Muaj: Qershor 2024

Çdo herë që përmendej rruga “Naim Çerraga”, pak njerëz e besonin se kjo zonë informale do të kthehej ndonjëherë në një zonë plotësisht formale dhe moderne. Sot, ky realitet është bërë i prekshëm për banorët, të cilët janë mbledhur për të përshëndetur investimin e Bashkisë së Elbasanit, i iniciuar nga kreu i bashkisë z. Gledian Llatja. Ata falënderojnë kryetarin e bashkisë që pas kaq vitesh e ktheu këtë zonë me standarde dhe kushte normale, duke i dhënë fund premtimeve 30-vjeçare nga shumë përfaqësues politikë.

Banorët vlerësojnë investimin duke e cilësuar si një rrugë më të mirë se ato të qytetit. Kjo lagje, e cila konsiderohej informale, deri para tre vitesh përballej me probleme të mëdha si kanalizimet e ujërave të zeza, furnizimi me ujë të pijshëm dhe infrastruktura rrugore. Sot, kjo rrugë është ekzistente dhe funksionale, falë një investimi të përfunduar brenda një viti e gjysmë.

Gjatë inaugurimit të kësaj zone, kreu i bashkisë z. Gledian Llatja, i shoqëruar nga deputeti Florenc Spaho, theksoi investimet e shumta që bashkia ka nisur për infrastrukturën rrugore, furnizimin me ujë të pijshëm në të gjithë qytetin dhe kanalizimet e ujërave të zeza në lagjet informale si “NSHU” dhe “Krastë”.

 “Ajo që kemi thënë, e kemi në fokusin tonë kryesor,” tha z. Llatja.

Deputeti Spaho vlerësoi entuziazmin e banorëve, të cilët më parë e quanin këtë lagje një fshat, ndërsa tani e ndjejnë veten qytetarë të vërtetë.

“Kjo lagje tani, me këtë investim madhor, do të marrë një vlerë tjetër,” tha Spaho.

Ky transformim është një dëshmi e përkushtimit të bashkisë Elbasan për të përmirësuar cilësinë e jetës së qytetarëve dhe për të kthyer zonat informale në pjesë të integruara dhe moderne të qytetit, që sjellin ndryshim pozitiv në komunitet.

Kreu i bashkisë së Elbasanit, Gledian Llatja, së bashku me drejtuesin politik të qarkut Damian Gjiknuri dhe deputeten Evis Kushi, inspektuan punimet në lagjen “5 Maji”.

 Rrugica “Sava Papajani” ka përfituar përmirësime të mëdha me kanalizime të reja dhe asfaltim, duke përfituar 400 banorë.

 Kjo zonë në lagjen “5 Maji” ka pasur probleme të theksuara infrastrukture, pasi është një zonë informale e ndërtuar pas viteve ’90

 Kreu i bashkisë, z. Llatja, parashtroi një sërë investimesh që janë kryer dhe vijojnë në këtë zonë.

“Pasi bëmë kanalizimet e ujit të pijshëm, i gjithë tubacioni i ri, në bashkëpunim edhe Ujësjellës Kanalizme dhe me projektin e madh që kemi bërë edhe me KFV – në, përmbyllëm edhe ciklin e shtresave asfaltike.

  Para dy vitesh kemi ndërhyrë tek rruga tjetër lidhëse, po vazhdojmë me ngritjen e pusetave, do të vazhdojmë me përmbylljen e sahateve, një sërë investimesh të tjera të vogla por që do të përmbyllin të gjithë investimin e madh që po bëhet në infrastrukturën rrugore”, tha Llatja.

Drejtuesi politik i qarkut Damian Damian Gjiknuri e vuri theksin tek punët masive që po kryhen në Elbasan për infrastrukturën e plotë të qytetit.

