Skip to contentSkip to left sidebar Skip to right sidebar Skip to footer

Muaj: Qershor 2021

Muzeu Etnografik

 

Në qendër të qytetit të Elbasanit, shumë pranë Rrapit të Bezistanit, ndodhet një shtëpi karakteristike, e cila në vitin 1986 u kthye në Muze Etnografik. Shtëpia e Sejdinëve, siç njihet, iu dhurua shtetyit nga familja. “Në planin kompozicional dhe në përgjithësi në konceptimin e saj funksionalo -arkitektonik, kjo banesë u ngjan shumë banesave me çardak që ndodhen në Berat e Shkodër,” thotë drejtori i Muzeut Etnografik Kreshnik Belegu. Ndërtesa përbëhet nga dy kate, kati i parë ka qenë përdorur si magazinë ku futeshin prodhimet bujqësore, si edhe ka disa ambjente muzeale, koridorin, dhomën e leshrave, dhomën e metaleve, si dhe dhoma e tabakëve. Kati i dytë ka qenë përdorur si vendbanimi dhe përbëhet nga koridori i madh, dhoma e punës së vajzave, dhoma e grave, dhoma e burrave, si dhe dhoma e nuses. Banesa është restauruar nga Insituti i Monumenteve të Kulturës në vitin 1983 – 1985, dhe në vitin 1986 ambjentet e shtëpisë u përshtatën duke u kthyer në muze etnografik. “Muzeu përmban kuadrin historik, zejtarinë, me rreth 80 lloje zejesh, veshjet , tipin e banesës qytetare karakteristike elbasanase” thotë Belegu.

Ai shton se “në muze ruhen me fanatizëm prodhimet artizanale të bëra nga qytetarë të ndryshëm elbasanas, si edhe një sërë dokumentash të cilat flasin për historinë e qytetit të Elbasanit”. Nuk mungojnë kostumet e burrave të cilat i gjen të varura në dhomën e burrave. Belegu deklaron se “kostumet e burrave dhe grave të punuara nga rrobaqepësit e talentuar elbasanas, shquheshin për stilin e veçantë shqiptar, si një mozaik i pasur veshjesh që pasqyronin tiparet e krahinës etnografike”. Për të mos harruar mjeshtërinë e terzinjve ku shquhen për punimin e jelekëve, xhamadanëve, xhybeve, dollomaneve etj

Të gjitha këto të bëra me copa të kushtueshme, zbukuruar me motive vendase të thurur me gajtane e tel argjendi, ose ari. Veglat e punës të këtyre kostumeve ishin gërshëra, gjilpëra, kuti, hekuri me zjarr etj. Sipas Belegut, “kostumet e burrave e të grave dalloheshin për bukurinë dhe elegancën e çmoheshin shumë nga të huajt. Një dolloman apo xhybe e kategorisë së parë e punuar me copë kadife të kuqe të importuar që përdorej nga aristokracia e lartë arrinte një shumë të madhe”. Në muze gjen punime të metalpunuesve, artizanëve, dru punuesve, armëtarëve, leshpunuesve, guri i varrit të Mark Sabidit, i cili vërteton vendodhjen e qytetit të Elbasanit, ruhet në Muzeun Etnografik edhe në ditët tona.Gjithashtu në muze ndodhet edhe dokumenti më i vjetër arkeologjik basorelievi i skalitur në gur, stela me figurën e nuses ilire, si edhe vegja e tezgjahu që përdoreshin nga gratë të cilat endin pëlhura dhe qilima, etj. Muzeun Etnografik të qytetit të Elbasanit, i cili mbart brenda një pasuri të vyer të historisë së qytetit e vizitojnë çdo vit me qindra të huaj.

