Skip to content Skip to left sidebar Skip to right sidebar Skip to footer

Lajme

Kryetari i Bashkise z. Gledian Llatja takon kampionët e karatesë

Elbasani kryeqyteti dhe kampioni i karatesë. Kryetari i Bashkise z. Gledian Llatja takon kampionët e karatesë. Si një traditë,  Artet Marciale janë hapur për herë të parë në vendin tonë në Elbasan, nga trajneri Mirandi Backa. Në vijim të takimeve të tij, kryetari i Bashkisë Z. Gledian Llatja ka vizituar akademinë e karatesë duke u shprehur shumë i lumtur teksa sheh të gjitha gjeneratat që aktivizohen për një shëndet fizik e mental më të mirë.  Gjatë një bashkëbsedimi me sportistët e të gjitha moshave të këtij sporti kryebashkiaku Llatja pohoi se ” më vjen mirë që ne kemi kampion të karatesë në Elbasan. Sportet individuale kanë marrë një vecanti në Elbasan, jo vetëm karateja. Në vazhdimësi ne kemi mbajtur kontaktet me të gjitha sportet si peshëngritjen, ping pongun, mundjen, etj. Kemi vizionin për të përmirësuar infrastrukturën tonë sportive. Ne jemi koshient, unë i pari, por edhe e prindërve tuaj dhe e juaja, nuk mund të ketë një mendje të shëndetshme, pa një trup të shëndetshëm, nuk ka një shoqëri të shëndetshme po nuk patëm sportin”. Duke vlerësiar trajnerin e karatesë për vizionin dhe punëne bërë gjatë këtyre viteve Llatja shtoi se ”  Mirandi ka meritën e madhe, unë i jam shumë mirënjohës për punën që ka bërë ndër vite me sportistët. Nuk ka qenë vetëm përgatita fizike, por ka qenë edukimi mbajtja larg veseve, mbajtja larg rrugës, që ka bërë sot shoqërinë tonë dhe të rinjtë tanë që të jenë më të mirë. Ky është qëllimi jonë, edhe qëllimi im ky është, që të mbështesim sportet, që të kemi një shoqëri më të mirë, të kemi një rini më të shëndetshme jo vetëm fizikisht por edhe mendërisht, por edhe me sa më pak vese. Ajo që ne si prind duam është që fëmijët tanë të jënë sa më aktiv fizikisht dhe ti largojmë nga telefoni, kompjuteri, interneti, televizioni, ku ka më mirë të jesh me shoqëri, dhe fizikisht aktiv”, tha z. Llatja. Në vijim ai përmendi edhe shumë investime që janë kryer në terrenet sportive dhe jo vetëm. ” Ndaj ne po investojmë në infrastrukturën sportive, po investojmë në Pallatin e Sportit, tek sporti i vjetër ” Shefqet Lamcja”, tek palestrat e shkollave, po investojmë në sheshin e Gjinarit në Fushën e Kuqe, po investojmë tek shëtitorja e madhe buzë lumit Shkumbin, bashkë me Auto Moto Parkun,që po bëhet edhe  një kënd për fëmijët e të rinjtë, do të jetë një kompleks i madh që do ti vijë në ndihmë jo vetëm Elbasanit por të gjithë Shqipërisë. Kemi një vizion që e krijuam me Mirandin i cili me ka mbështetur për sportin, me Artin që e do sportin, por edhe me shumë miq të tjerë që sportin e kanë në gjak e duan, por më shumë se sa sportin duan një shoqëri të shëndetshme. Për këte ju siguroj se ne do punojmë cdo dit, jo vetëm sot por edhe në të ardhmen, tju sigurojmë kushte më të mira në shkolla,në infrastrukturë, në palestra, kushte më të mira për bazën materiale por edhe mbeshtetjen më të madhe për klubet dhe ekipet sportive. Dua tju falenderoj për forcën fizike që keni si edhe energjinë tuaj”. Nga ana e tij trajneri i sportit të karatesë Mirandi Backa, falenderoi kryetarin e bashkisë duke shpresuar se edhe në vazhdimësi do ketë mbështetjen e tij për të vazhduar projektet që kemi në plan. ” E mira e ekipit tonë është që ne i kemi grupet zinxhir nga fëmijë, të rritur dhe veteranë, janë meshkuj, femra, fillestarë, mesatarë dhe mjeshtra. Elbasani, e dinë të gjithë që është kryeqyteti i karatesë”.


