Skip to contentSkip to left sidebar Skip to right sidebar Skip to footer

Lajme

RIGJENERIMI I PALLATEVE ME SISTEM KAPOT, NJË INVESTIM ME IMPAKT TË DREJTËPËRDREJTË QYTETARIN

Programi Kombëtar i Eficencës Energjetike i cili i referohet rigjenerimit të pallateve me sistemet kapot, termoizolimin përfshi hidroizolimin e tarracave, vijon të zbatohet nga Bashkia Elbasan.

Investimi i cili ka nisur ka përfshirë bllokun e pallateve të rrugës “Borodin Mitarja”, në Rajonin Nr1 apo siç njihet ndryshme tek lagjia e Kinezëve në Elbasan, ka nisur puna për veshjen e fasadave me veshje kapot.

Pak kohë më parë në këtë bllok pallatesh u investua në infrastrukturën e të gjitha shesheve të pallateve, ndërsa tashmë ka nisur puna për ndërhyrjen e fasadave me sistem kapot, ndërhyrje të cilat e ulin deri në 30% konsumin e energjisë dhe lehtësojnë ngarkesën në rrjet.

Gjatë një inspektimi të punimeve kryetari i bashkisë Z. Gledia Llatja bashkë me drejtuesin politik të qarkut Damian Gjiknuri deklaroi se “ky është një model i ri që e kemi futur në bashkinë e Elbasani bashkë me FSHZH për kursimin e energjisë elektrike të banesave por edhe në sistemimin estetik të pallateve, si edhe një impakt i drejtëpërdrejtë i vetë banorëve”.

Aktualisht po investohet në 7 nga 16 pallate që ka blloku, një investim i kërkuar dhe i mirëpritur nga banorët.  Një nga kushtet e projektit ishte që në çdo pallat të vendosej nga një administrator, i cili të mirëmbajnë dhe administrojnë pallatet.

“Është një projekt me vlerë nga ana jonë, i cili përvec kursimit të energjisë dhe sistemimit të fasadave, rruga “Borodin Mitarja”  tashmë është bërë edhe një aks kryesor i qytetit, pasi pikërisht në këtë lagje ndodhet rruga e re drejt varrezave publike, ajo e Auto Moto Parkut, por këtë vit ne po vazhdojmë edhe një segment tjetër invetimi për ta lidhur me lagjen “Emin Matraxhiu”, Po bëhet një rrugë kryesore e qytetit nga një zonë që dikur ka qenë periferike”. Kryebashkiaku Llatja pohoi ndër të tjera se “po shohim edhe mundësinë me FSHZH që ky sistemim të mbrërrijë deri tek shkolla “Pedagogjike” ku ka një sërë blloqe pallatesh.

Duke e cilësuar si një projekt shumë frytdhënës në ekonomi, program i cili ka nisur një vit më parë, drejtuesi politik i qarkut Damian Gjiknuri vlerësoi investimin që ky program është fokusuar.

“Ky program është fokusuar tek pallatet e vjetra me fasadat e rrënuara, të cilat po kthehen në standarte bashkohore, me sensin e efiçensës së energjisë. Bashkia e Elbasanit ka bërë një punë të mirë në këtë drejtim, duke bashkëpunuar me qeverinë shqiptare përkatësisht me FSHZH duke e çuar përpara këtë investim, duke prekur të gjitha lagjet e qytetit.

 Një proçes i filluar, i mirëpritur nga banorët, premtim i dhënë elektoral i cili po zbatohet, nerativa jonë ka qenë se premtimet nuk i japim për vota por sepse janë në interes të qytetarëve, ky është standarti që ne ndjekim, ndaj përgëzoj kryetarin e bashkisë, dhe ekipin që po punon, qytetarët po ndiejnë ato që duan. Ata janë të kënaqur përtej asaj që ne të gjithë duam të kapitilazojmë politikisht, por e rëndësishme është cfarë thotë qytetari”.