Ai deklaroi se “këto investime janë shoqëruar edhe me ndërhyrje nga Ujësjellës Kanalizimet për infrastrukturën e ujit dhe ujërave të zeza. Qëllimi ka qenë që Elbasani në të gjithë territorin e tij të jetë me infrastrukturë të kompletuar. Edhe pse janë ditë të nxehta vere, jemi në punë duke parë nga afër punimet, të cilat vazhdojnë. Elbasani po ndryshon, po vazhdon të zhvillohet me një infrastrukturë shumë të mirë dhe do të jetë një qytet shumë i mirë për qytetarët e Elbasanit, pasi qeveria e ka mbështetur dhe do ta mbështesë Elbasanin në të gjitha drejtimet.”

Inspektimi i fundit në Elbasan thekson angazhimin e autoriteteve lokale dhe qendrore për përmirësimin e infrastrukturës dhe cilësinë e jetës së banorëve. Investimet e vazhdueshme dhe përmirësimet infrastrukturore po i japin një fytyrë të re qytetit, duke e bërë atë një vend më të mirë për të jetuar.

Investimet në lagjen “Haxhias” po transformojnë infrastrukturën në këtë zonë të madhe dhe problematike të Elbasanit. Kryetari i bashkisë, Gledian Llatja, së bashku me drejtuesin politik të qarkut, Damian Gjiknuri, dhe deputeten Evis Kushi, gjatë një inspektimi të fundit, vlerësuan përparimet e bëra.

Kreu i bashkisë z. Gledian Llatja theksoi se “ndërhyrjet rehabilituese në infrastrukturë po kryhen çdo gjashtë muaj, ku paralelisht po punohet edhe me Ndërrmatjen e Punëve Publike duke përmirësuar rrugët, sistemimin e ujërave të bardha dhe trotuaret”.

 Janë asfaltuar 9 rrugë të mëdha dhe shumë rrugica të vogla brenda lagjes, ndërsa një qendër e re shëndetësore është ndërtuar në zonë.

“Nuk jemi fokusuar vetëm në këtë zonë, por edhe në rajonet, si Rajoni Nr. 1 ku bëmë një sërë investimesh në infrastrukturë, në Rajonin 3 gjithashtu që është një zonë informale, ndërsa këtu ndodhemi në Rajonin Nr. 5 ku janë pallate të vjetra, një tjetër tipologji”, tha Llatja.

Deputetja Evis Kushi e cilësoi këtë rrugë shumë përfituese për banorët e kësaj zone, pasi ndodhet edhe qendra e re shëndetësore, duke e cilësuar tashmë një zonë të kompletuar me infrastrukturë.

Drejtuesi politik i qarkut, z. Damian Gjiknuri, e vuri theksin tek programi i urbanizimit të të gjithë qytetit.

“Tashmë erdhi momenti që edhe këto lagje të cilat nuk kanë pasur një infrastrukturë normale për shumë vite, me programin që ka bërë bashkia po ecin me shpejtësi pasi po preken të gjitha lagjet. Është ajo që kemi thënë që Elbasani këtë mandat do të ketë urbanizimin e plotë, investime po bëhen në kanalizime, në ujësjellës, si edhe në infrastrukturë rrugore përfshirë edhe sheshet e pallateve. Të gjithë qytetarët të cilët nuk na shohin të mësojnë se në Elbasan po vazhdohet dhe po punohet në mënyrë sistematike, në çdo kohë, ndaj suksese edhe bashkisë që e ka nisur këtë punë”.

Sakaq janë 15 kantierë të hapura vetëm në infrastrukturën rrugore në Elbasan, për t’u përfunduar brenda muajit gusht.

Vetë banorët shprehen të kënaqur pasi sipas tyre në këtë zonë nuk ishte kryer asnjë investim që nga koha e komunizmit.

Takimi i radhës i ekipit të ICTSlab në kuadër të UPSHIFT for Mental Health u zhvillua në ambjentet e Qendrës Rionore “Riemar” ku u mbajt një sesion informimi mbi hapjen e aplikimeve në qytetin e Elbasanit.

Në këtë takim, të rinjtë u njohën me temën e përzgjedhur për këtë edicion dhe metodologjinë e Upshift, si dhe u informuan për aktivitetet e planifikuara. Ata u ftuan të marrin pjesë në ëorkshopin e caktuar për datat 18-19 Korrik në Elbasan dhe u inkurajuan të zhvillojnë idetë e tyre për të gjetur zgjidhje të qëndrueshme në fushën e shëndetit mendor për komunitetin e tyre.