Kisha e Shën Kollit (Shelcan, Elbasan)

Kisha e Shën Kollit është një vend i trashëgimisë kulturore në Shelcan, të qarkut të Elbasanit, në qarkun e Elbasan, Shqipëri. Në këtë vend, kjo është një lloj i “Arkitekturës”, e cila u miratua nga numrat 586 / 4874, me 17.03.1948 e 23.09.1971 “.

1. Përshkrimi dhe historia.

Kjo kishë është e famshme për afresket e piktorit të madh shqiptar të shekullit të QYTETIT, “Onufri”. Unë kam qenë njenefeshe, me një portik në më vonë e jugut, dhe që të perëndimor. Në naos arrihen nga perëndimi dhe jug. Kisha është guri të çrregullta, dhe ai është i mbuluar me çati me kapriata pa tjetër, e rivendosjes së të vitit 1969. Pse është zonë e dating, duke filluar me teknikat, dhe ndërtimin e dy-tre rreshta tullash horizontale, supozohet që, nëse ju i përmbushni të fundit të shekullit të QYTETIT.

Kisha Shën Vladimir

Shën Jovan Vladimir , mbreti serb, siç shkruhet në kalendarin kishtar të cilin e publikon Kisha ortodokse Serbe , festohet me 4 Qershor ( 22 Maj sipas kalendarit të vjetër). U rrit në një familje me rrënjë fisnikësh të sundimtarëve serbë të cilët administronin principatat në Zahumlje dhe Prevalitane (Duklja ose Zeta). Vladimiri trashëgoi në fund të shekullit të X administrimin mbi tokat e të atit dhe xhaxhait. Fronin e pati në Krajinë, afër Liqenit të Shkodrës, tek kisha e Marisë së Shenjtë.
“ Njeri i drejtë, paqësor dhe plot me virtyte” siç e ka përshkruar historiani bizantin Kedrin, princi Jovan Vladimir në rininë e hershme mësoi artin e luftës por edhe Librin e Shenjtë.
Historiani i lashtë sllav Pop Dukljanin në librin e tij “ Mbreteria e sllovenëve” ( Regnum Slavorum) , dhe ava Justin në “ Jetëshkrimet e të Shenjtëve” përshkruajnë se si car Samuili e rrethoi ushtrinë e princ Vladimirit të kodrat e Oblikës. Atë e trathtoi nje nga princat lokalë dhe Samuili e burgosi në Prespë.
Samuili i dha vajzën e tij Kosarën, dhe I ktheu principatën, dhe I dha dhe Durrësin . Pas disfatës së Samuilit nga Vasili I II I Maqedonisë, Jovan Vladimiri u vra nga një komplot nga Ivan Vladislavi, sundimtari I fundit bullgar. Ai u varros në Prespë, dhe eshtrat e tij më vonë u çuan në Krajinë, ku janë prehur deri në vitin 1215 kur grekët u dërguan në Durrës. Nga Durrësi eshtrat u kthyen në Elbasan në vitin 1381 pasi Karl Topia e rindërtoi nga themelet. Që atëherë emrit të tij Vladimir iu shtua dhe Jovan, me shumë gjasa sipas Shën Jovan Pagëzorit, të cilit gjithashtu i qe prerë koka.
Sot ato ndodhen të varrosura në tryezën e shenjtë të Kishës qendrore në Tiranë. Koka e tij ruhet si një nga rekvizitet me të çmuara, në kishën e manastirit bullgar Zograf në Malin e Shenjtë. Çdo vit , karvan i pelegrinëve shkon deri në Elbasan , në manastirin e Jovan Vladimirit, aty shërbehet liturgjia dhe pas bëhet kthimi në Tiranë.
Kulti i Shën Jovan Vladimirit është i ngulitur thellë në besimin e poopujve serb, shqiptar, grek, bullgar dhe maqedon. Populli e respekton këtët të shenjt si çudibërës. Elbasani dhe Tivari e festojnë si mbrojtësin e tyre. Në vitin 1925 i është kisha tek Manastiri i Shën Naumit, në liqenin e Ohrit, si dhe në Bar (Tivar), ku është ndërtuar një tempull madhështor . Në qendër të këtij qyteti i është ngritur dhe një përmendore.
Shën Jovan Vladimir u bë drita e Kishës Ortodokse dhe mishërimi i ortooksëve por edhe i shumë myslimanëve dhe katolikëve. Siç thotë dhe Mitropoliti Amfilohije, duke iu kthyer lutjes së Shën Jovan Vladimirit dhe duke iu kthyer kujtimit të tij, i kthehemi vetvetes, burimeve dhe udhërrëfyesve tonë të përjetshëm.

