Muaj: Nëntor 2023

LLATJA/ DO TË VIJOJMË ME SHUMË PROJEKTE NË VITIN 2024

Gjatë procesit të Buxhetimit me Pjesëmarrje në njësinë nr.5 në qytet Kryetari i Bashkië Z. Gledian Llatja vuri theksin tek investimet e kryera gjatë këtij viti, por sidomos projektet që bashkia ka për vitin e ardhshëm. Ai u kërkoi banorëve që në prioritet e tyre të vendosin të tjera investime, përveç atyre projekteve që aktualisht bashkia ka.

Ashtu si çdo vit, një zë i veçantë i buxhetit është i dedikuar për kërkesat që banorët i votojnë së bashku në procesin e buxhetimit dhe janë më emergjente për ta si komunitet.

“ Ende nuk kemi mbaruar punë, dhe tek Banesat që na kap edhe Rajoni i 4 dhe Rajoni i 5 -të, ende nuk kemi mbaruar.

Po përgatisim një paketë këtë vit për të gjithë rrugët e brendshme, për të gjithë sheshet dhe rrugicat, të investojmë në një pjesë dhe t’i mbyllim me blloqe. Një sërë investimesh janë të domosdoshme në Elbasan, ashtu sic kemi

për shkollat sic kemi për kopshtet, për cerdhet, dhe patjetër që këto do të jenë në fokusin tonë kryesor.

Jo vetëm infrastruktura rrugore, jo vetëm kanalizimet e ujrave të zeza, jo vetëm uji i pijshëm që tani fillon projekti i madh i KFV – së.

Ne kemi treguar që kemi një fokus të vecantë për zhvillimin infrastrukturor të Elbasanit dhe zgjidhjen e problemeve tona kryesore nëpër lagjet e Elbasanit” vuri në dukje kryebashkiaku.

E pranishme edhe deputetja e zonës Evis Kushi vlerësoi procesin e Buxhetimit si forma më demokratike e përfshirjes së qytetarëve, ndërkohë që falenderoi bashkinë për vëmendjen e veçantë dhe korrektësinë ndaj këtij procesi.

Banorët e njësisë Nr.5 në kërkesat e tyre u fokusuan në disa rrugica lagjesh dhe nëndërtimin e këndeve të lojërave për fëmijët.

Procesi i buxhetimit me pjesëmarrje, i cili starton cdo fundviti në Elbasan, ka vijuar në Gjinarin malor, apo sic njihet ndryshe, perla e turizmit të Elbasanit.

Gjatë një bashkëbisedimi me banorët e kësaj zone, kryetari i bashkisë Z. Gledian Llatja renditi të gjitha investimet që janë kryer gjatë kësaj periudhe.

 “Aktualisht po punojmë për rivitalizimin e qendrës së Gjinarit që do t’i sjellë një zhvillim zonës duke afruar gjithnjë e më shumë turistë vendas e të huaj, si një model i turizmit elitar për zhvillimin e ekonomisë rurale”.

Buxhetimi me Pjesëmarrje është kthyer në traditë në Bashkinë e Elbasanit, ku buxheti i Bashkisë ndahet në mënyrë të drejtë në bazë të prioriteteve që vetë banorët  i vendosin.

Gjatë procesit të Buxhetimit me pjësëmarrje banorët e Shushicës u ndalën në prioritetet dhe nevojat e tyre për vitin e ardhshëm, por gjithashtu falenderuan bashkinë për investimet e deritanishme dhe vizionin e së ardhmes i cili e ktheh Shushicë në lagje të Elbasanit.

Teksa para disa vitesh flisnim për prita lumore, tha Kryetari i Bashkisë Z. Llatja, sot flasim për investime të mëdha, si ura e Byshekut, apo automotoparku i cili do të ketë impakt të drejtpërdrejtë në këtë zonë.

“Jeni një komunitet i mirë, punëtor, me kërkesa, me halle shumë, por që dalëngadalë, po arrijmë drejt zgjidhjes. Kur kam ardhur për herë të parë këtu para pesë vitesh për buxhëetimin me pjesëmarrje, problemi kryesor ishte prita lumore, pastrim përrenjsh, rregullim rrugësh, mirëmbajtje me çakull, kanalet kulluese, kanalet vaditëse.

Polis Tuda një nga problemet kryersore, për një pjesë të madhe të njësisë, nuk po flas vetëm për një fshat.

Po zhvillojmë projektet në Shushicë, duke filluar që tek pritat lumore, nga Ura e Shkumbinit deri tek pylli Aluvjan, që një herë e mirë na stabilizon të gjithë pjesën e problemeve që kemi pasur me tokat bujqësore të zonës së Shushicës.

