Aktualitet

Llatja; Marrëdhëniet mes Elbasanit dhe Austrise që nga Lufta e Parë Botërore Kryetari i Bashkisë së Elbasanit Gledian Llatja, ka pritur këtë fillim viti në zyrën e tij, Ambasadorin e Austrisë akredituar në vendin tonë Dr. Christian
Steiner. Duke vlerësuar bashkëpunimin gjatë tre dekadave të fundit që Austria ka dhënë për Elbasanin, kryetari i Bashkisë u ndal tek mbështetja që Austria ka dhënë gjatë Luftës së parë botërore kryesisht në ndërtimin e shumë shkollave por edhe infrastrukturës moderne asokohe në Elbasan. ” Ne kemi një bashkëpunim të hershëm me Austrinë, që nga krijimi i infrastrukturës së parë moderne në qytet, si edhe me zhvillimin e arsimit 8- vjecar baze gjate viteve 1916-1919 në periferi të Elbasanit. Gjatë gjithë kësaj kohe kemi pasur një bashkëpunim të mirë me Ambasadën Austriake”, tha Llatja.
Biseda mes kryetarit dhe ambasadorit u fokusua kryesisht tek arsimi, zhvillimit të qytetit dhe kulturës në përgjithësi. ” Ne si Bashki do të hapim edhe muzeun e arsimit, ndaj kërkova mbështetjen e
ambasadorit për të vazhduar atë traditë të mirë që ka Austria në Elbasan, me hapjen e shkollave në shumë fshatra të Elbasanit, ndaj duam të kemi një bashkëpunim të mirë edhe me hapjen e muzeut të arsimit në Elbasan. Duke e cilësuar si një mik të mirë të qytetit kryetari i bashkisë ka falenderuar ambasadorin në këtë vizitë në këtë fillim viti në Elbasan, duke shprehur bindjen se ky bashkëpunim do të vijojë edhe në të ardhmen”. Nga ana e tij Ambasadori i Austrisë vlerësoi mirënjohjen që kryebashkikaku i Elbasanit përcolli për mbështetjen që ka dhënë shteti austrise për Elbasanit ndër vite. Ai pohoi se ” është e vërtetë që prej dekadash kemi mbështetur Elbasanin por edhe të gjithë shqipërine në fushën e arsimit kryesisht në shkollat profesionale si edhe në fushën e turizmit si edhe Teknologjinë e Informacionit. Eshtë gjithmonë interesante të gjej trashëgimninë Austro- Hungareze , si edhe të vizitoj shkollën në Labinot të Elbasanit e cila u themelua në vitin 1917 pikërisht me ndihmën e ushtrisë Austro – Hungareze e cila asokohe ishte në Shqipëri, ku rreth këtyre viteve 1916 1918 – ka punuar për infrastrukturën dhe strukturën administrative në Shqipëri. Edhe këto tre dekdat e fundit ne kemi pasur bashkëpunim shumë të mirë mes dy vendeve, dhe shpresojmë se do të kemi edhe bashkëpunime të tjera në shqipëri”, tha Ambasadori.

