Skip to content Skip to left sidebar Skip to right sidebar Skip to footer

Lajme

Llatja: Do të vijojmë me transformimin e Elbasanit

Drejt përfundimit rikonstruksioni i rrugëve “Isak Shehu” & “Mahmut Hakani” 

Sërisht një investim, dhe një premtim i mbajtur, për dy rrugë të Elbasanit, konkretisht rrugët “Isak Shehu” & “Mahmut Hakani”. Ishte një premtim i bërë nga ana e kryetarit të Bashkisë Gledian Llatja pak kohë më parë për rikonstrukionin e këtyre dy rrugëve, të cilat do të  shpëtojnë përfundimisht 400 fëmijët e shkollës “Jeronim De Rada” një shkollë kryesore në qytet,  dhe 500 banorëve të asaj lagjeje të vjetër të Elbasanit nga balta dhe pluhuri. Punimet të cilat po vijojnë me ritme të shpejta dhe janë thuajse drej fundit i ka inspektuar kryebashkiaku Gledian Llatja i shoqëruar nga drejtuesi politik i qarkut Damian Gjiknuri. Sipas kryetarit të Bashkisë, këto dy rrugë në rajonin Nr 2 në qytet janë pjesë e problematikave që kemi pasur dhe kemi në zonat urbane, por edhe në zonat rurale”. Duke u ndalur tek planet që Bashkia ka sa  i përket investimeve, Llatja shtoi se ” kemi një plan për shpërdarjen e investimeve në Elbasan, jo vetëm në Rajonin 1 dhe 2, dhe 4, por në të gjithë qytetin dhe fshatin si edhe zonat rurale. Sa i përket dy rrugëve të kësaj lagjeje ai shtoi se ” rrugët ishin në gjendje të mjerueshme që kërkonin investim, ndërsa tashmë në fazën tjetër do të shtrijmë investimet në të gjitha lagjet e qytetit, por edhe në infrastrukturë shkollore, pasi edhe ajo ka problematikat e veta, sa i përket investimeve të vazhdueshme. Afër kësaj zone ndodhet edhe shkolla artistike ” Onufri” e cila është në një proces të fort rikonstruksioni total”.  

 Nga ana e tij, drejtuesi politik edhe një herë i cilësoi konkrete punët që janë bërë në Elbasan, duke vlerësuar prioritetin e kryetarit të Bashkisë Z. Gledian Llatja për këto zona më pak të urbanizuara. ” Një gjë dua të them, që me Gledin si kryetar Bashkie, si edhe me ndihmën e qeverisë, këto punë do të vazhdojnë , të na dëgjojnë të gjithë, ne do të vazhdojmë ta transformojmë qytetin përditë. Në këtë inspektim kanë qenë të pranishëm edhe banorë të lagjeve si edhe mësues të shkollës, të cilët shprehën falenderimet për rikonstruksionin e kësaj rruge. ” Ndjejmë kënaqësi jo vetëm ne, por edhe fëmijët të cilët do të shkojnë në shkollë tashmë. Është një rrugë me standarte dhe shumë e bukur, si edhe fasadat e pallateve “, thanë banorët. Kryebashkaiku i premtoi se ” edhe në vijim do të vazhdojmë me investime, ”  ashtu sic investuam dritaret e shkollës me termoizolim që nxënësit të jenë ngrohtë  si edhe WC në shkollën ” Jeronim De Rada”. Ne i dimë problemet e mbartura në infrastrukturat shkollore, dhe ne do ti rregullojmë të gjitha. Arrijmë që 13 shkolla në vit ti ristrukturojmë të pjesshme dhe dy ti bëjmë të reja, me rikonstruksion total. Vjet bëme dy shkollat industriale, u bë shkolla “Bardhyl Popa”, ” Jeronim De Rada”, po bëhet ” Kostandin Kristoforidhi” ” Onufri”, rregulluam pjesërisht shkollat me probleme, por do të vazhdojmë punën tonë”.

