Aktualitet

Në Njësinë 4 – në Elbasan ka nisur puna për rikonstruksionin e rrugëve lidhëse të lagjjes Visarion Xhuvani – “Azmi Stringa”, “10 Korriku” dhe “Marie Buda”. I mirëpritur dhe falenderuar nga banorët e këtyre lagjeve, kryetari i Bashkisë z. Gledian Llatja i shoqëruar nga deputeti Klevis Xhoxhi, ka parë nga afër punimet për rehabilitimin e këtyre rrugëve. Banorët vetë kanë pohuar se rruga kishte 60 vite pa u shtruar edhe pse një lagje kryesore në qytet. ” Eshtë një premtim i mbajtur nga ana juaj, ndaj ju falenderojmë z. Gledian Llatja”, janë shprehur vetë banorët. Duke ju drejtuar banorëve Llatja u shpreh se ” gjithnjë e kam pasur në vëmëndje lagjen ” Visarion Xhuvani”, pasi prej shumë vitesh janë bërë investime pjesore, por që asnjëherë nuk ishte kryer një investim i tillë. Bashkë me këto investime që po bëjmë në rrugët  “Azmi Stringa”, “10 Korriku” dhe “Marie Buda” ne po mbyllim totalisht investimet në këtë lagjen ” Visarion Xhuvani”. Po bëhet një lagje model, rrugicat e vjetra janë shtruar me pllaka, duke ndjekur të njejtin model me investimet pararendëse”. Bëhet fjalë për një ndërhyrje totale ne këtë lagje , kanalizime të ujrave të bardha, ujrave të shiut, trotuare, ndricim, asfalt, me qëllim që ti shërbejë dhe përmirësojë jeten banorëve të kësaj lagjeje.  Duke u ndalur tek investimet në rehabilitimin e shumë lagjeve në qytet Llatja shtoi se ” po vazjdojmë edhe për sistemimin në lagjen ” Aqif Pasha”, në lagjen ” Partizani”, po vazhdojmë në qendër dhe në të gjithë qytetin. Gjithashtu po bëjmë punë edhe në zonat periferike që duhet të ishin bërë para shumë vitesh, jemi koshient për këtë, e kemi marrë përsipër ta bëjmë dhe do ta bëjmë deri në fund”. Kreu i Bashkisë ka falenderuar banorët e kësaj lagjeje të madhe në qytet për mbështetjen e vazhdueshme që i kanë dhënë. Një nga banorët autokton të kësaj lagjeje i cili është invalid,  ka pohuar se ” jam përballur disa herë me situata jo të mira kur rruga ka qenë e amortizuar, jam rrëzuar disa herë, ndaj ju falenderoj për këtë investim që keni bërë në rrugën ku unë kaloj disa herë në ditë. Ne shohim tek ju kryetarin që nuk bën dallime të majtë e të djathtë, ti punon për Elbasanin tënd, ndaj ju urojmë që të jesh gjithnjë në ball të punës.” Sakaq edhe në rrugët kryesore “Azmi Stringa” dhe ” 10 Korriku” punimet vazhdojnë në asfaltim dhe trotuare. Edhe në këto dy rrugë të lagjes  “Visarion Xhuvani”, punimet janë në vazhdimësi, pas një kërkese të kahershme të banorëve. ” Kemi marrë përsipër që lagjet e vjetra të Elbasanit ti urbanizojmë të gjitha. Ky është një shembull i mirë i asaj që kemi nisur para 4 vitesh urbanizimin dhe rehabilitimin e të gjitha rrugëve të vjetra të Elbasanit, rrigicave dhe lagjeve të cilat kanë qenë problematike sa i përket zhvillimit urban.                   Ky është shembull i mirë ku Bashkia në bashkëpunim me qytetarët, por falë edhe stabilizimit financiar që i kemi bërë bashkisë kemi arritur që të ndërhyjmë edhe me buxhetet tona në shumë rrugë dhe rrugica të vjetra të Elbasanit”. Nga ana e tij deputeti Xhoxhi ka falenderuar kreun e Bashkisë i cili sipas tij ktheu në realitet kërkesën e kahershme të banorëve për rehabilitimin e këtyre rrugëve, duke mbajtur premtimin.

