Author: Bashkia Elbasan
NJOFTIM PËR KRYERJEN E PROÇEDURAVE TË PRIVATIZIMIT TË BANESAVE SHTETERORE
PËR KRYERJEN E PROÇEDURAVE TË PRIVATIZIMIT TË BANESAVE SHTETERORE SIPAS VKM-së Nr.179, datë 26.02.2020
Në zbatim të VKM-së nr.179 datë 26.02.2020 ” Për Rregullat, Kushtet dhe Proçedurat e Privatizimit të Banesave që Kanë Qenë Subjekt i Ligjit nr.7652 datë 23.12.1992,”Për Privatizimin e Banesave Shtetërore”, dhe të ligjit nr.9321 datë 25.11.2004,”Për Privatizimin e Banesave dhe Objekteve të kthyera në Banesa, të ndërtuara me fondet e Shoqërive dhe të Ndërmarrjeve Shtetërore”,( i ndryshuar ) njoftohen qytetarët që posedojnë banesa ose objekte të kthyera në banesa të ndërtuara nga shteti, të cilat vijojnë të jenë në pronësi të shtetit e rezultojnë të paprivatizuara dhe të pa regjistruara në regjistrin kadastral të pasuri vetë paluajtshme, kur këto banesa:
a) kanë qenë objekt privatizimi sipas ligjit nr.7652, datë 23.12.1992 “Për privatizimin e banesave shtetërore”, por kanë mbetur pa u privatizuar nga familja që e ka poseduar me kontratë qiraje me ish-ndërmarrjet komunale banesa;
b- janë banesa të ndërtuara deri në 31.12.1999 dhe kanë qenë objekt privatizimi sipas ligjit nr.9321, datë 25.11.2004 “Për privatizimin e banesave dhe objekteve, të kthyera në banesa me fondet e shoqërive dhe ndërmarrjeve shtetërore”, të paraqesin brenda 90 ditëve kërkesën për fillimin e proçedurave të privatizimit të banesës pranë Bashkisë Elbasan nga:
a- Subjekti i pajisur me autorizim nga organet kompetente, ose në rast vdekjeje të trashëgimtarëve të tij;
b- Çdo person i autorizuar me prokurë nga subjekti i përcaktuar më lart.
- Kërkesa duhet të përmbajë :
i) Të dhënat personale të subjektit kërkues.
ii) Të dhënat lidhur me banesën ose objektin e kthyer në banesë.
iii) Datën e kërkesës dhe nënshkrimin e kërkuesit.
- Kërkesa duhet të shoqërohet me dokumentacionin e mëposhtëm:
i) Kontrata e qirasë, akti i dhënies dhe i marrjes në dorëzim të banesës nga ish-ndërmarrja komunale banesa, ose autorizim nga ish-organet administrative publike që e kanë strehuar në atë banesë.
ii) Çertifikatë familjare e datës 1.12.1992 dhe çertifikatë aktuale familjare.
iii) Dëshmi e trashëgimisë, nëse ka ndërruar jetë subjekti i pajisur me autorizim.
iv) Prokurë nëse personi është ngarkuar për të kryer veprimet nga subjekti i pajisur me
autorizim.
v) Dokument identifikimi i kërkuesit.
Aplikimi mund të paraqitet në rrugë postare, me adresë :Bashkia Elbasan, Lagjja“ Luigj Gurakuqi”, Rruga “ 11 Nëntori”, ( ish-konvikti i shkollës Pedagogjike) Elbasan ose pranë Zyrës së Informacionit me Një Ndalesë, Bashkia Elbasan, brenda afatit të mësipërm.
Shënim:
Gjithashtu njoftohen të gjithe subjektet që kanë paraqitur kërkesë në Bashkinë Elbasan, për përfundimin e procedurës së privatizimit përpara daljes së këtij njoftimi, të paraqiten në Bashkinë Elbasan, për vijimin e proçedurave, sipas korrespondencave shkresore përkatëse dhe ndryshimeve ligjore aktuale.
Ju faleminderit !
Llatja: Po mbajmë premtimet për urbanizimin e të gjithë rrugëve dhe rrugicave në qytet dhe zonat informale
Një rrugë me stadarte, është drejt përfundimit në një nga lagjet e vjetra të Elbasanit.
Ishte një premtim i dhënë banorëve në lagjen e njohur si Pusi që lahet vetë, ku punimet janë drejt fundit në rrugën “Pëllumb Isaj” dhe rrugicat e tjera lidhëse mes shtëpive të lagjes të cilat po rehabilitohen me pllaka dhe do të asfaltohen. Punimet i ka inspektuar edhe kryetari i bashkisë z. Gledian Llatja i cili edhe një herë e vuri theksin tek investimet në infrastrukturë për urbanizimin e të gjitha rrugëve dhe rrugicave si në qytet ashtu edhe në periferi të qytetit.
“Ishte një premtim i dhënë banorëve të kësaj lagjeje të vjetër në qytet, ku 15 familje jetonin me probleme infrastrukturore. Ne po i japim zgjidhje shumë rrugicave të Elbasanit por edhe shesheve të pallateve, në qendër të qytetit si dhe në periferi. Bashkia vazhdon punët edhe në verë, tha Llatja. Ai shtoi se “shumë ishin skeptikët që thonin se po hapim kantiere për fushatë, por kjo është realiteti rruga po mbaron në kohë rekord duke zgjdihur shumë problematika në Elbasan”.
Sakaq, edhe pse stinë vere, punimet vijojnë edhe në rrugën “Sabaudin Bobrati” në Njësinë 4, ku po riintegrohet në gjithë hapësirën e saj si një arterie e rëndësishme për komunitetin e banorëve të lagjes” Aqif Pasha”.
Edhe në Shushicë të Elbasanit, kanali ujites i Fushbullit një vepër e rendësishme për gjithë fermerët e zonës së Shushicës, qe falë nderhyrjes së bashkisë në kohë po përfundon dhe po i vjen në ndihmë të gjithë familjeve fermere.
Njoftim : Afati i pagesës së taksave dhe tarifave vendore
Njoftohen të gjithë subjektet taksapagues që ushtrojnë aktivitet ekonomik ose zotërojnë një apo më shumë prona (të kategorisë njësi shërbimi) në territorin e Bashkisë Elbasan se në zbatim të Vendimit të
Këshillit Bashkiak nr. 158 datë 30.11.2022 janë gjeneruar taksat dhe tarifat vendore për vitin 2023. Afati i pagesës së taksave dhe tarifave vendore për vitin 2023 është data 31 Korrik 2023.
Pagesa e detyrimit tatimor mund të kryhet pranë Postës Shqiptare, bankave të nivelit të dyte ose Unionit Financiar. Për mospagesë në afatin e caktuar aplikohet kamatvonesë në masën 1.8% çdo muaj, por jo më
shumë se 12 muaj.
Për pagesat që kryhen pas datës 31 korrik 2023 nis aplikimi i masave shtrënguese të parashikuara në ligjin nr. 9920 datë
19.05.2008 “Për Procedurat Tatimore në Republikën e Shqipërisë” i ndryshuar.
Për çdo paqartësi dhe informacion si dhe për të tërhequr faturën e detyrimit tatimor, ju lutem paraqituni pranë sportelit të shërbimit të D.T.T.V.M.A -së (zyrat e ish-Aluiznit, pranë kopeshtit Ali Arapi).