Lajme

Janë drejt përfundimit punimet në Poliklinikën e Specialiteteve , një investim që do të sigurojë një standard të ri në kujdesin ambulator dhe një akses më të shpejtë në marrjen e shërbimit për qytetarët

Ky investim është i shumëpritur nga banorët e Elbasaniit, ku falë kësaj ndërhyrje do të ofrohet jo vetëm një shërbim më i mirë për qytetarët, por dhe kushte të denja pune për mjekët. 

Procesi i buxhetimit me pjesëmarrje, ka vijuar në një bashkëbisedim me përfaqësues të biznesit ku edhe është diskutuar për paketën fiskale dhe projekt buxhetin e vitit 2024.

Kryetari i bashkisë Z. Gledian Llatja pohoi se edhe pse do të ketë një ndryshim të tarifave të paketës fiskale, sërisht Elbasanit mbetet qyteti me tarifat më të ulta në rang republike.

“Nëse do të flisnim për të gjitha politikat tona sociale në bashkinë e Elbasanit janë të shumta. Nëse do të flisnim për të gjitha politikat tona që ne bëjmë, për bizneset, ekonominë, studentëtt,etj, do të ishte e pakuptimtë nëse nuk do të fillonim bashkë me buxhetimin e target grupeve. Në buxhetimin me pjesëmarrje ne i kemi kërkuar qytetarëve të shprehin priotitetet e tyre dhe ku ato votojnë për prioritetet e veta.

Qëllimi që jemi mledhur sot me bizneset është paketa fiskale, pasi ju jeni baza ekonomike edhe e bashkisë por edhe të shtetit. Ne vazhdojmë të kemi një ekonomi të qëndrueshme gjatë këtyre viteve, kemi pasur një zhvillim të zonës industriale edhe sa i përket bizneseve të reja të mesme, dhe jemi një trend për shumë biznese të cilat e shohin Tiranën si potencial, dhe Elbasanin si një fasilitus për shumë zhvillime, përsa i përket infrastrukturës që ka zona industriale, punëtorisë, trajnimit që kemi në Qendrat e Formimit Profesional dhe shkollat profesionale,

 Pra, Elbasani shihet si një mundësi dhe oportunitet, Elbasani ka pasur një zhvillim dhe një qnëdrueshmëri të zhvillimit”, tha Z. Llatja.

Duke ju drejtuar bizensmenëve të pranshëm në këtë takim, kryebashkiaku i ftoi ato që të bëhen pjesë e zhvillimeve të qytetit.  

“ Ne si bashki jemi përpjekur maksimalisht të bëjmë më  të mirën tonë për t’i ardhur në  ndihmë bizneseve për të pasur një zhvillim të qëndrueshëm, dhe për t’i dhënë mundësi dhe pole të tjera zhvillimi, ashtu sic po shtyjmë fort projektin e Automoto Parkut, që është një nga projektet tona më të mëdha, që po nuk u bëtë gati ju të parët nuk ka se kush të bëhet gati, ashtu edhe projekti i by – passit , dhe do ju kërkoja që të bëheshit pjesë e këtyre zhvillimeve, si tek Automoto Parku por edhe Gjinari dhe Funari. Por edhe me zhvillimin potencial që merr fusha e Elbasanit, që merr Shushica, dhe zona e Shirgjanit dhe Gjergjanit, sa i përket zhvillimit që do të vijë nga by- passi i Elbasanit.

 Këto janë projektet e mëdha të cilat ne po i shtyjmë përpara për të pasur një zhvillim të qëdrueshmë por edhe një rritje ekonomike të Elbasanit.

 Këtë vit edhe në paketën të cilën do t’i propozojmë këshillit bashkiak, kemi propozuar që të bëhet një zonë e lirë ekonomike përsa i përket taksave të bashkisë për bizneset në 40 m2, për bizneset e vogla të cilat qëllim të tyre kanë turizmin, Ne kemi proprozuar që ato të mos kenë taksa vendore.

 Patjetër që në paketën tonë fiskale ne vazhdojmë të mbështesim fuqishëm disa nga tarifat tona kryesore, ashtu sic është tarifa e ndricmit dhe gjelbërimit për qytetin, apo për infrastrukturën rurale në zonat e fshatit në Njësitë administrative, por edhe për pastrimin.

Me buxhetin e ri që parashikojmë dhe me paketën e re fiskale që parashikohet, ne do të vazhdojmë të mbështesim nga fonde të tjera pra nga të ardhurart tona sekondare, tarifën e ndricimit, pastrimit, dhe tarifën e gjelbërimit.