Afati  i projektit ështe në muajin nëntor të këtij viti, por parashikohet që të përfundojë më herët pa ardhur stina e verës pasi punimet vijojnë me ritme të shpejta.

  • 8 Shkurt, 2024 in Lajme

Kompleksi Sportiv ” Shefqet Lamcja”, në funksion të sportistëve por edhe qytetarëve

 Kompleksi Sportiv “Shefqet Lamçja” së shpejti do jetë i pajisur me të gjithë infrastrukturën e nevojshme.  Sporti i vjetër, po kthehet në një kompleks sportiv i madh thuajse në qendër të qytetit, me kushte që po përmirësohen dita ditës.

 Gjatë një inspektimi të punimeve që vazhdojnë kryebashkiaku z. Gledian Llatja i shoqëruar nga trajneri i AF Elbasani Nevil Dede, si edhe administratori i AF Elbasani Mariglen Coku, e vuri theksin se ky investim shërben për t’i ofruar të gjitha mundësitë, si ekipit të parë ashtu edhe fëmijëve,me qëllim që të aktivizohen drejt sporteve dhe larg veseve e celularëve. 

“Këtu duhet një standart tjetër, pasi edhe ekipi vetë, ekipi i parë ku bëjnë stërvitjen sipas kërkesave tuaja duhet të kishte një tjetër stadart të fushës, por pse jo të certifikojmë dy fusha në Elbasan.

 Përvec stadiumit që e kemi të certifikuar që është edhe shtëpia e Elbasanit, e futbollit, edhe Sporti i Vjetër të marrë certifikimin e saj për të bërë ndeshje. 

Elbasani po kthehet aty ku ka qenë, atë besimin që kishim tek ekipi tashmë e ka i gjithë qyteti.

 Futbolli është sport masiv, na duhen investime të vazhdueshme”.  Duke u ndalur tek ekipi i Elbasanit, kryebashkiaku Llatja shpreh bindjen se ekipi vitin tjetër duhet të jetë në superiore, ” pasi jemi besimplotë që ekipi do të arrijë aty ku i takon Elbasanit”. Trajneri Dede e cilësoi këtë investim si një dashamirësi të kahershme të kreut të bashkisë duke shtuar se “dashamirësia dhe vullneti i mirë, i jep oksigjen komunitetit që ju drejtoni.

Unë jam i kënaqur, jam nostalgjik shumë vite përpara, por tani shoh që cdo gjë fryn një erë që ka dashuri brenda.

Sic qyteti në ekip na përcejll ne dashuri dhe mbështetje, por edhe ju si kryetar ju falenderoj”. Administratori Coku e cilësoi si të domosdoshëm këtë investim.

Kompleksi sportiv “Shefqet Lamçja” tashmë ka një hapësirë moderne që do t’i shërbejë jo vetëm ekipeve të moshave të Akademisë së Futbollit Elbasani, por dhe klasave sportive në programin e ri të masivizimit të sportit në shkolla.

 Ky kompleks është ndër më të mirët që ka qyteti, i cili i vjen ndihmë jo vetëm sportistëve të qytetit, por edhe njësive administrative, i cili tashmë do të shfrytëzohet lehtësisht.

  • 5 Shkurt, 2024 in Lajme

Urbanizim në cdo lagje, fshat dhe Njësi Administrative    

Një tjetër investim i përfunduar në fshatin Balldren të njësisë administrative Papërr. Bëhet fjalë për shtrimin e 1.8 km rrugë me asfalt e cila do t’i shërbejë 750 banorëve të fshatit Balldren.

  Fundin e punimeve i ka parë nga afër kryetari i bashkisë z. Gledian Llatja, i cili gjatë një bashkëbisedimi me banorët e vuri theksin tek premtimi që kishte bërë për rikonstruksionin e kësaj zone.

“Ky investim tani përfundoi, me një cilësi dhe një standart të mirë për t’i ardhur në shërbim të gjithë banorëve.

