Muaj: Qershor 2024

Pas përfundimit të sistemit të ujit të pijshëm rreth dy muaj më parë në pallatin nr. 120 të rajonit Nr. 3, është hapur rruga për urbanizimin e këtij territori.

Ky ishte një tjetër premtim i kreut të bashkisë për bllokun e pallateve pranë shkollave profesionale të qytetit. Pallatet, të ndërtuara në vite të ndryshme, kishin nevojë të domosdoshme për ndërhyrje, pasi asnjë investim nuk ishte bërë në infrastrukturë.

Gjatë një inspektimi të punimeve, kreu i bashkisë, z. Gledian Llatja, pohoi se “ky bllok pallatesh ishte një kërkesë e kahershme e banorëve edhe gjatë procesit të buxhetimit me pjesëmarrje, ndaj ishte e domosdoshme rehabilitimi i të gjithë zonës.”

Bashkia Elbasan, në bashkëpunim me FSHZH, ka nisur një sërë investimesh në rrugë dhe rrugica, duke përfshirë edhe Rajonin Nr. 3, ku përfshihet ky bllok pallatesh. Investimi në këtë zonë, që përbëhet nga tetë pallate, përfshin edhe ndërtimin e një këndi lojrash për fëmijët dhe stola për moshën e tretë. Llatja shton se “pas këtij investimi, do të nisin punimet në rrugicat dhe rrugët e zonës informale pas ‘Imperial’, ku ka një komunitet të gjerë.”

Në këtë zonë ishte e domosdoshme ndërhyrja në infrastrukturë, ashtu si në shumë blloqe të tjera ku bashkia ka ndërhyrë edhe me veshjet me kapot. Edhe në këto pallate do të kryhet një ndërhyrje e tillë pas urbanizimit.

Florenc Spaho, deputet i kësaj zone, falënderoi kreun e bashkisë, i cili për një periudhë gati dy mujore bëri të mundur shtrimin e sistemit të kanalizimeve dhe shtrimin e rrugës, që është drejt përfundimit.

Në këtë bllok pallatesh nuk ishte kryer asnjë investim prej rreth 40 vitesh.

Gjinari, një nga destinacionet më të bukura malore të Shqipërisë, u bë qendra e vëmendjes këtë të dielë, gjatë festës së organizuar për promovimin e tij.

“Miqtë e malit” mblodhi së bashku dashamirës të natyrës dhe aktiviteteve në ajër të pastër, duke ofruar një ditë të mbushur me aventura dhe argëtim.

Aktivitetet ishin të shumta dhe të larmishme. Në këndin e lojrave olimpike, të pranishmit patën mundësinë të provojnë sporte të ndryshme. Ndërkohë, panairi i artizanëve dhe prodhimeve agro-ushqimore tërhoqi shumë vizitorë me produkte të freskëta lokale dhe punime artizanale.

Për ata që preferojnë një përvojë më të qetë, kampingu në natyrën e bukur të Gjinarit ishte zgjedhja e duhur. Muzika live nga artistë të njohur dhe grupe lokale siguroi një atmosferë të gjallë dhe festive, duke përmbushur çdo cep të zonës me tinguj të gëzueshëm dhe energji pozitive.

Gjinar, me bukuritë e tij natyrore dhe mikpritjen e banorëve të tij, konfirmoi edhe një herë pse është një prej perlave turistike të Bashkisë Elbasan.

 Kjo festë ishte një mundësi e shkëlqyer për të promovuar turizmin malor dhe për të treguar potencialin e madh që ka ky rajon për tërheqjen e vizitorëve.

Në shkollën “Qemal Haxhihasani” u zhvillua një takim mes kryetarit të bashkisë, z. Gledian Llatja, dhe drejtuesit të fondacionit për Ballkanin Perëndimor “Shoqëria e Hapur për Shqipërinë”, z. Andi Dobrushi.

 Qëllimi i këtij takimi ishte diskutimi i projektit “Integrimi i pakicave etnike, Rome dhe Egjiptiane përmes arsimit dhe punësimit”, mbështetur nga programi InclusiveEduJobs i financuar nga BE.

Z. Llatja theksoi rëndësinë e këtij projekti, duke vënë në dukje se bashkia dhe fondacioni kanë punuar së bashku për të mbështetur shtresat më në nevojë dhe minoritetet.