Përfundon procesi i shpërndarjes së druve me çmim të reduktuar nga ana e Bashkisë

Qytetarëve  me të ardhura të ulëta, pensionistë dhe ata që janë me ndihmë ekonomike e mundësuan blerjen e druve për ngrohje me gjysmën e çmimit. Nisma u ndërro nga Bashkia e Elbasanit e cila vitin që kaloi ( 2022) vendosi t’i menaxhojë vetë duke u ardhur në ndihmë qytetarëve më në nevojë, si një politikë e mirëfilltë sociale. Në fushën e druve, tek ish godinat e ujësjellësit në Elbasan, përfundoi normalisht proçesi i shpërndarjes së druve, ku rreth 1300 familje më në nevojë përfituan dru për ngrohje me çmim të reduktuar nga Bashkia. Këto familje i kanë përfituar drutë me çmimin prej 3800 lekësh për metër sterë duke e marrë me gjysmën e çmimit në treg, për t’i ofruar një ndihmë sociale në reduktimin e konsumit të energjisë elektrike. Për realizmin e këtij proçesi u morën të gjitha masat për t’i shpërndarë në kohë drutë e zjarrit me qëllim përballimin e dimrit, ku çdo ditë qytetarë si edhe pensionistë tërhoqën lehtësisht drutë. Madje ata vetë ata u shprehen të kënaqur për këtë nismë që ka ndërrarë Bashkia e Elbasanit.” Është një ndihmë e madhe për ne marrja e druve me çmim të reduktuktuar, pasi na lehtëson edhe nga ana ekonomike, por edhe për ngrohjen, pasi çmimi i druve në privat është shumë herë më i lartë”, shprehen qytetarët. Bashkia e Elbasanit cilësohet si pioniere për ndërrmarjen e kësaj nisme e cila i vjen në ndihmë direkt familjeve në nevojë në këtë stinë dimri.

Elbasani ka një burim të pasur natyror, dhe Bashkia e ndërmori këtë nism  duke  trajtuar pyjet për plotesimin e nevojave për ngrohje të popullatës në qytet. Duke marrë shkas edhe nga situata energjitike mbarë botërore, por edhe për shkak të thatësirës, kjo nismë bëri të mundur që familjet të mos goditen nga konsumi i energjisë elektrike, por t’i kthehen druve të zjarrit të ofruara nga Bashkia me një çmim minimal. Më herët kryetari i Bashkisë Z. Gledian Llatja ka deklaruar se ” nëse më parë drutë ose parcelat e pyjeve jepeshin me koncesion apo forma të tjera, Bashkia e Elbasanit ka zgjedhur t’i mbajë dhe t’i trajtojë vetë për të mirën e qytetarëve. Çdo familje në nevojë ka përfituar gati me gjysmën e çmimit të vlerës së tregut drutë e zjarrit këtë vit. Edhe drutë e konfiskuara që janë prerë në mënyrë të paligjshme do të kalojnë në shërbim të qytetarëve”.Lënda drusore e cila u shpërnda për ngrohje është siguruar nga prerjet e nevojshme për mirëmbajtjen e pyjeve duke marrë më parë dhe miratimin e ekspertëve.

Llatja; Asfalt edhe në Vidhas, aty ku për 30 vjet u premtua por nuk u realizua

Rreth 1000 banorë të fshatit Vidhas, tashmë do të kenë një rrugë të asfaltuar, duke i lehtësuar kështu lirshëm qarkullimin e mjeteve drejt Njesisë Administrative Papër, por edhe drejt Elbasanit e Peqinit. Kishte rreth 40 vjet që kjo zonë nuk njihte investime në infrasttrukturë, ndërsa punimet të cilat kanë nisur i ka inspektuar kreu i Bashkisë Gledian Llatja,  i cili edhe një herë e vuri theksin tek realizimi i investimeve të cilat sipas tij po kryhen njësoj si në qytet dhe në fshat.  ” Bashkia Elbasan ka parë me përparësi të ndërhyjë në ato vende ku kanë dekada pa asnjë investim. Ndaj me ndihmën edhe të bizneseve të zonës, sot kemi ardhur për të inspektuar një nga investimet më të mira që po bëhet në njësinë administrative Papër, në fshatin Vidhas, i cili është edhe fshati më i madh i kësaj njësie ku gati 40% e popullsisë së njësisë jeton në këtë fshat. Rruga që po asfaltohet është një nga arteriet kryesore, 1 km rrugë e cila po shtrohet brenda fshatit Vidhas”, tha kryebashkiaku. Duke u ndalur sërisht tek investimet në infrastrukturë ai pohoi se ” vitin tjetër po panifikojmë përfundimin e investimit të të gjithë segmentit kryesor të fshatit, për të lidhur ambulncën me shkollën, dy institucionet kryesore lidhen me asfalt tashmë”.

