Skip to content Skip to left sidebar Skip to right sidebar Skip to footer

Aktualitet

Një  Qendër e re Shëndetësore për 10 mijë banorë të lagjeve “ Haxhias” dhe “ Vullnetari”!

Falë bashkëpunimit të ngushtë me Fondacionin “Mirënjohja” dhe Ambasadës së Kuvajtit  Bashkia Elbasan ka nisur ndërtimin e një Qendre të re Shëndetësore pas prishjes së objekteve të ndërtuara pa leje. Shumë shpejt rreth 5 mijë familje të Lagjes Nr.5 në Elbasan , do të kenë një qendër të re shëndetësore që plotëson të gjithë standardet. Kryetari i Bashkisë Z. Gledian Llatja ka parë nga afër punimet e kësaj qendre ku ka bërë të ditur se në Elbasan ka nisur një projekt për zhvendosjen e qendrave shëndetësore nga ambientet brenda pallateve, në godina të reja, në bashkëpunim dhe me komunitetin. “ Është një projekt për lëvizjen e qendrave shëndetëosre nga katet e para të pallateve, i cili nisi gjatë kohës së pamdemisë dhe që tashmë po jep rezultate. Është një shembulll i një pune të përbashkët , pushtet vendor,  pushtet qëndror dhe OJQ. Kjo qendër do t’i shërbejë dy lagjeve “Haxhias” dhe “Vullnetari” të cilat deri diku janë lagje shumë të mëdha por periferike, por që kohët e fundit falë investimeve të realizuara nga ana e Bashkisë kanë marrë jetë dhe po rivitalizohen”. Qendra shëndetësore është një nga kërkesat e hershme të banorëve, pasi pjesa më e madhe e banorëve janë të moshuar. “Tashmë jemi gati thuajse në përfundim për qendrën shëndetësore, ndërsa na mbetet në bashkëpunim edhe me pushtetin qendror që të ndërhyjmë për rehabilitimin e shesheve brenda pallateve, pasi janë lagje të mëdha,  edhe pse ka një ndryshim radikal falë investimeve që ne kemi bërë:, tha Z. Llatja. Pak muaj më parë ky shesh mes pallateve të lagjes Haxhias e kishte zaptuar një çiban – simbol i paligjshmërisë. Inspektoriati i Territorit të Bashkisë ndërhyri në kohë për t’ja rikthyer atë hapësirë komunitetit. Qendra e re Shëndetësore Nr.3 po ndërtohet më e fortë dhe e një tjetër standardi për të ofruar shërbime të kujdesit parësor shëndetësor për banorët e lagjeve “Vullnetari” dhe “Haxhias” në Lagjn nr. 5 . Qendra do të shërbejë për rreth 10 mijë banorë, ku do të shërbejnë 13 mjekë si edhe 29 infermierë, ashtu si edhe me specifikat e qendrave të tjera, do të ofrohet edhe shërbimi i Chek – Up, shërbimi pediatrik, vizita, si edhe do të vijohet edhe me shërbimin e mbasdites.  

Elbasan/ Bust në qendër të qytetit, për nder të heroit kombëtar Qemal Stafa!

Në 80-vjetorin e rënies së Heroit të Popullit Qemal Stafa, qytetit iu rikthye një simbol i sakrificës së rrallë në Luftën Antifashiste Nacional Çlirimtare. Falë bashkëpunimit të ngushtë me Këshillin e Qarkut Elbasan dhe Organizatën e Familjeve të Dëshmorëve në lulishten qëndrore “Aqif Pasha” u vendos shtatorja e punuar me aq mjeshtëri e dashuri nga skulptori elbasanas Vladimir Caridha. Në vijim, në sallën e teatrit “ Skampa” Bashkia organizoi një aktivitet përkujtimor, për vlerësimin e nderimin e Qemal Stafës, simbolit të luftës për liri e përparim, dhe  për të gjithë dëshmorët dhe heronjtë që u flijuan për Atdhe!. Qemal Stafa ishte bashkëthemelues i Grupit Komunist të Shkodrës, pjesëtar në takimin e themelimit të partisë, anëtar i Komitetit Qëndror dhe sekretar politik i të rinjve. Ndaj është nder për Elbasanin që në qendër të qytetit të ngrihet busti i një figure  si Qemal Stafa, veprimtaria revolucionare e të cilit ra në sy të pushtuesve italianë e bashkëpunëtorëve të tyre, ndaj më 5 Maj 1942 u rrethua nga fashistët italianë në Tiranë dhe u vra duke luftuar heroikisht. Qemal Stafa ishte edhe një letrar i talentuar. Krijimtaria e tij u takon kryesisht viteve të rinisë. Shkroi tregime, skica e vjersha, një pjesë e të cilave u botuan me pseudonimin “Brutus” në shtypin përparimtar të kohës. Radhitet ndër letrarët e viteve ’30. Në shkrimet e tij ai u ngrit kundër realitetit shoqëror të kohës, vuri në qendër njerëzit e thjeshtë që vuanin nga padrejtësitë shoqërore, dha portrete të luftëtarëve e të njerëzve me karakter të fortë që nuk u mposhtën nga vështirësitë e që luftuan për një botë të re. Në shkrimet e tij me karakter publicistik Qemal Stafa paraqiti haptazi idetë e tij revolucionare me pjekuri e bindje të thellë. Trashëgimi i tij letrar është përmbledhur në vëllimin “Qortimet e vjeshtës”(1961)  