Llatja: Radioamatorizmi, një tjetër sport kampion në qytetin tonë.

Kryetari i Bashkisë Gledian Llatja ka realizuar një takim me profesor Drinin dhe ekipin e radioamatorëve të Elbasanit.

Z. Llatja ka bashkëbiseduar nga afër me të rinjtë kampionë të këtij sporti dhe trajnerin e tyre.  Kampionët e shkollës “Vasil Kamami” me këmbëngulje vazhdojnë të mbajnë këtë traditë të mirë me rezultate të larta.

Duke u ndalur tek investimet dhe rritja nga viti në vit për sportin në veçanti, kryetari Llatja vlerësoi ekipin e radioamatorizmit,  kampion prej vitesh në Elbasan.

“Është bukur të shohësh se si ky sport aktivizon të rinjtë dhe promovon modelet e mira të qytetit. Radioamatorizmi është sporti i mendjes, sporti i logjikës dhe nuk ka moshë. Prej shumë vitesh në Elbasan, ne vazhdojmë të jemi kampionë në radioamatorizëm, ndaj përgëzoj të rinjtë dhe fëmijët të cilët janë bërë pjesë e këtij aktivizimi sportiv, si dhe punën e palodhur të Drinit. Ne po i mbështesim të gjithë sportet jo vetëm nga ana financiare, por edhe tek terrenet. Nga viti në vit po japim maksimumin dhe kemi rritur buxhetin për sportin. Nga fillimi i këtij mandati kemi shumëfishim të buxhetit si për infrastrukturën edhe për mbështetjen që i kemi dhënë sportit”, tha Z. Llatja.Drini Dervishi, mësuesi i gjimnazit “Vasil Kamami”, i cili ka formuar ekipin e radioamatorëve elbasanas, thotë se do të dalim kampionë. Ky ekip përbëhet nga 10 djem e vajza, të cilët kanë tashmë certifikatën e kodit Mors dhe janë nënkampionë të Ballkanit.

Mentorimi i të rinjve nga artistët e Teatrit Skampa

Në kuadër të projektit “Talent St-Art-Up Elbasan 2”, zbatuar nga Bashkia Elbasan dhe bashkëfinancuar nga Agjencia Kombëtare e Rinisë, përgjatë sezonit të shfaqjeve artistike të Teatrit “Skampa”, të rinjtë e bordit të Artit të Këshillit Rinor Elbasan u mentoruan nga dy artistët e mirënjohur të teatrit, Egla Ceno dhe Aleks Seitaj.

Në ditën e parë mentorimit, të  rinjtë u pëshëndetën nga drejtori i Qendrës së Artit, Z. Klinsi Lala I cili në fjalën e tij vlerësoi Kryetarin e Bashkisë Z. Gledian Llatja, i cili me projektet e ndryshme rinore që po zbaton në qytet, u jep shpresë dhe dëshirë të rinjve për të vazhduar ëndrrat e tyre, duke u rikthyer jo vetëm  besimin tek institucionet kulturore të qytetit, por edhe dëshirën për të punuar fort që një ditë të jenë pjesë e tyre. Gjithashtu nuk harroi të falenderonte aktorët e nderuar të trupës artistike, aktoren Egla Ceno dhe aktorin Aleks Seitaj, të cilët u treguan të gatshëm të punojnë me të rinjtë e interesuar për artin dhe kulturën.

Mentorimi i të rinjve të bordit të artit u zhvillua në  formën e workshopeve, ku secili prej të rinjve, në prani të artistëve të nderuar dhe kurrikulave të përcaktuara prej tyre,  preku skenën e teatrit Skampa dhe zhvilloi aftësitë e veta aktoriale me një sërë zhaneresh (dialogu, monologu, drama, komedia ishin disa prej ushtrimeve dhe realizimeve të para të tyre).