 Ishte një kërkesë e kahershme e banorëve të Balldrenit që të shtrohej rruga kryesore e fshatit”, tha Llatja.

Sipas tij ” janë edhe pjesë të tjera të rrugëve të brendshme, ku i gjithë fshati është urbanizuar gjatë këtyre viteve.

E rëndësishme është që premtimet që kemi dhënë po i mbajmë, të gjitha”.

Bashkia Elbasan ka nisur  një sërë investimesh gjatë kësaj kohe në Elbasan, në ujësjellës, kanalizime të ujrave të zeza, në frastrukturën rrugore.

Gjithashtu edhe projekti i madh po ecën mirë i Auto Poto Parkut me infrastruktrën lidhëse, por sipas kryebashkiakut “kryesore patjetër janë edhe përmirësimi i infrastrukturës së lagjeve, nuk janë vetëm gjërat e mëdha.

Ne përvec gjërave të mëdha po i kushtojmë një vëmëndje të madhe edhe infrastrukturës sonë të lagjeve të brendshme”, tha ai.

Balldreni është një fshat i madh dhe ndodhet shumë pranë zonës industriale me pallate të ndërtuara që në kohën kur u ndërtua ish metalurgjiku në Elbasan.

Llatja/ Do të shtojmë hapësirat e gjelbërta në të gjitha ambjentet e shkollave

Në këtë sezon mbjelljesh, që zgjat deri në muajin mars, kryetari i bashkisë z. Gledian Llatja, ka vijuar mbjelljen e pemëve në gjimnazin e Kuqanit.

Pas shkollës në Hajdaran, ku u mbollën 20 pemë,  nismës së mbjelljes së pemëve për të patur sa më shumë ambjente të gjelbërta i janë bashkuar edhe gjimnazistët e gjimnazit “Anastas Cakalli”, në Kuqan.

Llatja i bëri thirrje të gjithë qytetarëve, që të ndërrmarin nisma të tilla me qëllim që të shtojmë ambjentet e gjelbëruara anembanë.

 Në gjimnazin e Kuqanit u mbollën 20 fifdanë të rinj, duke vijuar me ritme të larta nismën për gjelbërimin e hapësirave.

Me kryeministrin Rama dhe Presidentin e FIA-s: Automoto Parku i Elbasanit, motor i ri i ekonomisë dhe turizmit

Me Kryeministrin e Shqipërisë Edi Rama , Blendi Gonxhja dhe Presidentin e FIA-s, Mohammed Ben Sulayem, diskutuam sot për super projektin e Automoto Parkut të Elbasanit, që do t’i japë Shqipërisë një zhvillim të jashtëzakonshëm në ekonomi dhe turizëm

Formula 1 dhe garat e tjera ndërkombëtare të motorizmit janë më reale se kurrë më pare.

Auto Moto Park në Elbasan shënon një hap historik për automotorizimin shqiptar dhe aktivitetet automobilistike, si dhe për promovimin e kulturës së motorsportit në Shqipëri.

Cirkuiti i parë shqiptar po ndërtohet me pistë 5.3 km dhe një sipërfaqe prej 500,000+ m² në qytetin e Elbasanit, sipas standardeve të FIA, FIM dhe CIK.

Automotoparku në Elbasan do të kthehet në një destinacion tërheqës për garuesit e huaj e do të zhvillojë turizmin dhe ekonominë vendase duke e kthyer Shqipërinë në epiqendrën e rajonit për organizimin e eventeve motorsportive.

Mbjellja e një peme në ambjente shkollash, burim oksigjeni dhe më shumë shëndet                 

Cdo pemë që mbillet në shkollë është një burim oksigjeni për nxënësit.

  Nismës së mbjelljes së pemëve për të patur sa më shumë ambjente të gjelbërta i është bashkuar edhe shkolla 9 -vjecare në Hajdaran.