Rajoni nr 6 dhe ai numër 5 të cilat janë edhe zonat me të mëdha informale në bashkinë e Elbasanit, janë kthyer në kantier ndërtimi. Njëkohësisht bashkia Elbasan po ndërhyn në rehabilitimin e 4 rrugëve ” Koco Brisku”, ” Ibrahim Berania” ” Theofan Popa” dhe ” Ndricim Duraku”. Punimet i ka  inspektuar kryetari i Bashkisë Gledian Llatja i shoqëruar nga numuri dy i PS Damian Gjiknuri si edhe Ministria e Arsimit dhe Sportit Evis Kushi. Duke bërë një paraqitje të punimeve që po realizohen në këto rajone z. Llatja tha se” janë 200 familje të cilat përfitojnë drejtëpërdrejtë nga këto investime që po bëjmë”. Janë rreth 750 metra lineare rrugë e cila po rehabilitohet totalisht. Para një viti e gjysme me deputeten Evisin ne i dhamë fjalën banorëve dhe e mbajtëm për ndërhyrjen në këtë zonë dhe në infrastrukturën rrugore. Llatja shtoi se ” po ndërhyjmë në  këto katër rrugë si edhe me segmentet e vogla që lidhen me banesat me qëllim që të përmirësojmë cilësinë e jetës së shtëpive të banorëve”. Duke u ndalur edhe tek problematikat që kanë pasur zonat informale në qytet  Llatja shtoi se” kemi bërë ndërhyrje të vazhdueshme, Rajoni Nr 6 si edhe lagja ” 5 Maji” kanë problematikat kryesore me kanalizimet e  ujrave të zeza, me infrastrukturën e  rrugës, ndricimin rrugor, ishte një zonë e qytetit totalisht e paformalizuar. Në programin tonë që kemi për normalizimin e zonave informale në të gjitha periferitë e Elbasanit tregon që ka sjellë një impakt shumë të mirë tek të gjithë banorët. Ne do të vijmë shpesh në lagjen ” 5 Maji” , sepse kemi shumë punë akoma, po vazhdojmë me infrastrukturën jo vetëm në “5 Maji”, por në të gjitha zonat informale, ashtu si ishim edhe në lagjen ” Haxhias” tek rruga ” Theofan Popa”, të cilat do të shndërrohen në lagje periferike model të qytetit të Elbasanit. Bëhet fjale pë rajonin nr 5 ku kjo lagje lidhet edhe me zonën e ullishtës e urbanizuar pas viteve 1994 , por tashmë pas shumë vitesh është e kthyer në një lagje të vjetër pasi është konsoliduar në urbanizin e saj . Por edhe në këtë lagje infrastruktura ka qenë një problematikë shumë e madhe. Kreu i bashkisë pohon se ” gjatë këtyre tre vite këtu është ndërhyrë në ujin e pijshëm  kanalizmet e ujrave të zeza, ndërsa aktualisht janë 100 metra rrugë të cilat po rehabilitohen totalisht nga fillimi”. Kjo lagje i shërben rreth 1500 banorëve, dhe cilësohet si një nga zonat periferike më të bukura të Elbasanit, pasi rrethohet nga kurora e ullishtës. ” Tek të gjithë këto rrugë të vjetra dhe fshatra këto 30 vite është premtuar pa fund nga të gjithë kush ka shkuar nga deputetë dhe kandidatë bashkish, por këtu në këtë lagje ka pasur një fenomen sepse asnjë nuk e ka premtuar sepse i dukej totalisht e pamundur që kjo rrugë do bëhej, dhe cuditërisht asnjë  nuk e kishte premtuar”, shtoi z. Llatja. Edhe kjo rrugë ka qenë një kërkesë e kahershme e banorëve të cilët janë dakordësuar me bashkinë për heqjen e gardheve dhe prishjen e mureve me qellim kryerjen e investimit të rrugës në total. “Ky është qëllimi jonë të punojmë cdo ditë. Të tjerët vazhdojnë llafet ne vazhdojmë punën, nuk kemi pushuar asnjëherë. Ne për këtë jemi, bëjmë punë në vazhdimësi, kemi shumë punë të tjera për të bërë dhe do të  vazhdojmë përpara”, tha kryebashkiaku.

