Evente

Me një festë madhështore të muzikës dhe trashëgimisë kulturore, Elbasani u përfshi me tingujt e ngjarjeve të mëdha për të nderuar 115 vjetorin e Bandës Frymore “Afërdita”.

Në qendër të qytetit një paradë e jashtëzakonshme u zhvillua për të festuar kontributin e kësaj bande legjendare në historinë dhe identitetin e Elbasanit.

Nën kujdesin e vecantë të kryetarit të bashkisë Elbasan z. Gledian Llatja, Qendra e Artit dhe Shoqata Kulturore Skampa, oganizuan një event i cili mblodhi qindra qytetarë elbasanas dhe mysafirë nga i gjithë vendi.

 Parada e Bandave Frymore të vendit bashkë me tingujt e bukur të orkestrave të ftuara nga Bashkitë Durrës, Tiranë, Berat, Mali i Zi, dhe Shkodër, sollën një atmosferë festive mbresëlënëse nëpër rrugët e Elbasanit.

 Në kulmin e këtij eventi një moment i vecantë iu kushtua nderimit të Emin Palluqi drejtuesit të shquar të Bandes Frymore “Afërdita”.

 Ai u vlerësua nga kreu i bashkisë së Elbasanit me titullin “Mirënjohja e Qytetit”  me motivacionin “ Për kontributin e tij 25 vjecar në drejtim e orkestrës frymore Banda “ Afërdita” me nivel të lartë artistik dhe profesional”.

Kjo paradë dhe ky koncert, jo vetëm festoi 115 vjetorin e Bandës Frymore

“Afërdita”, por gjithashtu shënjoi një moment të rëndësishëm për historinë dhe trashëgiminë e muzikës së Elbasanit, duke kujtuar me krenari sukseset dhe kontributin e madh të kësaj bande legjendare.

Themeluar në vitin 1917 “Afërdita” nuk është vetëm një ansambël muzikor, por një simbol i rezistencës, përkushtimit dhe artit të muzikës së trashëgimisë së qytetit.

Në rrugëtimin e saj ajo ka pasur drejtues e muzikantë nga të gjitha kohërat, si Thanas Floqi, Filip Papajani, Sokol Paparisto, Sulejman Gjevori, Mit’hat Stringa, Alfonc Balliçi, Sulejman Baltëza, Blerim Narazani, Emin Palluqi, Josif e Leonard Shuteriqi, Hamit Kusi, Ndriçim Behluli, të cilët me talentin dhe pasionin e tyre kanë bërë që tingujt e kësaj të bien në zemrat e brezave të Elbasanit.

Edhe këtë vit, thirrjes për të festuar dhe promovuar vlerat e bukuriva natyrore të Funarit nga bashkia Elbasan, i janë përgjigjur qindra turistë nga vendi dhe të huaj.

  Funar Fest, realizohet për të disatin vit rradhazi, dhe nga viti në vit, ky oaz turistik i vogël ka ngritur profilin e tij në rradhët e destinacioneve të dëshirueshme për turistët vendas dhe të huaj.

 Funari është një zonë e pasur me pyje dhe me katër liqene të ndarë dy brenda fshatit dhe dy të tjerë të fshehur pas maleve që e rrethojnë atë.

 Pikërisht sot, Funari është mbushur plot me vizitorë, vendas dhe të huaj, duke ju bashkuar thirrjes së bashkisë së Elbasanit, e cila këtë ditë e ka shpallur festë zyrtare, me qëllim promovimin e vlerave natyrore, dhe trashëgimisë së kësaj zone.

 Piknik, muzikë live, koncert, sporte të aventurës, panairi i gatimeve tradicionale të zonës, si dhe argëtim, është qëllimi i kësaj dite, ku sipas kryebashkiakut Gledian Llatja festa të tilla vlejnë për të promovuar vlerat natyrore dhe zbuluar resurset e kësaj zone të mrekullueshme.

