesit e ‘MUSIAD ALBANIA’ dhe të njihesha me këtë nismë të re. Jemi të gatshëm të mbështesim çdo iniciativë që ndihmon në zhvillimin ekonomik të qytetit dhe vendit tonë,” u shpreh Llatja.                                        MUSIAD numëron 85 degë brenda Turqisë dhe 180 degë jashtë saj, në 81 shtete të ndryshme. Shqipëria është shteti i 91 që pret MUSIAD-in, duke iu shtuar kështu rrjetit të madh të bizneseve që përfaqësohen nga kjo shoqatë.

Gjimnazistët i prezentojnë projektin “Kopshtiet e Pemëve të Humbura” Kryetarit të Bashkisë Elbasan

Një grup gjimnazistësh nga shkollat “Kostandin Kristoforidhi” dhe “Dhaskal Todri” në Elbasan kanë prezantuar një projekt të veçantë para kryetarit të bashkisë z. Gledian Llatja.

 Projekti i titulluar “Kopshtiet e Pemëve të Humbura” synon të rivendosë lidhjen mes brezit të ri dhe natyrës duke promovuar rëndësinë e ruajtjes së bimësisë lokale.

Në prezantimin e tyre, Drejtoresha Rajonale e Arsimit Vesa Llanaj Lico, theksoi se “ky projekt është krijuar për të rritur ndërgjegjësimin mbi lidhjen njeri-natyrë. Ata kanë mbledhur informacion të detajuar për disa lloje bimësh të harruara dhe e kanë përfshirë atë në kode QR”.

Ndërsa sipas gjimnazistëve dhe mësuesve të tyre “ në total janë krijuar nëntë faqe interneti të dedikuara për nëntë lloje bimësh, të cilat mund të aksesohen duke skanuar kodet QR të vendosura në natyrë:.

Kryetari i bashkisë z. Gledian Llatja përgëzoi të rinjtë për iniciativën dhe premtoi mbështetje të plotë për ta çuar përpara këtë projekt. Ai theksoi rëndësinë e vazhdimit të kësaj tradite në shkolla, duke inkurajuar brezat e ardhshëm të kontribuojnë dhe ta pasurojnë më tej. Kryetari garantoi se bashkia do të ndihmojë në publikimin dhe mirëmbajtjen e faqeve të internetit për t’i bërë ato më të aksesueshme dhe më të përpunuara.

“Dy gjimnazet, të njohura për konkurencën e tyre të gjatë, kanë bashkuar forcat për këtë projekt të rëndësishëm, duke synuar jo vetëm rikthimin e traditës së luleve dhe pemëve në Elbasan, por edhe krijimin e një atraksioni turistik që identifikon dhe promovon bimësinë lokale. Ky projekt do të shërbejë si një shembull frymëzues për të gjithë qytetin”, shtoi ndër të tjera Llatja.

Në fakt qyteti i Elbasanit në të vërtetë është njohur për lulet e tij të bukura dhe trashëgiminë e pasur botanike që ka ruajtur përgjatë shekujve.

 Kjo është një karakteristikë e rëndësishme e qytetit, e cila ka bërë që Elbasani të dalë në pah për bukurinë natyrore dhe të krijojë një identitet të veçantë kulturor.

Bum turistësh në Llixha, emigrantët po rikthehen duke hapur bizneset e tyre

Llixhat kurative të Elbasanit po përjetojnë një bum të paprecedentë turistësh këtë sezon, duke sjellë një gjallërim të ndjeshëm të ekonomisë lokale. Kjo rritje e numrit të vizitorëve ka nxitur një lulëzim të bizneseve në zonë, dhe shumë vendas që kanë jetuar jashtë po rikthehen për të shfrytëzuar pasuritë natyrore të vendit të tyre.

Një nga këta është Landi, i cili sapo është kthyer nga Anglia për të marrë në menaxhim një biznes familjar në Llixhat e Elbasanit. Me praktikat e tij të reja dhe moderne të menaxhimit, Landi shpreson të sjellë një frymë të re në zhvillimin e turizmit në këtë zonë të veçantë.