Funar

Funari, perla e pazbuluar turistike mes katër liqeneve

Rreth 20 kilometra larg qytetit të Elbasanit ndodhet një nga perlat turistike thuajse të pashkelura të qytetit të Elbasanit. Janë të paktë ata që e njohin Funarin, i cili ka nën administrimin e tij 17 fshatra dhe rrethohet nga 7 male dhe përshkohet nga tre përrenj, Zaranika, Kusha dhe Zalli i Korrës. Funari është një zonë e pasur me pyje dhe me katër liqene apo rezervuarë të ndarë dy brenda fshatit dhe dy të tjerë të fshehur pas maleve që e rrethojnë atë.

Deri pak kohë më parë, Funari ishte thuajse i harruar për nga vetë infrastruktura e amortizuar, pasi duheshin tri orë për rrugën që sot mund ta përshkosh për 1 orë. E pasur me pyje pishash dhe dushku, Funari ofron një klimë të shëndetshme që, nëse i shtojmë dhe gatimet tradicionale të zonës, bëhet vendi ideal për të kaluar fundjavën. Por jo vetëm kaq, kjo zonë mund të jetë një destinacion edhe për të pasionuarit pas peshkimit. Petriti është një banor i qytetit të Elbasanit, një peshkatar i njohur nga banorët e Funarit.

“Edhe pse dikur kapja shumë krap, krap pasqyrë si edhe ballgjanë, tashmë këto lloje peshku janë me pakicë, për shkak të moskujdesit vitet e fundit. Por sot janë vetë banorët ata që i kushtojne vëmendje duke bërë të mundur rikthimin e këtyre lloj peshku në liqenet e tyre. Është peshk i shijshëm, ka pak nevojë për kujdes, dhe vetëm me peshkun e këtyre liqeneve Funari do të jetë shumë i vizituar”, shprehet peshkatari i vjetër, i cili shprehet me nostalgji për Funarin e dikurshëm.

Kur ishte komunë, shumë pak turistë vendës por edhe të huaj e vizitonin Funarin, ndërsa vitet e fundit me marrjen nën administrim të Bashkisë së Elbasanit, kjo zonë është bërë tepër e vizitueshme. Ishte një iniciativë për t’i dhënë zonës atë që me të vërtetë meritonte, emrin “Funari Turistik”, duke shpallur edhe datën 26 mars ditë feste për promovimin e turizmit në këtë zonë, si edhe kthimin e kësaj feste në traditë. RRUGA Për të shkuar në Funar duhet të përshkosh një rrugë të gjatë, me shumë fshatra. Së pari të përshëndet përroi i Zaranikës, dhe në rrëzë të saj qëndron si relikte e vjetër, por funksional edhe sot, Mulliri i Ndreut.

Ka mbi 100 vjet që është ngritur dhe ka qenë gjithmonë në shërbim të malësorëve të zonës. Këtu vinin dikur fshatarët nga Braneshi e Bixëllenja, Rrila e Bashabuni me kafshët e ngarkuara me nga dy thasë të endur me lesh dhie, mbushur me misër e prisnin radhën me orë të tëra për të bluar. E vështirë është disi ngjitja në brinjën e Braneshit. Është një e përpjetë thikë, derisa të dalësh në fushën e Funarit, rreth 6 km më lart.