 Në këtë event kanë marrë pjesë shefi i bashkëpunimit nga Delegacioni Europian në Shqipëri Hubert Perr, Kryetari i Bashkisë Krueshevë Tome Hristoski, zv. Ministria e Turizmit dhe Mjedisit znj. Vilma Bello Drejtoresha Ekzekutive të SASPAC, znj. Jona Suli, deputetja Evis Kushi, kryetarja e Qarkut Ermira Urupi, ku kreu i bashkisë, e cilësoi Funar Fest, si një nga shumë vendet turistike që ka Elbasani, dhe që me investimet që janë kryer, Funari është kthyer në një vend lehtësisht i vizitueshëm.

 Kreu i bashkisë z. Gledian Llatja, edhe një herë ka ftuar turistë vendas dhe të huaj që ta vizitojnë Funarin, atraksionet kryesore që kjo zonë ka.

” Ne po promovojmë një serë destinacionesh turistike në Funar, por edhe Elbasani është një perlë që ne po e mbështesim shumë në fushën e turizmit dhe kemi pasur një rritje të turistëve vit pas viti”, tha Llatja duke falenderuar miqtë për bashkëpunimin dhe mbështetjen.

 Znj. Vilma Bello pohoi se ” jemi në rrugën e një shqipërie turistike, e krijimit të një  destinacioni turistik sic është shqipëria”.

 Sakaq shefi i bashkëpunimit nga Delegacioni Europian në Shqipëri Hubert Perr foli për qëllimin e ardhjes së tij në këtë event pasi ky është një investim i Bashkimit Europian nëpërmjet projektit cross-border Shqipëri-Maqedoni e Veriut. ” Nuk kishte ngjarje më të mirë sesa festa e Funarit për ta bërë një gjë të tillë.

 Bashkimi Europian ka investuar në infrastrukturën turistike dhe në menaxhimin e këtij vendi që Funari ofron. Turizmi është duke u fuqizuar dita-ditës në Shqipëri.

Turizmi i qëndrueshëm, që mundësohet nga natyra e shkëlqyer që ofron Shqipëria.

Kjo është shumë e rëndësishme dhe për këtë arsye ne mendojmë se investimet e Bashkimit Europian dhe partneritetet me bashkitë dhe qeverinë tregojnë kontributin dhe angazhimin e Bashkimit Europian për të ndihmuar Shqipërinë të zhvillojnë sektorin e turizmit dhe të mbështesin zhvillimin duke siguruar se të gjithë shqiptarët kanë të ardhme në këtë vend”.

 Z. Perr shprehu besimin se shumë shpejt Funari do të jetë një vend i lulëzuar për turizmin.

 Kryetari i bashkisë Krueshevë Rome Hristoski pohoi se ” vetëm nëpërmjet partneritetit ne mund të ndërtojmë histori suksesi midis dy bashkive, Funar-Krushevo destinacioni ynë i rradhës”.

  Nën kujdesin e veçantë të kryetarit të Bashkisë Gledian Llatja, ka merr jetë projekti “Funari Adventure Park”. Bëhet fjalë për pistën e parashutizmit, hapjen e 75 km të shtigjeve malore dhe së fundi është ndërtuar edhe pika e informimit të vizitorëve.

 Një nga ambiciet e kruet të bashkisë është edhe kthimi i kësaj zone në një nga pikat e rëndësishme për sportet e aventurës në shqipëri dhe në rajon.

Nga maja e Korrës, janë rreth 70 kilometra shtigje që po hapen për këmbësorët, për të apasionuarit e sportit, për mjetet, si edhe biçikletat.

  Në veçanti, iniciativat e bashkisë Elbasan për zhvillimin e infrastrukturës turistike, si pistat e parashutizmit, shtigjet malore, kajake në liqen, ciklizëm malor, offroad 4×4, tregojnë një përkushtim të vërtetë për të rritur atraktivitetin e këtij vendi.

