Lajme

Në mbështetje të ligjit nr.48 “Për disa shtesa dhe ndryshime në ligjin nr. 69/2012, “Për sistemin arsimor parauniversitar në Republikën e Shqipërisë”, të ndryshuar neni 15, dhe udhëzimit nr.2, datë 28.01.2020 “Për procedurat e emërimit, pezullimit dhe shkarkimit të drejtorit të institucionit public të arsimit parauniversitar”, Bashkia Elbasan shpall konkurs për drejtues të institucionit arsimor parashkollor në kopshtin Papër, Njësia Administrative Papër, bashkia Elbasan.

1. KUSHTET DHE KRITERET E VECANTA PËR KONKURIM

Kriteret që duhet të plotësojë kandidati për drejtor i institucionit të arsimit parashkollor publik janë:

1. Të zotërojë diplomë universitare të ciklit të parë të studimeve universitare “Bachelor” të formimit për mësues të arsimit parashkollor ose diplomë të njëvlershme me të, sipas përcaktimeve të ligjit 80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”;
2. Të ketë të paktën 5 (pesë) vjet përvojë pune si mësues i arsimit parashkollor;
3. Të mos ketë masa disiplinore në fuqi ndaj tij;
4. Të mos jetë i dënuar me vendim gjyqësor të formës së prerë, për kryerjen e një vepre penale kundrejt të miturve apo për kryerjen e një vepre penale që lidhet me institucionet arsimore apo i rehabilituar për këto vepra penale;

1. DOKUMENTACIONI, MËNYRA DHE AFATI I DORËZIMIT

Dokumentat që duhet të dorëzojë kandidati për drejtor i institucionit të arsimit parashkollor publik janë:

1. Jetëshkrimin dhe kopjet e njësuara me origjinalin të dokumenteve që dëshmojnë pohimet në të , sipas modelit të përcaktuar në shtojcën nr.1, në udhëzimin nr.2/2020;
2. Kopjen e njësuar me origjinalin të diplomës së shkollës së lartë bashkë me listën e notave ;               e detyrueshme
3. Kopjen e njësuar me origjinalin të librezës së punës;
4. Kopjen e dokumentit të identitetit (ID);
5. Vetëdeklarimin e gjendjes gjyqësore, sipas modelit të përcaktuar në shtojcën nr. 2, në udhëzimin nr.2/2020; e detyrueshme
6. Dëshminë e penalitetit të lëshuar jo më herët se 3 muaj para datës së aplikimit; e detyrueshme
7. Vërtetim nga institucioni ku punon, që nuk ka masë disiplinore në fuqi; e detyrueshme
8. Deklaratën e konfliktit të interesit me punonjësit arsimorë të institucionit publik të arsimit parashkollor (bashkëshort/bashkëshorte, prind, vëlla/motër, fëmijë në moshë madhore, prindër të bashkëshortit/bashkëshortes), sipas modelit të përcaktuar në shtojcën nr.3, në udhëzimin nr.2/2020. e detyrueshme

Aplikimi dhe dorëzimi i dokumentave duhet të bëhet nëpërmjet shërbimit postar në Bashkinë Elbasan, jo më vonë se 5 ditë pas shpalljes së njoftimit të vendit të lirë të punës për drejtor të institucionit të arsimit parashkollor publik.

1. KRITERET  MBI TË CILAT DO TË BËHET VLERËSIMI I KANDIDATËVE

Kandidatët do të vlerësohen për dokumentacionin e dorëzuar në lidhje me:

1. Notën mesatare të studimeve të larta;
2. Vlerësimin e provimit të kualifikimit;
3. Dëshminë/të e njohjes së gjuhëve të huaja;
4. Certifikata trajnimesh me kredite;
5. Vjetërsi pune në arsim;
6. Vjetërsi pune si drejtuese;
7. Studime pasuniversitare;
8. Shkrime për cështje të drejtimit të institucionit parashkollor;
9. Intervista e strukturuar;

DATA E DALJES SË REZULTATEVE DHE MËNYRA E KOMUNIKIMIT

Të gjithë kandidatët që aplikojnë për konkurim do të marrin informacion  në faqen zyrtare të Bashkisë Elbasan, për fazat e mëtejshme të procedurës së konkurimit si dhe për datën, vendin dhe orën ku do të zhvillohet intervista me gojë .

Të gjithë kandidatet pjesëmarrës në këtë procedurë do të njoftohen individualisht në mënyrë elektronike për rezultatet (nëpërmjet adresës së e-mail ne CV )

Në këto ditë festash, atmosfera festive është ndier më së shumti tek kopshtet dhe cerdhet e qytetit, ku fëmijët ndihen më krenarë se kurdoherë.

Me veshjet kombëtare, me flamuj në duar, xhamadanë e shamia, nxënësit e kopshteve dhe shkollave në bashkinë e Elbasanit, kanë nisur festimet për 25 Nëntorin shpalljen e Pavarësisë së Elbasanit dhe më pas 28 nëntorin, ditës së flamurit.

Nën kujdesin e mësueseve të tyre fëmijët kanë përgatitur në këto ditë festash këngë, valle, kërcime, me temë patriotike, si edhe punë artistike kushtuar Shpalljes së Pavarësisë.

Keto ditë, ndjenja e patriotizmit dhe dashuria për atdheun vihet në pah më shumë se gjatë ditëve të tjera,

Këshilli Vendor Rinor i Elbasanit pati kënaqësinë të mirëpresë sot në një takim pune një ekip të rinjsh nga Maqedonia e Veriut, të përbërë nga anëtarë të KVR-ve, Agjencisë për Rininë dhe Sportin si dhe punonjës për rininë në bashki të ndryshme të këtij vendi, të cilët po kryejnë një vizitë studimore në Shqipëri.

