Lajme

Ditët e fundit 60 pemë dekorative i janë shtuar parkut ” Rinia” të qytetit.

Vetëm tre muajt e parë të këtij viti në të gjitha vendet publike, pyjet në zonat turistike si edhe ambjentet e kopshteve dhe çerdheve janë shtuar mbjelljet e reja të fidanëve.   

I pranishëm në parkun e qytetit ku u mbollën 60 fidanë të rinj, kreu i bashkisë z. Gledian Llatja pohon se “veçse në qytet kemi shtuar mbjelljen e pemëve në shkolla, kopshte dhe pyjet e dëmtuara nga zjarret, me qëllim shtimin e sipërfaqeve të gjelbra”.

 Në këtë aksion i i cili synon gjelbërimin dhe oksigjenin e qytetit u bashkuan edhe nxënësit e shkollave të cilët shtuan sipërfaqet e gjelbëruara në oborret e shkollave të qytetit dhe jo vetëm.

 ” Brenda këtij muaji vetëm në parkun e qytetit do të mbillen 200 pemë kryesisht panjë,gështenjë, dhe ligustra, pemë dekorative për të shtuar sipërfaqet e gjelbërta. Qëllimi ynë është jo vetëm shtimi i sipërfaqeve të gjelbërta vetëm në qytet, por edhe në pyje, kemi mbjellë me qindra fidanë ne Krastë, në Gjinarin dhe Funarin turistik”, tha Llatja.

 Sipas tij, vijon edhe projekti “ Muri i Gjelbër” për mbjelljen e pemëve rreth zonës industriale, aksion i cili ka kohë që ka nisur dhe do të vijojë për shumë vite në zonën e ish metalurgjikut.

Në fund, Llatja  ftoi të gjithë qytetarët e Elbasanit që të japin kontributin e tyre për një qytet më të gjelbër dhe me më shumë oksigjen.

21 Mars, njihet botërisht si dita e Sindromës Dawn, ndaj edhe në Elbasan, nën kujdesin e veçantë të kryetarit të bashkisë z. Gledian Llatja, janë organizuar një sërë aktivitetesh me qëllim rritjen e ndërgjegjësimit të shoqërisë që edhe këta persona të luajnë një rol jetësor në jetën tonë dhe në komunitet.

Aktiviteti i organizuar në qytet, u mundësua nga bashkia Elbasan, qendra “ Balashe”, qendra “ Future for you”, si edhe shumë organizata jofitmprurëse që ushtrojnë aktivitet në Elbasan.

I pranishëm mes fëmijësh me Sindromën Dawn, si edhe të atyre me aftësi ndryshe, kryetari i bashkisë z. Gledian Llatja, ka bërë edhe një apel për të gjithë shoqërinë, i cili është sa më shumë sensibilizim.

“ Fëmijët me Sindromën Dawn janë forca e çdo familje për të ecur përpara, ashtu siç janë forca jonë në shoqëri, për të ecur dhe për të shkuar më tej me punët dhe reformat në të gjithë sistemin tonë arsimor, parashkollor në çerdhe dhe në kopshte. Por, edhe me një bashkëpunim më të mirë me shoqërinë civile, me të gjithë organizatat të cilat kanë në fokus si fëmijët me Sindromën Daën ashtu edhe fëmijët me aftësi të kufizuara”.

Duke u ndalur tek prioriteti që insititucioni që ai drejton i ka dhënë këtyre personave, z. Llatja e vuri theksoi ndër të tjera se “ ne kemi bërë një punë të mirë gjatë kësaj kohe, kemi pasur fanarë shumë të mirë në qytetin e Elbasanit të cilat kanë qenë organizatat jofitimprurëse, kanë qenë prindërit, dhe patjetër duke pasur shembuj të mirë edhe ne si institicione lokale kemi bërë maksimumin që t’i vijmë në ndihmë”.