Në panairin kushtuar turizmit rajonal “Tourism Travel Show Albania”, mbajtur në Tiranë, si një kombinim mes show prezantimi të turizmit në Ballkan dhe event B2B, Elbasani u vlerësua si bashkia me organizimin më serioz nga bashkitë e vendit që merrnin pjesë. Në panair marrin pjesë operatorë turistikë, organizatorë të udhëtimeve në grup, agjentë të udhëtimit, shërbime të hoteleve dhe resorteve, profesionistë të sektorit të udhëtimeve dhe konsumatorëve të turizmit. Ndaj edhe Bashkia e Elbasanit pjesëmarrëse në këtë panair, promovoi asetet më të mira që ka, si edhe një ballafaqim dinjitoz me të gjithë operatorët turistik shtetëror apo privat që mernin pjesë. Në këtë panair pjesëmarrësve ju ofrua mundësia të gjejnë ide novatore për të krijuar udhëtime, turne dhe itinerare për vitin e ardhshëm. Gjithashtu ky panair, si një kombinim mes prezantimit të turizmit në Ballkan dhe event B2B, është projektuar si pika e radhës e takimit për profesionistët dhe blerësit nga e gjithë bota që janë të interesuar për produktin e përbashkët të destinacionit dhe perspektivën e rajonit. Paniri dyditor “Tourism Travel and Show Albania 2022”, ishte pika e takimit për më shumë se 100 aktorë e vendimmarrës të industrisë së turizmit. Një nismë pozitive që rezultoi një sukses i vërtetë falë punës madhështore jo vetëm të Iceberg Exhibition, por dhe bashkëpunëtorëve e pjesëmarrësve. Në ambientet e Pallatit të Kongreseve, për 2 ditë me radhë, më shumë se 60 subjekte, biznese, investitorë, përfaqësues të pushteteve vendore, struktura akomoduese, blerës dhe shitës potencialë, nga e gjithë bota u takuan së bashku me një qëllim: njohjen dhe shndërrimin e Shqipërisë dhe rajonit në destinacionin më të pëlqyer të radhës së turistëve të huaj e jo vetëm. Organizata Botërore e Turizmit e ka renditur këtë vit Shqipërinë të katërtën në botë për rimëkëmbjen e sektorit të turizmit. Panairi i parë dhe më i madh kushtuar turizmit në vendin tonë u shndërrua në një investim dhe vlerë jo vetëm për çdo biznes pjesëmarrës, por edhe për vetë destinacionet mbresëlënëse që vendi ynë dhe rajoni i Ballkanit ka për t’i ofruar turistëve të huaj. Pas një promovimi të tillë, thjesht duhet të bëhemi gati për boom-in e turistëve të huaj. 

Kryetari i Këshillit Bashkiak të Osijek, Vladimir Ham, ka vizituar sot Bashkinë e Elbasanit, i cili është mirëpritur nga kryebashkiaku Gledian Llatja. Pasi e ka njohur me qytetin, vlerat, resurset, historinë e lashtë që e karakterizon Elbasanin, mes tyre biseda ka vijuar me projektet në të ardhmen si edhe bashkëpunimin që Bashkia e Elbasanit ka pasur me qytetin e Osijekut. “E falenderova z. Ham për  bashkëpunimin e mirë që kemi patur gjatë këtyre viteve, siç treguan gjatë periudhave të vështira që kaluam, në tërmetin e nëntorit 2019 dhe mbështetjen për rikonstruksionin e disa kopshteve të Bashkisë së Elbasanit”, tha kryebashkiaku Llatja. Në këtë takim u diskutua edhe shkëmbimi i eksperiencave mes stafeve të dy bashkive sidomos ato të planifikimit urban dhe shtimit të sipërfaqeve të gjelbëra. ” Bashkia e Elbasanit po përgatitet në një plan aktiv për mbjelljen e pemëve, por sidomos në uljen e karbonit në zonën industriale, si edhe do të kemi bashkëpunim edhe mes dy prefekturave të qyteteve tona, me qëllim jo vetëm për të ndarë eksperiencat por edhe për të forcuar lidhjet mes nesh”, shtoi Llatja. Nga ana e tij Z. Ham vlerësoi punën e mirë të bërë nga kryebashkiaku i Elbasanit, ndërsa shprehu edhe një herë bashkëpunimin në vazhdim për projektet dhe eksperiencat mes dy bashkive.

A.F. Elbasani ka nisur fazën përgatitore për sezonin e ri futbollistik 2022 – 2023.
Duke e cilësuar si një skuadër të re ekipin e Elbasanit, kryetari i Bashkisë Gledian Llatja, i ka uruar suksese ekipit.
Pasi ka parë nga afër edhe stërvitjen, si edhe duke i uruar mirëseardhjen të rinjve që i janë bashkuar ekipit të A.F. Elbasani, kryebashkiaku Gledian Llatja, e vuri theksin tek arritjet dhe rezultatet e larta të ekipit sezonin e kaluar, ndërsa ka shprehur besimin se Elbasani do të dalë sërisht kampion.
” Ka qenë një angazhim maksimal i stafit të futbollit, të cilët kanë bërë të mundur të kemi një skuadër ” bio” të Elbasanit. Nuk ishte e lehtë, pasi e nisëm nga zero, por kur bëhemi të gjithë bashkë, gjithçka arrihet. Ky është fryt i punës që kemi bërë sezonin e kaluar, dhe duam ta bëjmë edhe këtë vit, duke dalë kampion”.
Kryebashkiaku, vlerësoi angazhimin e ekipit, për punën maksimale që kanë bërë, si edhe një herë ka premtuar mbështetjen e Bashkisë në të ardhmen.