“Kemi punësuar 14 gra nga këto minoritete në punë të pjesshme dhe ato përfitojnë edhen nga skema të tjera mbështetëse. Kjo ndihmon komunitetin, jo vetëm duke i parë si përfitues, por edhe si kontribues të drejtpërdrejtë në jetën dhe aktivitetin social të qytetit,” tha z. Llatja. Ai gjithashtu shtoi se në bashkëpunim me fondacionin dhe BE-në, kanë mbështetur 30 nxënës me bursa për të motivuar ata dhe familjet e tyre që të mos braktisin shkollën dhe të kenë një të ardhme të sigurt.

Z. Llatja e vlerësoi projektin si një nismë që sjell shumë shpresë për zgjidhjen e problematikave të komunitetit. Ai falënderoi fondacionin, BE-në, donatorët, stafin mësimdhënës, zyrën e punës dhe qendrën e formimit profesional për kontributin e tyre në trajnimin dhe integrimin e personave që duan të futen në tregun e punës.

Drejtori i fondacionit “Shoqëria e Hapur për Shqipërinë”, z. Andi Dobrushi, tha se “kemi 30 vjet që mbështesim minoritetin Rom dhe Egjiptian dhe gjithmonë janë treguar të mirëkuptueshëm në zbatimin e projekteve për punësim, edukim dhe arsim. Në Elbasan kemi gjetur një qasje mendjehapur nga bashkia dhe komuniteti për të kuptuar rëndësinë e përfshirjes së komunitetit në të drejtat e tyre dhe kontributin që duhet të japin.”

Z. Dobrushi theksoi se raportet mes komuniteteve Rom dhe Egjiptian në bashkinë e Elbasanit janë një model që duhet të përcillet më tej.

Projekti ka nisur para dy vjetësh dhe ka pasur rezultate të suksesshme. Këtë vit, projekti vjen me një risi, duke integruar të rinjtë dhe prindërit që duan të punojnë.

Në shkollën “Ptoleme Xhuvani” në Elbasan është zbatuar projekti i përbashkët midis fondacionit “Shoqëria e Hapur për Shqipërinë” dhe Bashkisë së Elbasanit, i njohur si “Sunny Schools”. Ky projekt përfshin instalimin e paneleve diellore për të prodhuar energji elektrike në shtatë shkolla të qytetit, duke kursyer 15 mijë euro.

Kreu i Bashkisë, z. Gledian Llatja, dhe drejtori i fondacionit “Shoqëria e Hapur”, z. Andi Dobrushi, kanë inspektuar nga afër këto investime në shkollën “Ptoleme Xhuvani”.

 Z. Llatja theksoi rëndësinë e këtij projekti duke deklaruar, “me një investim që kemi bërë me fondacionin ‘Shoqëria e Hapur për Shqipërinë’, do të shohim sa kemi prodhuar energji elektrike në shkollën ‘Ptoleme Xhuvani’.

 Projekti ‘Sunnny Schools’ përfshin instalimin e paneleve diellore për të prodhuar energji elektrike në 7 shkolla që kanë përfituar nga ky projekt. Shpresojmë që në bashkëpunim me fondacionin, ta zgjerojmë këtë projekt edhe në shkolla të tjera.”

Ky projekt synon të ulë ndotjen e emetimeve të karbonit dhe të krijojë një mjedis të pastër dhe të gjelbër për qytetin. Gjithashtu, kursimet nga prodhimi i energjisë do të riinvestohen në infrastrukturat shkollore dhe laboratorët.

“Qëllimi ynë kryesor ashtu sic kemi punuar prej disa vitesh në bashkëpunim me të rinjtë në shkolla është për të futur modelet e mira të uljes së ndotjes të emetimeve të karbonit në natyrë në kuadër edhe të projekteve të përbashkëta që po bëjmë për të mbajtur pastër ambjentet tona, për të pasur një qytet të pastër, të gjelbëruar dhe miqësor me mjedisin”, ahtoi Llatja.

Z. Andi Dobrushi drejtor i fondacionit pohoi se “janë rreth 4000 euro që janë përfituar vetëm nga prodhimi i energjisë së pastër në kete shkollë. Ky projekt jo vetëm që mbështet edukimin e nxënësve, por gjithashtu krijon një energji sociale dhe komunitare që mund të shërbejë si model për Shqipërinë dhe rajonin.”

Ky investim inovator premton të sjellë përfitime të drejtpërdrejta për fëmijët dhe komunitetin e Elbasanit, duke kontribuar në një mjedis të qëndrueshëm dhe të pastër.