Mos e humbisni këtë të premte në Funar!

Muzikë e mirë, ushqime të freskëta bio të zonës, piknik në perlën turistike të Elbasanit dhe lojra zbavitëse dhe një sërë aktivitetesh të tjera ju presin.

 Funari është rikthyer në një zonë të njohur jo vetëm për elbasanllintë, por për mbarë vendin si edhe më gjerë.

 Tashmë në këtë zonë të pikturuar nga natyra po merr jetë projekti “Funari Adventure Park” ku po vazhdojnë punimet për pistën e parashutizmit, hapjen e 75 km të shtigjeve malore dhe ndërtimin e pikës së informimit të vizitorëve që do t’i japë padyshim zhvillimin e shumëpritur një prej perlave turistike të Elbasanit, që sigurisht pa vizionin, këmbënguljen dhe vullnetin e Bashkisë dhe partnerëve të saj të ngushtë nuk do të ishte i mundur financimi i drejtpërdrejtë i Bashkimit Evropian.  

 E pasur me pyje pishash dhe dushku, Funari ofron një klimë të shëndetshme si edhe me gatimet tradicionale të zonës, bëhet vendi ideal për të kaluar fundjavën, si edhe për të kaluar një ditë të bukur.

Në Panairin e Turizmit Tirana 2024, ka marrë pjesë edhe Bashkia e Elbasanit, ku nëpërmjet Agjensisë së Kulturës dhe Turizmit, është prezantuar me destinacionet turistike që Elbasani ka, si edhe rritjen e cilësisë së shërbimeve turistike.

Elbasani, është ndër zonat më të hershme që vërtetojnë trashëgiminë dhe kulturën e lashtë të vendit tone, si edhe është kryeqendra e artit dhe kulturës.

Historia, trashëgimia kulturore dhe bukuritë natyrore janë asetet kryesore të qytetit të Elbasanit në zhvillimin e turizmit.

“Busheku”, “Labinoti Fushë”, “Krasta e Madhe”, “Llixha”, Funari e Gjinari, fshehin perla për vizitorët, që të shoqëruara me histori dhe legjenda shumë shekullore, janë origjinale në specifikat e tyre. Janë këto edhe shumë arsye të tjera që Elbasani është një nga qytetet më të preferuar për turistët e huaj, dhe për tu prezantuar sa më denjësisht në këtë panair.

Elbasani po shihet si një destinacion për të zgjatur kohën e turistëve, jo vetëm në bregdet.

Ecja në natyrë në zonat malore siç është Gjinari, është një nga atraksionet të cilat Elbasani i ofron. Në Funar pranë liqeneve janë hapur shtigjet për ecje si edhe për hedhjen me parashutë.

Panairi ka për qëllim të promovojë Shqipërinë duke u përqendruar në turizmin e kohës së lirë, atë të konferencave dhe eventeve të korporatave nga e gjithë bota.

Turizmin dixhital dhe turizmin mjekësor, i cili po zhvillohet gjithmonë e më tepër në vendin tonë.

Në kuadër të festimeve të Ditës së Verës 2024, Bashkia Elbasan, ka parashikuar një plan të pasur aktivitetesh përgjate 10 ditëve që paraprijnë datën 14 mars 2024.

Qëllimi është të festojme këtë festë të vjetër elbasanase, me synim përfshirjen e të gjithë grupmoshave, si nga qyteti ashtu e njësite administrative, ashtu edhe nga qytete te tjera, duke gjallëruar në cdo cep të qytetit jetën kulturore artistike, nëpërmjet risjelljes së zakoneve e traditave autoktone aq të pasura elbasanase.