HISTORIA

Nga kjo zonë kanë dalë edhe shumë burra të mençur që kanë lindur e jetuar këtyre anëve. Emrat e tyre përmenden edhe sot. Selim Meta nga Balza e dha jetën në përpjekje me forca diversante, pak kohë pasi ishte çliruar vendi nga pushtuesit, dhe u përjetësua në këngën e solistëve elbasanas. Isuf Deliu nga Mollagjeshi ishte patrioti me nam, që u shërbeu bashkëfshatarëve, jo vetëm si drejtues gjatë luftës, por edhe hoxhë i fshatit.

Ishte i zgjuar dhe gëzonte respektin e te të gjitha shtresave e për këtë arriti të bëhet edhe shef i seksionit të bujqësisë të rrethit të Elbasanit në kohën më të vështirë. Në Mollagjesh u hap shkolla që në vitin 1932, si një ndër shkollat e para pas asaj Normale dhe pas dy të tjerave, njëra hapur në Shpat të Elbasanit e tjetra në Vrap të Peqinit. Dy burrat e Mollagjeshit, Isuf Deliu dhe Sali Çela, morën udhën në këmbë drejt Ministrisë së Arsimit të kohës dhe siguruan pas një argumentimi këmbëngulës një dokument për hapjen e shkollës.

Dhe ndonjë skeptiku, që nuk pranonte të sillte fëmijën në shkollë, Sali Çela iu përgjigj me shembullin e tij konkret. Ai i preu flokët njësoj si një djali vajzës së tij të vetme dhe e dërgoi atë i pari në dhomën me lagështirë që shërbeu si shkollë fillimisht. Ismail Kaca nga Bixëllenja ishte përfaqë- sues i Ballit Kombëtar e Rrapush Hyka në Korrë, përfaqë- sues i Legalitetit, por gjithçka e vunë në shërbim të banorëve të Funarit.

Byshek

Bysheku është një nga pikat turistike më të afërta dhe më të bukura të Elbasanit.

I ndodhur vetëm 4 km larg qytetit, mes gjelbërimit dhe ujit të ftohtë, Bysheku është një nga pikat e preferuara jo vetëm të fundjavës, por edhe të pasditeve. Edhe pse rruga që të çon deri në këtë mrekulli të vogël të natyrës është krejtësisht e rikontruktuar, prej vitesh mungojnë investimet.

Edhe pse Bysheku është një nga fshatrat e përfshirë në projektin zhvillimor “100 fshatrat”, banorët duket se ende nuk janë të qartë për mundësinë e investimeve të vogla individuale përmes bujtinave apo shërbimeve familjare.Uji i ftohtë i burimit dhe rrapet mijëravjeçare i japin zonës hijeshinë dhe qetësinë e një fundjave larg zhurmës dhe kaosit të qytetit. Nëse kësaj do t’i shtohen edhe ushqimet tradicionale të zonës dhe disa aktivitete si hipizëm apo kënde sportive, Bysheku do të ishte i pakrahasueshëm dhe i pazëvendësueshëm për elbasanasit.