Kënaqësi që së bashku me z. Michele Ribotta të kurorëzojmë mbylljen me sukses të hartimit të Planit të dytë Vendor të Veprimit për Barazinë Gjinore 2022-2024, miratuar me vendimin nr 64, datë 30.05.2022 të Këshillit Bashkiak. Në këtë Plan të Dytë Vendor të Veprimit për Barazinë Gjinore 2022-2024, u kemi kushtuar rëndësi veprimeve që përmirësojnë ndjeshëm angazhimin e grave, të rejave e vajzave nga të gjithë grupet në shoqëri, në të gjitha sferat e jetës.

– Kemi planifikuar një sërë veprimesh që synojnë edukimin e një brezi të ri rreth barazisë gjinore. – Përmes investimit në prindërimin pozitiv dhe organizimin e seancave të këshillimit paramartesor, ne synojmë të ndikojmë në krijimin e familjeve të shëndetshme, si bazë për një shoqëri të emancipuar.  

– Ne synojmë të sfidojmë steriotipet gjinore në punësim, të lehtësojmë më shumë aksesin e grave e të rejave në tregun e punës, si edhe të mbështetim ruajtjen e traditës dhe ngritjen e sipërmarrjeve të grave e të rejave.

– Siguria në komunitet, e diskutuar edhe në Këshillin Vendor të Sigurisë Publike, është përkthyer në veprime konkrete për një Elbasan të sigurt për të gjithë banorët, miqtë e vizitorët.

Këto dhe veprime të tjera të parashikuara në këtë plan veprimi, që prekin çështje të rëndësishme të përditshmërisë, do të mbështeten dhe bëhen realitet përmes përmes zbatimit të parimeve të buxhetimit të përgjiigjshëm gjinor, këtij mjeti kaq të rëndësishëm për zbatimin e integrimit gjinor në praktikë. Për zbatimin e duhur të këtij plani veprimi, ne besojmë shumë në bashkëpunimin e të gjitha institucioneve publike e jo-publike, në nivel lokal, kombëtar e ndërkombëtar. Ndaj dhe gjej rastin të falenderoj edhe një herë z. Ribotta dhe përfaqësueset dhe përfaqësuesit e këtij projekti, për mbështetjen dhe bashkëpunimin e suksesshëm mes institucioneve tona, me besimin që kjo mbështetje do të ketë vijimësi edhe në të ardhmen. Njëkohësisht, gjej kënaqësinë të falenderoj gjithë aktorët që u bënë pjesë e hartimit të këtij plani veprimi.

Në Papër të Elbasanit ndodhet “Herba Fructus”, një sipërmarrje që ka më shumë se 30 vite që ushtron aktivitetin e saj dhe që operon në tregun e bimëve mjekësore. Kjo fabrikë është vizituar nga kryetari i bashkisë Gledian Llatja, i cili pohon se “i kemi dhënë mbështetje të vazhdueshme si edhe do t’i japim bizneseve, sa i takon problematikave që ato kanë, kryesisht në infrastrukturë”. “Bashkia Elbasan ka lehtësuar procedurat në ndihmë të bizneseve për vendosjen e paneleve fotovoltaike për të lehtësuar sa më shumë kostot e tyre, kryesisht në energjinë elektrike, e cila ka pësuar edhe rritje”, tha Llatja. Vendi ku edhe është zhvendosur fabrika me një investim modern ofron edhe kushte, ndërsa vetë sipërmarrësi pohon se “të gjithë fermerët pajisen me kontrata njëvjeçare duke treguar një besueshmëri të lartë tek të gjithë partnerët, deri në Amerikë”. Më shumë se 200 lloje bimësh kurative grumbullohen nga fermerët e Elbasanit, të cilat eksportohen në 36 tregje ndërkombëtare. 