Ka kohë tashmë që Bashkia e Elbasanit ka kthyer në kantier ndërtimi shumë lagje në qytet, por edhe njësitë administrative dhe në zonat informale ku nuk është investuar prej dekadash dhe kanë marrë jetë investimet që kanë patur impakt të madh sidomos në infrastrukturë.” Prej vitesh tashmë në këtë zonë premtimet kanë qenë boshe pasi çdo politikan që ka ardhur dhe ka premtuar nuk e ka përmbushur atë dhe më në fund u bë pas 30 vitesh” , tha Llatja. Ai premtoi se ” pasi të mbarojë asfaltimi në Vidhas, bashkia do ti shtrijë investimet edhe në Balldren apo në fshatrat përreth, sigurisht edhe në zonat informale në qytet për ti formalizuar ashtu siç i ka hije një qyteti Europian”.

N J O F T I M

Në zbatim të Vendimit të Këshillit Bashkiak Nr. 143 datë 09.11.2022, i cili ka miratuar fillimin e proçedurave të shpronësimit për pasuritë që preken nga realizimi i projektit me interes publik “Mbi miratimin e fillimit të proçedurës për shpronësimin e pasurive pronë private për realizimin e projektit, me interes publik “Rehabilitim Urban i Njësisë Administrative Gjinar”, nga Bashkia Elbasan dhe burimin e financimit të këtij shpronësimi””,ndodhur në Z.K 1742, mbështetur në ligjin nr. 139/2015 “Për vetëqeverisjen vendore”, i ndyshuar, ligjin nr. 8561 datë 22.12.1999 “Për shpronësimet dhe marrjen në përdorim të përkohshëm të pasurisë pronë private për interes publik”, i ndryshuar kërkohet që brënda datës 20.01.2023, pronari/ët e pasurive ose të tretë të cilëve i’u preket pasuria, të dorëzojnë pranë Sektorit të Aseteve të Bashkisë, fotokopje të noterizuar të dokumenteve të pronësisë lëshuar nga ASHK Elbasan si dhe fotokopje karte identiteti.

Duke Ju falenderuar për mirëkuptimin!