Buxhetimi me Pjesëmarrje 2021 në Njësinë Administrative Gracen

Bashkia e Elbasanit nisi, si çdo fund viti, një nga proceset më të rëndësishme të pjesëmarrjes së qytetarëve në vendimmarrje. Nga Graceni nisën dëgjesat publike në kuadër të procesit të “Buxhetimit me Pjesëmarrje” një proces i cili në Elbasan zhvillohet prej më se 12 vjetësh. 
Bashkia Elbasan, ka si synim vendosjen e një kontakti të vazhdueshëm me qytetarët dhe për të realizuar këtë ka nevojë të ketë dhe të perdorë mjetet e duhura për shpërndarjen e politikave të zhvillimit dhe ofrimin e shërbimeve publike tek çdo qytetar. Nje mjet i tillë është dhe proçesi i “Buxhetimit me Pjesëmarrje”.
“Buxhetimi me Pjesëmarrje” është një proçes në të cilin qytetarët marrin pjesë në mënyrë aktive në vendimmarrjen për shpërndarjen e burimeve financiare publike. “Buxhetimi me Pjesëmarrje” nuk është vetëm konsultativ, por një proçes i drejtëpërdrejtë dhe diskutim demokratik për vendimmarrjen e pushtetit vendor. 
Graceni është një nga njësitë administrative me fshatra shumë të largët dhe me nevoja të mëdha të banorëve.
Në këtë “votim publik” për nevojat e tyre, banorët kërkuan kryesisht ndërhyrjen në infrastrukturën rrugore. 
Në fshatrat Bodin e Plangaricë, Bashkia e Elbasanit hapi rrugën vetëm disa vite më parë, pasi këto fshatra nuk kishin pasur kurrë rrugë. Po ashtu edhe në fshatin Mamël, por këto rrugë kanë nevojë për mirëmbajtje të vazhdueshme, pasi terreni malor dhe ujërat krijojnë probleme në vazhdimësi. 
Kryetari i Bashkisë Z. Gledian Llatja falenderoi banorët për pjesëmarrje të gjerë dhe vlerësim maksimal të këtij procesi, si dhe për respektimin me rigorizitet të masave anticovid. 
Llatja bëri një pasqyrim të punëve të kryera në Njsinë Administrative Gracen, por edhe të atyre punëve që për fat të keq mbetën përgjysëm nga një vit i vështirë ekonomik për shkak të pandemisë. 
Kryetari i Bashkisë i njohu qytetarët me të gjitha kostot shtesë që duhet të ndërmerrte pushteti vendor për të menaxhuar këtë situatë, për të lehtësuar bizneset, për të ndihmuar familjet në nevojë dhe mbi të gjitha për të mbrojtur shëndetin e qytetarëve. 
Por, theksoi Llatja, bashkia do të vijojë të kryejë detyrën e saj në shërbim të qytetarëve ndaj dhe ky proces i rëndësishëm kërkon të “vjelë” nevojat të cilat qytetarët i konsiderojnë parësore. 
Në një proces demokratik si ai i “Buxhetimit me Pjesëmarrje” vetë qytetarët vlerësojnë përparësitë e shënuara, për t’u përkthyer më pas në investim në vitin e ardhshëm buxhetor, konkretisht në buxhetin e vitit 2021. 
Me banorët e Elbasanit është duke u diskutuar edhe Paketa Fiskale e vitit të ardhshëm, në të cilën qytetarët japin mendimet e tyre për sistemin e taksave dhe tarifave. Bashkia e Elbasanit vazhdon të jetë bashkia me taksat dhe tarifat më të ulëta në vend. a
Procesi do të vijojë në të gjitha njësitë administrative dhe në lagjet e qytetit, për t’i hapur më pas rrugë hartimit të buxhetit, i cili do të reflektojë pikërisht mendimin dhe vendimin e qytetarëve.​
 
