Shkruaj Kryetarit
KET-J Project Presented at the 4th Meeting of the Joint Monitoring Committee of the IPA Programme
The “Krushevo and Elbasan, Journey in Nature and Adventure” project was presented at the fourth meeting of the Joint Monitoring Committee (JMC) of the IPA Cross-Border Cooperation Programme North Macedonia and Albania, held on 24 March 2026 in Korça.
The presentation was delivered by Project Coordinator Tatjana Hasanu, representing the Municipality of Krushevo as the Lead Applicant. The session presented the main project activities, expected results and the importance of cross-border cooperation among stakeholders for the development of sustainable and adventure tourism.
The project promotes networking among tourism service providers, with a particular focus on paragliding and outdoor tourism, strengthening the links between Krushevo and Elbasan as attractive tourism destinations.
The “Krushevo and Elbasan, Journey in Nature and Adventure” project is funded by the Delegation of the European Union to North Macedonia.
Këshilli Bashkiak miraton listën e poseduesve jopronarë në kuadër të Paketës së Maleve
Këshilli Bashkiak Elbasan miratoi listën e subjekteve që kanë kërkuar të njihen si “posedues jopronarë”, në zbatim të ligjit nr. 20/2025 “Për Paketën e Maleve” dhe akteve nënligjore përkatëse.
Vendimi vjen pas përfundimit të të gjithë procesit administrativ të ndjekur nga grupi i posaçëm i punës i ngritur nga Bashkia
Elbasan, i cili verifikoi dokumentacionin e paraqitur nga aplikantët, kreu evidentimet në terren dhe realizoi shkëmbimin e informacionit me institucionet përgjegjëse.
Në kuadër të procedurave ligjore, kërkesat që plotësonin kriteret e përcaktuara janë afishuar për një periudhë 45-ditore në ambientet e Bashkisë Elbasan, në njësitë administrative përkatëse dhe në faqen zyrtare të institucionit, duke garantuar transparencën e procesit dhe mundësinë për paraqitjen e pretendimeve apo ankesave nga palët e interesuara.
Pas shqyrtimit të dokumentacionit dhe përfundimit të afateve të njoftimit publik, Këshilli Bashkiak miratoi listën e subjekteve që përmbushin kushtet për t’u njohur si posedues jopronarë, së bashku me plan-rilevimet përkatëse të sipërfaqeve objekt kërkese.
Sipas vendimit të miratuar, hapi i radhës parashikon paraqitjen e kërkesave pranë Agjencisë Shtetërore të Kadastrës për pasqyrimin e statusit të poseduesit jopronar në kartelat e pasurive, në përputhje me legjislacionin në fuqi.
Paketa e Maleve përbën një nga nismat më të rëndësishme për zhvillimin e zonave malore, duke synuar nxitjen e investimeve, turizmit dhe ekonomisë lokale. Në Bashkinë Elbasan, zonat prioritare të përfshira në këtë paketë janë njësitë administrative Gjinar, Funar, Tregan dhe Shushicë, të cilat përfitojnë nga mundësitë dhe lehtësitë që ofron ky program për zhvillim të qëndrueshëm ekonomik dhe social.
Featured Gallery
Featured Listing
Galleries
Featured Listing
Featured Listing
Ekspozita “Historiku i Ditës së Verës “çelet në Bibliotekën “Qemal Baholli”
Në kuadër të festimeve për Dita e Verës, në ambientet e Biblioteka Publike “Qemal Baholli” u zhvillua aktiviteti “Takim & Ekspozitë – Historiku i Ditës së Verës”, një moment i veçantë që solli më pranë traditën, historinë dhe vlerat e kësaj feste të dashur për qytetin e Elbasan.
Gjatë këtij takimi, të pranishmit patën mundësinë të njihen më nga afër me rrënjët e lashta të kësaj feste, simbolikën që ajo mbart dhe mënyrën se si është ruajtur ndër breza si një nga traditat më përfaqësuese të qytetit.