Më poshtë po ju prezantojmë programin e aktiviteteve në të kuadër të “Dita e Verës 2024”

Data 04.03.2024  10:00

Aktiviteti: Koncert me këngë e valle dhe mbjellje e luleve

Vendi: Parku “Rinia”

Tema: “Ne jemi gjelbërimi”

Pjesmarrës: Fëmijë nga klasat përgatitore

Data 05.03.2024 10:00

Aktiviteti: Ekspozitë me punime, këngë, kërcime aerobie.

Vendi: Parku “Rinia”/Sheshi para stadiumit

Tema: “Dallëndyshet e para”

Pjesmarrës: fëmijë nga 6 kopshte

Data 06.03.2024 10:00

Aktiviteti: Panair me ushqime tradicionale, këngë, valle, ekspozite me punime.

Vendi: Parku “Rinia”

Tema: “Ejani në sofrën tonë”

Pjesmarrës: fëmijë nga 5 kopshte

Data 07.03.2024 10:00

Aktiviteti: Lojra popullore, aktivitete sportive, këngë, valle

Vendi: Parku “Rinia”/Stadiumi “Elbasan Arena”

Tema:“Luajmë së bashku nën ritmet e pranverës”

Pjesmarrës: fëmijë nga 5 kopshte

Data 08.03.2024 10:00

Aktiviteti: Koncerti përmbyllës me këngë dhe valle.

Vendi: Parku “Rinia” ose sheshi para stadiumit

Tema: “Zë i vogël – Frymëzim i madh”

Pjesmarrës: Kopshtet dhe klasat përgatitore

   
Data 08.03.2024 16:00

Aktiviteti: “Diell dhe Dallëndyshe”

Vendi: Porta e kalasë

Data 09.03.2024 10:00

Simpozium me temë “Historiku i Ditës së Verës”, Biblioteka “Qemal Baholli”.

Data 09.03.2024

Kartolina e Qendrës Kulturore të Fëmijëve për Ditën e Verës 2024.

Kënga dhe Videoklipi “Erdhi Pranvera”

Solistja, kori dhe grupi i parë i kërcimit.

Data 10.03.2024 18:00

Koncert recital i këngëtarit të mirënjohur Shpat Deda – Teatri “Skampa”.

Data 10.03.2024 10:00

Ekspozitë e makinave klasike “RETRO”, Vendi: Sheshi “Gensher”.

Data 10.03.2024 16:00

Koncert Festiv, Qendra Kulturore e Fëmijëve “Luajmë dhe vallzojmë”

Këngë, valle, humor, animatorë.

Data 9, 10,11 /03.2024 10:00-17:00

2 ekspozita fotografike

“Elbasani ndër vite”  dhe “Elbasani sot e dje”

Data 11.03.2024 11:00

Kampionati i Basketbollit

Djem e Vajza “Kupa e Luleve”

Finalet në Pallatin e Sportit “Tomorr Sinani”

Qendra kulturore e fëmijëve

Data 11, 12, 13, 14 /03.2024 10:00-14:00

“Panairi i Zejeve” si demonstrim i traditave popullore, prodhimeve vendase dhe bio, punimet me dorë nga artizanët e të gjithë njesive administrative të Elbasanit.

Zhvillohet në qendër të qytetit.  

Data 11.03.2024 18:00

”Dritës Tate Xhevahir”- 2, koncert me të ftuar këngëtaren e mirënjohur Elina Duni, e cila me stilin e saj të vecantë do risjellë këngët e vjetra Elbasanase dhe jo vetëm.

Me pjesëmarrjen e orkestres së harqeve të Elbasanit, në ambientet e Teatrit “Skampa”.

Data 11.03.2024 11:00

Panairi i shkollave “Art e Zeje”

Data 12.03.2024 18:30

”Sofra Elbasanase”, aktivitet i kthyer në traditë, me të ftuar të shumtë nga të gjithë trevat e Shqipërisë e jo vetëm.  Ky aktivitet ka si qëllim promovimin e traditave më të mira elbasanase, kulinarisë vendase, mikpritjes, turizmit, muzikës popullore, veshjeve popullore etj.

