Author: Bashkia Elbasan
Njoftim mbi portalin “Mësues për Shqipërinë” 2022
Kandidati që dëshiron të ushtrojë profesionin e mësuesit në arsimin parashkollor dhe të marrë pjesë në portalin “Mësues për Shqipërinë” 2022, duhet të regjistrohet online në portalin mesuespershqiperine.al nga data 20.05.2022 deri në datën 03.06.2022.
Kandidati ngarkon në platformën e aplikimit online dokumentet për konkurrim. Një kopje të dokumentacionit të ngarkuar online, për efekt të vlerësimit të dosjes e dërgon nëpërmjet shërbimit postar në ZVAP-në ku ka qendrën e banimit.
Zyra Vendore e Arsimit Parauniveristar (ZVAP) pranon dosjet e kandidatëve të Arsimit Parashkollor të cilët dëshirojnë të ushtrojnë profesionin e mësuesit dhe të marrin pjesë në portalin “Mësues për Shqipërinë” 2022, nga data 20.05.2022 deri në datën 03.06.2022.
Kandidati, i cili ka qenë pjesëmarrës në portalin e fundit dhe dëshiron të konkurrojë, duhet të ngarkojë online dosjen për konkurrim, në të kundërt, ai përjashtohet nga konkurrimi.
Një kopje të kërkesës për konkurrim, sipas shtojcës 4 të udhëzimit nr. 12, datë 10.6.2021 “Për procedurat e pranimit e të emërimit të mësuesit në një vend të lirë pune në institucionet arsimore publike të arsimit parauniversitar dhe për administrimin e portalit “Mësues për Shqipërinë”, të ndryshuar, e printuar vetëm nga sistemi i RASH, kandidati e dorëzon edhe në DRAP-në ku ka qendrën e banimit brenda datës 03.06.2022.
Në portal, kandidati zgjedh një nga opsionet: a) Aplikoj për herë të parë, b) Mbart pikët aktuale (dosje+testim), c) Mbart vetëm pikët e dosjes, d) Mbart vetëm pikët e testimit
ZVAP-ja krijon Komisionin e Vlerësimit të Dosjeve, i cili administron dhe vlerëson dosjet e kandidatëve të arsimit parashkollor, sipas përcaktimeve të udhëzimit nr. 12, datë 10.6.2021 “Për procedurat e pranimit e të emërimit të mësuesit në një vend të lirë pune në institucionet arsimore publike të arsimit parauniversitar dhe për administrimin e portalit “Mësues për Shqipërinë”, të ndryshuar, nga data 06.06.2022 deri në datë 20.06.2022 dhe ndjek të gjitha procedurat sipas përcaktimeve të udhëzimit nr.12 dhe shkresës nr 1567/1 datë 05.04.2022 “Për një ndryshim të afateve për procedurat e konkurrimit të mësuesve në portalin “Mësues për Shqipërinë”.
Dokumentacioni i kërkur për tu ngarkuar online sipas përcaktimeve të shtojcës 1 të udhëzimit nr. 12, datë 10.6.2021 “Për procedurat e pranimit e të emërimit të mësuesit në një vend të lirë pune në institucionet arsimore publike të arsimit parauniversitar dhe për administrimin e portalit “Mësues për Shqipërinë“, të ndryshuar:
- Jetëshkrimi (dorëzohet në momentin e punësimit).
- Kërkesa me shkrim për konkurrim sipas modelit të shtojcës 4, e printuar nga sistemi i
- Kopje e kartës së identitetit (e detyrueshme për t’u ngarkuar online).
- Raport mjeko-ligjor (i tre muajve të fundit dorëzohet në momentin e punësimit).
- Vetëdeklarim për gjendjen gjyqësore, sipas shtojcës 5, të këtij udhëzimi (dorëzohet në momentin e punësimit).
- Vërtetim i qendrës së banimit (i detyrueshëm për t’u ngarkuar online).
- Kopje e librezës së punës (i detyrueshëm për t’u ngarkuar online nëse ka dhe dëshiron të vlerësohet me pikë).
- Kopje e diplomës/ave, vërtetimit/listës së notave të studimeve të larta (cikli i parë dhe cikli i dytë) ose të barasvlershme me këto sipas përcaktimeve të kuadrit ligjor në fuqi (i detyrueshëm për t’u ngarkuar online).
- Kopje e licencës së provimit të shtetit për profesionin e rregulluar të mësuesit, për të gjithë kandidatët që kanë detyrim ligjor ta kryejnë këtë provim sipas përcaktimeve të legjislacionit në fuqi (i detyrueshëm për t‘u ngarkuar online).
- Kopje e dëshmive të kualifikimit për kategoritë: “Mësues i kualifikuar”, “Mësues specialist”, “Mësues mjeshtër” (nëse ka për t’u ngarkuar online).
- Kopje e certifikatave me kredite të trajnimeve të kryera brenda dhe jashtë vendit. Certifikatat me kredite të trajnimeve të kryera brenda vendit të jenë ofruar nga MAS, institucionet e varësisë ose nga agjencitë e akredituara. (nëse ka për t’u ngarkuar online.)
- Kopje e dëshmisë së njohjes së gjuhës/ve të huaja (nëse ka, për t’u ngarkuar online).
- Deklarim nga kandidati për autorizimin e DRAP-së që të shqyrtojë vërtetësinë e dokumenteve të paraqitura sipas shtojcës 6 të këtij udhëzimi (i detyrueshëm për t’u ngarkuar online).
Shënim. Dokumentet që ngarkohen në platformën e aplikimit online, janë të skanuara nga origjinali.
SUKSESE!
Takim konsultativ për norma, standarte dhe kritere për rregullimin dhe disiplinimin e funksioneve të Këshillit Bashkiak
Kryesia e Këshillit Bashkiak Elbasan dhe komisioni për çeshtjet ligjore dhe rregulloret si dhe disa anëtare të tij diskutuan mbi rregullimin dhe disiplinimin e funksioneve të KB dhe pikërisht komisionet e përhershme të KB për ti bërë ato më funksionale dhe më efiçente.
Në takim u rrahën mendime dhe u dhanë argumenta për ti bërë më funksionale dhe për të rritur efiçencën e komisioneve të përhershme të KB që ato të jenë më aktive.
Në takim u vendos që këto rekomandime në ndryshimin e disa komisioneve, në bashkimin e disa prej tyre të diskutoheshin më gjërë në këshillin bashkiak.
Pjesëmarrësit dhanë disa rekomandime dhe për administratën e bashkisë
Gjithashtu në këtë takim u hodhën ide për orarin e mbajtjes së mbledhjeve të komisioneve si dhe orarin për mbajtjen e mbledhjes së KB.