Një koncert i madh festiv mbylli natën e verës në Elbasan, për t’ ja lënë rradhën festimeve të  14 marsit.  Me qindra qytetarë kanë dalë në shesh ku në një atmosferë të gëzuar dhe koncertit të madh festiv ata kanë pritur orën e mëngjesit nën shoqërinë e këngëtarëve të njohur, për t’i uruar mirëseardhjen pranverës.  Qytetarë janë mbledhur në shesh për të festuar dhe shpërndarë mes tyre ballokumet, dhe urimet për më shumë harmoni, paqe e shëndet. Mëngjesi i 14 Marsit e ka gjetur sërisht qytetin plot me qytetarë, ndërsa bulevardi ka qenë i rezervuar vetëm për fëmijët e shkollave në aktivitetin e tyre të përvitshëm, karnavalet.Të mirëpritur nga Kryetari i Bashkisë z. Gledian Llatja qytetin e kanë vizituar edhe kryeministri i vendit, deputetë, por edhe të apasioniarit e kësaj feste, nga vendi, por edhe Kosova, Maqedonia, si edhe turistë të huaj, të cilët të ndodhur në Shqipëri kanë mbërritur në Elbasan për të shijuar ballokumen e shijshme, si edhe panairin, ekspozitat, aktivitetet sportive dhe artistike të të rinjve, për mos harruar edhe koncertin ne shesh dhe në teatrin ” Skampa”. Plot 27 aktivitete në 5 ditë rradhazi e kthyen Elbasanin në qendrên e festimeve në mbarë vendin. Bashkia Elbasan, nga viti në vit ka rritur gamën e aktiviteteve, duke përfshirë edhe traditat e Bashkisë së madhe, ku punimet artizanale dhe kulinaria, u prezantuan në shesh edhe nga zonjat dhe vogëlushet e njësive administrative në qytet. Këto 5 ditë të gjithë hotelet e qytetit dhe periferisë, Gjinarit turistik janë të prenotuara, Krasta është tejmbushur me qytetarë që i shijojnë gatimet e tyre në natyrë, ndërsa Funari turistik ka mirëpritur qindra qytetarë për të drekuar dhe shijuar lëndinat dhe liqenin i cili ka marrë ngjyrën e pranverës. Lokale të tejmbushura me qytetarë nën ritmin e muzikës popullore elbasanase festojnë drekën e Ditës së Verës. Në një thirrje miqësore, vetë kryebashkiaku i Elbasanit Gledian Llatja ftoi të gjithë qytetarët kudo që ndodhen të festojnë në elbasanin e traditës, historisë, kulturës dhe bashkëjetesës fetare, duke e kthyer qytetin në një arenë të vërtetë festimesh të cilat do të mbeten gjatë në mendjet e tyre.

Ç’është Dita e Verës?

Është dita në të cilën shtërgjyshërit t’anë, kur s’kish lindur edhe krishtërimi, kremtojin bashkë me Romanët dhe me Grekët e Vjetër, perëndit’ e luleve, të shelgjeve, të krojeve. Kur çkrin dimëri, kur qaset Vera buzëqeshur e hollë dhe e gjatë si në piktyrë të Botticellit, zemra e njeriut çgarkohet nga një barë, shijon një qetësi, një lumtësi t’ëmblë. Në këtë gëzim, stërgjyshërit t’anë ndiejin një detyrë t’u falen perëndive që sillnin këto mirësira. Dhe ashtu leu festa hiroshe që quajmë Dit’ e Verës.

***Dhe me këtë epitaf nga Faik Bej Konica në vitin e largët 1911, Kryetari i Bashkisë z. Gledian Llatja ka falenderuar gjthkënd që zgjodhi Elbasanin për të pritur pranverën.

Siparin e festimeve të ditës së verës në datën 13 mars, e ka hapur turi çiklistik ku të gjithë moshat kanë pedaluar në qytet, duke vijuar kështu traditën e çiklizmit. I titulluar “Stafeta e Vlerave” turi është organizuar në bashkëpunim me Federatën Shqiptare të Çiklizmit, Akademinë Olimpike Shqiptare, Zyrën Vendore Arsimore Elbasan dhe Bashkinë Elbasan.