Bashkia rindërton banesën e familjes Sollaku, djegur 1 vit më pare!  

Shtëpitë e Besim dhe Xhaferr Sollakut në fshatin Korrë të Funarit, rreth 1 vit më parë u përfshinë nga flakët për shkak të një defekti elektrik. Falë ndërhyrjes në kohë nga ekipet e emergjencave civile dhe mbështetjen e Bashkisë Elbasan, arritën të rindërtojnë shtëpitë e tyre në një kohë të shpejtë. Nën kujdesin e veçantë të kryetarit të Bashkisë së Elbasanit Z. Gledian Llatja, tashmë kjo familje ka një shtëpi të re.  Pasi ka uruar familjen Sollaku për shtëpinë e re, Kryetari i Bashkisë i cili ka qenë i pranishëm në momentet që familjarët kanë hyrë në banesën e re, i ka falenderur për besimin që ata kishin tek mbështetja e Bashkisë së Elbasanit. Familja Sollaku pas djegies së banesës, i humbën shpresat se mund ta rindërtonin atë, për shkak të gjendjes jo të mirë ekonomike. Ata e kishin të pamundur ta rindërtonin shtëpinë e tyre, ndaj dhe kërkuan ndihmën e Bashkisë së Elbasanit. Menjëherë Ekipi i Emergjencave Civile me mbështetjen e Bashkisë arritën të rindërtonin banesën e tyre në një kohë record, duke e rikthyer si në gjendjen e mëparshme. Familjet Sollaku në fshatin Korrë të Funarit, tashmë kanë një banesë të re dhe më komode si dikur.  

Java e Demokracisë/ Llatja: Në Norvegji prezantuam projektet dhe eksperiencën e Bashkisë

Kryetari i Bashkisë Elbasan, z Gledian Llatja ka marrë pjesë në takimin e organizuar me drejtues të partive politike të Këshillit të Bashkisë në qytetin Kristiansand Norvegji. Ky takim është organizuar në kuadër të eventit të organizuar për “Javën e Demokracisë” Democracy Week, me ftesë të Kryetarit të Bashkisë Z.Jan Oddvar Skisland. Qëllimi i këtij takimi ishte për të  ndarë praktikat më të mira në vullnetarizmin lokal dhe për të prezantuar prioritetet dhe eksperiencën e Bashkisë Elbasan. “I lumtur të prezantoja praktikat e mira të Bashkisë Elbasan, përfshirjen e gjerë të qytetarëve në proçeset vendimmarrëse lokale përmes Buxhetimit me Pjesëmarrje dhe Këshillin Vendor të Sigurisë Publike si një model suksesi”, ka pohuar Z. Llatja. Ky takim u organizua falë organizatës PVN Shqipëri pēr rrjetëzimin ndërmjet qyteteve shqiptare dhe norvegjeze. Takimi u zhvillua në Bashkinë Kristiansand me Kryetarin e Bashkisë, administratën lokale së bashku me kolegët Kryetarë të Bashkive Lushnje, Berat dhe Tropojë ku u ndanë eksperiencat e secilit në kuadër të përfshirjes së programeve të vullnetarizmit dhe ku u prezantuan mundësitë dhe sfidat e Bashkive Elbasan, Berat, Tropojë, Lushnje. Në këtë tur, kreu i Bashkisë ka zhvilluar një takim edhe me Drejtuesin e Dhomës së Tregëtisë në Kristiansand, ku u diskutua rreth mundësive për rritjen e prezencës së sipërmarrësve Norvegjezë në Shqipëri, ku një rëndësi e veçantë ishin mundësitë në sektorin e turizmit.  