Ambasadori i Austrisë vizitë në Elbasan

Llatja; Marrëdhëniet mes Elbasanit dhe Austrise që nga Lufta e Parë Botërore Kryetari i Bashkisë së Elbasanit Gledian Llatja, ka pritur këtë fillim viti në zyrën e tij, Ambasadorin e Austrisë akredituar në vendin tonë Dr. Christian
Steiner. Duke vlerësuar bashkëpunimin gjatë tre dekadave të fundit që Austria ka dhënë për Elbasanin, kryetari i Bashkisë u ndal tek mbështetja që Austria ka dhënë gjatë Luftës së parë botërore kryesisht në ndërtimin e shumë shkollave por edhe infrastrukturës moderne asokohe në Elbasan. ” Ne kemi një bashkëpunim të hershëm me Austrinë, që nga krijimi i infrastrukturës së parë moderne në qytet, si edhe me zhvillimin e arsimit 8- vjecar baze gjate viteve 1916-1919 në periferi të Elbasanit. Gjatë gjithë kësaj kohe kemi pasur një bashkëpunim të mirë me Ambasadën Austriake”, tha Llatja.
Biseda mes kryetarit dhe ambasadorit u fokusua kryesisht tek arsimi, zhvillimit të qytetit dhe kulturës në përgjithësi. ” Ne si Bashki do të hapim edhe muzeun e arsimit, ndaj kërkova mbështetjen e
ambasadorit për të vazhduar atë traditë të mirë që ka Austria në Elbasan, me hapjen e shkollave në shumë fshatra të Elbasanit, ndaj duam të kemi një bashkëpunim të mirë edhe me hapjen e muzeut të arsimit në Elbasan. Duke e cilësuar si një mik të mirë të qytetit kryetari i bashkisë ka falenderuar ambasadorin në këtë vizitë në këtë fillim viti në Elbasan, duke shprehur bindjen se ky bashkëpunim do të vijojë edhe në të ardhmen”. Nga ana e tij Ambasadori i Austrisë vlerësoi mirënjohjen që kryebashkikaku i Elbasanit përcolli për mbështetjen që ka dhënë shteti austrise për Elbasanit ndër vite. Ai pohoi se ” është e vërtetë që prej dekadash kemi mbështetur Elbasanin por edhe të gjithë shqipërine në fushën e arsimit kryesisht në shkollat profesionale si edhe në fushën e turizmit si edhe Teknologjinë e Informacionit. Eshtë gjithmonë interesante të gjej trashëgimninë Austro- Hungareze , si edhe të vizitoj shkollën në Labinot të Elbasanit e cila u themelua në vitin 1917 pikërisht me ndihmën e ushtrisë Austro – Hungareze e cila asokohe ishte në Shqipëri, ku rreth këtyre viteve 1916 1918 – ka punuar për infrastrukturën dhe strukturën administrative në Shqipëri. Edhe këto tre dekdat e fundit ne kemi pasur bashkëpunim shumë të mirë mes dy vendeve, dhe shpresojmë se do të kemi edhe bashkëpunime të tjera në shqipëri”, tha Ambasadori.

Bashkia Elbasan vlerësohet si organizatorja më serioze në panairin e turizmit rajonal  “Tourism Travel Show Albania”

Në panairin kushtuar turizmit rajonal “Tourism Travel Show Albania”, mbajtur në Tiranë, si një kombinim mes show prezantimi të turizmit në Ballkan dhe event B2B, Elbasani u vlerësua si bashkia me organizimin më serioz nga bashkitë e vendit që merrnin pjesë. Në panair marrin pjesë operatorë turistikë, organizatorë të udhëtimeve në grup, agjentë të udhëtimit, shërbime të hoteleve dhe resorteve, profesionistë të sektorit të udhëtimeve dhe konsumatorëve të turizmit. Ndaj edhe Bashkia e Elbasanit pjesëmarrëse në këtë panair, promovoi asetet më të mira që ka, si edhe një ballafaqim dinjitoz me të gjithë operatorët turistik shtetëror apo privat që mernin pjesë. Në këtë panair pjesëmarrësve ju ofrua mundësia të gjejnë ide novatore për të krijuar udhëtime, turne dhe itinerare për vitin e ardhshëm. Gjithashtu ky panair, si një kombinim mes prezantimit të turizmit në Ballkan dhe event B2B, është projektuar si pika e radhës e takimit për profesionistët dhe blerësit nga e gjithë bota që janë të interesuar për produktin e përbashkët të destinacionit dhe perspektivën e rajonit. Paniri dyditor “Tourism Travel and Show Albania 2022”, ishte pika e takimit për më shumë se 100 aktorë e vendimmarrës të industrisë së turizmit. Një nismë pozitive që rezultoi një sukses i vërtetë falë punës madhështore jo vetëm të Iceberg Exhibition, por dhe bashkëpunëtorëve e pjesëmarrësve. Në ambientet e Pallatit të Kongreseve, për 2 ditë me radhë, më shumë se 60 subjekte, biznese, investitorë, përfaqësues të pushteteve vendore, struktura akomoduese, blerës dhe shitës potencialë, nga e gjithë bota u takuan së bashku me një qëllim: njohjen dhe shndërrimin e Shqipërisë dhe rajonit në destinacionin më të pëlqyer të radhës së turistëve të huaj e jo vetëm. Organizata Botërore e Turizmit e ka renditur këtë vit Shqipërinë të katërtën në botë për rimëkëmbjen e sektorit të turizmit. Panairi i parë dhe më i madh kushtuar turizmit në vendin tonë u shndërrua në një investim dhe vlerë jo vetëm për çdo biznes pjesëmarrës, por edhe për vetë destinacionet mbresëlënëse që vendi ynë dhe rajoni i Ballkanit ka për t’i ofruar turistëve të huaj. Pas një promovimi të tillë, thjesht duhet të bëhemi gati për boom-in e turistëve të huaj. 