Aktualisht në kopshtet,çerdhet e Elbasanit ka më shumë mësues ndihmës të cilët i vijnë në ndihmë fëmijëve me Sindromën Dawn por edhe atyre me aftësi ndryshe.

 Jo vetëm qendra “Balashe”, jo vetë “Future for You”, por edhe një sërë organizatash në Elbasan, sot janë më aktive.

“ Sot ne kemi bashkëpunim shumë herë më të mirë dhe patjetër që ecim bashkë në një rrugë të sigurtë. Apeli që ne duam t’i bëjmë të gjithë shoqërisë është sensibilizimi, të sensibilizohen, sepse fëmijët me Sindromën Dawn por edhe fëmijët me aftësi ndryshe është forca, ata duan një vemendje më të madhe nga ne, kanë të njejtat të drejta si çdo fëmijë tjetër.

 Duhet ne t’i mbështesim ato më fort në mënyrë që të arrijmë rezultate më konkrete”, tha z. Llatja. 

 Lindita Senia, drejtore e qendrës “ Future for you”, e vetmja në Elbasan

që ka në fokus këtë sindromë dhe prej 11 vitesh trajton fëmijë me Sindromën Dawn, u shpreh se “ në aktivitetet tona, këtë vit është zgjedhur si temë ” t’i japim fund steriotipeve”, pasi dihet që kemi nevojë që komuniteti të ndërgjegjësohet rreth Sindromës Daën.

 Dhe ne jemi pikërisht këtu sot bashkë me kryetarin, bashkë me fëmijët e qendrës “Future for You”, me qëllim që ne, të gjithë prindërit që kanë një bebe me Sindromën Dawn të ndjehen të qetë dhe plot me shpresë që edhe fëmijët e tyre do t’ia dalin”.

Është zgjedhur pikërisht data 21 mars, dita e 21-të e muajit të tretë për të nënkuptuar unikalitetin e trisomisë të kromozomit 21 që shkakton Sindromën Dawn.

“Këshilli Rinor i Elbasanit” në bashkëpunim me Policinë Rrugore organizuan një aksion sensibilizues për respektimin e rregullave të qarkullimit rrugor.

Qëllimi i këtij aksioni ndërgjegjësues ka për qëllim kujdesin dhe kordinimin nga të gjithë aktorët institucional e public, nga shoqëria civile dhe komunitetet, me qëllim që të ndihmojë në edukimin, ndërgjegjësimin dhe respektimin e rregullave të qarkullimit rrugor.

 Ndaj edhe të rinjtë duhet të jenë një shembull i mirë për respektimin e rregullave të qarkullimit, pasi rrit edhe shkallën e e zhvillimit të vendit tonë.

Festivali Folklorik Tipologjik Kombëtar i këngës Popullore Qytetare ka çelur siparin në natën e tij të parë në Elbasan.

 Ky festival organizohet nga Bashkia Elbasan në bashkëpunim me Qendrën Kombëtare të Veprimtarive Tradicionale, ku kryetari i bashkisë z. Gledian Llatja si mikpritës i trupave artistike nga mbarë vendi i ka uruar suksese në intepretimin e tyre, në këtë festival që tradicionalisht është mbajtur në qytetin e Elbasanit.

 Festivali i këngës popullore qytetare i cili është një nga festivalet folklorike tipologjike kombëtare zhvillohet në qytetin e Elbasanin në muajin mars, dhe është një tribunë e këngës popullore qytetare, tek e cila ndërthuren harmonishëm elementet tradicional të trashëguar dhe elementet e rinj të orkestracionit, interpretimit, etj, të cilët i japin asaj freskinë dhe dinamizmin e kohëve që po jetojmë.

Për dy ditë rrjesht në edicionin e tij të të 18-të, në këtë festival do të përformojnë 12 trupa artistike nga mbarë trevat me muzikën e tyre qytetare për publikun elbasanas.

Festivali përkon edhe me fillimin e stinës së pranverës, e cila siç dihet, festohet në mënyrë karakteristike në qytetin e Elbasanit.