 Ne do t’i propozojmë këshillit bashkiak që të rrisim një sërë tarifash edhe për shkak të vlerës së lartë që ne na ka kushtuar rritja e punëtorisë, rritja e krahut të punës, rritja e shpenzimeve të tjera aksesore, të cilat para dy vjetësh nuk kanë qenë në këto nivele, por përsëri janë rritur më shumë, por përsëri ne po kalojmë tek rritja e tarifave në mënyrë llogjike.

Prandaj jemi mbeldhur sot këtu për të diskutuar për këto tarifa por edhe për të marrë nga ju ato kërkesa që do të kenë bizneset, sidomos ato që janë më të përqëndruara për infrastrukturën, që ne t’i fusim tek buxheti ynë i vitit 2024 për buxhetimin me pjesëmarrje.

Nuk kemi rritur taksat, kemi vazhduar t’i lejmë në minimumin ligjor, ne edhe taksën e infrastrukturës për ndërtimet e reja, edhe taksën e ndërtimit, edhe taksën e banesave apo godinave i kemi lënë në minimumin ligjor, nuk i kemi lëvizur ato hapësira që ne na jep ligji.

Ajo që ne duam të bëjmë që e kanë kërkuar në vazhdëmisi edhe qytetarët është rritja e tarifave dhe shtimi i investimeve.

  Këtë jemi përpjekur të bëjmë në këto katër vite të gjejmë balancën, dhe këto 2 milion euro që ne i subvencionojmë për tarifat t’i kemi në investime të shtuara dhe të qarkullojnë në ekonominë e qytetit”.

Është menduar që të mos ketë asnjë rritje në taksa, që do të thotë taksa e infrastrukturës është në minimunin që parashikon ligji, kështu që të gjitha subjektet ndërtuese nuk do të kenë asnjë barrë të shtuar për taksën e ndikimit në infrastrukturë nga ndërtimet e reja.

 Ndërkohë që të vetmet rritje që janë parashikuar të bëhen janë në vlerën 25 përqind për të gjitha kategoritë përsa i përket tarifës së pastrimit, ndricimit dhe gjelbërimit, të tre shërbimet të cilat ligji parashkon që e gjithë kostoja e këtyre shërbimeve të mbulohet nga tarifat e mbledhura.

  Sot jemi në një diferencë të cilën e subvencionon bashkia në pjesën më të madhe, dhe me këtë rritje do të ulë vetëm me 20 përqind barrën që mban bashkia në këtë kosto, por përsëri bashkia do të vazhdojë ta subvencionojë për të mos ngarkuar biznesin menjëherë me një rritje në këto shërbime.

Legjenda e futbollit, Lilian Thuram ka prezantuar librin e tij në Elbasan “Mendimi i Bardhë”.

Kampioni i Botës dhe Europës, është pritur nga kryetari i bashkisë Z. Gledian Llatja si edhe sportistët e vegjël të AF Elbasanit, të cilët i bën një surprizë të veçantë, me pankarta kundër racizmit.

Kryetari i Bashkisë Z. Gledian Llatja e ka njohur legjendën me historinë e futbollit të Elbasanit si edhe me historinë e lashtë të qytetit të Elbasanit.

Lilian Thuram ka mbërritur në shqipëri për të promovuar librin e tij të përkthyer në shqip “Mendimi i Bardhë”, i cili tregon historinë e mendimit të bardhë, origjinën dhe funksionimin e tij.

Ministri i Mbrojtjes, Niko Peleshi i shoqëruar nga kryetari i bashkisë Gledian Llatja, prefektja e qarkut, kanë përuruar  Zyrën e Rekrutimit në Elbasan, e para në këtë qark.

Në fjalën e tij, ministri Peleshi falënderoi Ambasadën e SHBA dhe Zyrën e Bashkëpunimit për mbështetjen që ka dhënë në hapjen e këtyre zyrave.

Peleshi u shpreh se, deri më tani këto zyra kanë qenë në vende aspak atraktive, por tashmë ato po hapen në qendrat kryesore të qarqeve të vendit, si një mënyrë për t’i dhënë dinjitetin e merituar punës së FA.

Nga ana e tij, kryetari i bashkisë Z. Gledian Llatja e vuri theksin tek vendodhja e kësaj qendre, që sipas tij “ndodhet në një lokacion shumë të mirë, pasi ndodhet pranë disa shkollave thuajse në qendër të qytetit.  