Aplikimet tashmë janë të hapura, në pritje të ideve inovative dhe krijuese të të rinjve të Bashkisë së Elbasanit.

Kriteret për Aplikim:

Të rinj të moshës 15-24 vjeç

Banues ne Bashkinë Elbasan

Për të bërë aplikimin tuaj në Upshift, ndiqni linkun: https://upshift.al/apliko-tani/

Ky aktivitet implementohet nga ICTSlab me mbështetjen financiare të UNICEF në Shqipëri, Instituti i Shendetit Publik dhe Qeverisë Britanike në kuadër të projektit Stop Human Trafficking.

UNICEF Albania Bashkia Elbasan Gledian Llatja

#upshift #upshiftalbania #unicef #unicefalbania #socialentreprenuership #designthinking #mentalhealth #shëndetimendor #socialimpactëorkshop

Ju ftojmë të merrni pjesë në një koncert festiv që do të zhvillohet nesër në muret madhështore të kalasë së Elbasanit. Në orën 21:00, do të fillojë një natë e paharrueshme nën dritat e ndriçuara të kalasë dhe tingujt e muzikës rrok.

Programi i mbrëmjes përfshin performanca të mrekullueshme nga artistë të njohur dhe të dashur për publikun:

– Lorenc Hasrama, këngëtar i njohur për energjinë dhe interpretimet e tij të jashtëzakonshme.

– Urban Band, grupi që do t’ju mbushë me ritme të fuqishme rroku.

– DJ Enrico, që do të përkujdeset për atmosferën me miksimet e tij fantastike.

Kjo është një mundësi e shkëlqyer për të kaluar një mbrëmje të bukur verore në shoqërinë e miqve dhe familjes, duke shijuar muzikë të shkëlqyer dhe atmosferë të ngrohtë.

Mos e humbisni këtë ngjarje unike dhe të veçantë! Sigurohuni të vini për të përjetuar një natë të mbushur me argëtim dhe emocione.

Ansambli Kombëtar i Këngëve dhe Valleve Popullore ka nisur turin veror në qytetet me potencial turistik, duke promovuar vlerat e jashtëzakonshme të folklorit shqiptar dhe trashëgimisë tonë kulturore.

Ky tur është një iniciativë e veçantë që synon të rikthejë vëmendjen te thesaret tona kulturore dhe artistike, duke sjellë spektakle të larmishme dhe energjike në qytetet më të bukura të Shqipërisë.

Atmosfera në Muzeun Etnografik të Elbasanit ishte e magjishme. Qytetarët u mrekulluan nga kombinimi i muzikës, kostumeve tradicionale dhe valltarëve energjikë. Ky event jo vetëm që ndihmon në ruajtjen dhe promovimin e kulturës sonë të pasur, por gjithashtu kontribuon në zhvillimin e turizmit kulturor në vend.

Ansambli Kombëtar i Këngëve dhe Valleve Popullore do të vazhdojë të shfaqë performanca të tjera në qytete të ndryshme gjatë gjithë verës, duke sjellë gëzim dhe entuziazëm për banorët dhe turistët.

Sot, së bashku me ekipin e Ministrisë së Turizmit dhe Mjedisit dhe UNDP Albania, prezantuam planet e përshtatjes së ndryshimeve klimatike për 8 bashki, përfshirë Elbasanin.

Këto plane konkrete dhe projekte të prekshme synojnë të parandalojnë përmbytjet, erozionet dhe zjarret, duke mbrojtur komunitetet tona .

Viti 2024 ka nisur mbarë me mbjelljen e rreth 300,000 fidanëve dhe menaxhimin e zonave të mbrojtura që përbëjnë 21,4% të territorit tonë. Këto arritje do t’i prezantojmë me krenari në Samitin e Klimës #COP29 në Baku .

Në vijim pritet miratimi i Planeve Lokale të Përshtatjes nga këshillat bashkiakë përpara COP-29, dhe integrimi i disa prej masave prioritare kryesore të përfshihen në Planin Kombëtar të Përshtatjes, që pritet të lehtësojë aksesin në burime financiare kombëtare dhe ndërkombëtare.

