Author: Bashkia Elbasan
Të mirëmbajmë burimet natyrore të qytetit tonë
Nëse duhet të ndryshosh sjelljen, për një mjedis të pastër, një ambjent sa më të gjelbër, dhe një shoqëri të mire, zanafilla është tek fëmijët.
Kjo është arsyeja që njohuritë për mbrojtjen e mjedisit, nisin që në shkollat e arsimit fillor.
Janë fëmijët ato të cilët nëpërmjet demostrimit të ambjenteve sa më të pastra në klasë, jashtë saj, si edhe në qytet, përcjellin një edukim mjedisor.
Nën moton “mjedisi na përket të gjithëve”, fëmijët mësohen se burimet natyrore duhen vlerësuar në ambjentin ku ata jetojnë.
Ky sensibilizim i fëmijëve shërben sot për një shpresë për të ardhmen.
Kalendari Buxhetim me Pjesëmarrje
Në kuadër të procesit të Buxhetimit me Pjesemarrje, Bashkia Elbasan fton të gjithë qytetarët që të bëhen pjesë e kësaj pjesëmarrje vendimmarrëse, të drejtpërdrejtë mbi hartimin e zbatimin e buxhetit dhe shpёrndarjes sё fondeve lokale.
Buxhetimi me Pjesëmarrje ёshtё njё proces qё menaxhohet nga organet vendore tё qeverisjes (bashki dhe këshill bashkiak) në bashkëpunim me komunitetet lokale, i cili duhet t’u japë zë dhe adresojë çështje të rëndësishme që lidhen me komunitetet, por sidomos do tё sigurojё pёrgatitjen dhe miratimin e njё buxheti publik vendor, i cili paraqet prioritetet dhe nevojat e qytetarёve.
Bashkangjitur po ju përcjellim kalendarin e takimeve të hapura me ju!
Buxhetimi me Pjesemarrje
Bashkia e Elbasanit nisi si çdo fund viti, një nga proceset më të rëndësishme të pjesëmarrjes së qytetarëve në vendimmarrje, i cili organizohet tashmë prej më shumë se një dekadë, dhe që i paparin miratimit të buxhetit të bashkisë për vitin pasardhës.
Qëllimi i “ Buxhetimit me Pjesëmarrje”. Bashkia ka si synim vendosjen e një kontakti të vazhdueshëm me qytetarët dhe për të realizuar këtë ka nevojë të ketë dhe të perdorë mjetet e duhura për shpërndarjen e politikave të zhvillimit dhe ofrimin e shërbimeve publike tek çdo qytetar.
“Buxhetimi me Pjesëmarrje” është një proçes në të cilin qytetarët marrin pjesë në mënyrë aktive në vendimmarrjen për shpërndarjen e burimeve financiare publike.Ky proces nuk është vetëm konsultativ, por një proçes i drejtëpërdrejtë dhe diskutim demokratik për vendimmarrjen e pushtetit vendor.
Buxhetimi me Pjesëmarrje është vlerësuar si praktika më e mirë e bashkisë së Elbasanit, përsa i përket përfshirjes së qytetarëve direkt në vendimmarrje.
Maratona “ Skampa Elbasan” , qyteti mikpritës i vrapuesve nga vende të ndryshme të botës1600 vrapues të moshave dhe shteteve të ndryshme janë mbledhur në eventin e organizuar për herë të parë “ Skampa Elbasan”.
Maratona e cila zhvillohet për herë të parë, ka sjellë një angazhim të pjesëmarrësve nga Shqipëria si edhe vende të ndryshme të botës, të cilët kanë vrapuar në disiplinat 5, 10 dhe 21 km.
Nën kujdesin e veçantë të kryetarit të bashkisë së Elbasanit Z. Gledian Llatja, synimi është që ky aktivitet të kthehet në traditë, pasi ka një ndikim edhe në turizëm.
“ Qyteti e ka mirëpritur dhe ne do t’a kthejmë në traditë maratonën “ Skampa Elbasan”.
Qyteti ka qenë plot këto ditë para startit të këtij aktiviteti, të gjithë hoteleritë kanë qenë të mbushur me miq të ardhur nga vende të ndryshme të botës, por edhe artëdashës së këtij sporti”.
Maratona e cila realizohet në muajin tetor, muaji i ndërgjegjësimit për kancerin e gjirit, përcjell edhe mesazhin sensibilizues së luftës kundër kancerit të gjirit , si edhe të drejtat e fëmijëve.
Mesazhet e përcjella në këtë maratonë kishin një emërues të përbashkët, për një shëndet më të mirë, mirëqenie dhe shumë pozitivitet në jetë.
Në maratonën “ Skampa Elbasan “ 2023 morën pjesë vrapues nga 16 vende të botës, si Anglia, Austria, SHBA, Sllovenia, Ukraina, Gjermania, Serbia, si edhe Shqipëria.
Në përfundim të aktivitetit u ndanë dhe çmime për fituesit.
Shpallje për vend të lirë pune.
Proçedura e dorëzimit të dokumentacionit përfundon brenda 5 ditëve nga shpallja.
Shpallje për vend të lirë pune.
Proçedura e dorëzimit të dokumentacionit përfundon brenda 5 ditëve nga shpallja.
NJOFTIM
Për mbarëvajtjen e aktivitetit “International Mini Marathon Skampa 2023” i cili organizohet në datën 08.10.2023 Bashkia Elbasan njofton linjat e transportit ndërqytetës dhe urban si më poshtë:
Asnjë nga linjat e transportit të qytetarëve nga njësitë administrative nuk do të lejohet të hyjë në vendqëndrimet e tyre në qytet. Qëndrimi i tyre në datën 08.10.2023 do të jetë:
- Linjat që hyn në pjesën jugore të Elbasanit, pra linjat e Cerrikut, Gjinarit, Shushicës, Gramshit, Belshit, Treganit, Llixhës etj do të stacionohen tek ish Uzina Mekanike.
- Linjat të cilat hyjnë nga pjesa perëndimore e qytetit, linjat e Bradasheshit, Paprit, Katurndit të Ri, Peqinit, etj do të stacionohen tek Stacioni i Trenit.
- Linjat e veriut, Letan, Funar, Balëz, etj do të stacionohen tek Ura e Zaranikës.
- Linja e Tiranës, “Era Travel” do të stacionohet tek sheshi tek Dogana.
Në rrugët e bllokuara do të pezullohet transporti urban nga ora 08:00 deri në mbyllje të aktivitetit.
Faleminderit për mirëkuptimin!