Llatja/ Do të rrisim bashkëpunimin e projekteve në mjedis me Bashkinë e Osijek.

Kryetari i Këshillit Bashkiak të Osijek, Vladimir Ham, ka vizituar sot Bashkinë e Elbasanit, i cili është mirëpritur nga kryebashkiaku Gledian Llatja. Pasi e ka njohur me qytetin, vlerat, resurset, historinë e lashtë që e karakterizon Elbasanin, mes tyre biseda ka vijuar me projektet në të ardhmen si edhe bashkëpunimin që Bashkia e Elbasanit ka pasur me qytetin e Osijekut. “E falenderova z. Ham për  bashkëpunimin e mirë që kemi patur gjatë këtyre viteve, siç treguan gjatë periudhave të vështira që kaluam, në tërmetin e nëntorit 2019 dhe mbështetjen për rikonstruksionin e disa kopshteve të Bashkisë së Elbasanit”, tha kryebashkiaku Llatja. Në këtë takim u diskutua edhe shkëmbimi i eksperiencave mes stafeve të dy bashkive sidomos ato të planifikimit urban dhe shtimit të sipërfaqeve të gjelbëra. ” Bashkia e Elbasanit po përgatitet në një plan aktiv për mbjelljen e pemëve, por sidomos në uljen e karbonit në zonën industriale, si edhe do të kemi bashkëpunim edhe mes dy prefekturave të qyteteve tona, me qëllim jo vetëm për të ndarë eksperiencat por edhe për të forcuar lidhjet mes nesh”, shtoi Llatja. Nga ana e tij Z. Ham vlerësoi punën e mirë të bërë nga kryebashkiaku i Elbasanit, ndërsa shprehu edhe një herë bashkëpunimin në vazhdim për projektet dhe eksperiencat mes dy bashkive.

Llatja/ A.F. Elbasani, një skuadër  e pergatitur me perspektiva për fitore.

A.F. Elbasani ka nisur fazën përgatitore për sezonin e ri futbollistik 2022 – 2023.
Duke e cilësuar si një skuadër të re ekipin e Elbasanit, kryetari i Bashkisë Gledian Llatja, i ka uruar suksese ekipit.
Pasi ka parë nga afër edhe stërvitjen, si edhe duke i uruar mirëseardhjen të rinjve që i janë bashkuar ekipit të A.F. Elbasani, kryebashkiaku Gledian Llatja, e vuri theksin tek arritjet dhe rezultatet e larta të ekipit sezonin e kaluar, ndërsa ka shprehur besimin se Elbasani do të dalë sërisht kampion.
” Ka qenë një angazhim maksimal i stafit të futbollit, të cilët kanë bërë të mundur të kemi një skuadër ” bio” të Elbasanit. Nuk ishte e lehtë, pasi e nisëm nga zero, por kur bëhemi të gjithë bashkë, gjithçka arrihet. Ky është fryt i punës që kemi bërë sezonin e kaluar, dhe duam ta bëjmë edhe këtë vit, duke dalë kampion”.
Kryebashkiaku, vlerësoi angazhimin e ekipit, për punën maksimale që kanë bërë, si edhe një herë ka premtuar mbështetjen e Bashkisë në të ardhmen.