Në prani të Ministres së Arsimit dhe Sporteve, kryetari i Bashkisë Gledian Llatja, ka përshëndetur pedaluesit ndërsa ka pohuar se “kemi disa kohë që kemi filluar të ngrejmë sportet në Elbasan, ne jemi gjatë të gjithë kohës në mbështetje të tyre, ndaj e mbështesim edhe këtë aktivitet”, tha Llatja duke falenderuar federatën e çiklizmit. Ministria Evis Kushi, e vuri theksin tek sporti dhe benefitet që ka.

 “Sporti ndihmon për një jetë të shëndetshme, i tillë është edhe sporti i çiklizmit, biçekleta e cila na ndihmon të kemi edhe një mjedis të pastër. Aktivitete të tilla shërbejnë për të promovuar jo vetëm vlerat e çiklizmit, por edhe ndikimin që ka sporti në përgjithësi për të patur një jetë të shëndetshme fizike, psikologjike, emocionale e sociale. Komentatori Dritan Shakohoxha përshëndeti këtë  event, ndërsa vlerësoi kujdesin e veçantë të Bashkisë z. Gledian Llatja duke thënë se “ky aktivitet realizohet edhe nën kujdesin e veçantë të kryetarit të Bashkisë Gledian Llatja, i cili po rindez edhe një herë zjarrin e futbollit i cili ishte shuar në këtë qytet”, ndërsa aktivitetin e ka përshëndetur edhe presidenti i Fedaratës Shqiptare të Ciklizmit.

 Pas këtij aktividteti, të tjera aktivitete do të vizhdojnë sot në Elbasan, për t’u mbyllur në orët e para të mëngjesit me koncertin e madh festiv në qendër të qytetit.

Elbasani, qyteti i shumë portave dhe sofrave ka hapur dyert dhe mirëpret me qindra miq jo vetëm nga vendi, por edhe trojet shqipfolëse e më tej, për të festuar Ditën e Verës. 

Tradita shekullore në Elbasanin e luleve, ëmbëlsirës së ballokumes, në qytetin e artit, kulturës, arsimit, trashëgimisë kulturore dhe kulinarisë vazhdon, ku sofrat e qytetit janë të shtruara për të gjithë miqtë për t’i uruar mirëseardhjen pranverës. 

Si festë pagane, “Dita e Verës’, shpreh adhurimin dhe simpatinë për natyrën dhe veprat e saj mbi tokë. 

Ndaj, Elbasani është shndërruar në kryeqendër të festimeve edhe këtë 14 mars, ku nën kujdesin e veçantë të kryetarit të Bashkisë Gledian Llatja, do të realizohen një sërë aktivitetesh artistike, për fëmijë, të rinj e të rritur. 

Festimet e ditës së verës kanë nisur me shumë aktivitete si edhe “Sofra e Elbasanit” me temë “S’vyshket Lulja e e Elbasanit, s’mehet Sofra e Bujarisë”, ku gërshetohet tradita, e lashta me modernen, e bukura dhe kënaqësia, miqësia dhe dashuria. 

Qendra e Artit, ka sjellë ripërjetimin e Sofrës Elbasanase, që bën bashkë kulinarinë, folklorin dhe traditën. E konceptuar me dekor që sjell ndjesinë e Kalasë së Elbasanit, inskenim i dasmave të vjetra elbasanase, gatim live si në një shtëpi të vjetër Elbasani. 

“Sofra e Elbasanit” ka qenë gjithmonë plot per miqtë, ndaj mirëseerdhët në Elbasan. Ne kemi shumë tradita qytetare, shumë këngë, ndaj uroj të kënaqeni bashkë me miqtë e tonë në Elbasan. Këto janë vlerat tona, ne jemi ai qytet i lashtë që ka mbjell kulturën, dijen dhe arsimin. Ne jemi Elbasani, dhe ne e kemi traditën e Ditës së Verës të cilën do ta vazhdojmë ta trashëgojmë ndër breza”, tha Llatja. 

Në këtë event kanë nderuar me pjesëmarrjen e tyre deputetët e Elbasanit si edhe drejtuesi politik i qarkut Damian Gjiknuri, artistë të këngës popullore, tenori Kastriot Tusha, vëllezërit Zena, Shkëlzen Jetishi. 

Sofrën e ka përshëndetur Ansambli Kombëtar i Tiranës, si edhe etnologu Thanas Meksi, i cili kontributin e tij e ka dhënë duke shkruar për vlerat e Elbasanit. 