Në takim, të rinjtë e të dy vendeve patën mundësi të shkëmbejnë përvojat dhe sfidat reciproke për ngritjen, fuqizimin dhe funksionimin e KVR-ve dhe ato të zbatimit të politikave rinore në vendet përkatëse.

Vizita u krye në kuadër të shkëmbimeve rinore të lehtësuara nga Ministria e Shtetit Për Rininë dhe Fëmijët në Shqipëri, si dhe zyrat e UNDP e UNFPA në Shqipëri dhe në Maqedoninë e Veriut, në kuadër të projektit “Të rinjtë për përfshirje, barazi dhe besim” i financuar nga Fondi i OKB-së për Paqen.

#UN4Uth

#Ministria e Rinise dhe Femijeve

#Bashkia Elbasan

#United Nations Albania

#UNDP Albania

#UNFPA Albania

#UNDP North Macedonia

#UNFPA North Macedonia

Në vazhdën e takimeve për të diskutuar rreth buxhetit për vitin 2024, kryetari i bashkisë Z. Gledian Llatja ka zhvilluar një takim me fermerët e Ebasanit, për të parashikuar në vitin 2024 ato investime të cilat janë të domosdoshme, por edhe që mbështesin fermerët.

Ndërsa ka përmedur një sërë investimesh që janë kryer kryesisht në bujqësi gjatë këtyre viteve të fundit, mes tyre edhe unaza bujqësore, kryetari i bashkisë edhe një herë e vuri theksin tek rritja e bashkëpunimit mes fermerëve me qëllim që në të ardhmen të vijojë të ketë një zhvillim të madh si në blektori ashtu edhe në bujqësi.

“Kanalet kulluese, kanalet vaditëse, unaza bujqësore, janë një sërë punësh të mira që ne i kemi bërë bashkë. Për të vazhduar më pas me krijimin që bëmë vjet atë të Grupit Vendor të Krijimit Bujqësor i cili është organizimi i parë në formën e një organizimi federativ, për të bërë politikat bujqësore për bashkinë e Elbasanit”.

Z Llatja vuri në dukje edhe krijimin e agjensisë e cila mbështet bujqësinë, veterinarinë dhe mjedisin.

“Pas dëgjesave publike që bëmë vjet me të gjithë fermerët e Elbasanit dhe me të gjithë Njësitë Administrative, ishim të gjithë të idesë që të krijonim një agjensi që të ishte edhe ajo një mbështetje specifike për bujqësinë, veterinarinë dhe mjedisin.

Ne sot kemi një agjensi të re e cila është fokusuar vetëm tek cështjet e mjedisit, bujqësisë dhe veterinarisë. Unë e kam pasur fokus kryesor bujqësinë, dhe shifrat kanë treguar që kemi qenë efikas, kemi qenë efikas në pastrimin e kanaleve, kjo na ka sjellë një rritje të prodhimit, kemi qenë efikas përsa i përket mbështetjes së fermerëve dhe për garancinë për punimin e tokës së atyre që e kishin mbjellë me pemtari që tashmë është përkthyer në një ligj të posacëm”.

Duke i ofruar sërisht mbështetje fermrëve nëpërmjet politikave fiskale  kryebashkiaku Llatja shtoi ndër të tjera se “ kemi qenë në mbështetje të unazës bujqësore e cila na është përkthyer në rritje të sipërfaqes që kemi sot me sera në fushën e Elbasanit.

Ne jemi përpjekur të bëjmë maksimumin dhe për t’i qëndruar pranë fermerëve. Ne këtë vit po bëjmë politika fiskale shumë të mira, po mbështesim atë që kemi potencialin më kryesor. Në Gjinar dhe Funar të cilat i kemi potenciale kryesore, ne duam t’i mbështesim të rinjtë të cilët duan të hapin një biznes, me mbështetje të drejtëpërdrejtë financiare”.

Takimi me të rinjtë e qytetit, gjithmonë është plot me energji dhe pozitivitet. Zhvilluam një bashkëbisedim ku në fokus ishin projektet e reja transformuese për Elbasanin

Më shumë terrene sportive, zyrën e këshillimit të karrierës, laboratori i inovacionit dhe paratikat profesionale për studentët e rinj.

20 nëntori, “ Dita Ndërkombëtare e të Drejtave të Fëmijëve”, është festuar në të gjithë shkollat e qytetit të Elbasanit.

Në këtë kuadër kryetari i bashkisë Z. Gledian Llatja ka pritur në zyrën e tij fëmijët e klasës së 4 – të shkollës “ Luigj Gurakuqi”, ku edhe ka shkëmbyer me to plot ide për të rdhmen e qytetit,  si edhe ka marrë energjitë pozitive që vetëm fëmijët dijnë t’a dhurojnë më shumë se kushdo.

Kjo ditë ka si qëllim të jetë ditë aktivitetesh me qëllim promovimin dhe objektivat e Kartës për të Drejtat e Fëmijëve për një mirëqenie sa më të mirë të tyre në të gjithë botën.

Muralet shumëngjyrëshe në bllokun e pallateve tashmë të transformuar përgjatë unazës jugore të Elbasanit, konsiderohen si një formë alternative e rinovimit urban.

Si një formë e artit pamor muralet mund të transformojnë hapësirat publike në qytet, duke i dhënë një ndjenjë vendit në zonat urbane, ndryshuar kështu edhe mjedisin e ndërtesës.