 Të rinjtë do të kenë një tjetër ambjent, pasi qendra është konceptuar si e tillë, mikpritëse për të rinjtë.

 Më gëzon fakti se deri dje të rinjtë donin të bëheshin policë, dhe se ndjenja patriotike nuk vjen më nga ndeshjet e futbollit, por edhe tek interesi i të rinjve që marrin pjesë edhe tek Forcat e Armatosura, të cilët e shohin edhe si karrierë.

 Kjo na bën optimistë për të ardhmen, por edhe për të rinjtë tanë të cilët kanë një ardhme të sigurtë me paketën që ofron FA.

 Nuk është vetëm patriotizmi pjesë e të rinjve që duan të marrin pjesë në FA por edhe karriera e sigurtë”, tha kryebashkiaku Gledian Llatja.

Ministri i Mbrojtjes evidentoi faktin se tanimë ushtarakët marrin edhe një pagë dinjitoze, e cila do të rritet edhe më shumë në buxhetin e vitit 2024.

“Sot një ushatrak që rekrutohet, paguhet rreth 650 euro. Është pagë dinjitoze që do të rritet sërish. Kjo parashikohet në buxhetin e vitit 2024, që po diskutohet në Parlament”, – u shpreh ministri i Mbrojtjes, i cili sqaroi edhe paketën sociale që parashikohet të zbatohet në të ardhmen si një mbështetje për ushtarakët.

“Do të ndërtojmë banesa për ushtarakët, që një i ri nga Elbasani, apo nga qytete të tjera që do të vijë me detyrë në Tiranë, të ketë shtëpi. Duam të ndërtojmë rreth 200 apartamente dhe do vazhdojmë më pas deri në plotësimin e nevojave të të gjithë ushtarakëve. Po kompletohet një paketë tjetër sociale, sipas të cilës çdo ushtarak që shërben në mënyrë patriotike të ketë edhe kushtet e nevojshme, përmend këtu hapjen e një laboratori mjekësor dhe një qendër dentare”, u shpreh Peleshi.

Janë 428 vende pune, të cilat janë mundësi për të rinjtë, dhe zyrat e rekrutimit do të jenë qendra edhe për rezervistët, të cilët do të merren kryesisht me emergjencat civile, gjë që do të nisë zbatimin sapo të miratohet ligji.

Vijojnë punimet në shkollën artistike “Onufri”, e cila do të ofrojë kushte dhe standarde më të mira për të gjithë nxënësit dhe mësuesit e kësaj shkolle

Ky objekt do të ketë, një shtesë 4 kate dhe palestër për aktivitetet sportive.

Shkolla artistike Onufri është e vetmja në qarkun e Elbasanit që përgatit artistë.

Nga qyteti i Elbasanit, ka nisur rekrutimi për ushtarë, ku ka marrë pjesë edhe Ministri i Mbrojtjes Niko Peleshi, i cili i ka bërë thirrje të rinjve që të bëhen pjesë e rekrutimit, që nis në muajin janar.

I shoqëruar nga kryetari i bashkisë Gledian Llatja, prefektja e qarkut Majlinda Perriu, si edhe përfaqësues të pushtetit lokal, në qendër të qytetit të Elbasanit, u ngritën stendat e rekrutimeve dhe të shpërndarjes së informacionit si dhe u ekspozua ekuipazhi i Ministrisë së Mbrojtjes në armatime dhe mjete.

Synimi i aktivitetit është për të promovuar Forcat e Armatosura, për të ekspozuar teknikën dhe pajisjet e ushtrisë shqiptare.

Duke komplimentuar modelin e bashkisë së Elbasanit, e cila prej tre vjetësh ka krijuar forcat vullnetare në cdo fshat dhe njësi administrative, ministri Peleshi, tha se “këtë model duhet ta ndjekin të gjitha bashkitë e Shqipërisë, si Elbasani duhet të ngrejnë grupet e vullnetarëve por edhe të sinjalizuesve, të kemi ndërveprim sa më të shpejtë sa më në kohë reale, kryepleqtë e fshtrave janë shumë të rëdësishëm.

Sipas tij “vullnetarët dhe komuniteti janë më të rëndësishëm se sa pajisjet që ne shohim këtu, sepse kanë lidhje me atë lajmërimin e hershëm. Cdo emergjencë nëse lajmërohet herët mund të eleminohet edhe më me pak forca, kur lihet kërkohet një angazhim shumë i madh dhe pasoja janë shumë të mëdha”.

Nga ana e tij, kryebashkiaku Gledian Llatja, e informoi Ministrin, për forcat vullnetare të cilat tashmë kanë tre vite që janë ngritur në Elbasan.