Elbasanllinjtë në “Ditën e Verës” mblidhen në sofra dhe festojnë për më shumë begati e shëndet, ata falënderojnë natyrën, Perëndinë për këtë mrekulli qe ka dhuruar, stinën e verës. 

21 aktivitete, në 5 ditë fantastike do të shoqërojnë festën e ardhjes së pranverës në qytetin ku edhe la lindur kjo festë.

 Edhe pse ka marrë përmasa të mëdha në të gjithë vendin, festimet e Ditës së Verës, e kanë kryeqendrën në Elbasan.

Nën kujdesin e veçantë të Kryetarit të Bashkisë së Elbasanit, festimet e Ditës së Verës, do të startojnë në datë 10 Mars për t’u finalizuar me drekën e 14 Marsit.  

21 organizime festive në 7 pika të qytetit të Elbasanit, kjo është edhe harta e festimeve në prag të Ditës së Verës, deri në perëndimin e 14 Marsit.

Axhenda e aktiviteteve për Ditën e Verës:

Data 10 Mars

Kampionatet Sportive, Pallati i Sportit ” Tomorr Sinani”, nga ora 09.00 deri 20.00

Sofra e Elbasanit: S’vyshket lulja e Elbasanit, s’mehet sofra e bujarisë”  Fish Sity Rozafa

ora 17.00

11 Mars

Koleksioni i mjeteve Retro, Sheshi ” Gensher”, ora 11.00

Street Party,  Sheshi ” Gensher”, ora 11.00

Koncert ” Dritës tande xhevahir” Edda Zari. Teatri ” Skampa”, ora 18.00

Jazz Festival  Sheshi ” Gensher”, ora 20.00

12 mars

” Elbasan cross tour” Turi i çiklizmit, Stadiumi ” Elbasan Arena”, ” Sheshi Gensher”, ora 11.00

Kampionati i futbollit mes shkollave të mesme të Elbasanit, Komleksi sportiv ” Shefqet Lamçja”, ora 11.00

Defile: Paradë e Asambleve popullore artistike, Stadiumi ” Elbasan Arena”, ” Sheshi Gensher”, ora 16.00

” Nën, tingujt e folkut vjen pranvera”, Koncert me muzikë popullore, Sheshi ” Gensher” ora 18.00

13 Mars

” Cicërimat e Pranverës”, koncert nga fëmijët e kopshteve, Parku ” Rinia” ora 10.00

” Këndi i Balonave” Stadiumi ” Elbasan Arena”, ora 12.00

” Java Olimpike” Finale, Pallati i Sportit ” Tomorr Sinani”

Koncert i madh festiv, ” Eja n’elbasan”, sheshi ” Gensher” ora 20.00

14 mars

Parada e Karnavaleve, Bulevardi ” Aqif Pasha” ora 09.00

Koncert për fëmijë ” Mirëseerdhe pranverë” Sheshi ” Gensher” ora 10.00

Panairi i Zejeve, Lulishtja ” Aqif Pasha” ora 10.00 – 20.00

Ekspozitë : ” Elbasani nën penel”, Sheshi ” Kozma Naska”, ora 10.00 – 12.00

Arena e Sportit, Stadiumi ” Elbasan Arena” ora 11.00 – 12.30

Koncert festiv: Diell n’elbasan”, Sheshi ” Gensher” ora 11.00 – 12.30

Për të shijuar këto larmi aktivtetesh me rastin e festës pagane të ” Ditës së Verës”Kreu i Bashkisë Z. Gledian Llatja, fton të gjithë shqiptarët kudo ku ndodhen brenda dhe jashtë vendit që të bashkohen dhe të shijojnë kënaqësinë e stinës së pranverës në Elbasanin e luleve dhe traditës.

Bashkia e Elbasanit, së bashku me Ministrin e Arsimit dhe Sporteve, si edhe me elitën e qytetit, së shpejti do të realizojnë projektin e shumë kërkuar atë të Muzeut të Arsimit.