Kryetari i Bashkisë së Elbasanit, z. Gledia  Llatja në një takim të fundit me Landin, e përshëndeti këtë nismë dhe theksoi rëndësinë e turizmit kurativ në rajon. “Këto janë modelet e mira që sjellim ne dhe që duhet të ndjekin ata që kanë jetuar jashtë vendit. Është një frymë e re për zhvillimin ekonomik të Elbasanit dhe të gjithë Shqipërisë,” tha kryetari.

Biznesi i hapur rishtaz ofron një paketë të plotë shërbimesh me çmime konkurruese, duke filluar nga 40 euro për dhomë, ku përfshihen ushqimi, fjetja dhe trajtimet me baltë. Ato përfaqësojnë një destinacion unik për turistët që kërkojnë shërbime kurative dhe relaksim në një mjedis natyror, si edhe një pishinë të hapur termale.

Kryetari i Bashkisë z. Llatja garantoi mbështetje të plotë për të gjitha iniciativat e reja dhe sfidat që mund të hasen, duke uruar suksese në nismën e Landit dhe duke shprehur besimin se kjo do të kontribuojë ndjeshëm në zhvillimin e mëtejshëm të rajonit.

Administratori i kthyer nga emigrimi nga ana e tij, falënderoi për besimin dhe mbështetjen e treguar, dhe premtoi që do të angazhohet maksimalisht për të ofruar shërbime sa më cilësore dhe natyrale për klientët e tij. Llixha, kjo qendër kurative  shërben si një zonë dhe territor turistik. Burimet termale dhe vlerat kurative të baltës në këto llixha janë përdorur prej shumë kohësh.

GLEDIAN LLATJA/ TRASHËGIMIA KULTURORE E ELBASANIT NË QENDËR TË VËMËNDJES

Kryetari i bashkisë  së Elbasanit z. Gledian Llatja ka pritur një delegacionin Europian në shqipëri i kryesuar nga z. Hubert Perr, zv. Ministria e Turizmit dhe Mjedisit, znj. Vilma Bello, Kryetari i Bashkisë Krueshevë Tome Hristoski dhe Drejtoreshën Ekzekutive të SASPAC, znj. Jona Suli.

Z. Llatja i ka prezantuar miqve një sërë pikash turistike për turistët, duke e vënë theksin tek pasuritë e trashëgimisë kulturore dhe historike të qytetit të Elbasanit.

Në këtë prezantim z. Llatja paraqiti disa nga pikat më tërheqëse turistike të qytetit, duke nisur nga lagja e vjetër “Kala”, e cila mbart një histori të thellë dhe vlera arkitektonike të jashtëzakonshme. Ai gjithashtu vizitoi edhe bazilikën e Bezistanit një zbulim i fundit i shekullit të V, i cili ka tërhequr vëmëndjen e mijëra turistëve vendas dhe të huaj.

Përvec këtyre pikave kryetari Gledian Llatja theksoi edhe rëndësinë historike të kalasë fushore të Elbasanit, një monument i rëndësishëm i ndërtuar mbi kalldrëmin e rrugës perandorake Egnatia, duke u fokusuar në origjinën Romake të saj, si edhe kullën e sahatit, e cila ngrihet e lartë si simbol i Elbasanit.

“Elbasani është një qytet i pasur me histori dhe kulturë, ne jemi të lumtur që mund të ndajmë këtë pasuri me vizitorët tanë”, tha kryetari Llatja gjatë prezantimit.

“Pikat turistike që kemi prezantuar sot janë vetëm një përshkrim i vogël i pasurisë sonë kulturore dhe historike, ndaj ju ftojmë të vini dhe të eksploroni thellësitë e Elbasanit”.

Ky prezantim i kryebashkiakut të Elbasanit shënon një hap të rëndësishëm drejt promovimit të qytetit si një destinacion turistik i rëndësishëm në Shqipëri, duke theksuar trashëgiminë e tij të pasur dhe vlerat kulturore unike.