 Kemi pasur ndërhyrje edhe në Polis për pritat lumore, kemi ndërhyrë në përrenj, dhe në çdo fshat për zgjidhje problematikash, por kemi parë edhe pjesën e zhvillimit.  Kemi bërë dy rrugët paralele kryesore të pazarit, por edhe rrugën tjetër tek rezervat e ushtrisë, por edhe tek pjesa e rrugës së varrezave, e cila ishte një kërkesë e kahershme e banorëve të zones” tha Llatja ndërsa shtoi vizionin e tij i cili po konkretizohtet tashmë.

“Kur flisnim përpara katër vitesh për Automoto Parkun, për zhvillimin që do të merrte Shkumbini, për Urën e Bushekut, për by – passin, dhe për të gjithë këto projekte të mëdhaja, të gjithë thshin se do të kishte ndonjë shans, se do të bëheshin këto prita lumore.

 Por ne, po ecim me projektet e tona për zhvillimin e madh të Elbasanit, po ecim me projektin e madh të By-Passit, me projektin e madh të Automoto Parkut, me projektin e Urës së Bushekut, të zhvillimit të bulevardit të Elbasanit që të na vijë deri tek pjesa poshtë e Bushekut.

Ndërhyrja e fundit që kam kërkuar me Autoritetin Rrugor Shqiptar për pjesën e projektit dhe ato problematika që na takonin ne përsa ndërthuremi me infrastrukturën, kërkova që Ura e Bushekut të bëhet me katër korsi dhe jo siç ishte me një tunel, por të bëhet me dy tunele nga dy korsi.”

Pikërisht për të vazhduar atë projektin që kemi në qytet që ta vazhdojmë bulervadin kryesor deri afër Krastës, Automoto Parkut dhe pse jo të sjellim edhe këtu një rrugë të mrekullueshme mes përmes Shushicës, për të zhvilluar edhe këtu një ambjent të zhvilluar dhe pse jo të jetë një pjesë e urbanizuar, dhe një pjesë satelit të qytetit. Ne kemi një potencial të madh zhvillimi në Shushicë, e cila vjen nga Automoto Parku i Elbasanit por edhe nga by – passi i ri që po bëhet”

Ndërkaq kryetari i Bashkisë u kërkoi banorëve të votojnë prioritete e tyre më të mëdha siç janë ujësjellësi dhe rrugë pa u ndalur në rrugica të vogla të cilat do të kenë vëmendjen e ASHP-së.

Buxhetimi me pjesëmarrje është ndalur në njësinë nr.1 ku u dëgjuan prioritetet e komunitetit për vitin 2024. Kryetari i Bashkisë Gledian Llatja ka ndjekur personalisht çdo takim buxhetimi për t’u njohur me problematikat dhe shqetësimet e banorëve. Përveç investimeve që vetë pushteti vendor ka parashikuar në çdo zonë, prioritetet e votuara nga banorët marrin vëmendje të veçantë në investimet e vitit të ardhshëm. 

“Nuk e harroj, edhe në pandemi kur kemi bërë buxhetimin me pjesëmarrje, në lagje “41” sheshi i pallateve ka qenë një kërkesë e kahershme. Mbaj mend banorët që vinin dhe thonin se e kemi shtëpinë në qendër të qytetit dhe mbushemi me ujë deri në gjunjë në shtëpi, po ashtu kur flisnim për rrugët, për kanalizimet e Krastës, për mirëmbajtjet e rrugëve, për lagjet qëndrore tonat, apo për projektin që është duke u mbyllur, dhe shpresoj se shpejt të kemi procesin e shpronësimit në lagjen “ Kongresi i  Elbasanit”, të mbyllim këto problematika të vogla me shpronësimet, me qëllim që të vazhdojë projekti një herë e mirë për t’u mbyllur.

Nuk kemi mbaruar punë, kemi akoma shumë për të bërë, kemi për të rikonstruktuar “Luigj Gurakuqin”, shpresojmë shumë të gjejmë një mundësi financimi.

 E kemi bërë gati projektin e shkollës “Naim Frashëri”, presim që këtë vit me buxhetin e ri që të miratohet të financohet nga qeveria, sepse është një projekt i madh ne nuk ia dalim dot me buxhetin tonë të bashkisë, ta restaurojmë totalisht bashkë me shtesën që duhet, edhe për nxënësit që të mos bëhet mësimi me dy orare, por të kemi një ambient të mirë bashkohor.

Po ashtu edhe për rrugët dhe sheshet e pallateve që po investohet, ne sapo kemi marrë një lajm të mirë, një pjesë e pallateve tek rruga e Kinezëve, ose tek “Borodin Mitarja”, mbas nënkalimit që është bërë funksional do të bëjmë edhe një pjesë të mirë të fasadave me termoizolim, me kapotë, dhe me sisteme të përqendruara të shpërdarjes së ujit të pijshëm” theksoi Llatja. 