Në këtë fushatë ka qenë edhe kryetari i bashkisë z. Gledian Llatja i shoqëruar nga deputetja Desantila Tahiraj. ” Bashkë me nxënësit e klasës së 9-të por edhe me më të vegjlit, e ndalëm nismën tonë në ambjentet e shkollës së Hajdaranit, për të mbjellë sa më shumë pemë, me qëllim që të kemi sa më shumë ambjente të gjelbëruara”, tha z. Llatja.

Nuk është hera e parë që në këtë shkollë mbillen pemë, por kanë qenë pikërisht nxënësit e klasës së 9- të ata të cilët e kanë ndërmarë këtë nismë në mënyrë simbolike, ku u mbollen 20- te peme kumbulle te kuqe.

Deputetja Tahiraj edhe një herë e ka vënë theksin tek fakti se cdo pemë e re e mbjellë i shërben një mjedisi më të mirë por edhe një shëndeti më të mirë”.

Bashkia e Elbasanit vijon të mbjellë pemë jo vetëm në ambjente shkollash, por edhe në qytet, në pika turistike aty ku ka pyje,si edhe në mushkërinë e qytetit, në Kodër Krastë.

BASHKIA DHE ADRA, NGREJNË QENDRËN MULTIFUNKSIONALE KRYESISHT PËR FËMIJËT E KTHYER NGA EMIGRIMI

Bashkia në bashkëpunim me Organizatën ADRA ka krijuar një qendër multifunksionale në kopështin Nr 14, i rivitalizuar tërësisht, e cila i shërben komunitetit ku përparësi u është dhënë fëmijëve të familjeve të kthyera nga emigrimi.

Qendra multifunksionale ofron për fëmijët jo vetëm programe pas shkollore, por edhe këshillime, programe punësimi, ofrimin e formimit profesinal.

 Në këtë qendër marrin shërbim 60 fëmijë kryesisht të rikthyer nga emigracioni, si edhe i ka ardhur në ndihmë komunitetit.

Kryetari i bashkisë z. Gledian Llatja bashkë me drejtusin politik të qarkut z. Damian Gjiknuri kanë parë nga afër këtë qendër multifunksionale, e cila është një ndër shumë investimet e kryera nga bashkia kryesisht në kopshte dhe sistemin parashkollor.

“Ne si bashki kemi bërë investime të vazhdueshme në shkolla të amortizuara, edhe me ndihmën e qeverisë shqiptare kemi bërë projekte dhe po vazhdojmë me implementimin e projekteve, ku kopshtet kanë qenë ato më kryesoret. Por edhe me projektet e BE dhe me organizatat e ndryshme, si në këtë rast që është ADRA në bashkëounim me GIZ për rehabilitimin e fëmijëve të emigrantëve. Kopështi Nr 14 ndodhet në një zonë informale të qytetit të Elbasanit i cili i shërben 60 fëmijëve të cilët pjesa më e madhe janë emigrantë të rikthyer në vendin e tyre. Ato duhet ta gjejnë shtëpinë e vet këtu, dhe ne po bëhemi gati që të gjejnë një ambjent me kushte sa më optimale”.

Godina në fjalë ka qenë e pa shfrytëzuar shumë pranë kopshtit dhe tashmë është kryer një rikonstruksion total i saj me termoizolim si edhe me të gjitha paisjet si edhe me këndin e lojrave i cili i shërben edhe fëmijëve të komunitetit.

Z. Llatja shtoi gjithashtu se “po i kushtojmë një vëmëndje të vecantë fëmijëve, në bashkëpunim me projekte të ndryshme por edhe me Ministrinë e Arsimit po implementojmë disa projekte për rehabilitimin e infrastrukturave tona.

 Kemi pasur projekte edhe për termoizolimet edhe në disa kopshte dhe cerdhe tona dhe duam ta bëjmë si model të mirë e ta vazhdojmë në të gjitha strukturat tona të arsimit shkollor dhe parashkollor”.