Data 12.03.2024 11:00

Kampionati i Volejbollit  

Djem e Vajza “Kupa e Luleve”

Finalet në Pallatin e Sportit “Tomorr Sinani”

Qendra kulturore e fëmijëve

Data 12.03.2024

“Defile”- Parada me trupat e ansambleve të gjithë qarkut, si dhe nga Maqedonia, Kosova etj. Ky aktivitet do të nisë rreth orës 16:00 nga sheshi përpara stadiumit, do parakalohet përgjatë gjithë bulevardit nën atmosferën e këngëve dhe valleve tradicionale. Më pas në orën 17:00 të gjitha trupat do ngjiten në skenën kryesore tek sheshi “Gensher” dhe do të performojnë programet e tyre artistikë.

Data 13.03.2024 18:00

Koncert i madh në sheshin “Gensher”, me këngetarët më në zë të momentit, trupa kërcimi, akrobaci, spektakël fishekzjarresh.

Data 14.03.2024 09:00

Parada e Ditës së Verës

20 shkollat 9-vjecare të Bashkisë Elbasan

Fabula, karnavale, përformancë etj.

Data 14.03.2024 09:00

Panairi i Sportit, aktivitet demostrativ nga disiplinat e Klubit Shumësportësh

Data 14.03.2024 09:00

Ekspozitë me punime nga fëmijët me AK Vendi: Lulishtja përpara pallatit të sportit “Tomorr Sinani”

Data 14.03.2024 09:00

Panairi i bujqësisë si demonstrim i prodhimeve vendase dhe bio, fermerë nga  njësitë administrative të Elbasanit.

Data 14.03.2024 10:00

“Festivali i bollokumes” , i sjellë për të dytin vit, si demonstrim i artit të bërjes së bollokumeve “live” nga amvisat elbasanase.

Data 14.03.2024 10:00

Aktivitet argëtues dhe kreativ me fëmijë. (Pocaria)

Data.14.03.2024 11:00
Koncerti i madh në sheshin “Gensher” i përgatitur si pjesë e mozaikut të madh të aktiviteteve që do mbahen në këtë ditë.

Më pas festimet do të vijojnë nëpër familje, shtëpi, njesi shërbimi e natyrë…    

Nga data 4 deri më 14 Mars, bëhuni pjesë e larmisë festive në qytetin me plot histori, traditë, ekspozita, konkurse, panaire, poçeri, lights shoë, koncerte dhe shumë e shumë të tjera.

Elbasani, qyteti i shumë portave dhe sofrave, në këto ditë hap dyert dhe mirëpret me qindra miq jo vetëm nga vendi, por edhe trojet shqipfolëse e më tej, për të festuar Ditën e Verës.

 Tradita shekullore në Elbasanin e luleve, ëmbëlsirës së ballokumes, në qytetin e artit, kulturës, arsimit, trashëgimisë kulturore dhe kulinarisë vazhdon, ku sofrat e qytetit janë të shtruara për të gjithë miqtë për t’i uruar mirëseardhjen pranverës.

Ju mirëpresim për të përjetuar çaste si kurrë më parë.

Me kryefjalë jehonën e turizmit të qëndrueshëm, në Pallatin e Kongreseve u çel Panairi “Tourism & Travel Show Albania 2024”, i cili ka mbledhur në Tiranë, ekspozues dhe biznese edhe nga Elbasani,

Një mundësi e shkëlqyer për t’u njohur me produktin turistik të Elbasanit dhe shtimit të numrit të vizitorëve në qytet.

Mbrëmja Gala në “Skampa” e cila mbyll edhe vitin kalendarik të aktiviteteve në Elbasan, ka kulmuar në një koncert të madh festiv, nën kujdesin e vecantë të kryetarit të bashkisë Gledian Llatja.