Në aktivitet referuan dhe ndanë mendimet e tyre mbi historinë dhe rëndësinë kulturore të festës Drejtori i Artit dhe Kulturës Kliton Kapaj, përgjegjësja e bibliotekës Elisa Janku, si edhe studiues e pjesëmarrës të tjerë si Manjola Hatellari, Bardhyl Toda, Migena Kapllani, Elisabeta Myftari, Agim Qoku, Fetah Biza, Hyqmet Zane, Anila Çota, Albana Drenogllava, Lana Çala dhe Petrit Hidri, të cilët sollën këndvështrime të ndryshme mbi historinë, traditën dhe rëndësinë kulturore të Ditës së Verës.
Po ashtu, ekspozita e përgatitur me këtë rast paraqiti materiale dhe elemente që pasqyrojnë historikun e kësaj feste, duke e kthyer bibliotekën në një hapësirë takimi mes kujtesës, traditës dhe kulturës.
Dita e Verës mbetet një simbol i gëzimit, i ringjalljes së natyrës dhe i trashëgimisë sonë kulturore, një festë që vazhdon të bashkojë komunitetin dhe të ruhet me dashuri nga brezi në brez.
Mirëmbajtja e hapësirave të gjelbra të qytetit, në çdo stinë!
Ekipet e Agjencisë së Shërbimeve Publike po zhvillojnë çdo ditë procesin e krasitjes vjetore të pemëve dekorative në rrugët dhe parqet e qytetit.
Kjo ndërhyrje është e domosdoshme për garantimin e sigurisë së qytetarëve, pasi largohen degët e dëmtuara që mund të paraqesin rrezik për kalimtarët dhe mjetet, veçanërisht gjatë kushteve të pafavorshme atmosferike.
Njëkohësisht, krasitja teknike ndihmon në përmirësimin e shëndetit të pemëve, duke nxitur rigjenerimin e tyre dhe duke eliminuar degët e sëmura.
Krahas kësaj, ndërhyrjet kontribuojnë edhe në ruajtjen e estetikës urbane, duke i dhënë kurorave të pemëve formën e duhur për një pamje më të rregullt të qytetit.
Agjencia e Shërbimeve Publike, po vijon në çdo lagje, sipas një kalendari të mirëpërcaktuar, me qëllim krijimin e një mjedisi sa më të pastër, të sigurt dhe të qëndrueshëm për të gjithë qytetarët.
Bashkia Elbasan drejt një zgjidhjeje afatgjatë për menaxhimin e mbetjeve organike
Në këtë fillim viti, kryebashkiaku i Elbasanit, Gledian Llatja, ka nisur takime me fokus çështjet mjedisore dhe përmirësimin e shërbimeve për komunitetin, duke i dhënë një rëndësi të veçantë menaxhimit të mbetjeve organike dhe të gjelbra. Në këtë kuadër, ai u takua me kryepleqtë dhe ndërlidhësit komunitarë për të diskutuar hapat konkretë drejt një zgjidhjeje afatgjatë për këtë problematikë.
Gjatë takimit u bë e ditur se ka nisur procesi i identifikimit të hapësirave urbane dhe rurale për krijimin e gropave të dekompostimit, të cilat do të shërbejnë për shndërrimin e mbetjeve të gjelbra në pleh organik dhe për uljen e ndjeshme të ngarkesës në koshat e mbetjeve.
Kryebashkiaku Llatja u bëri thirrje banorëve që të mos depozitojnë mbetjet e krasitjeve pranë koshave apo në vende të paautorizuara, duke rikujtuar se djegia e tyre është rreptësisht e ndaluar dhe ndëshkohet me ligj. Ai theksoi se respektimi i këtyre rregullave është thelbësor për ruajtjen e mjedisit dhe shëndetit publik.
“Menaxhimi i mbetjeve organike nuk është thjesht një detyrë institucionale, por një përgjegjësi e përbashkët me komunitetin. Përmes dekompostimit jo vetëm që reduktojmë ndotjen, por krijojmë edhe vlera të reja për bujqësinë dhe hapësirat tona të gjelbra,” u shpreh kryebashkiaku Gledian Llatja.