Ky projekt promovon energjinë e gjelbër në shkollat e Ballkanit Perëndimor duke instaluar panele fotovoltaike, dhe është një hap i madh drejt një ekonomie të gjelbër dhe një mjedisi më të pastër për komunitetin.

Një investim prej 13.8 milionë euro nga KFV gjermane ka gjetur zbatim në Elbasan me qëllim përmirësimin e furnizimit me ujë në rajonin Nr. 3 dhe në qytetin e Elbasanit.

 Gjatë një inspektimi të vijimit të punimeve, drejtuesi politik i qarkut Damian Gjiknuri, kryetari i bashkisë Gledian Llatja dhe deputeti i zonës Florenc Spaho, theksuan rëndësinë e këtij projekti për përmirësimin e cilësisë së ujit të pijshëm në qytet, i cili prek jo vetëm linjat kryesore, por edhe ato sekondare dhe terciale.

Kryetari i bashkisë, z. Gledian Llatja, bëri një përmbledhje të punimeve, duke theksuar, se “ne po punojmë me tetë sektorë në qytet, në bashkëpunim me Ujësjellësin, duke marrë të gjitha masat që të mos kemi probleme me qarkullimin e mjeteve aty ku po ndërhyhet. Janë shumë rrugë në të cilat po ndërhyhet në qendër të Elbasanit, për të siguruar ujë 24 orë për qytetarët. Ky projekt, që po ecën me ritme të mira, është mbështetur nga KFV-ja gjermane dhe qeveria shqiptare. Ne po sigurohemi që të gjitha punimet të përfundojnë sa më shpejt dhe me standardet më të mira.”

 Investimi prek jo vetëm linjat kryesore, por edhe ato sekondare dhe terciale. Ai po kryhet në të gjithë qytetin me qëllim që i gjithë Elbasani të ndjejë ndikimin e tij, me rajonin Nr. 3 që përfiton më shumë nga ky investim. Projektet parashikojnë shtrimin e 2.6 km tubacione kryesore dhe 42.5 km tubacione shpërndarjeje, nga të cilat do të përfitojnë 50 mijë banorë të qytetit.

Z. Llatja shtoi se, “kemi filluar një projekt të cilin e kishim premtuar se do të ecte shpejt. Me investimin e ri, që përfshin standardet më të mira europiane, jemi të sigurt që përveç presionit të mirë për të gjithë banorët, do të kemi edhe prerjen e lidhjeve të paligjshme dhe një sistem të plotë ndërlidhjeje nga tubacioni kryesor te konsumatori fundor. Projekti po ndërhyhet në të gjitha lagjet kryesore të qytetit dhe synon të sigurojë ujë 24 orë për të gjithë qytetarët e Elbasanit.”

Në këtë kuadër, kryebashkiaku Llatja kërkoi mirëkuptimin e qytetarëve për trafikun disi të rënduar për shkak të punimeve kudo në qytet.

Në bashkëpunim me AKUM, Drejtorinë e Ujësjellës Kanalizimeve, bashkia e Elbasanit ka edhe një tjetër project me ndihmën e qeverisë shqiptarepor edhe nga donatorë të huaj, për të siguruar ujë 24 orë për të gjithë qytetin.

Drejtuesi i qarkut Damian Gjiknuri duke qenë dëshmitar i zhvillimit të këtij projekti, edhe një herë vuri në dukje faktin se projektet do të vazhdojnë, pasi Elbasani është në qendër të vëmendjes së qeverisë shqiptare dhe një nga këto infrastruktura kaq të rëndësishme si uji i pijshëm dhe ujërat e zeza do të jenë në vëmendje të financimeve të vazhdueshme të qeverisë.

“Kam qenë dëshmitar i zhvillimit të projektit në shumë lagje të Elbasanit. Premtimi bazë që qyteti i Elbasanit të ketë furnizim të vazhdueshëm me ujë po realizohet. Ky projekt është vetëm fillimi, dhe financimi nga qeveria shqiptare është siguruar për projekte të tjera në të ardhmen. Ne qëndrojmë pranë qytetarëve në këtë fazë tranzitore, duke u siguruar që përfitimet afatgjata do të jenë të ndjeshme për të gjithë”, tha ai.