  • 4 Qershor, 2021 in Lajme

Buxhetimi me Pjesemarrje 2021 ne Njesine Administrative Funar

Bashkia e Elbasanit vijoi procesin e “Buxhetimit me Pjesëmarrje” nga njësia administrative Funar ku kryetari Gledian Llatja pati një bashkëbisedim të gjatë me banorët e zonës.
Llatja njohu banorët me projektet aktuale që ka bashkia për investime në këtë zonë duke theksuar fillimisht rikontruksionin e rrugëve dhe rikualifikimin e të gjitha qendrave të njësive administrative.
Banorët nga ana e tyre falenderuan për punën e bëra deri tani, sidomos për ujin e pijshëm ndërsa vunë theksin tek rikonstruksioni i rrugëve. 
Procesi i “Buxhetimit me Pjesëmarrje”, i cili organizohet tashmë prej më shumë se një dekadë, i paparin miratimit të buxhetit të bashkisë për vitin pasardhës. 
Një zë i këtij buxheti janë pikërisht prioritetet e përcaktuara nga qytetarët gjatë procesit të “Buxhetimit me Pjesëmarrje”.
Po ashtu, administrata e bashkisë merr në shënim të gjitha problematikat e qytetarëve, edhe ato që nuk janë në kompetencë të saj, për t’ja deleguar më pas institucioneve përkatëse.
Buxhetimi me Pjesëmarrje është vlerësuar si praktika më e mirë e bashkisë së Elbasanit, përsa i përket përfshirjes së qytetarëve direkt në vendimmarrje.
Buxhetimi me Pjesëmarrje, që prej Reformës Administrative Territoriale, organizohet edhe në Njësitë Administrative.
  • 4 Qershor, 2021 in Lajme

Bashkia e Elbasanit bashkohet me Partneritetin Global në promovonin e qeverisë së hapur

Elbasan, Shqipëri – Qeveria e Bashkisë së Elbasanit është zgjedhur për t’u bashkuar me Partneritetin e Qeverisë së Hapur (OGP), një organizatë që bashkon qeveritë dhe drejtuesit e shoqërisë civile për të krijuar një qeveri më transparente, gjithëpërfshirëse dhe pjesëmarrëse. Si një anëtar i ri i OGP-së, Bashkia e Elbasanit do të punojë me organizata lokale civile dhe anëtarë të tjerë të OGP-së për të çuar përpara axhendën e qeverisë së hapur në mënyrë lokale dhe të transformojë mënyrën se si qeveria i shërben qytetarëve të saj.

Z. Gledian Llatja Kryetari i Bashkisë së Elbasanit mirëpriti shtimin e Bashkisë Elbasan  partneritetit dhe shpreson të mësojë më shumë nga anëtarët e OGP-së në niveli kombëtar dhe lokal për të çuar përpara lëvizjen e qeverisë së hapur. “Të qënurit pjesë e  OGP-së është shumë e rëndësishme për Bashkinë  Elbasan, sepse ne mund të ndajmë  “praktikat më të mira”, por në të njëjtën kohë ne mund të zhvillojmë politika strategjike dhe zgjidhje në lidhje me manaxhimin më të mirë të shërbimeve dhe rritjen e transparencës në komunitet, duke evituar burokracitë dhe duke rritur nivelin e transparencës e cila na mundëson rritjen e besimit të komunitetit në sigurimin e shërbimeve panvarësisht gjinisë apo etnicitetit.”.

 

Dr. Prof. Skënder Topi, Rektor i Universitetit të Elbasanit “Aleksandër Xhuvani” vuri në dukje rëndësinë e bashkëpunimit të shoqërisë civile dhe qeverisë për krijimin e reformave që u përgjigjen nevojave të qytetarëve në Bashkinë e Elbasanit, dhe që OGP ofron platformën e duhur për ta arritur këtë . “Universiteti i Elbasanit do të punojë me Bashkinë e Elbasanit dhe organizatat lokale të shoqërisë civile, në kuadrin e qeverisjes së mirë dhe krijimin e iniciativave të reformës, me një interes të përbashkët për qytetin e Elbasanit.”

Z. Arian Çala, Drejtor Ekzekutiv i OJQ-së “Tjetër Vision” vuri në dukje rëndësinë e shoqërisë civile dhe bashkëpunimin e qeverisë për të krijuar reforma që u përgjigjen nevojave të qytetarëve në Bashkinë e Elbasanit, dhe që OGP ofron platformën e duhur për ta arritur këtë.