  Për këtë arsye ky takim i këngës popullore është edhe një element më rëndësi për gjallerimin e jetës kulturore elbasanase.

 Gjithashtu, në takim secili grup do të shpalosë vlerat artistike të zonës që perfaqëson, dhe juria ndan çmimet në grupet më të talentuara.

 Me këtë rast dalin në pah dhe vlerat më të spikatura të interpretuesve dhe ekzekutuesve më të rinj të këngës popullore qytetare Shqipetare.

Kryetari i bashkisë z. Gledian Llatja bashkë me Ministren e Bujqësisë dhe Zhvillimit Rural Anila Denaj, kanë parë nga afër serën e fermerit Musa Dushku, i cili mbarështon perimet e çdo stine.

Gjatë kësaj vizite, ata bashkëbiseduan për kultivimin në serra si forma më intensive e prodhimtarisë në bujqësi, që arrin rendimente të larta prodhimi dhe dalje të hershme në treg duke i bërë produktet bujqësore shqiptare më konkurruese në tregjet vendase dhe ato të eksportit.

  Falë prioritizimit të bashkimit të operatorëve, me minimumin 4 anëtare për fermerët e serave, është rritur përfitimi në vlerën maksimale për çdo fermer, të cilët përfitojnë të parët nga skema nëse vijnë të bashkuar.

Kur themi ditë vere, mendja të gjithëve i shkon tek Elbasani, pasi kryefjala e “Dita e Verës” vazhdon të jetë Elbasani, festë e cila edhe këtë vit, ka tejmbushur të gjithë qytetin, pa përjashtim.

Edhe pse e shpallur festë kombëtare, nuk kishte si ndodhte ndryshe që kjo festë e formëzuar që në lashtësi të mos festohej në gjenezën e saj, Elbasanin.

Fillimi i Marsit shënjoi edhe startin e aktiviteteve të cilat “gumëzhinë” në Elbasan nga fëmijët, të rinjtë, artistët, valltarët, tregëtarët, artizanët, vajza e gratë, mësueset, festime të cilat e arritën kulmin gjatë të gjithë ditës së sotme, 14 Mars.

Bashkia e Elbasanit, nën kujdesin e kryetarit Gledian Llatja këtë vit solli një dekor ndryshe, një organizim ndryshe nga vitet e tjera, duke gëzuar çdo shtëpi të Elbasanit, me festa shumë ngjyrëshe ashtu si edhe lulet që çelin në këtë stinë.

“Sofra e Elbasanit”, kampionate sportive, gara ciklizmi, panaire zejesh dhe artizanale, koncerte të shumtë për fëmijët, ekspozita e makinave të vjetra “Retro” 2 ekspozita fotografike “Elbasani ndër vite” dhe “Elbasani sot e dje”, “Defile” parada me trupat e ansambleve të gjithë qarkut, si dhe nga Maqedonia, Kosova etj. Mbrëmja e kësaj feste ku këngëtarë të njohur si Yong Zerka etj, u ngjitën në skenën e sheshit “ Gensher”, duke përformuar për disa orë për qytetarët dhe shumë miqtë e ardhur në Elbasan nga vendi dhe trojet shqipfolëse.

14 Marsi, e rigjen qytetin sërisht me atmosfera festive, pasi të gjithë elbasanllintë presin në banesat e tyre fëmijët që tu “bajnë kam” ( kush hyn i pari në shtëpi, që të sjellë mirëse gjatë të gjithë vitit), dalin sërisht në qytet.

Mëngjesi sërisht është për fëmijët, Parada e Ditës së Verës ku 20 shkollat 9-vjecare të Bashkisë Elbasan parakalojnë me pankarta në duar ky shpalosin fabula të ndryshme për të vijuar me karnavalet, performancaa, etj.

Panairi i Sportit, ekspozitë me punime nga fëmijët me AK Vendi: Lulishtja përpara pallatit të sportit “Tomorr Sinani”, Panairi i bujqësisë si demonstrim i prodhimeve vendase dhe bio, fermerë nga  njësitë administrative të Elbasanit.