Pas shumë vitesh si gazetar, Eltoni vendos që të ndryshoj profil, në atë të një sipërmarrësi, por të vecantë në llojin e vet. Bëhet fjalë për fermën e Gomaricave Zoe, në fshatin Papërr të Elbasanit. Ferma një sipërmarrje e veçante në llojin e saj që prej disa vitesh po kthehet në një atraksion interesant turistik Fermën e ka vizituar  kryetari i Bashkisë Gleduan Llatja i cili pohon se ” Eltoni që pas 13 vitesh punë në gazetarinë aktive, iu rikthye shtepisë së femijërisë në fshat për të investuar kursimet e tij me nje ide të çmendur por që sot prodhon produktin më të lakmuar në treg, qumështin e gomaricave qê është ndër më tëkerkuarit prej vlerave të shumta kuruese, ushqyese e kozmetike”. Sipas kryebashkiakut, përvec biznesit familjar, kjo fermë është edhe një atraksion turistik”. Vetë Eltoni pohon se këto gomarica kanë emër, nuk qëllohen me kamzhik sic jemi mësuar të shohim rëndom, ku gomarin e kemi parë vetëm si kafshë pune. ” Eshtë një nismë aventuriere, ishte një sfidë në vetvete, por dhe një mesazh për brezin e ri, të mos emigrojë, të gjej vetveten në vendin e tij, sepse nëse do gjithcka mund të bëhet”. Eltoni është optimist për të ardhmen e biznesit të tij, madje dhe i aftë për sfidat që e presin. Nga ana e tij kryebashkiaku Llatja shprehu mbështetjen e tij, me qëllim që kjo fermë të ecë përpara edhe në të ardhmen. Ferma vizitohet nga vendas dhe të huaj,  të cilët janë të interesuar për qumështin e gomaricës por edhe për të parë.

Fshati Benë, i Njësisë Administrative Labinot Mal, zonë e thellë malore e pyllëzuar me gështenjat, të cilat njihen si më të mirat në vend, ka nisur edhe prodhimin e mjaltit të gështenjës. Kjo zonë, njihet për mbarështimin e bletarisë, si edhe prodhimin e mjaltit të gështenjës, i cili është më speciali në vend. Kryetari i Bashkisë së Elbasanit, ka parë nga afër parkun e bletëve, si edhe prodhimin e mjaltit, duke bashkëbiseduar me fermerët të cilët mbarështojnë bletë dhe prodhojnë mjaltin e gështenjës në këtë zonë të pyllëzuar. Një nga fermerët, Qemali, i cili njihet si një ndër mbarështuesit e bletarisë si edhe prodhimin e mjaltit, ka folur edhe per vlerat e rralla kurative që ka mjalti i gështenjës, si edhe kërkesat të cilat sa vijnë dhe rriten për tregëtimin e tij, në mbarë vendin, por jo vetëm. Nga ana e tij, kryebashkiaku Gledian Llatja, premtoi se “ do të bëjë të mundur që nëpërmjet subvencioneve që shteti ofron, të mundësojë edhe për këta fermerë fonde, me qëllim që të rrisë kushtet e tregëtimit të mjaltit, si edhe vlerat kurative që ai ka në mbarë vendin”. Madje kryebashkiaku ka deklaruar se  Bashkia e Elbasanit, vazhdon të mbështesë fermerët jo vetëm për të lehtësuar transportin e tyre në tregje por edhe duke ofruar mbështetje financiare nëpërmjet subvencioneve. “ Për këtë qëllim, do të ftoja edhe fermerët e zonës së Benës, në Labinotin Mal, që të aplikojnë me anë të Skenës Kombëtare, me qëllim që të  vazhdojnë të prodhojnë këtë produkt shumë kurativ, pasi edhe me investimet e fundit që janë bërë në infrastrukturë, ata kanë mundësi që të tregtojnë mjaltin kudo”. Fshtati Benë i Labinotit Mal, njihet për zonën e pyllësuar, dhe mbarështimin e bletës, vetë fermerët kanë krijuar parqe me koshere, ku janë më shumë se 1200 të tilla të cilat ndodhen në këtë zonë të thellë malore të Elbasanit. Vetëm për një vit, këta fermerë i japin Shqipërisë rreth  15.600 kg mjaltë gështenje  që shquhet për vlerat e tij kurative.  