“Arti përmes vështrimit të të rinjve” dhe Ekspozita e Fotografisë

Bashkia Elbasan, mbështetur nga Agjencia Kombëtare e Rinisë, me ndihmën e Këshilit Rinor Elbasan, zhvilloi konkursin “Arti përmes vështrimit të të rinjve” dhe Ekspozitën e Fotografisë, ku të rinjtë e trajnuar nga profesionistë të fushës në përdorimin e paisjeve fotografike dhe filmike si dhe programeve edituese, arritën të sjellin për qytetarët e elbasanit, fotot dhe pikturat e tyre më të mira në një pasdite ndryshe dhe premtuese për jetën artistike të të rinjve.

Gjatë këtij aktiviteti u prezantuan punimet konkuruese të të rinjve pjesëmarrës në konkurs, ku secili prej tyre prezantoi këndvështrimin e tij për qytetin dhe  të ardhmen e tij  dhe sesi mund të kontribuojnë nëpërmjet artit në përmirësimin e qytetit të Elbasanit. Artisti që mentoroi trajnimin e tyre në fazën e parë të konkursit, vlerësoi të gjithë të rinjtë  që erdhën në ekspozitë me prezantime dinjitoze dhe vlerësoi fotografitë dhe pikturat më të arrira.

Bashkia Elbasan, përfitues i nismës së Bonusit të Rijetësimit me qëllim hapjen e biznesve të reja në lagjen ” Kala”

Për të dytin vit rradhazi Ministria e Kulturës ka hapur thirrjen e Bonusit të Rijetësimit, skemë mbështetëse të kujtdo që do të restaurojë dhe rijetësojë një objekt-monument kulture apo që ndodhet në qendra historike.  Këtë vit buxheti për Bonusin e Rijetësimit është 50% më i madh se një vit më parë.  Duke qenë se qyteti i Elbasanit, ka fatin e madh që të rrethohet nga shumë zona turistike dhe historike, mes tyre edhe Kalaja në qendër të qytetit. Ministria e Kulturës Elva Margariti, e shoqëruar nga kryetari i Bashkisë Gledian Llatja, kanë zhvilluar një takim prezantues me banorët e lagjes ” Kala” ku në fokus ka qenë Bonusi i Rijetësimit. Në fjalën e saj, pas firmosjes së kësaj marrëveshje mes Ministrisë dhe Bashkisë, ministria Margariti u shpreh se ” për Elbasanin,  për të gjithë traditën që keni, për të gjithë aspektin intelektual që i keni sjellë mbarë kombit, më lejoni t’ju them se fakti që ju keni jetuar në Kala dhe nuk e keni abandonuar asnjëherë e keni mbajtur tërë jetën gjallë,  është një meritë e juaja, dhe në një farë mënyre shteti po ju ofrohet me një dekoratë”.  

Nga ana e tij kryebashkiaku i Elbasanit Gledian Llatja pohoi se ” ajo që ne kemi si qëllim në vetvete është që të krijojmë ambjente shërbimi në Kalanë e Elbasanit dhe këto vijnë  me bashkëfinancim, ku  qeveria shqiptare bashkëfinancon projektet tuaja me grante.  Elbasani ka shumë porenciale që vetë ne duhet t’i shfrytëzojmë, për të mirën ekonomike, por edhe për rininë e qytetit.  Kjo është një gjë e mirë, që ta shohim të ardhmen këtu, duke rritur zhvillimin ekonomik”. Ndaj, kryebashkiaku Llatja ka ftuar të gjithë qytetarët e Elbasanit, mes tyre edhe të rinjtë që të bëhen pjesë e kësaj skeme, që sipas tij ” Elbasanit ka shumë porenciale që vetë ne duhet t’i shfrytëzojmë, për të mirën ekonomike, por edhe për rininë e qytetit. Tashmë është hapur Bonusi i Rijetësimit në lagjen ” Kala, ku  çdo person që ka një banesë në Kala mund ta marrë me qera afatgjatë , Buxheti këtë vit është 50 % më shumë se viti i kaluar dhe rritjen e tavaneve për të gjithë ata që duan ta rijetëzojnë shtëpinë e tyre, deri në 6 milion lekë të reja, dhe 1 milion lekë të reja për të rikonstrukturuar çatinë si edhe ambjentet e jashtme.  