Projekti është pjesë e një përpjekjeje më të gjerë për të siguruar infrastrukturë moderne dhe furnizim të vazhdueshëm me ujë për qytetarët, duke përfshirë edhe një tjetër projekt që do të zbatohet në Elbasan në të ardhmen.

Çdo vit, në ditën e shenjtë të Shën Joan Vladimirit, qindra besimtarë nga fe të ndryshme mblidhen në manastirin e tij për të festuar “Ditën e Mirëkuptimit dhe Harmonisë”. Pelegrinazhi i përvitshëm mbledh besimtarë jo vetëm nga rrethi i Elbasanit, por edhe nga qytete të tjera të vendit dhe rajonit.

Dita e 4 Qershorit festohet çdo vit si një festë pagane për banorët e fshatit Shijon, ku besimtarët nderojnë figurën e Shën Joan Vladimirit. Kryetari i Bashkisë Elbasan, Gledian Llatja, i shoqëruar nga përfaqësues të pushtetit local si edhe deputetë, tha se “shenjtori na bashkon të gjithëve. Çdo herë që vijmë në Manastir dhe shohim miq nga i gjithë Ballkani, Maqedonia, Mali i Zi, Bosnja, Serbia, na mbushet zemra me gëzim. Këto aktivitete dhe lidhjet historike që kanë pasur popujt tanë me figurat e krishtërimit, na bashkojnë dhe forcojnë lidhjet ndërmjet popujve.”

Në Bradashesh, rreth 4 kilometra larg Elbasanit, ndodhet fshati Shijon. Historia e vendbanimit daton rreth viteve 1010 – 1020, kur Shën Joan Vladimiri predikoi ritet e fesë ortodokse. I përbërë nga rreth 200 familje ortodokse, banorët e këtij fshati ndihen me fat që mbajnë emrin e shenjtit. Gjatë Luftës së Dytë Botërore, Manastiri u dogj, por banorët e rindërtuan atë.

Shën Joan Vladimiri, i lindur në fshatin Vladimir të Krajës në Malin e Zi, jetoi në shekullin e XI. Ai themeloi manastire, kisha dhe institucione bamirësie, duke kontribuar në përhapjen e besimit të krishterë. Eshtrat e tij u ruajtën në Malin e Zi dhe më vonë u transferuan në Durrës dhe më pas në Manastirin e Shijonit, ku u bë një qendër e rëndësishme pelegrinazhi.

Sipas legjendave, Shën Joan Vladimiri u martua me Kozarën, vajzën e carit bullgar Samuel. Pas një ftesë të zakonshme për një gosti, Gjon Vladimirit iu pre koka. Legjenda thotë se ai udhëtoi me kokën e prerë në prehër deri në vendlindjen e tij. Eshtrat e tij u ruajtën dhe u vendosën në Manastirin e Shijonit, ku u bënë shumë mrekullira me të sëmurët që preknin lipsanin e tij të shenjtë.

Dita e 4 Qershorit, dita kur Shën Joan Vladimiri u vra, është shpallur festë e Njësisë Administrative Bradashesh. Manastiri i Shijonit mbledh besimtarë nga e gjithë zona dhe rajoni, duke u bërë një simbol i bashkimit dhe mirëkuptimit ndërmjet popujve të Ballkanit.

Mozaiku i bazilikës paleokristiane të Elbasanit është i hapur për vizitorët prej gati një muaji, duke shtuar një monument të rëndësishëm kulture të kategorisë së parë në ofertën turistike të Elbasanit.

Me qindar vizitorë, si edhe vetë qytetarët elbasanas kanë vizituar këtë bazilikë, e cila është zbuluar në vitin 2007 dhe shpallur Monument Kutlure në vitin 2010, ku sipas historianëve dëshmon lashtësinë e qytetit të Elbasanit.

Shtatëmbëdhjetë vjet më parë, në qendër të qytetit, fare rastësisht, u zbuluan themelet e një mozaiku të lashtë.

  Specialistët e arkeologjisë e vlerësuan këtë si një ndër zbulimet më të rëndësishme. Gjatë gërmimeve të para, një grup arkeologësh zbuloi dy varre në një thellësi prej mbi tre metrash, të cilat i përkasin shekullit të V.

Studimet paraprake tregojnë se bazilika ka përmasa të mëdha, dhe aktualisht është zbuluar një pjesë e Naosit dhe e Nefit jugor. Muri që kufizon Nefin jugor është i zbukuruar me afresk, i cili ruhet mirë.