Elbasani, qyteti i traditës, kulturës, arsimit dhe mikpritjes, shquhet edhe për kulinarinë. Anvisat elbasanase, prej vitesh ruajnë me fanatizëm, mënyrën e gatimit tradicional kryesisht të tavave në furrë. Tava e kosit, fërgesa më shumllojshmëri produktesh që nga perimet e deri tek mishi, të pjekura me tavë balte në furrë, vazhdojnë të mbajnë rekord jo vetëm në Shqipërinë  e Mesme, por në mbarë vendin.

Ndaj edhe këtë vit, në edicionin e saj të pestë, “ Festa e Fërgesës”, nuk mund të realizohej pa praninë e gatmimit tradicional të fërgesës së Elbasanit. Ky aktivitet i kulinarisë, u organizua në  Kalanë e Tiranës me kryebashkiakun e Tiranës Z.Erion Veliaj, kryebashkiakun e Elbasanit Gledian Llatja , si edhe ministren Zj.Evis Kushi, me qëllim, promovimin e vlerave më të mira kulturore, artistike, kulinare të dy qyteteve, thuajse me tradita të njëjta.

 Festa e Fërgesës” bëri bashkë artizanë dhe restorante tradicionale. E kthyer në një traditë të përvitshme për kryeqytetasit, por jo vetëm, ajo erdhi këtë vit si një sfidë shijesh mes Tiranës dhe Elbasanit, duke tërhequr një numër të madh turistësh dhe vizitorësh.

Për të përshëndetur këtë festë, i pranishëm ishte dhe kryetari i bashkisë së Elbasanit Gledian Llatja, i cili vlerësoi traditat dhe bashkëpunimin me bashkinë e Tiranës.

“Tirana është shtëpia e të gjithë Shqipërisë. Normalisht fërgesa është një nga gatimet që na ka bashkuar gjithmonë si Shqipëri e Mesme. Faleminderit për këtë aktivitet që na dhatë dhe në mundësinë që bashkë me artistët e Elbasanit të jemi sot prezent këtu”, u shpreh kryebashkiaku Llatja.

 Krahas panairit të kulinarisë së zonës, të pranishmit patën mundësi të ndjekin performancën e Ansamblit të Tiranës me valle të Shqipërisë së Mesme, Ansamblit “Isuf Myzyri” dhe Ansamblit të Fëmijëve Elbasan. Shumë turistë pasi kanë shijuar fërgesën e Elbasanit, premtuan se nuk do të largohen nga Shqipëria, pa ardhur në qytetin e Elbasanit dhe të shijojnë këtë tavë, qindra vjeçare të Elbasanit.

Qendra për Bashkëpunim Ndërfetar ka organizuar konferencën e rradhës, me temë, ” Të ndërtosh ura për një Ballkan të mirë”.  

 Qëllimi i kësaj konference është për të ndërtuar ura të qëndrueshme ndërveprimi mes komuniteteve diverse të cilët e pasurojnë edhe më shumë dinamikën historike të rajonit të Elbasanit. Kryetari i Bashkisë Z. Gledian Llatja i ftuar në këtë konferencë, e vuri theksin teks sfidat që përballet komuniteti, si edhe tek bashkëjetesa fetare që ka qyteti i Elbasanit.   