“Festivali i bollokumes” , i sjellë për të dytin vit, si demonstrim i artit të bërjes së bollokumeve “live” nga amvisat elbasanase. Aktivitet argëtues dhe kreativ me fëmijë. (Poçaria). Koncerti i madh në sheshin “Gensher” i përgatitur si pjesë e mozaikut të madh të aktiviteteve, kanë mbyllur më shumë se 30 aktivitete për 10 ditë në Elbasanit, qytetin e “ Dita e Verës”.

Urimet më të përzemërta si edhe falenderimet për mijëra qytetarë dhe miq të ardhur nga kudo i ka dhënë kryetari i bashkisë së Elbasanit z. Gledian Llatja. “ Falenderime pa fund për të gjithë ju, miqtë e Elbasanit, që besuat tek festa jonë, dhe u bashkuat me ne në këtë festë të ruajtur dhe festuar prej shekujsh”.

 “Dita e Verës” në Elbasan veç mikpritjes, e ka kaluar nga njëri brez tek tjetri këtë festë pagane të ardhjes së pranverës.

 Vitet kaluan dhe festa mbeti në Elbasan po aq e mirëpritur sa edhe atëherë kur pati shkelur për herë të parë.

Pas aktiviteteve elbasanas dhe mysafirë të shumtë e shijuan këtë ditë pranvere në pikniqe në vendet më të preferuara, ku “rekordin” e thyen Parku “Rinia”, Krasta, Ullishta dhe Busheku, ku udhërrëfyes për mysafirët ishin vendalinjtë, që preferuan sot jo vetëm lokalet, por edhe fushat me bar.

Zanafillën, “Dita e Verës” e ka në faltoren Zana e Çermenikës, e cila ishte perëndesha e gjuetisë, pyjeve dhe e të gjithë natyrës. Sipas gojëdhënës, kjo zanë dilte nga faltorja e vet ditën e 14 marsit. E trashëguar brez pas brezi, kjo festë popullore është një ditë, e cila sot identifikon edhe vetë qytetin e Elbasanit, i njohur në Shqipëri për tradita të veçanta kulturore.

14 Marsi, e rigjen qytetin sërisht me atmosfera festive, pasi të gjithë elbasanllintë presin në banesat e tyre fëmijët që tu “bajnë kam” ( kush hyn i pari në shtëpi, që të sjellë mirëse gjatë të gjithë vitit), dalin sërisht në qytet.

Mëngjesi sërisht është për fëmijët, Parada e Ditës së Verës ku 20 shkollat 9-vjecare të Bashkisë Elbasan parakalojnë me pankarta në duar ky shpalosin fabula të ndryshme për të vijuar me karnavalet, performanca, etj.

Vetë kryetari i bashkisë z. Gledian Llatja, i ka vendosur fëmijëve veroren me ngjyra në duart e tyre të vogla, duke bërë këmbë pikërisht tek ata që quhen e ardhmja e vendit.

Panairi i Sportit, ekspozitë me punime nga fëmijët me AK Vendi: Lulishtja përpara pallatit të sportit “Tomorr Sinani”, Panairi i bujqësisë si demonstrim i prodhimeve vendase dhe bio, fermerë nga  njësitë administrative të Elbasanit.

“Festivali i bollokumes” , i sjellë për të dytin vit, si demonstrim i artit të bërjes së bollokumeve “live” nga amvisat elbasanase. Aktivitet argëtues dhe kreativ me fëmijë. (Poçaria). Koncerti i madh në sheshin “Gensher” i përgatitur si pjesë e mozaikut të madh të aktiviteteve, kanë mbyllur më shumë se 30 aktivitete për 10 ditë në Elbasanit, qytetin e “ Dita e Verës”.

 “Dita e Verës” në Elbasan veç mikpritjes, e ka kaluar nga njëri brez tek tjetri këtë festë pagane të ardhjes së pranverës.