SHKOLLA E GJELBËR, NDËRGJEGJËSIMI I TË RINJVE PËR MENAXHIMIN E MJEDISIT

Konkursi “Shkolla e Gjelbër” ka angazhuar qindra të rinj të Elbasanit, synimi i të cilit është të përcjellë kulturën e riciklimit, ndarjes së mbetjeve në burim, nismave për pastrimet e qytetit dhe shtimit të hapësirave të gjelbra për një mjedis më të pastër e të shëndetshëm.

Bashkia e Elbasanit ka ndërrmarë këtë nismë, e cila konsiston në ndërgjegjësimin e brezit të ri, për menaxhimin sa më të mirë të mjedisit në territorin e qytetit të Elbasanit.

Qëllimi i këtij projekti shërben për të ndryshuar sjelljet dhe zakonet e nxënësve në mënyrë që ata të jenë më të kujdesshëm dhe të ndërgjegjshëm në raport me mjedisin dhe  menaxhimin e mbetjeve. Për të ndërtuar një kulturë të përbashkët në shkollë dhe në komunitet që përkrah veprimet mjedisore dhe menaxhimin e mbetjeve.

Nxënësit e shkollave të mesme të qytetit u shpërndanë në 9 – zona për secilën shkollë për të bërë pastrimin e zonës së caktuar, ndërsa u përcaktuan  dhe 6 shkollat  të cilat vazhduan fazën e tretë të konkursit.

Shkollat të cilat e kaluan këtë fazë iu nënshtruan një testimi  me pyetje të përgatitura nga grupi i punës, ku fituese doli shkolla e mesme profesionale.

VIJON PROCESI I CERTIFIKIMIT TË “BASHKISË ME MJEDIS MIQËSOR NDAJ BIZNESIT” NË BASHKINË ELBASAN

Vijon zbatimi i procesit të certifikimit të “Bashkisë me Mjedis Miqësor ndaj Biznesit” në bashkinë e Elbasanit në prani edhe të përfaqësuesve të Shoqatës për Autonomi Vendore.

Edhe në këtë takim të rradhës, kryetari i bashksië z. Gledian Llatja ka dhënë mbështetjen e tij për të vijuar me zbatimin e procesit të certifikimit të “Bashkisë me Mjedis Miqësor ndaj Biznesit” . Z. Llatja e vlerësoi #BFC #SEE si një mundësi mjaft e mirë për të tërhequr vemëndjen e investitorëve të huaj drejt qytetit të Elbasanit i cili ka një klimë mbështetëse ndaj biznesit vendor .

Takimi vijoi me stafin drejtues të bashkisë dhe ekipin e vlerësimit, me të cilët u ndalën në kriteret e certifikimit #BFC dhe në sektorë të rëndësishëm të zhvillimit vendor si:

Zhvillimin e strategjisë ekonomike lokale;

Incentivat e bashkisë në mbështetje të biznesit dhe zhvillimin e territorit;

Planet urbane;

Inovacionet dixhitale;

Incentivat e ndërmarra në përmirësim të komunitetit vendor.

Rrjeti #BFC #SEE u themelua në vitin 2012 nga bashki dhe organizata nga Bosnja dhe Hercegovina, Kroacia, Maqedonia e Veriut dhe Serbia, me mbështetjen e Bashkëpunimit të Zhvillimit Gjerman të zbatuar nga Fondi Rajonal i Hapur për Modernizimin e Shërbimeve Komunale (GIZ ORF MMS) me qëllim krijimin e standardit të parë të përbashkët BFC SEE dhe një marke cilësie për mjedisin e biznesit në qytete dhe Bashkive të Rajonit.

ELBASANI NË FESTË, AF NË SUPERIORE

Spektakël i madh në qytetin e Elbasanit.  Ngjitja në Kategorinë Superiore të ekipit të Elbasanit, është cilësuar si një fitore e madhe për ekipin, mbarë tifozët por edhe qytetarët elbasanas.

Gjatë të gjithë pasdites së sotme, ekipi dhe Elbasani ka festuar titullin kampion në kategorinë e parë në futbollin kombëtar.