Drejtuesi politik i qarkut Damian Gjiknuri vlerësoi faktin se pjesa më e madhe e fëmijëve vijnë nga emigracioni dhe bashkia e Elbasanit i mbështet.

“Nuk isha i informuar që kishit ngritur një skemë të tillë, edhe pse një investim i vogël por që i shërben shumë familjeve sidomos atyre që kthehen nga emigracioni”, tha ai.

Qendra ofron edhe laboratorin kompjuterik ku do të ofrohen edhe kurse kompjuteri për fëmijët, si edhe është drejt përfundimit kuzhina për gatim.

Pas kësaj qendre është ngritur edhe një kënd lojrash.

Edhe vetë shoqata ADRA ka ofruar edhe punonjësit e saj social e cila merret me rastet e fëmjëve në nevojë me psikologë, me mësues, një qendër efikase.

Pastrimi i kanaleve kulluese në Bradashesh, parandaloi përmbytjet dhe i paraprin sezonit të verës                                          

 Bashkia Elbasan ka ndërmarrë një superaksion për pastrimin e kanaleve kulluese në Bradashesh,ku flota e mjeteve vazhdon punën dhe është drejt përfundimit.

Vetëm kanali i parë është 800 metra i cili prek drejtëpërdrejt dhe ndihmon në kullimin e 60 hektarë tokë bujqësore në fshatrat Recan, Karakullak, si edhe një pjesë të Bradasheshit.

Kyetari i bashkisë z. Gledian Llatja bashkë me drejtuesin politik të qarkut Damian Gjiknuri kanë parë nga afër këtë punë që po kryen bashkia e Elbasanit. Sipas z. Llatja” me këtë superaksion ne po përgatitetmi për sezonin e verës si edhe të shirave, ku paralelisht puna po vijon edhe në kanalet kulluese si edhe ato vaditëse”.

Sipas z. Llatja ” ky është një nga një sërë  projektesh që ne kemi ndërrmarë bashkë me ndërmarrjen e shërbimeve publike, ku me ndarjen e ndërmarrjes në dy pjesë i kemi dhënë një fokus të vecantë fshatit për t’i ardhur në ndihmë komuniteteve. Fokusi ka qenë dhe mbetet për ne zhvillimi ekonomik”, tha ai.

Duke e vënë theksin tek programi i qeverisë që ka dhënë mjetet të cilat janë të domosdoshme për pastrimin e kanaleve kulluese drejtuesi politik i qarkut Damian Gjiknuri pohoi se ” këto efekte po duken për mirëmbajtjen e kanaleve të cilët dhanë edhe rezultat në ditët e fundit me shumë shira, që praktikisht këto toka do të përmbyteshin.

Ndaj e vlerësoj punën e bashkisë së Elbasanit, e cila natyrshëm ndihmon edhe bashkitë e tjera të cilat nuk i kanë këto mjete dhe më vjen mirë që bashkëpunohet brenda qarkut për të bashkëpunuar me njëri tjetrin”.

Projekti “Rrugëtimi i të rinjve drejt mirëqenies, fuqizimit dhe qëndrueshmërisë”

Përshëndetje të rinj dhe të reja të Elbasanit, Cërrikut dhe Gramshit🙋‍♀️🙋

Duke ju uruar mbarësi dhe suksese në 2024, ju ftojmë të aplikoni për të rritur aftësitë tuaja sipërmarrëse, si një mënyrë efikase për të përmirësuar kushtet ekonomike dhe sociale dhe për të krijuar një të ardhme dinjitoze e të sigurtë, për veten dhe familjen tuaj 🥰

Kjo mundësi ofrohet për ju nga Projekti “Rrugëtimi i të rinjve drejt mirëqenies, fuqizimit dhe qendrueshmërisë” që “Save the Children” në Shqipëri, në partneritet me Fondacionin tonë “Ndihmë për Fëmijët” po zbaton në qarkun tuaj.

Nëse je 18 – 23 vjec e dëshiron dhe ke ëndërr të bëhesh sipërmarrës, ti bëj hapin e parë duke aplikuar dhe së bashku do hedhim hapa të tjerë!