Ndër të tjera, konferenca theksoi edhe rëndësinë e forcimit të partneriteteve midis aktorëve vendorë, kombëtarë dhe ndërkombëtarë për të arritur një përshtatje efektive ndaj ndryshimeve të klimës.

Bashkitë duhet të sigurohen se po përshtaten me ndryshimet klimatike, duke integruar Planin Lokal të Përshtatjes ndaj ndryshimeve klimatike në proceset e tyre vendimmarrëse dhe duke e zbatuar PLP-në në mënyrë proaktive.

Një tjetër investim drejt përmirësimit të infrastrukturës dhe jetës së përditshme të qytetarëve është ndërmarrë në qytet, në Rajonin Nr 1.

 Projekti i furnizimit me ujë të pijshëm ka hyrë në një fazë të re dhe të suksesshme, në rrugën “Halit Narazani”.

Përfundimi i shtrimit të tubave të ujit të pijshëm është vetëm hapi i parë, pasi tani ka përfunduar investimi për rikonstruksionin e kësaj rruge që ka vuajtur prej vitesh mungesën e investimeve në infrastrukturë.

Gjatë një inspektimi të rrugës së rikonstrukturuar në këtë lagje, kreu i bashkisë z. Gledian Llatja deklaroi, “ne po vazhdojmë me planin për urbanizimin e të gjitha zonave informale, ndërsa qyteti është kthyer në kantier ndërtimi. Ndërkohë, punimet vazhdojnë në lagjen “5 Maji” dhe te shkolla “Imelda Lambertini”. Qëllimi ynë është të bëjmë punë të mira për komunitetin, dhe sapo të vihet në funksion rrjeti i ujit, e gjithë lagja do të ketë ujë 24 orë”.

Ky investim është një prej më të rëndësishmëve të realizuar në qytet, pasi është  lagja e parë që është bërë me sistemin e ri të ujësjellësit në bashkëpunim me kompaninë gjermane, me synimin që i gjithë qyteti të ketë ujë 24 orë.

 “Ky është një hap i madh përpara për Elbasanin, jo vetëm për vlerën që rruga e re sjell në këtë zonë, por edhe për zhvillimin ekonomik që pritet të ndodhë pasi pronat në këtë zonë do të rriten në vlerë”, tha z. Llatja.

Investimet e kryera jo vetëm që përmirësojnë infrastrukturën e qytetit, por edhe rrisin cilësinë e jetës së banorëve të tij. Ky investim është një tjetër premtim i mbajtur nga kreu i bashkisë.

Homazhe janë kryer sot në nder të ish-kryebashkiakut të Elbasanit, z. Qazim Sejdini, i cili ndërroi jetë nga një sëmundje e rëndë.

 Mijëra qytetarë, përfaqësues të politikës shqiptare, si dhe familjarë, e përcollën për në banesën e fundit qytetarin elbasanas që drejtoi bashkinë për tre mandate. Mesazhet e ngushëllimit ishin të shumta për z. Sejdini, i cili gjatë drejtimit të bashkisë solli ndryshime të rëndësishme dhe të qëndrueshme.

Z. Qazim Sejdini drejtoi qytetin me përkushtim për tre mandate, duke sjellë përmirësime të rëndësishme dhe të qëndrueshme.

 Ai ishte një figurë e shquar dhe një lider vizionar që punoi për të përmirësuar cilësinë e jetës së qytetarëve të Elbasanit. Përkushtimi i tij solli investime të rëndësishme dhe mbështetje për projekte që synonin zhvillimin e qëndrueshëm dhe mirëqenien e përgjithshme të komunitetit.

Ndikimi i tij pozitiv do të ndihet për shumë vite dhe kujtimi i tij do të jetojë gjithmonë në zemrat e të gjithëve që patën fatin ta njohin dhe të punojnë me të.

Pusho në paqe Z. Qazim Sejdini, trashëgimia jote do të mbetet gjithmonë pjesë e shpirtit të Elbasanit.