” Urat e bashkëpunimit ndërmjet vetë popujve, ndërmjet qyteteteve ato ndërmjet komuniteteve fetare janë të domosdoshme për t’u parë në këto kohë sfidash që po kalojmë. Në takimet e përditshme me bashkëqytetarët kuptoj që janë ata forca që udhëheqin punën tonë. Të rinjtë dhe të rejat me të cilët takohem kërkojnë të përfshihen, të konsultohen dhe u kërkojnë autoriteteve të qytetit që të jenë të përgjegjshëm për premtimet e dhëna. Pjesëmarrja, gjithëpërfshirja, mbrojtja dhe zgjerimi i hapësirës së shoqërisë civile është ajo që duhet të ofrojë qyteti. Që qytetet të lulëzojnë, hapësira publike është thelbësore, hapësira për t’u mbledhur në mënyrë paqësore, për t’u shoqëruar, për t’u shprehur, hapësirë për t’u organizuar.  

 Duke u ndalur tek bashkëjetesa fetare që ka qyteti i Elbasanit ndër dekada Llatja shtoi se ” Elbasani është një qytet që ngritjen e urave të bashkëpunimit midis shoqërive, dy kulturave e shteteve e ka në ADN e vet. Kalaja e Elbasanit, Via Egnatia etj janë  dëshmues të një fakti të tillë. Një kohësisht, kam nderin të jem kryetar bashkie i një qyteti të njohur edhe për harmoninë dhe bashkëjetesën fetare. Bashkëjetesa fetare shprehet sot edhe në marrëdhëniet e përditshme të banorëve të Elbasanit si edhe nëpërmjet  Qendrës për Bashkëpunim Ndërfetar e cila është një ndër partneret më të rëndësishme të Bashkisë Elbasan. Ne jemi një qytet krenar me një histori krenare. Jam i kënaqur që në tre vitet e fundit, nga koha kur jam zgjedhur Kryetar i Bashkisë së Elbasanit, të kem patur mundësinë të kontribuoj në ngritjen e urave të komunikimit dhe bashkë punimit me banorët, komunitetet, institucionet publike si edhe me shoqë rinë civile.  Jo më larg se 2 muaj më parë u vlerësova me Çmimin e dhënë nga Parlamenti Europian “The Most Roma Friendly Mayor”. Ky vlerësim ishte fryt i një përpjekje dhe punë të palodhur të stafit të Bashkisë që unë drejtoj si edhe e partnerëve lokalë të cilët kanë punuar për të ndërtuar një mjedis ku të gjitha minoritetet të mësojnë, zhvillohen dhe përdorin gjuhën e tyre amtare. 

 Teksa shoh përpara, vlerësoj se ka shumë sfida të cilat ne duhet t’i adresojmë edhe më fort, të tilla si:  arsimi dhe dialogu ndërkulturor;  punësimi dhe arsimi profesional;  lufta kundër gjuhës së urrejtjes; kujdesi shëndetësor; – ndryshimi kolektiv i sjelljes.  Strehimi dhe integrimi urban etj… Shpreh sigurinë që këto sfida mund të përballohen përmes ndjekjes së strategjive gjithëpërfshirëse dhe planeve lokale, si edhe angazhimit të vetë komuniteteve. Ne të gjithë po punojmë për të ndërtuar të ardhmen në përmjet ndërtimit të urave të bashkëpunimit”.  Arben Ramkaj, kryetar i Qendrës së Bashkëpunimit Ndërfetar, moderator i konferencës, vlerësoi të gjithë aktorët të cilët sipas tij ” kanë qenë të angazhuar kundër një ekstremizmi të mundshëm dhe në mbrojtje të një modeli shoqërie të shëndetshme për komunitetet tona. ” Rajoni i Ballkanit Perendimor ndan po aq konflikte sa edhe hapësira për bashkëpunim, po aq dhunë sa edhe mundësi për t’i ofruar njëri tjetrit paqe dhe siguri, sepse e kaluara e përbashket dhe thyerja e saj në pasqyrimin e këtyre 32 viteve përpjekje për shtet-ndërtim, për njohje ndërkombëtare, për rivendosje marrëdhëniesh diplomatike, për krijimin e aleancave të reja, na kanë bërë njëkohësisht edhe më këmbëngulës për ta rivendosur besimin në qendër të urave ndërlidhëse në rajon”.