VINI RE! AFATI PER TE APLIKUAR ESHTE DERI NE DATEN 31 JANAR 2024!

SavetheChildrenAlbania #fondacionindihmeperfemijet #BashkiaElbasan #BashkiaCerrik #BashkiaGramsh

Linku për të aplikuar 👇

https://forms.gle/ZsqxAAS75w4U5c518

KONFERENCA PËR PARANDALIMIN E EKSTREMIZMIT TË DHUNSHËM, FUQIZON MEKANIZMAT VENDORË SHUMËAKTORIAL

Instituti për Demokraci dhe Ndërmjetësim (IDM), ka organizuar konferencën kombëtare “Qasja multidisiplinare në parandalimin e ekstremizmit të dhunshëm dhe proceset riintegruese”, ku janë ftuar të marrin pjesë edhe kryetari i bashkisë z. Gledian Llatja, si edhe Drejtuesi i Prokurorisë pranë Gjykatës së Shkallës së Parë Elbasan z. Kreshnik Ajazi dhe Drejtuesi i Drejtorisë Vendore të Policisë z. Ilir Proda

 Konferenca u fokusua nё rёndёsinё e qasjes sё integruar multidisiplinare dhe shumaktoriale në parandalimin e ekstremizmit të dhunshëm (EDH), ofrimin e shërbimeve R&R për të kthyerit nga zonat e konfliktit si dhe rritjen e kohezionit social. Në këtë kuadër, Këshilli Vendor i Sigurisë Publike (KVSP), mbart potencialin për të qënë një ndër mekanizmat vendor më efikas për adresimin e kërcënimeve të sigurisë publike në nivel vendor. Ndaj edhe kryetari i bashkisë z. Gledian Llatja prezantoi punën dhe rolin e Këshillit Vendor të Sigurisë Publike (KVSP) në adresimin e sfidave të sigurisë publike.

Ai e vuri theksin tek rëndësia e të kuptuarit të përbashkët të kontekstit të qytetit (problematikat më shqetësuese, kërcënimet në nivel lokal si edhe prioritizimi i tyre).

“Nuk ka sfidë më të madhe me të cilën përballemi ne sot se sa ajo e sigurisë publike. Njëkohësisht, të jesh kryetar i një bashkie do të thotë të përballesh me shumë sfida të ndërlikuara. Për të adresuar sa më mirë sfidat ne punojmë në partneritet me të gjithë aktorët lokalë e përtej.

Një nga mënyrat se si ne punojmë është nëpërmjet Mekanizmit të Këshillit Vendor të Sigurisë Publike, i cili u ngrit për herë të parë në qytetin e Elbasanit në vitin 2016. Ky mekanizëm bashkon aktorët publikë e jo publikë me synimin e përbashkët për të sjellë ndryshime të vërteta.

Kjo përpjekje kolektive, e nxitur nga perspektiva dhe ekspertiza të ndryshme, hap rrugën për zgjidhje gjithëpërfshirëse për sfidat komplekse të komunitetit.

Kjo qasje pranon se siguria nuk është përgjegjësi e një institucioni të vetëm, por përkundrazi, është një përpjekje e përbashkët”, tha z. Llatja.

Eksperienca e deritanishme ka treguar se njё qasje e integruar shumaktoriale nё nivel vendor do të ishte efektive jo vetëm në adresimin e kërcënimeve tradicionale që kanë të bëjnë me zbatimin e ligjit dhe sigurisё publike, por edhe mё tej edhe me parandalimin e fenomene të tjera negative si radikalizmi dhe EDH.

Ndaj dhe kjo konferencë do të shërbejë si një mundësi për shkëmbimin e përvojave, praktikave pozitive dhe mësimet e nxjerra mes profesionistëve të vijës së parë dhe institucioneve vendore në lidhje me fuqizimin e mekanizmave vendor shumaktorial.