Mjafton që ta kthesh shtëpinë që ke pasur në identitet sipas kategorisë që kanë Monumentet e Kulturës, dhe më pas Bashkia i mbështet për të hapur biznese të reja. Kjo është një gjë e mirë, që ta shohim të ardhmen këtu, duke rritur zhvillimin ekonomik.  

Afati i aplikmimit është nga data 30 janar deri në 30 mars, përpos ruajtjes dhe evidentimit të vlerave të trashëgimisë kulturore  të objektit apo kompleksit ku ai bën pjesë, edhe këtë vit do të përkrahen ato projekte me ndikim në zhvillimin ekonomiko-social të komunitetit të zonës; do të përkrahen të rinjë, gratë e vajzat, individët me aftësi ndryshe dhe emigrantët që zgjedhin të investojnë në vendin e tyre. 

Ambasadori i Anglise

Kryetari i bashkise se Elbasanit siguron bashkëpunimin me disa bashki te Anglise. Jep lajmin ambasadori britanik ne viziten e tij ne Elbasan. Bashkinë e Elbasanit e ka vizituar ambasadori i Mbretërisë së Bashkuar në Shqipëri, SH.T.Z. Alastair King-Smith, i cili është pritur nga kryetari Z. Gledian Llatja. Kreu i Bashkisë pohoi se ” në fokus të bisedimeve me ambasadorin e Mbretërisë së Bashkuar ishte  ngritja e urave të bashkëpunimit mes institucioneve lokale në Britani dhe mundësitë për hartimin e projekteve të përbashkëta duke u konkretizuar në politika në dobi të qytetarëve tanë”.  Gjithashtu kryebashkiaku Llatja gjatë takimit i ka prezantuar Ambasadorit edhe vlerat e vyera që ka bashkia që ai drejton, kryesisht në fushën e turizmit por edhe trashëgimisë kulturore. Nga ana e tij, ambasadori i Mbretërisë së Bashkuar vlerësoi sigurinë që i ofroi kryebashkiaku Llatja për bashkëpunimin  me disa bashki të Anglisë, me qëllim shkëmbimin e eksperiencave në fusha të ndryshme.

“Auto Moto Park Albania”

Gledian Llatja : “Për Elbasanin është një ditë historike!” 

Rreth 30 kompani të mëdha ndërkombëtare erdhën në Shqipëri për t’u njohur me projektin e Portit të Ri të Durrësit në Porto Romano, një prurje sipërmarrjesh të huaja që deri para ca vitesh as nuk imagjinohej. Sot katër kompani projektimi mes më të mëdhave të botës, për cirkuitet automobilistike ishin në Tiranë për konkursin ndërkombëtar të shpallur nga DPSHTRR për Auto Moto Parkun që do të ndërtojmë në Elbasan. Të katërta me projekte vizionare dhe prezantime mbresëlënëse nga vetë drejtuesit e kompanive, të cilat ishin përgatitur shumë seriozisht edhe pse praktika e zgjedhur ishte më e pazakonshmja, pa asnjë pagesë paraprake. Këto  janë dy prova shembullore të imazhit të ri të Shqipërisë, interesimit në rritje për vendin tonë si një destinacion interesant, jo vetëm për turizëm po edhe për biznes, si dhe rritjes së besueshmërisë tek Shqipëria që ka çelur negociatat me BE, e që sot ka një reputacion ndërkombëtar krejt tjetër nga ai i deri disa viteve më parë.  

Konkursin e fitoi kompania e ish-pilotit të famshëm austriak të Formula 1 Alexander Ëurz dhe babait të tij Franz Ëurz, një personalitet i mirënjohur për nismat e tij në fushën e sigurisë rrugore  

 Projekti “Auto Moto Park Albania” krahas promovimit të kulturës së motorsportit dhe sigurisë rrugore, do të kthehet në një destinacion tërheqës për garuesit e huaj dhe do të zhvillojë turizmin dhe ekonominë vendase duke e kthyer Shqipërinë në epiqendrën e rajonit për organizimin e eventeve motorsportive.  