Ndërkohë, Llatja bëri të ditur se me miratimin e buxhetit, ndërtimi i Qendrës së Kompostimit është një nga prioritetet e Bashkisë Elbasan për vitin 2026, si një investim strategjik për menaxhimin modern dhe të qëndrueshëm të mbetjeve organike.
Në përmbyllje, kryebashkiaku Gledian Llatja u shpreh se vetëm përmes bashkëpunimit të ngushtë mes institucioneve vendore dhe qytetarëve mund të arrihet një mjedis më i pastër dhe më i shëndetshëm për të gjithë, duke theksuar se angazhimi i përbashkët është çelësi i suksesit të çdo nisme mjedisore.
“Shumë pak vrasës”, komedia që thyen kufirin mes skenës dhe publikut në Teatrin “Skampa”
Në skenën e Teatrit “Skampa” në Elbasan, për disa net me radhë artëdashësit kanë ndjekur komedinë “Shumë pak vrasës”, e ndërtuar mbi motivet e komedisë së Paul Portner, një zgjedhje harmonike mes humorit të zi, situatave absurde dhe një strukture të pazakontë narrative, ku publiku bëhet pjesë e zgjidhjes së një misteri kriminal.
Me regjinë e Rozi Kostanit, e cila jo vetëm drejton, por bëhet edhe një personazh më vete brenda komedisë, “Shumë pak vrasës” vjen si një shembull i suksesshëm i teatrit të hapur, ku spektatori jo vetëm shijon dhe qesh, por është pjesë e integruar e zhvillimit të konfliktit dramatik, hetimit, përballjes së fakteve dhe përcaktimit të zgjidhjes.
Tipizimi i personazheve është një “skulpturë” më vete dhe dëshmi e harmonisë mes konceptit regjisorial dhe një trupe dinamike aktorësh, të cilët ia dalin ta përballojnë me vërtetësi dhe improvizim estetik sfidën e një performance interaktive me publikun.
Veçanërisht i spikatur ishte interpretimi i aktorit Helido Fino, i cili e kthen Tony Whitcomb në një personazh që del jashtë kornizave të zakonshme. Me një prani skenike energjike dhe të rafinuar, Fino ndërton një figurë që lëviz mjeshtërisht mes teatralitetit ekstravagant dhe një tensioni të brendshëm emocional. Gjesti, intonacioni dhe mimika janë të kuruara deri në detaj, duke krijuar një karakter që shpërfaq humor të skajshëm, por që nuk humb kurrë ndjeshmërinë dhe sensin e masës.
Po aq e dallueshme në këtë ansambël ishte edhe interpretimi i aktores Ola Harizaj. Me një sharm të veçantë skenik, Harizaj ka ndërtuar me finesë zonjën Schubert, një karakter që shijohej estetikisht duke ndërthurur delikatesën dhe tensionin e nënkuptuar.
“Shumë pak vrasës” është një komedi me shije, me ngjyrë, formë, stil dhe mbi të gjitha me mendim e mesazh, e vërteta shpesh ndërtohet mbi perceptime dhe paragjykime, jo mbi fakte, një reflektim që publiku e merr me vete edhe pasi dritat e skenës fiken.
NJOFTIM I RËNDËSISHËM – SITUATA E RESHJEVE!
Bashkia Elbasan njofton se, për shkak të parashikimeve të reshjeve me intensitet të lartë në te gjithe territorin e vendit , strukturat vendore janë në gatishmëri të plotë për monitorimin dhe menaxhimin e situatës.
Ekipet tona të Emergjencave Civile, Policisë Bashkiake dhe Agjensia e Shërbimeve Publike janë në terren për të siguruar marrjen e masave parandaluese dhe reagimin në kohë, në rast nevoje.
