Teatri “Skampa” nuk shteron me aktivitete, koncert simfonik më 27 prill me Orkestrën Filarmonike të Elbasanit

Teatri “Skampa” nuk shteron me aktivitete dhe mbrëmje artistike për publikun elbasanas. Së fundmi, në skenën e teatritpritet të vijë një tjetër event i veçantë, që premton emocione dhe përjetime të rralla për dashamirësit e muzikës klasike.

Bëhet fjalë për një koncert simfonik nga Orkestra Filarmonike e Elbasanit, i cili do të zhvillohet më 27 prill, në orën 18:00. Nën dirigjimin e Antonio Pine, kjo mbrëmje do të sjellë në skenë interpretimet e solistëve Ardit Serica (piano), Fini Gjeli dhe Stelina Trokoliçi.

Programi artistik përfshin vepra nga kompozitorë të njohur botërorë si Wolfgang Amadeus Mozart, Antonín Dvořák, Johannes Brahms dhe Arturo Márquez, si edhe krijime nga kompozitori shqiptar Klement Marku, duke e bërë këtë koncert një udhëtim të pasur muzikor mes traditës dhe bashkëkohësisë.

Aktiviteti organizohet nën drejtimin ekzekutiv të Kliton Kapaj dhe do të jetë i hapur për publikun, me hyrje të lirë.

Një mbrëmje e veçantë që konfirmon edhe një herë se Teatri “Skampa” vijon të jetë një nga qendrat më të rëndësishme të jetës kulturore në qytet, duke sjellë vazhdimisht aktivitete të larmishme dhe cilësore për artdashësit.