“Auto Moto Park Albania” i hap rrugë edhe një tjetër fronti të punësimit cilësor të të rinjve. Jo thjesht vende pune, por vende pune të mirë paguara, teknologji e lartë dhe mundësi të reja për gjeneratën e re. 

Fjala e Kryetarit të Bashkisë Gledian Llatja, në prezantimin e projektit ” Auto Moto Park” 

 Kryetari i Bashkisë Gledian Llatja i pranishëm  në prezantimin e projekteve pohoi se ” sot është dita ime më emocionuese në 4 vitet si kryetar i bashkisë Elbasan. Sot në fakt për ne në Elbasan është një ditë e madhe, është një ditë e kthesës ekonomike të qytetit. Ky është projekti më i madh që ne kemi që mbas ndërtimit të zonës induatriale në Elbasan. Eshte një projekt që na ndryshon totalisht ekonominë që ne njohim sot, dhe na jep një zhvillim të madh për qytetin, për bashkinë, por jam i bindur edhe për të gjithë shqipërinë. Eshtë një vizion mahnitës që ne sot po e prekim dhe po e bëjmë realitet. Një falenderim për të gjithë arkitektët, inxhinierët, projektuesit, që dhanë kaq shumë ide për këtë zhvillim që ne do të bëjmë në Elbasan, dhe ajo që është më e rëndësishme është bashkëpunimi ynë më mbrapa që mos ta lemë vetëm tek infrastruktura e ” Auto Moto Parkut” tek kompleksi i Auto Moto Parkut por ta zhvillojmë në të gjithë Elbasanin. Dhe kjo është sfida jonë në të ardhmen, sfida jonë e përbashkët. 

  Shumë faleminderit të gjithëve për mbështetjen, për atë që po bëjmë për Elbasanin”. 

Investimet e terreneve sportive në 3 shkolla të mëdha drejt përfundimit

Vijon me ritme të shpejta rikonstruksioni i tereneve sportive në ambjente shkollash në Elbasan, një projekt i ndërrmarë nga bashkia.

 Investimet të cilat nuk janë ndalur në ambjentet e shkollave të mesme por edhe 9 – vjeçare, thuajse janë drejt përfundit një pjesë e madhe e tyre. Aktualisht terrenet e reja sportive të shkollës simbol të Elbasanit ” Luigj Gurakuqi” ( Pedagogjike), po ecin me ritme të mirë. Kryetari i Bashkisë Z. Gledian Llatja shprehet se ” brenda pak ditëve 100 nxënësve si edhe banorëve të Njësisë nr.1 do t’i shtohen këto ambjente të reja sportive të cilat pasditeve do të jenë në funksion të ekipeve sportive si edhe komunitetit”.

 Ai shton se ” në sinkron me shkollën ” Luigj Gurakuqi”  punimet po vijojnë edhe në gjimnazin ” Kostandin Kristoforodhi”, si edhe në shkollën e muzikës ” Onufri”, investime gjigande në palestrat e këtyre shkollave”. Gjatë vitit që lamë pas, Bashkia e Elbasanit i dha një prioritet të veçantë edhe rikosntruksionit të shumë shkollave, ku vlen të përmeënden shkollat ” Jeronim De Rada”, Bardhyl Popa”, si edhe dy shkollat industriale në qytet.

“Ne i dimë problemet e mbartura në infrastrukturat shkollore, dhe ne do ti rregullojmë të gjitha. Arrijmë që 13 shkolla në vit ti ristrukturojmë të pjesshme dhe dy ti bëjmë të reja, me rikonstruksion total. Vjet bëme dy shkollat industriale, u bë shkolla “Bardhyl Popa”, ” Jeronim De Rada”, po bëhet ” Kostandin Kristoforidhi” ” Onufri”, rregulluam pjesërisht shkollat me probleme, por do të vazhdojmë punën tonë. Do të vazhdojmë me një sërë investimesh në qytet, në infrastrukturë, në fshat, në qëndra shëndetësore, në shkolla, kemi projekte konkrete që duam ti vazhdojmë”, përfundoi Llatja.