Urë e re për banorët e Korrës, fshatit të largët

Urë e re për banorët e  Korrës, fshatit të largët    Një tjetër investim i cili i vjen në ndihmë 200 banorëve të fshatit Korrë në Funarin turistik ka përfunduar. Bashkia Elbasan ka bërë të mundur ndërtimin e urës së re në këtë fshat të largët. Kryetari i Bashkisë Z. Gledian Llatja ka parë nga afër përfundimin e punimeve të urës e cila kishte shumë vite që thuajse ishte jashtë funksionit. Ishte një premtim i bërë nga ana e kreut të Bashkisë për ndërtimin e një ure të re për banorët e zonës së thellë të Funarit. ” Ndërtimi i urës së re do ti vijë në ndihmë banorëve, por do të lehtësojë shumë qarkullimin e mjeteve drejt spitalit të Elbasanit si edhe fëmijëve që shkojnë në shkollë” , pohon Z Llatja. Ura është ndërtuar me të gjitha parametrat e duhura, dhe lehtëson qarkullimin edhe brenda Njësisë Administrative të Funarit. Bashkia Elbasan,  është dhe do të jetë gjithmonë pranë komunitetit me qëllim lehtësimin e qarkullimit por edhe të gjithë problemet që dalin ne vazhdimësi.

Llatja/ Funari, së shpejti destinacion turistik edhe për sportet e aventurës në vend

Maja e Korrës, në Funarin e resurseve dhe turizmit të mrekullueshëm, shumë shpejt do të kthehet në një destinacion turistik për sportet e aventurës në Shqipëri dhe Rajon. Kryetari i Bashkisë Z. Gledian Llatja, pohon se “shume shpejt do të marrë formë ambicia jonë për ta shndërruar këtë perlë mahnitëse natyrore në pikën më të rëndësishme turistike për sportet e aventurës në Shqipëri dhe rajon”. Duke nisur nga Maja e Korrës do të hapen shtigjet malore me qëllim që Funari të lidhet me Labinotin Fushë dhe Elbasanin. “Janë  rreth 70  kilometra shtigje që do të hapen për këmbësorët, për të apasionuarit e sportit, për mjetet, si edhe për biçikletat.  Është një gamë e gjerë  a aktiviteteve të cilat programohen në Njësinë Administrative Funar.  Ndaj, sot ne vendosëm një nga piketat e para në këtë Majë ku do të ngihet edhe një nga pistat më të mëdha  që ne kemi në Shqipërinë e Mesme për hedhjen me parashutë, si edhe do të jetë pika kryesore lidhëse e disa shtigjeve kryesore që do të lidhen me Elbasanin, duke u kthyer kështu në një destinacion turistik”, pohon Z. Llatja. Funari, është pjesë e qytetit, të Bashkisë së Elbasanit, e resurseve e turizmit të mrekullueshëm, me ujë, blektori dhe peshk. Bashkia e Elbasanit ka kryer një sërë investimesh në Funar, ku dikurë ishte thuajse i harruar. E pasur me pyje pishash dhe dushku Funari ofron një klimë të shëndetshme që nëse i shtojmë dhe gatimet tradicionle të zonës bëhet vendi ideal për të kaluar fundjavat. Ishte një inisiativë e Bashkisë së Elbasanit që Funarit ti jepte atë që me të vërtetë meritonte, emrin, ” Funari Turistik”, duke shpallur edhe datën 26 Mars ditë feste për promovimin e turizmit në këtë zonë, si edhe kthimin e kësaj feste në traditë. 

100 fidanë të rinj në ish Kombinatin Metalurgjik

Vijon mbjellja e fidanëve të rinj, në të gjithë territorin e Bashkisë së Elbasanit. Në Ditën e Tokës, IUTE CREDIT i dhuroi qytetit të Elbasanit 100 fidanë të rinj në zonën industriale të Kombinatit Metalurgjik. Qëllimi i mbjelljes së fidanëve dhe pemëve të ndryshme dekorative në qytet, kodrina, pika turistike, është që të shtojmë gjelbërimin, të kemi një ambjent sa më të pastër, pa ndotje, si edhe të zbukurojmë qytetin tonë. Çdo ditë sipërmarrje të ndryshme, e qytetarë i bashkohen nismës së Bashkisë Elbasan për të mbjellë pemë përgjatë Murit Të Gjelbër si dhurata më e mirë që i bëjmë qytetit. Vetëm një ditë më parë, u bë e mundur mbjellja e 200 pishave në Funarin Turistik, aksion i cili do të vijojë.  