Kryetari i Bashkisë njoftoi qytetarët për planin e nisjes së shpejti t’ë aplikimit të kredive të buta për çiftet e reja.

 “Ndërkohë po bëhemi gati që këtë vit në buxhet të planifikojmë edhe kreditë e buta për shtresat në nevojë, për familjet e reja për ciftet e reja, edhe ky është një projekt social të cilin unë doja mbështetjen tuaj që ta bëjmë tek buxhetimin me pjesëmarrje.

Një gjë është e sigurtë, punët janë për ne dhe ne do t’i bëjmë.”

Buxhetimi me pjesëmarrje çdo vit përfshin banorët në vendimmarrje ndërsa Bashkia e Elbasanit është e para bashki që e ka nisur këtë proces më shumë se një dekadë më parë.

Rreth orës 11 u njoftuam për rënien e zjarrit në pikën e grumbullimit të skrapit në kompaninë KURUM.

Bashkia Elbasan është angazhuar me urgjencë për shuarjen e zjarrit, duke vënë në dispozicion flotën e saj zjarrfikëse.

Aktualisht jemi duke punuar për shuarjen e zjarrit, që ështe vënë nën kontroll nga ana e shërbimit të MZSH-së.

Shtabi i Emergjencave Civile po monitoron situatën në Bashkinë e Elbasanit.

Dje pasdite dhe sot priten reshje intensive. Reshjet do të shoqërohen me shtëngata në të gjithë vendin.

Për momentin nuk kemi asnjë raportim për problematika si në zonat rurale, ashtu dhe në zonën urbane.

Ekipet e bashkisë janë në terren, në komunikim të vazhdueshëm me strukturat lokale për të sinjalizuar dhe përballuar çdo të papritur.

U bëj thirrje banorëve të Elbasanit të shmangin lëvizjet e panevojshme.

Nëse hasni ndonjë situatë emergjente, ju lutem kujdeseni për veten tuaj dhe për të tjerët.

Numri i emergjencave 08000911 është gati për t’ju ndihmuar dhe për t’ju ofruar këshilla në kohë reale.

Në kuadër të projektit të “Bashkëpunimi Rajonal për Përfshirje më të mirë Sociale në Nivel Lokal”, kryetari i bashkisë Z. Gledian Llatja, ka zhvilluar një takim me përfaqësues të Shoqatës për Autonomi Vendore, SHAV NALAS dhe GIZ ,Gender Alliance for Development Center (GADC)

Gjatë këtij takimi, u diskutua rreth rëndësisë së hartëzimit të shërbimeve sociale në Bashkinë Elbasan, sfidat dhe mësimet e nxjerra nga ky proces.

Ngritjes së kapaciteteve për bashkitë, bashkëpunimi me aktorët lokalë, si edhe pjesëmarrjes së të rinjve në proceset vendimmarrëse.

Në vijim, pas këtij takimi, Z. Llatja e vuri theksin tek rëndësia e këtij takimi në vecanti hartëzimit të shërbimeve sociale në bashkinë Elbasan.

“Në këtë takim diskutuam në lidhje me nismat e përfshirjes sociale të ndërmarra nga SHAV, e cila në kuadër të projektit SoRi III, mbështeti Bashkinë Elbasan dhe “Qendra Shqiptare për Integrimin e Njerëzve me Nevoja të Veҫanta” në procesin e Hartëzimit Social.

 Hartëzimi social, i bazuar në identifikimin e nevojave bën të mundur ofrimin e shërbimeve cilësore duke mos lënë askënd pas”, pohoi ai.

Ky projekt u zbatua nga organizata “Qendra Aleanca Gjinore për Zhvillim” (GADC).

Në Mjekës, në fermën e Florencit, i cili ka ndërtuar një model biznesi të suksesshëm duke çuar përpara vizionin e përmirësimit dhe zgjerimit të fermës, që mbarështon 44 viça e lopë.

Kjo fermë e vogël prodhon produkte e nënprodukte që Florenci i tregëton në dyqanin dhe lokalin e tij.

Ky është një shembull i blegtorisë së vërtetë shqiptare, me cikël të mbyllur, që transformojnë zonat rurale me aktivitete që rrisin ekonominë prodhuese blegtorale.

Nëntori është muaji i shqiptarëve, muaji i flamurit, muaji i plakut Ismail Qemali.

Nëntori, është muaji i Gjergj Kastrioti Skënderbeu, i cili më 28 nëntor 1443 ngriti Flamurin me Shqiponjën Dykrenare në Kalanë Krujës.

Nëntori, është muaji i themelimit të alfabetit të njësuar të gjuhës shqipe në 22-nëntor të vitit 1908, në Kongresin e Manastirit vendoset të merret për bazë alfabeti latin.

Muaji Nëntor, ka lënë gjurmë të thella në historinë e shqiptarëve.