Mirënjohje 40 efektivëve zjarrëfikës të cilët në kohë rekord izoluan zjarrrin e rënë në fabrikën e plastikës

Zjarri i rënë në fabrikën e plastikës ditën e sotme rreth orës 14:40 është izoluar plotësisht dhe fatmirësisht nuk pati asnjë person të lënduar.

Për të shuar zjarrin, u angazhuan në terren mbi 10 mjete zjarrfikëse, me ndihmë edhe të bashkive të qarkut si dhe 2 mjete zjarrfikëse nga Tirana.

Mirënjohje e posaçme për 40 efektivët të cilët me përpjekje të guximshme mundësuam në kohë rekord izolimin e vatrës së zjarrit, duke shpëtuar njëherazi nga dëmtimi edhe fabrikat e prodhimit.

Ndërkohë janë duke u evidentuar dëmet materiale si pasojë e flakëve që përfshinë fabrikën e plastikës, ndërsa situata paraqitet tanimë totalisht në kontroll.