Nën kujdesin e vecantë të kryetarit të bashkisë Gledian Llatja, që në orët e para të mbasdites qendra e qytetit ka qenë vetëm për ekpin, tifozët dhe shumë qytetarë të cilët kanë përgëzuar ekipin për rikthimin e tyre në kategorinë superior.

 Stadiumi Elbasan “Arena” u mbush me tifozë si dhe me plot urime dhe krenari, duke befasuar ekipin nga përkrahja e padiskutueshme e tifozëve.

Pas ndeshjes me Bylis, skuadra AF Elbasani parakaloi në bulevardin e qytetit së bashku me sportdashësit.

Ka qenë një atmosferë e madhe festive për qytetin e Elbasanit rikthimi i ekpit në superior, ku bashkia Elbasan ka ftuar të gjithë qytetarët të bëhen pjesë e kësaj skene si edhe të festojnë në një koncert të madh në sheshin “Gensher”. Festimet kanë vijuar, me lavdërime për lojtarët e talentuar dhe trajnerin e tyre.

Ky është një rikthim i madh në elitën e futbollit shqiptar që tifozëve elbasanas u kishte munguar aq shumë.

Krijuar tre vite më parë, ekipi ngjiti shkallët dhe tani do të përfaqësohet mes më të mirëve, aty ku duhet të jetë.

Bashkia e Elbasanit meriton një vlerësim për kontributin e saj në suksesin e ekipit të futbollit, pasi ka luajtur një rol kyç në promovimin e sportit në komunitet, duke organizuar evenimente dhe programe të sportit, si edhe duke nxitur zhvillimin e talenteve të futbollit.

Mbështetja e vetë kreut të bashkisë në cdo ndeshje të ekipit ka ndihmuar në rindërtimin e një ekipi të fortë dhe konkurrues në skenën e futbollit.

Pas përfundimit të ndeshjes, në nisje të festimeve në qytet, kreu i bashkisë Gledian Llatja falenderoi ekipin për këtë fitore, ndërsa shtoi se “është një sukses i të gjithë qytetit, është një investim që nis nga bashkia e Elbasanit, por me dashamirësinë e të gjithë qytetit dhe me mbështetjen e bizneseve.

 Sot kemi arritur të jemi kampion. Është një festë në Elbasan, ndaj synimi ynë është që të vazhdojmë sukseset, të vazhdojmë punët e mira me ekipin bashkë me qytetin tonë”, tha ai.

Kjo fitore është një kapitull i ri në historinë e futbollit elbasanas si edhe frymëzon gjeneratat e ardhshme për të ndjekur ëndrrën e tyre në sport.

Pas përfundimit të takimit u organizua edhe ceremonia për kurorëzimin e ekipit kampion nga Federata Shqiptare e Futbollit ku i pranishëm ishte Presidenti i FSHF-së, Armand Duka dhe Sekretari i Përgjithshëm i FSHF-së, Ilir Shulku.

Presidenti i FSHF-së, Armand Duka, i dorëzoi medaljet dhe titullin kampion ekipit të AF Elbasanit.

ELBASANI NË FESTË

Të enjten Elbasani feston titullin kampion në kategorinë e parë në futbollin kombëtar dhe pas shumë vitesh ngjitjen në Kategorinë Superiore.

Për t’u dhënë mundësi qytetarëve të festojnë këtë event të rëndësishëm për qytetin, të enjten në 9 Maj bulevardi “Aqif Pasha” do të bllokohet për qarkullimin e mjeteve prej orës 16:00-24:00.

Pas ndeshjes me Bylis, skuadra AF Elbasani do të parakalojë në bulevardin e qytetit së bashku me sportdashësit.

SHOQATA PËR AUTONOMI VENDORE NË ELBASAN NË FOKUS NISMA E DECENTRALIZIMIT ASIMETRIK DHE PILOTIMI NË DISA BASHKI

Bashkinë e Elbasanit e kanë vizituar përfaqësues të Shoqatës për Autonomi Vendore, të cilët janë pritur nga kryetari Gledian Llatja, në përbërje të të cilit janë shumë kryebashkikë të vendit.