“Organizata Tjetër Vizion në partneritet të ngushtë me Bashkinë Elbasan dhe aktorë të tjerë të shoqërisë civile do të kontribuojnë në përfaqësimin e nevojave të grupeve të synuara, monitorimin dhe sigurimin e dëgjimit të zërit të tyre dhe përmbushjen e nevojave të tyre social -ekonomike”

Organizatat e shoqërisë civile dhe reformuesit në qeveri kanë mbështetur qasjet e qeverisë së hapur në Bashkinë e Elbasanit. Bashkëpunimi i Bashkisë Elbasan me Universitetin “Aleksandër Xhuvani” dhe “Tjetër Vizion” si përfaqësues i shoqërisë civile konsiderohet si një pikë strategjike në zhvillimin e shoqërisë sonë duke u përqëndruar në nevojat e qytetarëve.

Bashkëpunimi me Universitetin “Aleksandër Xhuvani është vendimtar për arsimin, zhvillimin ekonomik dhe social të rajonit të Elbasanit, dhe natyrisht ne kemi një histori të suksesshme të bashkëpunimit në fusha të ndryshme si ne fushën e arsimit dhe të  politikave sociale, në fuqizimin e rinisë dhe në fushën  e ujit dhe të kanalizimeve. Si një anëtar i ri i OGP-së, Bashkia e Elbasanit shpreson të rritë këto përpjekje në partneritet me palët e interesuara lokale dhe të përfshijë mësimet e nxjerra nga anëtarët e tjerë të OGP-së.

Faleminderit dhe Open Gov Hub Albania, e cila mbështeti Bashkinë Elbasan në aplikimin e saj. https://atlascorps.org/alum-founded-affiliate-of-open-gov-hub-in-albania/

OGP po mirëpret 55 anëtarë të tjerë lokalë të përbërë nga 64 qeveri lokale nga 32 vende për t’u bashkuar me OGP-në lokale. Ky zgjerim, më i madhi në historinë e OGP-së, vjen në një moment kritik pasi qytetet dhe komunitetet lokale janë në krye të përpjekjeve për t’iu përgjigjur COVID-19 ndërsa përballen gjithashtu me buxhet të shtrënguar dhe pasiguri klimatike. 56 anëtarët e rinj u zgjodhën nga një grup prej 112 aplikimesh.

Anëtarët e OGP-së lokale kanë qenë në ballë të inovacionit, duke ndërmarrë hapa të guximshëm për të adresuar sfidat e vazhdueshme. Për shembull, në Buenos Aires, Argjentinë, qeveria dhe shoqëria civile janë partnerizuar për të siguruar që komunitetet e margjinalizuara të kenë qasje në shëndetin riprodhues dhe në Sekondi-Takoradi, Gana, qytetarët mund të aksesojnë në mënyrë dixhitale informacionin mbi aplikimet për projektet e infrastrukturës që i fuqizojnë ata për të luftuar korrupsionin dhe aktivitetet e ndërtimeve te paligjshme. Pas suksesit të 20 anëtarëve të parë lokalë të OGP-së, Komiteti Drejtues i OGP-së ra dakord të zgjerojë grupin në vitin 2020.

Drejtori i Përgjithshëm Ekzekutiv i OGP-së, Sanjay Pradhan, mirëpriti ngrohtësisht shtimin e anëtarëve të rinj në partneritet: “Udhëheqësit lokalë – në qeveri dhe shoqëri civile – janë shpesh më afër njerëzve që u shërbejnë. Qeveria lokale e hapur mund të japë një ndikim transformues në jetën e njerëzve dhe të ndërtojë besimin.

I vlerësuar nga OGP dhe i zgjedhur nga një komision i larmishëm përzgjedhës i përbërë nga anëtarët e Komitetit Drejtues të OGP-së, anëtarët aktualë të OGP-së lokale dhe përfaqësuesit e shoqërisë civile, u zgjodh bazuar në vlerësimin e kritereve të nënvizuara në thirrjen për propozime, si dhe nga faktorë të tjerë të konsiderueshëm  për të siguruar një grup rajonal të larmishëm, me lloje dhe madhësi të ndryshme të njësive, dhe pikat e forta unike për të plotësuar objektivat e OGP-së lokale.