Në ceremoninë e organizuar me rastin e festës së 7 Marsit, Kryetari i Bashkisë z. Gledian Llatja, i shoqëruar nga Ministria e Arsimit dhe Sportit Evis Kushi, si edhe drejtuesi politik i qarkut Damian Gjiknuri, kanë zhvilluar një ceremoni festive me mësues dhe pedagogë të njohur të Elbasanit. Në këtë ceremoni, ku janë shpërndarë edhe çertifikata “Mirënjohja e Qytetit”, për 15 mësues e pedagogë, kryebashkiaku Llatja ka bërë edhe premtimin e madh, të ngritjes së një Muzeu Arsimi në qytet.

“Bashkë me Ministren e Arsimit Evisi Kushi, bashkë me njerëz të mirë të qytetit tonë që kanë një vizion, duam të bëjmë një Muze të Arsimit, godinën e kemi, Ish Drejtoria Arsimore, e kemi miratuar edhe buxhetin ne si Bashki, që ta rikonstruktojmë dhe më pas të realizojmë projektin tonë modelin e mirë të muzeve, atë të arsimit dhe më pas edhe muzeun e Telekomunikacionit, pasi Ministri i Parë i Post Telegraf ka qenë patrioti i shquar elbasanas Lef Nosi. Qyteti e do muzeun e arsimit, mësuesit e kanë dashur, kemi në shkollat tona muze të vegjël, të cilët janë thesar, por duam ta bëjmë një për qytetin, të tregojmë vlerat dhe pasuritë që kemi pasur dhe kemi në fushën e arsimit.

 Na duhet ndihma juaj për të konceptuar një model të mirë që të jetë jo vetëm bashkohor por të krijojë edhe breza të rinj, për të parë vlerën e Elbasanit dhe kulturën që kemi transmetuar jo vetëm në qytet por edhe në të gjithë trevat shqiptare”, ju drejtua Llatja ish mësuesve, elitë të qytetit.

15 mësues në Elbasan, janë vlerësuar me çertifikatën e Mirënjohja e Qytetit me motivacionin “Për kontributin e çmuar gjatë të gjithë jetës profesionale si mësues në arsimin e brezave dhe edukimin e tyre si qytetar të denjë të këtij vendi”.

 Në vijim kryebashkiaku Gledian Llatja, vlerësoi edhe punën e shkëlqyer të mësuesit pasi sipas tij “Elbasani ka shumë me çfarë të krenohet, ka shumë mësues, ka shumë histori, ka shumë kulturë, breza që ju ju kujtojnë me nostaligji shumë të madhe. Ndaj kemi për ju një Mirënjohje të madhe, jo vetëm për ju por për një sërë mësuesisht të cilët kanë dhënë shpirtin për të rritur breza të rinj për të pasur breza sa më të shëndetshëm në Elbasan por edhe në të gjithë Shqipërinë. Shumë faleminderit për punën e gjatë dhe kolosale që keni bërë natë dhe ditë, një sakrificë e juaja për të rritur një berez të shëndetshëm, aq sa keni sakrifkuar veten tuaj dhe familjet tuaja, Mirënjohja për ju është mksimumi që qyteti j’ua kthen mbrapsht. Ne ju jemi shumë mirënjohes, sot është një ditë e shenjtë për të gjithë mësuesit për të gjithë brezat që keni rritur, është nder për ne që ju kemi”, përfundoi Llatja.Janë vlerësuar me titullin “Mirënjohja e Qytetit” mësuesit dhe pedagogët, Vilma Tafani, Bardha Gjini, Joana Myftiu, Mirjam Myftiu, Roland Gjini, Xhuljeta Daja, Tomorr Arjaniti, Elida Cabej, Petrit Peni, Liliana Nosi, Drita Isaj, Rukije Kila, Mehmet Shipka, Kaliro Guxho, dhe Lumturi Hasani. Të përlotur, këta mësues të nderuar të Elbasanit, kanë falenderuar Bashkinë dhe në veçanti kryebashkiakun Llatja për këtë mirënjohje dhe vlerësim që i kanë dhënë. “Jemi shumë të gëzuar që marrim këto dekorata”, kanë deklaruar mësuesit e nderuar.