Për çdo situatë urgjente, qytetarët lutemi të kontaktojnë:
• 
Policia e Shtetit: 129
• 
Zjarrfikësja: 128
• 
Numri unik i emergjencave në Shqipëri: 112
Po ashtu, në dispozicionin tuaj për çdo situatë të mundshme emergjente janë edhe nr. e ndërmarrjes së Ujësjellës-Kanalizimeve.
+355 68 641 6064
+355 69 475 0333
I bëjmë thirrje banorëve të tregojnë kujdes të shtuar, të shmangin lëvizjet e panevojshme në zona të rrezikshme dhe të raportojnë menjëherë çdo problem.
Bashkia Elbasan mbetet në shërbim të komunitetit
Parkim me një klik: Bashkia lançon aplikacionin “Elba Parking”
Policia Bashkiake e Elbasanit ka nisur një fushatë informuese në terren për promovimin e “Elba Parking”, aplikacionit të ri të Bashkisë që synon ta kthejë parkimin në një proces modern dhe miqësor për përdoruesit.
Përmes aplikacionit, çdo drejtues mjeti mund të regjistrohet lehtësisht, të përfitojë 10 orë parkim falas, të paguajë online dhe të menaxhojë në kohë reale qëndrimin e makinës pa riskuar penalitete.
Kjo nismë është pjesë e vizionit të Bashkisë Elbasan për dixhitalizimin e shërbimeve dhe rritjen e standardeve të parkimit në qytet, duke lehtësuar lëvizjen dhe kursyer kohën e qytetarëve.
Shkolla me histori të artë në Elbasan hyn në fazën e transformimit total!
Shkolla “Naim Frashëri” në Elbasan do të jetë një nga kantierët e hapur, pjesë e investimeve për transformimin e infrastrukturës arsimore duke iu nënshtruar një rikonstruksioni total.
Ky investim i shumëpritur do të sjellë ndryshime thelbësisht pozitive për 730 nxënës që do të mësojnë në mjedise të reja me kushte bashkëkohore si dhe për 72 mësuesit që kontribuojnë çdo ditë në edukimin e brezave të rinj.
Rikonstruksioni total do të përfshijë ndërhyrje të thelluara në të gjithë strukturën e shkollës, duke garantuar siguri, komoditet dhe standarde moderne për një mjedis të denjë arsimor.
“Arsimi është themeli i të tashmes dhe të ardhmes, ndaj përmes këtij investimi dhe jo vetëm, po ndërtojmë më shumë mundësi për fëmijët dhe nxënësit e Elbasanit”, tha kryetari i bashkisë Gledian Llatja. Prej më shumë se një dekade kjo shkollë kryente mësimin me dy turne dhe gjithnjë ka qenë kërkesë e kreut të bashkisë, duke lobuar në ministrinë dhe qeverinë për rikonstruksionin total të kësaj shkolle të vjetër në Elbasan, e cila ka nxjerrë breza të talentuar nxënësish për më shumë se 50 vite, duke ruajtur një muze të vyer me figurat që u kanë dhënë zë arsimit në Elbasan…
Pak histori për shkollën “Naim Frashëri”
E themeluar për herë të parë në vitin 1908, shkolla “Naim Frashëri” është një ndër institucionet më të hershme arsimore në qytetin e Elbasanit. Godina aktuale ku funksionon shkolla është ndërtuar në vitin 1967 dhe që prej asaj kohe ka shërbyer si një vatër e rëndësishme formimi për breza të tërë nxënësish. Me një traditë të gjatë dhe staf të përkushtuar pedagogjik, shkolla ka ruajtur një identitet të fortë arsimor, duke kontribuar ndjeshëm në edukimin e fëmijëve të qytetit. Brenda saj ndodhet edhe një kënd muzeal, që përkujton figurat më të shquara që kanë kontribuar në historinë e arsimit në Elbasan. Me këtë rikonstruksion, ajo nuk do të jetë vetëm një shkollë moderne, por edhe një simbol i respektit për trashëgiminë dhe përkushtimit për të ardhmen.