Gledian Llatja: Gjinari, perlë jo vetëm e turizmit, por edhe e burimeve natyrore

–  Drejt përfundimit rikonstruksioni i rrjetit të ujësjellësit në Gjinar 

Drejt përfundimit punimet për rikonstruksionin e plotë të rrjetit ujësjellës në Gjinar që u vjen në ndihmë banorëve të zonës, një kërkesë e kahershme e tyre e cila po bëhet realitet falë vëmendjes së treguar nga bashkia. Kryetari i bashkisë z. Gledian Llatja, ka inspektuar punimet për rikonstruksionin e rrjetit të ujësjellësit në Gjinar, pjesë e projektit të madh të qeverisë për rivitalizimin e 100 Fshatrave. Duke e cilësuar këtë investim si një nga më të mirat që po realizohen në territorin e bashkisë së Elbasanit, kryebashkiaku Llatja pohoi se ” edhe ky investim do të ofrojë më shumë turistë në Gjinar, pasi është një nga investimet e mira. Është një projekt i madh për Gjinarin. Përveç bukurive natyrore, këtu ka pasur edhe problematika infrastrukturore, uji i pijshëm, sheshi i Gjinarit dhe rruga që e lidh me Elbasanin. Po ecim shumë mirë për të siguruar ujë 24 orë për Gjinarin dhe për turistët”, u shpreh kryetari i Bashkisë së Elbasanit. Ai shtoi se ” tani që punimet për rikonstruksionin e ujësjellësit të Gjinarit po ecin me ritme të mira, i hapet rruga rivitalizimit të qendrës së asaj njësie administrative që si pjesë e programit “100 Fshatrat” do t’i rikthejmë dinjitetin e munguar e të stërpremtuar me një superprojekt transformues . Gjinari e meriton të jetë epiqendra zhvilluese e turizmit malor në bashkinë e Elbasanit”.  

Ky investim do të shërbejë për përmisimin e shërbimit në gjithë fshatin Gjinar Qendër, rivitalizimin e qendrës, nga e cili perfitojne rreth 450 banorë resident si dhe shumë turistë që do të gjejnë një infrastrukturë shumë të mirë. 

Edhe ky investim në Gjinar do të rrisë interesin për hoteleri, dhe për bujtina. Me transformimin e qendrës së fshatit interesi do jetë shumë më i lartë. Njëkohësisht në Gjinar, po relaziohen edhe shtigjet për “Haiking” bashkë me tabelat orientuese.  

Kryetari i Bashkisë Z. Gledian Llatja ka pohuar se ” në Gjianr shumë shpejt do të nisë edhe zbatimi i projektit tjetër për qëndrën e fshatit. “Shumë shpejt shpresoj të fillojmë dhe projektin tjetër për qendrën e fshatit. Kemi nisur një program që po hyn në shumë lagje me asfaltime, sistemime, por asnjëherë nuk e kemi lënë mënjëanë edhe interesin për zonat rurale. Kështu që këto programe do të vazhdojnë, sigurisht me mbështetjen e qeverisë shqiptare”. 

Në Gjinar, ndodhet edhe fabrika e ujit ” Bukaniku”, ku prodhohet uji i pijshëm me një cilësi të lartë për konsumatorët, tregu it ë cilit është përhapur në të gjithë vendin. Gkatë vizitës në këtë fabrikë, kryetari i bashkisë pohoi se ” në Gjinar  prodhohet uji me një cilësi shumë të mirë për konsumatorët dhe jemi pranë një fabrike totalisht të rinovuar për përpunimin dhe ambalazhimin si dhe cilësinë. Është shumë e rëndësishme që përveç ujit të mirë, të sigurohemi edhe për cilësinë  e ambalazhimit. Është një nisme e re e zhvilluar vetëm para 4 vitesh dhe ne kemi patur kontakte të vazhdueshme me bizneset për të diskutiar për problematikat që mund të hasin përsa u përket lejeve dhe licensave, lejet e ndërtimit dhe jemi përpjekur të jemi pranë bizneseve për ti ndihmuar ata” u shpreh ndër të tjera Llatja.  Ndërsa e vurit theksin tek interesi i bashkisë për prodhimin vendas, duke garantuar çdo favor ligjor ndaj bizneseve që investojnë në Bashkinë Elbasan. 