200 pisha mbillen në Funarin turistik. Llatja/ Më shumë vëmëndje gjelbërimit

Falë mbështetjes së partnerëve të mirë të #GIZ Albania dhe Institutin të Kërkimeve Urbane 200 pisha të reja i janë shtuar masivit pyjor të Kodrave të Funarit turistik. Kyetari Bashkisë Z. Gledian Llatja si dhe shumë të rinj, në prani edhe të përfaqësuesve të projektit kanë marrë pjesë në këtë aksion. ” Kemi aplikuar një projekt për mbjelljen e 200 rrënjë pishe, me qëllim që ti kushtojmë një rëndësi akoma më të madhe ambjentit,si dhe të sensibilizojmë edhe të rinjtë në këto aktivitete”, tha Z Llatja. Projekti në fjalë ishte një impenjim i kreut të Bashkisë, i cili konsiston tek vlerat sensibilizuese që ka pë ruajtjen dhe pasurimin e tokës. ” Toka është burimi nga ku marrim jetë, ndaj duhet ta ruajmë dhe pasurojmë atë” , pohojnë edhe përfaqësuesit e projektit. Mbjellja e pemëve është një inisiativë e hershme e kryebashkiakut Gledian Llatja, si në Funar, Kodër Krastë, qytet, etj. Mbjellja e pemëve jo vetëm përmirëson situatën e eeozionit në këtë kohë, por edhe përmirëson efektet klimaterike në vendin tonë. Funari, perla turistike e Elbasanit është një zonë e pasur me pyje dhe me katër liqene apo rezervuarë të ndarë dy brenda fshatit dhe dy të tjerë të fshehur pas maleve që e rrethojnë atë.

Llatja/ Qarkullim të lirë edhe në skajin më të largët

Në skajin më të largët të Elbasanit, në Njësinë Administrative fundore  Zavalinë, ekipet e Bashkisë kanë fokusuar të gjithë vëmendjen ditët e fundit për të normalizuar qarkullimin pas disa problematikave që hasën për shkak të reshjeve dhe terrenit të thyer malor. Agjencia e Shërbimeve Publike po vijon të ndërhyjë në rrugët rurale për t’i ardhur në ndihmë çdo komuniteti dhe në skajin më fundor të Bashkisë së Elbasanit. Në këtë kuadër, kryetari i Bashkisë Z. Gledian Llatja, ka parë nga afër punimet, si edhe rikonstruksionin e një rrugë, e cila si pasojë e reshjeve të shiut rënë ditët e fundit, kishte shkaktuar probleme në qarkullim. Gjithashtu punonjësit e Agjensisë së Shërbimeve Publike, në një kohë rekord bënë të mundur edhe rikonstruksionin e urës, e dëmtuar pjesërisht nga reshjet e shiut.   “ E gjithë vëmëndja e ASHP, është pikërisht tek ato akse rrugore të cilat janë dëmtuar për shkak të reshjeve të shiut. Tashmë, është bërë e mundur hapja e rrugës dhe kalimi lehtësisht i banorëve nga Zavalina drejt Gjinarit si dhe në Elbasan”, pohon kryetari i Bashkisë Z. Gledian Llatja.  Bashkia Elbasan bën me dije se në çdo moment është pranë komunitetit duke ndërhyrë me të gjitha kapacitetet që ka, me qëllim lehtësimin e qarkullimit të banorëve kudo ku ata ndodhen.

Llatja prezanton projektet zhvilluese të Elbasanit në Kongresin Evropian për qeverisjet lokale

Llatja prezanton projektet zhvilluese të Elbasanit në Kongresin Evropian për qeverisjet lokale. Kryetari i bashkisë së Elbasanit, Z.Gledian Llatja ka marrë pjesë në  Kongresin Evropian për Qeverisjet Lokale në Mikolajki, Poloni. Në këtë kongres përfaqësues nga e gjithë Evropa ndanë iniciativat e tyre për  menaxhimin më të mirë të qyteteve.Në këtë sesion u shfaq vizioni i krerëve  për të ndërtuar komunitete të qëndrueshme. Në fjalën e tij,  në Kongresin Evropian për Qeverisjet Lokale në Mikolajki kreu i bashkisë Llatja theksoi se në “Elbasan po implementohen një serë projektesh zhvilluese dhe trasformuese. Ai shtoi se është   i nderuar të prezantonte në Kongresin Evropian për Qeverisjet Lokale në Mikolajki, në  Poloni praktikat e mira të Bashkisë Elbasan, nismat pa makina, shtimin e hapësirave të gjelbra, projektet e zhvillimore të turizmit  dhe fokusimin e të rinjve drejt profesioneve të së ardhmes.