“Në cdo fshat ka nga pesë vullnetarë për t’i ardhur në ndihmë emergjencave të ndryshme si edhe zjarreve, e cila është një forcë e shtuar në cdo fshat që ne kemi.

Në cdo njësi administrative kemi një grup vullnetarësh të rregistruar dhe certifikuar për problemet që kemi për emergjencat civile, por që do të jenë një ndihmë e madhe edhe për brigadën që po krijohen në Ebasan”.

Për t’u rekrutuar në Forcat e Armatosura u vu në dukje se ka pasur interes nga djem e vajza të reja. Cdo ushtar ka mjaft benefite, ka një profesion, një pagë, mundësi punësimi etj.

Policia Bashkiake çdo ditë kujdeset për menaxhimin e trafikut dhe garantimin e sigurisë së fëmijëve pranë shkollave.

Cdo mëngjes, që kur ka nisur viti i ri shkollor, policët bashkiak të Elbasanit janë në krye të detyrës.

 Ato shkojnë shumë pranë godinave të shkollave 9- vjecare, dhe kujdesen për t’i siguruar fëmijët para procesit të mësimit, duke i shoqëruar ato që të kalojnë rrugën e makinave, deri tek dera e shkollës.

Një nga detyrat e policëve bashkiak të Elbasanit, është edhe siguria për vogëlushet të cilët shkojnë në shkollë.

Në kuadër të 79 vjetorit, ditës së Çlirimit të Elbasanit, janë kryer homazhe në lapidarin kushtuar Partizanëve të Brigadës së XV Sulmuese.

Në këtë 79 vjetor, kryetari i bashkisë, deputetë, veteranë, familjarë të dëshmorëve të rënë, si edhe qytetarë kanë vendosur kurora me lule për nder të kësaj dite.

Fjala e kryetarit të Bashkisë Z. Gledian Llatja

Të nderuar Veteranë të Luftës Antifashiste Nacional Çlirimtare!

Të nderuar deputetë

Të nderuar qytetarë dhe qytetare të Elbasanit,

Kam nderin, bashkë me ju të përkujtojmë sot pas 79 vitesh çlirimin e Elbasanit.

Kjo ditë ka një rëndësi të madhe pasi ne nderojmë sakrificat e të gjithë atyre që luftuan për lirinë . Sot ne festojmë lirinë tonë. Kjo është një ditë e shënuar për qytetin. Një ditë historie, shprese, kujtimi dhe vendosmërie, premtimi dhe mundësish.

Ndërsa mblidhemi këtu për të përkujtuar Ditën e Ҫlirimit të Elbasanit, zemrat tona mbushen me krenari dhe mirënjohje për shpirtrat e guximshëm që luftuan pa pushim për të çliruar atdheun tonë. Falë luftës dhe kontributit të tyre të pakushtëzuar Elbasani u bë gur themeli i lirisë së vendit.

Qyteti ynë u çlirua nga pushtuesit nazistë gjermanë më 11 nëntor të vitit 1944. Për çlirimin e tij u angazhuan forcat partizane të Brigadës XV, nga rradhët e së cilës dhanë jetën 23 partizanë.

Mbi 300 veta dhanë jetën gjatë viteve të Luftës Antifashiste. Vetëm nga rradhët e normalistëve ranë në luftën për çlirim mbi 70 dëshmorë. Shumë të tjerë u vranë, u internuan dhe torturuan, në burgjet dhe kampet e përqendrimit.

Dita e Ҫlirimit përfaqëson triumfin e trimërisë, menҫurisë dhe shpirtit këmbëngulës e luftarak të popullit tonë. Lufta për Ҫlirimin e Elbasanit ishte një luftë ku merita të padiskutueshme dhe heroike patën çetat partizane, si ajo e Çermenikës, e Martaneshit, Labinotit, Dumresë dhe Shpatit. Asnjë cep i Elbasanit nuk mbeti pa reaguar, të gjithë iu përgjigjën pushtuesit.

Në këtë rast historik, le të kujtojmë se liria është një dhuratë e çmuar që vjen me përgjegjësi. Gjithmonë do nderojmë  ata që na e dhanë atë.

Me krenari nderojmë sot të rënët elbasanas që 79 vjet më parë dhanë jetën për çlirimin e atdheut dhe e renditën Shqipërinë në anën e duhur të historisë.

Përkujtojmë çdo vit me përulje sakrificën e tyre.

Mirënjohje të përjetshme dëshmorëve tanë!