Këtë vit “Grand Gala”, ka ngjitur në skenë 150 artistë vetëm nga Elbasani, nën dirigjimin e maestro Antonio Pine, dhe interpretimin e Orkestra e Harqeve Elbasan, Qendra Kulturore e Fëmijëve, Banda Frymore Afërdita. Gjithashtu janë nderuar me titullin “ Nderi i qytetit” emblemat e teatrit “ Skampa” ndër vite, si Hasan Hoxha, Thoma Kristo dhe Tomorr Shishmani.

Në përshendetjen e tij kryetari  i bashkisë Z. Gledian Llatja pohoi se edhe ky vit që po lemë pas ka qenë i ngjeshur plot me aktivitete nga fusha teatrit, muzikës, teatrit të kukullave, kërcimit etj.

“Këtë herë ndryshe nga herët e tjera nata Gala është fokusuar vetëm në Elbasan, me trupat tona të qytetit nga Qendra Kulturore e Fëmijëve, Orkestra e harqeve dhe Banda Frymore.

Në këtë skenë gjatë këtij viti janë ngjitur artistë të mirënjohur lokalë, kombëtarë dhe ndërkombëtarë. Kemi pasur aktivitete dinjitoze që vazhdojnë t’a mbajnë lart profesionalizmin e Teatrit “Skampa”.

Edhe vitin e ardhshëm do vazhdojmë me të njëjtat ritme dhe do të kemi në vëmendje shtimin e larmishmërisë artistike të Teatrit “Skampa”.

Sakaq Z. LLatja ka nderuar me titullin “Nderi i qytetit” 3 artistë, që i kanë dhënë shumë këtij teatri, jetës artistike dhe qytetit. U nderua me këtë titull Hasan Hoxha, (pas vdekjes) titulli “Nderi i Qytetit” me motivacionin “Për kontributin e tij të çmuar si intelektual, studiues shkencor e si regjizor i Teatrit të Kukullave  në edukimin e argetimin e fëmijëve në breza”.

Thoma Kristo (i jepet pas vdekjes) titulli “Nderi i Qytetit” me motivacionin “Për kontributin e shquar si aktor e regjizor në lëvizjen artistike profesioniste e amatore në Elbasan e më gjërë”.

Tomorr Shishmani, i jepet titulli “Nderi i Qytetit” me motivacionin “Për kontributin e dhënë si aktor e regjizor me nivel të lartë artistik në Teatrin Profesionist “Skampa” dhe në lëvizjen artistike amatore”.

Një mbrëmje vetëm për fëmijët në prag të festës së madhe mbarë shqiptare atë të Shpalljes së Pavarësisë.

Koncerti i titulluar “Shqipëria”, u organizua nga Qendra Kulturore ku 111 fëmijë emocionuan publikun e gjërë me interpretimet e tyre

Këtë koncert të madh, ku në skenë janë ngjitur vetëm fëmijët, e ka parë nga afër edhe kryetari i bashkisë Z. Gledian Llatja.

Një përgëzim të madh ai e ka përcjellë për prindërit e fëmijëve, më pas edhe për stafin e kësaj qendre i cili sipas tij – “nga viti në vit Qendra Rinore, vazhdon të siurprizojë duke nxjerrë talente të reja”.

Në vijim kreu i bashkisë ka rendiatur edhe një sërë festash të tjera që na paraprijnë, ku sërisht ata që gëzojnë më shumë dhe protagonistët kryesorë janë fëmijët.

“Ne po bëhemi gati edhe për Festivalin e Fëmijëve, festat e Krishtlindjeve dhe të Vitit të Ri, gjithashtu po përgatitemi edhe për eventin në datën 6 për të ndezur dritat e pemës së Vitit të ri, si edhe më shumë aktivitete plot ndricim në Qendrën Rinore të Fëmijëve.

Gjithashtu vitin tjetër ne do të shtojmë disa klasa për fëmijët në qendër të qytetit”.