Shkolla “Shushicë” drejt transformimit të shumëpritur!

Një kapitull i ri po hapet për shkollën 9-vjeçare “Shushicë”, e cila do t’i nënshtrohet një rikonstruksioni tërësor, duke përmirësuar ndjeshëm kushtet për 314 nxënës dhe 33 mësues që punojnë çdo ditë për edukimin e brezit të ri.

Ky investim do të sjellë një transformim rrënjësor të infrastrukturës, duke garantuar ambiente moderne, të sigurta dhe dinjitoze për nxënësit dhe stafin mësimor.

Kryetari i Bashkisë Elbasan, Gledian Llatja, theksoi se arsimi mbetet një nga prioritetet kryesore të investimeve. Krahas shkollës “Shushicë”, në proces rikonstruksioni do të hyjnë edhe shkolla 9-vjeçare “Naim Frashëri” dhe gjimnazi i njohur “Dhaskal Todri”, institucione me rëndësi të veçantë për qytetin.