Në fokus të bisedimeve të këtij takimi ka qenë decentralizimi asimetrik dhe pilotimi i tij në disa bashki.

 Në fund të takimit, z. Llatja bëri edhe një përmbledhje të këtij takimi duke pohuar se

“ndamë sugjerimet dhe përvojat sesi ky pilotim është një mundësi e mirë për bashkitë dhe autonominë e tyre vendore. Ky proces do të zhvillohet përmes konsultimeve me aktorët vendor, kuadrit ligjor dhe marrëveshjeve ekzistuese, marrëdhënieve ndër-institucionale në funksion të kompetencave dhe buxhetimit sipas kostove reale të përcaktuara”.

 Kjo nisëm mbështetet nga projekti Bashki të Forta projekt i Agjencisë Zvicerane për Zhvillim dhe Bashkëpunim (Sëiss Development & Cooperation) i zbatuar nga Helvetas.

E themeluar 14 vjet më parë misioni i Shoqatës për Autonomi Vendore është për më shumë autonomi përmes forcimit të zhvillimit të strukturave dhe mekanizmave demokratike në organzimin dhe funksionimin e Njësive vendore.

HAPJA E SEZONIT KURATIV NË LLIXHA, PROMOVOHET PËR HERË TË PARË EDHE PANAIRI I TRADITËS SË TREGANIT

Në hapjen e sezonit kurativ në Tregan, për herë të parë Bashkia Elbasan ka promovuar edhe panairin e turizmit kurativ në këtë zonë.

Llixhat e Treganit, janë të famshme në të gjithë Shqipërinë e më tej, për vlerat kurative që mbartin. Bashkia Elbasan për të promovuar më shumë këtë zonë, këtë vit ka promovuar edhe panairin ku banorët e zonës kanë shpalosur punimet e tyre artizanale.

Me qëllim kthimin në traditë të kësaj dite, kryetari i Bashkia Elbasan Gledian Llatja ka marrë pjesë në celjen e sezonit si edhe të panairit të parë në këtë zonë.

Tashmë në Llixhat e Elbasanit është kulmi i sezonit kurativ dhe nga viti në vit numuri i turistëve dhe pushesve që vijnë në këtë zonë ka ardhur në rritje. Për këtë qëllim, z. Llatja shprehu bindjen se edhe këtë sezon pritet të ketë një rritje të shtuar të turistëve dhe pushuesve.  

“Jemi në kulmin e sezonit, dhe presim të kemi një sezon të shtuar këtë vit, gjatë muajit maj dhe fillimit të qershorit, për t’u kthyer më pas fuqishëm në shtator- dhjetor, si sezonet tradicionale të turizmit kurativ në zonën e Treganit.

Ky është panairi i parë që ne promovojmë traditën kulturën por edhe bizneset e zonës së Treganit, kemi pasur një rritje të turistëve vitet  e fundit, si edhe rritjen e kapaciteteve të hoteleve në Tregan”, tha Llatja, ndërsa ka uruar që të gjithë turistët e ardhur nga Maqedonia, Kosova, Mali i Zi si dhe vende të tjera të kalojnë sa më mirë në Llixha por edhe në Elbasan.

Duke e vënë theksin edhe një herë tek asetet kulturore, ato të trashëgimisë, arkeologjisë etj, kreu i bashkisë ftoi të gjithë turistët që të njihen më nga afër me atraksionet turistike në Elbasan, duke filluar me Treganin, Gjinarin, Funarin por edhe qytetin e Elbasanit, jo vetëm me sitet e saj kulturore e arkeologjike por edhe kulinarinë si edhe turizmin që ofron qyteti.

Në Llixha trajtohen sëmundje të shumta të reumatizmës, rrugëve të frymëmarrjes, tensionit, të lëkurës etj. Llixhat e Elbasanit kanë edhe vlera kozmetike gjithashtu.

Pranvera dhe Vera është pikërisht koha kur nis frekuentimi masiv i këtyre llixhave. Ato frekuentohen nga mijëra pacientë por edhe turistë në vit.