Lancohet Plani Vendor për Barazinë Gjinore 2022- 2024  

Kënaqësi që së bashku me z. Michele Ribotta të kurorëzojmë mbylljen me sukses të hartimit të Planit të dytë Vendor të Veprimit për Barazinë Gjinore 2022-2024, miratuar me vendimin nr 64, datë 30.05.2022 të Këshillit Bashkiak. Në këtë Plan të Dytë Vendor të Veprimit për Barazinë Gjinore 2022-2024, u kemi kushtuar rëndësi veprimeve që përmirësojnë ndjeshëm angazhimin e grave, të rejave e vajzave nga të gjithë grupet në shoqëri, në të gjitha sferat e jetës.

– Kemi planifikuar një sërë veprimesh që synojnë edukimin e një brezi të ri rreth barazisë gjinore. – Përmes investimit në prindërimin pozitiv dhe organizimin e seancave të këshillimit paramartesor, ne synojmë të ndikojmë në krijimin e familjeve të shëndetshme, si bazë për një shoqëri të emancipuar.  

– Ne synojmë të sfidojmë steriotipet gjinore në punësim, të lehtësojmë më shumë aksesin e grave e të rejave në tregun e punës, si edhe të mbështetim ruajtjen e traditës dhe ngritjen e sipërmarrjeve të grave e të rejave.

– Siguria në komunitet, e diskutuar edhe në Këshillin Vendor të Sigurisë Publike, është përkthyer në veprime konkrete për një Elbasan të sigurt për të gjithë banorët, miqtë e vizitorët.

Këto dhe veprime të tjera të parashikuara në këtë plan veprimi, që prekin çështje të rëndësishme të përditshmërisë, do të mbështeten dhe bëhen realitet përmes përmes zbatimit të parimeve të buxhetimit të përgjiigjshëm gjinor, këtij mjeti kaq të rëndësishëm për zbatimin e integrimit gjinor në praktikë. Për zbatimin e duhur të këtij plani veprimi, ne besojmë shumë në bashkëpunimin e të gjitha institucioneve publike e jo-publike, në nivel lokal, kombëtar e ndërkombëtar. Ndaj dhe gjej rastin të falenderoj edhe një herë z. Ribotta dhe përfaqësueset dhe përfaqësuesit e këtij projekti, për mbështetjen dhe bashkëpunimin e suksesshëm mes institucioneve tona, me besimin që kjo mbështetje do të ketë vijimësi edhe në të ardhmen. Njëkohësisht, gjej kënaqësinë të falenderoj gjithë aktorët që u bënë pjesë e hartimit të këtij plani veprimi.


Bashkia Elbasan, lehtësim procedurave për vendosjen e paneleve fotovoltaike për bizneset

Në Papër të Elbasanit ndodhet “Herba Fructus”, një sipërmarrje që ka më shumë se 30 vite që ushtron aktivitetin e saj dhe që operon në tregun e bimëve mjekësore. Kjo fabrikë është vizituar nga kryetari i bashkisë Gledian Llatja, i cili pohon se “i kemi dhënë mbështetje të vazhdueshme si edhe do t’i japim bizneseve, sa i takon problematikave që ato kanë, kryesisht në infrastrukturë”. “Bashkia Elbasan ka lehtësuar procedurat në ndihmë të bizneseve për vendosjen e paneleve fotovoltaike për të lehtësuar sa më shumë kostot e tyre, kryesisht në energjinë elektrike, e cila ka pësuar edhe rritje”, tha Llatja. Vendi ku edhe është zhvendosur fabrika me një investim modern ofron edhe kushte, ndërsa vetë sipërmarrësi pohon se “të gjithë fermerët pajisen me kontrata njëvjeçare duke treguar një besueshmëri të lartë tek të gjithë partnerët, deri në Amerikë”. Më shumë se 200 lloje bimësh kurative grumbullohen nga fermerët e Elbasanit, të cilat eksportohen në 36 tregje ndërkombëtare.