Festa pagane e Ditës së verës e cila traditën e ka në Elbasan, në qytetin e luleve, nuk mund të konceptohet e tillë pa fëmijët. Janë vogëlushët ata të cilët lumturohen dhe e  presin me pa durim këtë festë të lashtë. Larmi aktivitetesh kanë nisur të realizohen në të gjitha kopshtet e qytetit të Elbasanit, ku nën drejtimin e stafit të Arsimit Parashkollor, vogëlushet kanë performuar mjaft bukur, vjershat, këngët, lojëra të ndryshme si edhe dramatizime  në fokus të të cilave kanë qenë për lulet, për dashurinë ndaj njëri tjetrit e për ardhjen e Verës. Dekoret e bukura gërshetuar me veshjet verore dhe plot ngjyra kanë celur edhe siparin e festimeve të kësaj feste të lashtë në Elbasan. Një skenë e vërtetë me plot ngjyra dhe lule, është krijuar
vetëm për vogëlushët, duke i kthyer ato në artistë të vërtetë. Me shumë profesionalizëm për moshën e tyre, vogëlushët realizuan një shfaqje të vërtetë,  të interpretuar me mjaft dashuri. Ditën e sotme kanë perfomuar dhe festuar 8 kopshte për të vijuar me 8 kopshte të tjera ditën e nesërme , e për ti lënë më pas vendin kopshteve parashkollore në qytet. Aktivitetet të cilat kanë nisur me kopshtet organizohen nën kujdesin e vecantë të kryetarit të Bashkisë Z. Gledian Llatja, i cili një fokus të vecantë të festimeve ia ka kushtuar fëmijëve. E pranishme në këto evente ka qenë edhe  nënkryetarja e bashkisë Vesa Lico, e vuri theksin tek vëmëndja që bashkia ka për fëmijët, si e ardhmja e vendit. “Nuk mund të ketë festa pa fëmijët”, pohoi znj Lico.  Më e hershme se krishtërimi Dita e Verës përcjell tek vogëlushët kënaqësinë që asnjë i rritur nuk mund ta ketë. Me ciltërsinë dhe naivitetin që kanë,vogëlushët janë të parët që nisin festimet dhe të fundit që i mbeten në mendje, duke i krijuar eksperienca të reja e  emocione të bukura dhe të paharruara.

Qendra rajonale e   formimit profesional në Elbasan, e ka kthyer në traditë që pas përfundimit të kurseve të të rinjve në fusha të ndryshme të punësimit, të organizojë edhe ceremoninë e shpërndarjes së certifikatave të trajnimit në këtë qendër.

Çdo vit më shumë se 1 mijë praktikantë ndjekin programet e formimit profesional, ku certifikohen në profesione në ndryshme dhe shumë prej tyre kanë arritur të hapin sipërmarrjet e tyre duke u vetëpunësuar. Kryetari i bashkisë Elbasan, Gledian Llatja, nën shoqërinë edhe të deputetit Florenc Spaho, ka marrë pjesë në ceremoninë e shpërndarjes së certifikatave për të rinjtë që tashmë kanë një zanat dhe janë të aftë profesionalisht për t’u punësuar në sektorin privat dhe shtetëror. Bashkia Elbasan, ka një bashkëpunim me Zyrën e Punës si edhe me Këshillin e Biznesit, çka ka bërë të mundur edhe punësimin e të rinjve, të cilët trajnohen prej disa muajsh në këtë qendër në profile të ndryshme.

Kryetari i Bashkisë ka inkurajuar të rinjtë që të bëhen pjesë e kurseve profesionale për një të ardhme të garantuar. Kursantë pas kryerjes së kursit janë të aftë të kryejnë një profesion me të cilën sigurojnë të ardhmen e tyre. Elbasani ofron shumë mundësi, sepse është një zonë me karakter industrial, dhe investimet do të shtohen, ndaj dhe do të ketë akoma më shumë nevojë për punësim. Duke parë këtë perspektivë shumë të rinj i janë kthyer profesionit si një siguri, dhe mundësi punësimi.  

Qendra ka kaluar edhe kufijtë, të rinj të huaj janë certifikuar duke marrë zanat në këtë qendër. Shumë nga praktikantë që kanë ndjekur programet në Qendrën e Formimit Profesional e kanë hapur sipërmarrjet e tyre duke u vetëpunësuar.

Gjatë kësaj periudhe në qendrën rajonale të formimit profesional është përmirësuar cilësia e kabineteve nëpërmjet bashkëpunimit me donatorë të ndryshëm, kabineti i ndërtimit, automekanikës, parukeri, estetisë, kursi i berberit, etj.Qendra funksionon për të gjithë bashkitë e qarkut.