OGP mori më shumë se 100 aplikime të përbashkëta nga qeveritë dhe organizatat e shoqërisë civile në nivelin lokal në vitin 2020 duke shprehur interesin e tyre për t’u bashkuar me OGP-në lokale. Të gjithë aplikantët janë ftuar të bashkohen me komunitetin e praktikës lokale të OGP-së dhe të kontribuojnë në zhvillimin e bazës së njohurive të OGP-së për qeverisjen e hapur  lokale  dhe të marrin pjesë në aktivitetet e shkëmbimit të kolegëve të OGP-së për të rritur reformat në nivelet kombëtare dhe lokale për të gjithë anëtarët e OGP-së.

Rreth OGP-së:

Në vitin 2011, udhëheqësit e qeverive dhe avokatët e shoqërisë civile u bashkuan për të krijuar një partneritet unik – një që kombinon këto forca të fuqishme për të promovuar një qeverisje të përgjegjshme, përgjegjëse dhe gjithëpërfshirëse.

Shtatëdhjetë e tetë vende dhe një numër në rritje i qeverive lokale – që përfaqësojnë më shumë se dy miliardë njerëz – së bashku me mijëra organizata të shoqërisë civile janë anëtare të Partneritetit të Qeverisë së Hapur (OGP).

​Për pyetje apo për të vendosur për intervista ju lutem  kontaktoni commsteam@opengovpartnership.org.

  • 4 Qershor, 2021 in Lajme

Histori suksesi, sipërmarrje dinjitoze në Njësinë Administrative Shirgjan

130 fermerë të Njësisë Administrative Shirgjan, prej rreth 15 vitesh janë bërë bashkë duke krijuar një kooperativë të vogël të grumbullimit të ullirit, përpunimit të tij dhe prodhimit të vajit të ullirit. 
Marka e tyre “Valmi” tashmë është konsoliduar, jo vetëm në tregun shqiptar, por edhe në tregun e huaj. Ata eksportojnë në Itali, Maqedoni, Kosovë etj ndërsa tashmë janë çertifikuar edhe nga institucionet ndërkombëtare për cilësinë e vajit ekstra të virgjër. 
Nënkryetari i Bashkisë së Elbasanit Z. Adi Qose ishte në këtë fabrikë ku u njoh me punën, por edhe me problematikat e tyre. 
Kjo kompani e konsoliduar tashmë është një shembull shumë i mirë i suksesit me shumë punë, por edhe me bashkimin e disa fermerëve. 
Vetëm një shembull i tillë çon në suksesin e iniciativave në këtë fushë ndaj dhe Z. Qose inkurajoji edhe fermerë të tjerë në këtë drejtim. 
Përfaqësuesit e kësaj kompanie kërkuan më tepër mbështetje përsa i përket përfitimit të subvencioneve, sidmos lehtësim në anën e dokumentacionit të nevojshëm.​
  • 4 Qershor, 2021 in Lajme

Hakaton ViaEgnatia 2.0

Një hakaton është një event që zgjat disa ditë në të cilat një numër i madh njerëzish takohen për t’u angazhuar ne projekte bashkëpunuese, për të përtërirë, gjetur zgjidhje për një temë të përgjithshme.

​Objektivi i hakaton ViaEgnatia 2.0 është të zhvillojë turizmin virtual rreth Elbasanit. Ky hakaton synon të promovojë inovacionin dhe teknologjitë e informacionit tek të rinjtë dhe të mbështesë projektet më të mira. ViaEgnatia 2.0 eshte ngjarja shqiptare për Novembre Numerique 2020 me temë në lidhje me turizmin, digjitalizimin dhe Elbasanin gjatë gjithë muajit nëntor.
 
https://al.ambafrance.org/ViaEgnatia2-0-inscrivez-vous-au-hackathon-jusqu-au-19-novembre