  Mbi dyshemenë e bazilikës janë gjetur fragmente të një amfore nga Gaza e Palestinës, duke treguar se bazilika paleokristiane është shkatërruar përfundimisht në fundin e shekullit të gjashtë ose në fillimin e shekullit të shtatë të erës sonë.

Arkeologët që kanë studiuar murin janë shprehur se “ai nuk i përket xhamisë së Namazgjasë, por mendohet të jetë muri i një kalaje të vjetër që i përket periudhës paraosmane.

Kreu i Agjencisë së Kulturës dhe Turizmit në Elbasan, Artur Guni, deklaroi se “në plan është vijimi i gërmimeve, pasi bazilika është në një sipërfaqe më të madhe dhe ende e pazbuluar tërësisht.

Bazilika paleokristiane e zbuluar në vendin e quajtur “Rrapi i Bezistanit” në Elbasan është një nga monumentet më të vjetra të kultit ortodoks të zbuluara në Shqipëri, ku ruhet mirë një mozaik i tillë.

Festa e Qershisë ka mbledhur qindra qytetarë elbasanas por edhe shume turiste në Godoleshin piktoresk, ku ky frut i bukur dhe shumë i dashur për të gjithë kultivohet në këtë zonë.

Kjo festë është kthyer në një traditë të rëndësishme që organizohet çdo vit më 1 Qershor nga Bashkia e Elbasanit.

Në këtë ditë të veçantë, zona e Godoleshit transformohet në një panair plot ngjyra dhe shije, ku vizitorët mund të shijojnë qershitë e freskëta dhe produktet e ndryshme të përgatitura nga ky frut.

 Gjithashtu, panairi ofron punime artizanale të realizuara me mjeshtëri nga zonjat e zonës, duke sjellë një atmosferë të gjallë dhe autentike për të gjithë pjesëmarrësit. Nuk mungojnë as gatimet tradicionale dhe një gamë e gjerë aktivitetesh, duke përfshirë koncerte dhe valle popullore.

Kryetari i Bashkisë, edhe këtë vit, falenderoi punëtorët e palodhur të zonës së Godoleshit, duke iu uruar një prodhim të mbarë dhe fitime sa më të mëdha nga tregtimi i qershive. Ai theksoi se kjo zonë është në kulmin e sezonit dhe ka një rëndësi të madhe për ekonominë e zonës.

Godoleshi, me peizazhin e tij të mrekullueshëm, është një nga fshatrat e zonës që prodhon mijëra tonë qershi. Për banorët, ky frut është burimi kryesor i të ardhurave dhe siguron jetesën e tyre.

Festa e Qershisë është një mundësi e shkëlqyer për të promovuar prodhimin lokal dhe për të forcuar komunitetin, duke sjellë së bashku njerëzit në një atmosferë festive dhe plot gëzim.

Sot, qyteti i Elbasanit u kthye në një ditë të veçantë, për të festuar 1 Qershorin, festën e fëmijëve në një atmosferë plot ngjyra dhe kënaqësi.

Bashkia e Elbasanit nën thirrjen e kryetarit, organizoi festën më të madhe me një sërë aktivitetesh që gëzuan fëmijët e qytetit.  

Në Parkun “Qemal Stafa”, atmosfera festive i ndie kudo, duke krijuar një ambient plot gëzim dhe energji pozitive.

Fëmijët, të veshur si për një ditë të vërtetë vere, ishin protagonistët kryesorë të festës, me buzëqeshjet dhe lumturinë e tyre të pasqyruar në çdo cep të qytetit. Rrugët e Elbasanit u mbushën me fëmijë të lumtur, duke marrë pjesë në aktivitete dhe lojëra të ndryshme të organizuara për ta.

Kreu i bashkisë, z. Llatja, uroi të gjithë fëmijët, duke theksuar se kjo ditë nuk përfaqëson vetëm dhënien e dhuratave për fëmijët, por edhe vlerësimin e rëndësinë e tyre, pasi ata janë e ardhmja dhe motivi i jetës së prindërve.

 Z. Llatja deklaroi se kjo festë sinjifikon gëzimin për një të ardhme me sa më shumë lumturi dhe dashuri për fëmijët.

Kjo ditë festive tregoi edhe një herë përkushtimin e bashkisë Elbasan për të krijuar një mjedis të lumtur dhe të sigurt për fëmijët, duke i bërë ata të ndihen të veçantë dhe të vlerësuar në çdo moment.