Uji “Bukaniku” kërkohet nga çdo njësi tregimit në Shqipëri, Kosovë dhe Maqedoni.  

 Me teknologjitë me efikase në fushën e ambalazhimit, fabrika ka bërë të mundur të sjellë pranë konsumatorit cilësi, pastërti dhe siguri. 

Llatja: Modeli i shkollave të së ardhmes, rritja e një brezi të shëndetshëm

Finalizohet projekti “Sunny Schools”, në bashkëpunim me Fondacionin Shoqëria e Hapur për Shqipërinë. Shkolla “Ptoleme Xhuvani”  do të jetë modeli i shkollave të gjelbra në Bashkinë e Elbasanit. Falë një projekti “Sunny Schools” nismë e Fondacionit Shoqëria e Hapur për Shqipërinë në bashkëpunim me Bashkinë e Elbasanit  u bë e mundur që brenda dy viteve kjo shkollë të jetë pranë modelit të së ardhmes. Fondacioni Shoqëria e Hapur për Shqipërinë mbështet tranzicionin e gjelbër duke krijuar kushtet e demokratizimit për prodhimin e energjisë së pastër në favor të komunitetit. Kryetari i Bashkisë Z. Gledian Llatja duke falenderuar Fondacionin Shoqëria e Hapur për Shqipërinë, për këtë projekt ku ndërthuret teknologjia me mësimdhënien, pohoi se ” ky fondacion është suportues  jo vetëm për këtë investim që është bërë në shkollën tonë, por për një sërë investimesh të tjera që i kemi bërë, i planifikojmë dhe i kemi në vazhdim. Në kuadër të një qëllimi që e kemi të përbashkët, të përmirësojmë cilësinë e jetesës për qytetarët, por edhe atë që na intereson më shumë, të rrisim një brez të shëndetshëm”.

Nga ana e tij, Andi Dobrushi drejtor ekzekutiv i Fondacionit Shoqëria e Hapur për Shqipërinë falenderoi stafin pedagogjik të shkollës, prindër dhe nnxënësit për mbështetjen që i dhanë për kryerjen e këtij investimi në këtë shkollë, sikundër pohoi se ” erdhëm vjet dhe e nisëm me laboratorin e informatikës, duke kaluar më pas tek panelet fotovoltaike, duke u përjekur që të krijojmë një model shkolle që është ai i të ardhmes. I cili nuk përfshin vetëm mësimdhënien por është në kompleksin e vet 360 gradë, duke përfshirë stafin pedagogjik, bashkinë, komunitetin e prindërve, por mbi të gjitha nxënësit. Besoj që pa përfshirjen e nxënësve pa e përjetuar ata se çdo të thotë ky model i ri, çdo të thotë kursim i energjisë, çdo të thotë funksionimi i shkollës me një model komplet të ri çfarë vlere do të kishte!”, tha Dobrushi.Vizoni i këtij investimi ishte ndërthururja e  teknologjisë me mësim dhënien, eficensën energjitike dhe rritjen e aftësive të ndërthurjes së teknoligjisë me procesin e mësim dhënies,  ku u arrit që brenda dy vitesh shkolla ” Ptoleme Xhuvani” dhe ” Abdyl Paralloi” në Elbasan të jenë  pranë modelit të shkollave të së ardhmes. Konkretisht sot këto dy shkolla gëzojnë laboratorë të kompletuar të informatikës. Mësimdhënie të ndëthurur me teknologjinë,  ekip mësuesish të aftë për aplikimin e teknologjive bashkëkohore. Rrjet Elektrik tërësisht të rinovuar, ndriçim eficent dhe pavarësi energjitike.